इति श्रीपाञ्चरात्र विष्वक्सेनसंहितायां शिलासंग्रहणविधिर्नाम चतुर्थो ऽध्यायः ॥ पञ्चमो ऽध्यायः पञ्चमो ऽध्यायः विष्वक्सेनः--- अथातःसंप्रवक्ष्यामि शूलस्थापनमुत्तमम् । स्थापयेत् प्रतिमाशूलं रत्नन्यासस्य चो(स्तथो?)परि
iti śrīpāñcarātra viṣvaksenasaṃhitāyāṃ śilāsaṃgrahaṇavidhirnāma caturtho 'dhyāyaḥ || pañcamo 'dhyāyaḥ pañcamo 'dhyāyaḥ viṣvaksenaḥ--- athātaḥsaṃpravakṣyāmi śūlasthāpanamuttamam / sthāpayet pratimāśūlaṃ ratnanyāsasya co(statho?)pari
Sanskrit only: no published translation is held for this verse.
खदिरादीनि गृह्णीयात् याज्ञिकानि विशेषतः । तल्लक्षणं प्रवक्ष्यामि शृणु पूर्वं शचीपते
khadirādīni gṛhṇīyāt yājñikāni viśeṣataḥ / tallakṣaṇaṃ pravakṣyāmi śṛṇu pūrvaṃ śacīpate
Sanskrit only: no published translation is held for this verse.
पञ्चोत्तरद्विपञ्चाशत् सपादं(अङ्गुलं?)शूलमुच्पते । रहितं वृक्षदोषैस्तु मितमङ्गुलिभिः क्रमात्
pañcottaradvipañcāśat sapādaṃ(aṅgulaṃ?)śūlamucpate / rahitaṃ vṛkṣadoṣaistu mitamaṅgulibhiḥ kramāt
Sanskrit only: no published translation is held for this verse.
द्विषट्कद्व्यङ्गुलयुतं मुखं प्रोक्तं प्रमाणतः । भागः सपादकं वा स्यादधस्तात् सप्तविंशतिः
dviṣaṭkadvyaṅgulayutaṃ mukhaṃ proktaṃ pramāṇataḥ / bhāgaḥ sapādakaṃ vā syādadhastāt saptaviṃśatiḥ
Sanskrit only: no published translation is held for this verse.
नाभेरधोमुखं प्रोक्तमर्धाङ्गुलिसमायुतम् । ऊरुदण्डस्य चायामः पञ्चविंशाङ्गुलो भवेत्
nābheradhomukhaṃ proktamardhāṅgulisamāyutam / ūrudaṇḍasya cāyāmaḥ pañcaviṃśāṅgulo bhavet
Sanskrit only: no published translation is held for this verse.
भागःसपादं जानुः स्यात् जङ्घा चोरुसमायुता । गोलकद्वयमुद्दिष्टमधस्ताद्द्व्यन्तरं तथा
bhāgaḥsapādaṃ jānuḥ syāt jaṅghā corusamāyutā / golakadvayamuddiṣṭamadhastāddvyantaraṃ tathā
Sanskrit only: no published translation is held for this verse.
वक्षोदण्डस्य विस्तारः पञ्चविंशाङ्गुलो भवेत् । कटिदण्डस्य विस्तारः षोडशाङ्गुल उच्यते
vakṣodaṇḍasya vistāraḥ pañcaviṃśāṅgulo bhavet / kaṭidaṇḍasya vistāraḥ ṣoḍaśāṅgula ucyate
Sanskrit only: no published translation is held for this verse.
आयामो बाहुदण्डस्य पञ्चविंशाङ्गुलो भवेत् । आयामो ऽपरबाह्वोस्तु भवेत् सप्तदशाङ्गुलम्
āyāmo bāhudaṇḍasya pañcaviṃśāṅgulo bhavet / āyāmo 'parabāhvostu bhavet saptadaśāṅgulam
Sanskrit only: no published translation is held for this verse.
मणिबन्धः कलायामो बन्धकान् प्रतिमस्करम् । आयामो मध्यमाङ्गुल्यां पञ्चाङ्गुल इति स्मृतः
maṇibandhaḥ kalāyāmo bandhakān pratimaskaram / āyāmo madhyamāṅgulyāṃ pañcāṅgula iti smṛtaḥ
Sanskrit only: no published translation is held for this verse.
एतत्प्रमाणं शूलं स्यात् उक्तमन्यन्निरीक्ष्यते(तु?) । देवीनां तु शचीनाथ शूलानुक्तान् प्रयोजयेत्
etatpramāṇaṃ śūlaṃ syāt uktamanyannirīkṣyate(tu?) / devīnāṃ tu śacīnātha śūlānuktān prayojayet
Sanskrit only: no published translation is held for this verse.
शिल्पशास्त्रानुसारेण कारयेच्छूललक्षणम्(मुत्तमम्?) । शूलमृत्पटरज्वादिजीर्णं चेत्तु शचीपते
śilpaśāstrānusāreṇa kārayecchūlalakṣaṇam(muttamam?) / śūlamṛtpaṭarajvādijīrṇaṃ cettu śacīpate
Sanskrit only: no published translation is held for this verse.
पुनरन्यत् समुत्पाद्य पूर्वोक्तेनैव कारयेत् । हीनाधिकं न कर्तव्यं जीर्णदण्डवदाचरेत्
punaranyat samutpādya pūrvoktenaiva kārayet / hīnādhikaṃ na kartavyaṃ jīrṇadaṇḍavadācaret
Sanskrit only: no published translation is held for this verse.
एवमेतन्मया प्रोक्तं, जीर्णोद्धारणकर्मणि । युक्त्या युक्तिविशेषेण क्रियते ऽस्मिन्नतन्द्रितैः
evametanmayā proktaṃ, jīrṇoddhāraṇakarmaṇi / yuktyā yuktiviśeṣeṇa kriyate 'sminnatandritaiḥ
Sanskrit only: no published translation is held for this verse.
शूलाधिवासनादीनि प्रवक्ष्यामि शचीपते । शृणुष्वैकाग्रचित्तेन विविक्तेन मयाधुना(?)
śūlādhivāsanādīni pravakṣyāmi śacīpate / śṛṇuṣvaikāgracittena viviktena mayādhunā(?)
Sanskrit only: no published translation is held for this verse.
प्रासादस्याग्रतः कुर्यात् मण्डपं चतुरश्रकम् । चतुर्द्वारसमायुक्तं चतुस्तोरणभूषितम्
prāsādasyāgrataḥ kuryāt maṇḍapaṃ caturaśrakam / caturdvārasamāyuktaṃ catustoraṇabhūṣitam
Sanskrit only: no published translation is held for this verse.
वितानवस्त्रसंछन्नमलंकारैरलंकृतम् । पञ्चोत्तरशतं हस्तं विस्तारं तावदेव तु
vitānavastrasaṃchannamalaṃkārairalaṃkṛtam / pañcottaraśataṃ hastaṃ vistāraṃ tāvadeva tu
Sanskrit only: no published translation is held for this verse.
तन्मध्ये वेदिकां कृत्वा दशतालप्रमाणतः । दशहस्तं भवेद्वापि द्वादशं वा शचीपते
tanmadhye vedikāṃ kṛtvā daśatālapramāṇataḥ / daśahastaṃ bhavedvāpi dvādaśaṃ vā śacīpate
Sanskrit only: no published translation is held for this verse.
तन्मण्डपं(द्वेदिकां?)त्रिधा कृत्वा मध्ये वेदिं तु कारयेत् । दशतालविहीनेन (प्रमाणेन) कारयेद्वेदिमुत्तमाम्
tanmaṇḍapaṃ(dvedikāṃ?)tridhā kṛtvā madhye vediṃ tu kārayet / daśatālavihīnena (pramāṇena) kārayedvedimuttamām
Sanskrit only: no published translation is held for this verse.
तालद्वयोच्छ्रितां वेदिं दर्पणोदरसंनिभाम् । वेदिकां क्रमशः कृत्वा सम्यक्कुण्डानि कल्पयेत्
tāladvayocchritāṃ vediṃ darpaṇodarasaṃnibhām / vedikāṃ kramaśaḥ kṛtvā samyakkuṇḍāni kalpayet
Sanskrit only: no published translation is held for this verse.
चतुस्तालं त्रितालं वा दूरीभूतानि सर्वशः । वेदिकायां तु परितः चतुरश्रादि कल्पयेत्
catustālaṃ tritālaṃ vā dūrībhūtāni sarvaśaḥ / vedikāyāṃ tu paritaḥ caturaśrādi kalpayet
Sanskrit only: no published translation is held for this verse.
स्थण्डिले वा प्रकर्तव्यं शूलस्थापनकर्मणि । कृत्वैवं मण्डपं सम्यक् प्रपां वास्मिन् समाचरेत्
sthaṇḍile vā prakartavyaṃ śūlasthāpanakarmaṇi / kṛtvaivaṃ maṇḍapaṃ samyak prapāṃ vāsmin samācaret
Sanskrit only: no published translation is held for this verse.
अङ्कुरार्पणपूर्वं तु स्थापयेच्छूलमुत्तमम् । शुलादि देवदेवीत्वाप्यूहं कृत्वा क्रमेण तु
aṅkurārpaṇapūrvaṃ tu sthāpayecchūlamuttamam / śulādi devadevītvāpyūhaṃ kṛtvā krameṇa tu
Sanskrit only: no published translation is held for this verse.
त्रिरात्रमेकरात्रं वा जलवासं प्रकल्पयेत् । जलाधिवासनं गुह्यं शृणु शक्र शचीपते
trirātramekarātraṃ vā jalavāsaṃ prakalpayet / jalādhivāsanaṃ guhyaṃ śṛṇu śakra śacīpate
Sanskrit only: no published translation is held for this verse.
नद्यां वाथ तटाके वा निर्झरे वा शचीपते । समुद्रगामिनी नद्यां(?)जलवासं समाचरेत्
nadyāṃ vātha taṭāke vā nirjhare vā śacīpate / samudragāminī nadyāṃ(?)jalavāsaṃ samācaret
Sanskrit only: no published translation is held for this verse.
तस्मिन्मनोरमे तीरे संस्थाप्य हरिमव्ययम् । शूलमध्ये हरिं ध्यात्वा साधकः परमार्थवित्
tasminmanorame tīre saṃsthāpya harimavyayam / śūlamadhye hariṃ dhyātvā sādhakaḥ paramārthavit
Sanskrit only: no published translation is held for this verse.
केवलं लोहबिम्बं वा स्थापयेत् साधकोत्तमः । अर्घ्यपाद्यादिनाभ्यर्च्य न्यासकर्म समारभेत्
kevalaṃ lohabimbaṃ vā sthāpayet sādhakottamaḥ / arghyapādyādinābhyarcya nyāsakarma samārabhet
Sanskrit only: no published translation is held for this verse.
अष्टाक्षरं महामन्त्रं ज्ञात्वा मन्त्रविचक्षणः । न्यासं कृत्वा स्वदेहे तु पश्चाद्देवे न्यसेत् क्रमात्
aṣṭākṣaraṃ mahāmantraṃ jñātvā mantravicakṣaṇaḥ / nyāsaṃ kṛtvā svadehe tu paścāddeve nyaset kramāt
Sanskrit only: no published translation is held for this verse.
सृष्टिन्यासं न्यसेत्तस्मिन् संहारं न स्मरेदिह । षडक्षरं न्यसेद्धीमान् स्थितिन्यासं न्यसेत् क्रमात्
sṛṣṭinyāsaṃ nyasettasmin saṃhāraṃ na smarediha / ṣaḍakṣaraṃ nyaseddhīmān sthitinyāsaṃ nyaset kramāt
Sanskrit only: no published translation is held for this verse.
देवाग्रे तु ततो भूमिं गोमयेनानुलेपयेत् । तन्मध्ये शालीनास्तीर्य चाष्टपत्राब्जकं लिखेत्
devāgre tu tato bhūmiṃ gomayenānulepayet / tanmadhye śālīnāstīrya cāṣṭapatrābjakaṃ likhet
Sanskrit only: no published translation is held for this verse.
पञ्चगव्यं न्यसेन्मध्ये कर्णिकायां शचीपते । पूर्वे गन्धोदकं न्यस्य दक्षिणे पुष्पतोयकम्
pañcagavyaṃ nyasenmadhye karṇikāyāṃ śacīpate / pūrve gandhodakaṃ nyasya dakṣiṇe puṣpatoyakam
Sanskrit only: no published translation is held for this verse.
पश्चिमे नालिकेराम्भः चोत्तरे तु कुशोदकम् । आग्नेय्यां दधि विन्यस्य नैऋते क्षीरमेव च
paścime nālikerāmbhaḥ cottare tu kuśodakam / āgneyyāṃ dadhi vinyasya naiṛte kṣīrameva ca
Sanskrit only: no published translation is held for this verse.
वायव्ये मङ्गलोदं तु ऐशाने तु यवोदकम् । एवं तु नवकं चाब्जमध्ये संस्थापयेत् क्रमात्
vāyavye maṅgalodaṃ tu aiśāne tu yavodakam / evaṃ tu navakaṃ cābjamadhye saṃsthāpayet kramāt
Sanskrit only: no published translation is held for this verse.
पद्मस्य परितश्चाष्टौ लोकपालान् प्रकल्पयेत् । प्रत्येकं कलशस्यान्तः तोयं संस्थापयेत्क्रमात्
padmasya paritaścāṣṭau lokapālān prakalpayet / pratyekaṃ kalaśasyāntaḥ toyaṃ saṃsthāpayetkramāt
Sanskrit only: no published translation is held for this verse.
नववस्त्रैश्च संछाद्य कलशानां तथोपरि । प्रत्येकैकं त्रिभिर्वापि नववस्त्रं शचीपते
navavastraiśca saṃchādya kalaśānāṃ tathopari / pratyekaikaṃ tribhirvāpi navavastraṃ śacīpate
Sanskrit only: no published translation is held for this verse.
पुण्याहं वाचयित्वा तु स्वस्तिसूक्तं तथोच्चरेत् । गन्धपुष्पादिनाभ्यर्च्य स्वनाम्ना मन्त्रवित्तमः
puṇyāhaṃ vācayitvā tu svastisūktaṃ tathoccaret / gandhapuṣpādinābhyarcya svanāmnā mantravittamaḥ
Sanskrit only: no published translation is held for this verse.
स्मरन् नारायणं पश्चात् स्नापयेत् क्रमयोगतः । पञ्चगव्यादिकलशान् पूर्ववत् परमेष्ठिना
smaran nārāyaṇaṃ paścāt snāpayet kramayogataḥ / pañcagavyādikalaśān pūrvavat parameṣṭhinā
Sanskrit only: no published translation is held for this verse.
पुष्पमाल्यैरलंकृत्य चित्रवस्त्रैस्तु वेष्टयेत् । गन्धपुष्पादिनाभ्यर्च्य स्मरन् नारायणं प्रभुम्
puṣpamālyairalaṃkṛtya citravastraistu veṣṭayet / gandhapuṣpādinābhyarcya smaran nārāyaṇaṃ prabhum
Sanskrit only: no published translation is held for this verse.
जलमध्ये प्रपां कृत्वा वितानैरुपशोभिताम् । सप्तहस्तसमां वापि पञ्चहस्तसमां तु वा
jalamadhye prapāṃ kṛtvā vitānairupaśobhitām / saptahastasamāṃ vāpi pañcahastasamāṃ tu vā
Sanskrit only: no published translation is held for this verse.
दर्भसूत्रैस्तु संवेष्ट्य पुनर्माल्यैस्तु वेष्टयेत् । चतुर्हस्तं तु देवेन्द्र विस्तारायामतादृशम्(तः समम्?)
darbhasūtraistu saṃveṣṭya punarmālyaistu veṣṭayet / caturhastaṃ tu devendra vistārāyāmatādṛśam(taḥ samam?)
Sanskrit only: no published translation is held for this verse.
दर्भमालासमायुक्तं मुक्तादामैरलंकृतम्(मभिरन्वितम्?) । पुष्पमाल्यैरलंकृत्य पताकैरुपशसोभितम्
darbhamālāsamāyuktaṃ muktādāmairalaṃkṛtam(mabhiranvitam?) / puṣpamālyairalaṃkṛtya patākairupaśasobhitam
Sanskrit only: no published translation is held for this verse.
एवं प्रपामलंकृत्य तन्मध्ये चासनं न्यसेत् । चतुष्पादसमायुक्तं काष्ठासनमनुत्तमम्
evaṃ prapāmalaṃkṛtya tanmadhye cāsanaṃ nyaset / catuṣpādasamāyuktaṃ kāṣṭhāsanamanuttamam
Sanskrit only: no published translation is held for this verse.
तन्मध्ये देवमावाह्य क्षीरार्णवमनुस्मरन् । शाययेत्तु शचीनाथ मूर्तिमन्त्रेण मन्त्रवित्
tanmadhye devamāvāhya kṣīrārṇavamanusmaran / śāyayettu śacīnātha mūrtimantreṇa mantravit
Sanskrit only: no published translation is held for this verse.
प्राक्शीर्षं वा[पिटदेवेन्द्र दक्षिणे वाथ शाययेत् । पञ्चोपनिषदं ज्ञात्वा आचार्यस्तन्त्रपारगः
prākśīrṣaṃ vā[piṭadevendra dakṣiṇe vātha śāyayet / pañcopaniṣadaṃ jñātvā ācāryastantrapāragaḥ
Sanskrit only: no published translation is held for this verse.
पुरुषेण ततो गन्धपुष्पाद्यैरर्चयेद्धरिम् । लोकपालाष्टकलशान् देवस्य परितो न्यसेत्
puruṣeṇa tato gandhapuṣpādyairarcayeddharim / lokapālāṣṭakalaśān devasya parito nyaset
Sanskrit only: no published translation is held for this verse.
स्वनाम्ना पूजयेत् सर्वानिन्द्रादिक्रमयोगतः । प्रणवादिनमोन्तेन घण्टाशब्दसमन्वितम्
svanāmnā pūjayet sarvānindrādikramayogataḥ / praṇavādinamontena ghaṇṭāśabdasamanvitam
Sanskrit only: no published translation is held for this verse.
गन्धा(अर्घ्या?)दिदीपपर्यन्तं साधकः परमार्थवित् । तां प्रपां परितश्चाष्टदिग्बलिं कारयेत् क्रमात्
gandhā(arghyā?)didīpaparyantaṃ sādhakaḥ paramārthavit / tāṃ prapāṃ paritaścāṣṭadigbaliṃ kārayet kramāt
Sanskrit only: no published translation is held for this verse.
अनेन लोकपालांस्तु स्मरंस्तन्त्रविदां वरः । गन्धपुष्पादिनाभ्यर्च्य उक्तमन्येन (न्यच्च?)कारयेत्
anena lokapālāṃstu smaraṃstantravidāṃ varaḥ / gandhapuṣpādinābhyarcya uktamanyena (nyacca?)kārayet
Sanskrit only: no published translation is held for this verse.
शचीपते मया प्रोक्तो जलवासविधिः क्रमात् । अपरे ऽहनि देवेन्द्र अपराह्णे समाहितः
śacīpate mayā prokto jalavāsavidhiḥ kramāt / apare 'hani devendra aparāhṇe samāhitaḥ
Sanskrit only: no published translation is held for this verse.
जलादुत्तीर्य तन्त्रज्ञः शङ्खभेर्यादिभिः सह । संपूजयेत्तयो देवमलंकृत्य स्रगादिभिः
jalāduttīrya tantrajñaḥ śaṅkhabheryādibhiḥ saha / saṃpūjayettayo devamalaṃkṛtya sragādibhiḥ
Sanskrit only: no published translation is held for this verse.
मण्डपेशानभागे तु स्थापयेत् स्नानमण्डपे । स्नपनं विधिवत् कृत्वा गन्धाद्यैरर्चयेत् क्रमात्
maṇḍapeśānabhāge tu sthāpayet snānamaṇḍape / snapanaṃ vidhivat kṛtvā gandhādyairarcayet kramāt
Sanskrit only: no published translation is held for this verse.
उत्तरे ऽस्मिन् मया प्रोक्तं तन्त्रे तु स्नपनं क्रमात् । तत्क्रमं स्नापयित्वा तु कल्पयेच्छयनं क्रमात्
uttare 'smin mayā proktaṃ tantre tu snapanaṃ kramāt / tatkramaṃ snāpayitvā tu kalpayecchayanaṃ kramāt
Sanskrit only: no published translation is held for this verse.
शयनं कल्पयित्वा तु शाययेच्छूलसंचयम् । तन्मध्ये देवशूलं तु देवीशूलं तु पार्श्वयोः
śayanaṃ kalpayitvā tu śāyayecchūlasaṃcayam / tanmadhye devaśūlaṃ tu devīśūlaṃ tu pārśvayoḥ
Sanskrit only: no published translation is held for this verse.
वस्त्रैः संछादयेच्छूलान् गन्धपुष्पैः समर्चयेत् । सूक्तेन पु(पौ?) रुषेणैव सृष्टिन्यासं ततो न्यसेत्
vastraiḥ saṃchādayecchūlān gandhapuṣpaiḥ samarcayet / sūktena pu(pau?) ruṣeṇaiva sṛṣṭinyāsaṃ tato nyaset
Sanskrit only: no published translation is held for this verse.
संहारो नेष्यते तस्मिन् तत्वानि विनियोजये । मूलप्रकृतिमहदहङ्काराकाशवायुवह्णिवारिवसुन्धरावाक्पाणिपादपायूपस्थश्रोत्रत्वक्चक्षुर्जिह्वाघ्राणमनःप्राणापानव्यानोदानसमानजीवाः पञ्चविंशतितत्त्वानि । एवं तत्त्वानि विन्यस्य तन्नामानि नियोजयेत्
saṃhāro neṣyate tasmin tatvāni viniyojaye / mūlaprakṛtimahadahaṅkārākāśavāyuvahṇivārivasundharāvākpāṇipādapāyūpasthaśrotratvakcakṣurjihvāghrāṇamanaḥprāṇāpānavyānodānasamānajīvāḥ pañcaviṃśatitattvāni | evaṃ tattvāni vinyasya tannāmāni niyojayet
Sanskrit only: no published translation is held for this verse.
ततस्तु वेदिकायां तु पूर्वादिक्रमयोगतः । स्थापयेत् पूर्णकुम्भांस्तु धान्यराशौ समाहितः
tatastu vedikāyāṃ tu pūrvādikramayogataḥ / sthāpayet pūrṇakumbhāṃstu dhānyarāśau samāhitaḥ
Sanskrit only: no published translation is held for this verse.
वराहादीन् समभ्यर्च्य स्वनाम्नाष्टदले(घटे) षु च । नेष्यते वेदिकायां तु ब्रह्मकुम्भाधिवासनम्
varāhādīn samabhyarcya svanāmnāṣṭadale(ghaṭe) ṣu ca / neṣyate vedikāyāṃ tu brahmakumbhādhivāsanam
Sanskrit only: no published translation is held for this verse.
न्यासभेदानि सर्वाणि अनुक्तं न स्मरेदिह । अर्घ्यपाद्यादिनाभ्यर्च्य स्मरन्नारायणं हरिम्
nyāsabhedāni sarvāṇi anuktaṃ na smarediha / arghyapādyādinābhyarcya smarannārāyaṇaṃ harim
Sanskrit only: no published translation is held for this verse.
वासुदेवादिमूर्तीनां पूर्वादिक्रमयोगतः । कुण्डे वा स्थण्डिले वापि जुहुयुर्मूर्तिपाः पृथक्
vāsudevādimūrtīnāṃ pūrvādikramayogataḥ / kuṇḍe vā sthaṇḍile vāpi juhuyurmūrtipāḥ pṛthak
Sanskrit only: no published translation is held for this verse.
समिदाज्येन चरुणा अष्टोत्तरशतं क्रमात् । मधुना पयसा दध्ना हूयतेन (जुहुयाच्च?) घृतेन च
samidājyena caruṇā aṣṭottaraśataṃ kramāt / madhunā payasā dadhnā hūyatena (juhuyācca?) ghṛtena ca
Sanskrit only: no published translation is held for this verse.
सूक्तेन पौरुषणैव पूर्वादिक्रमयोगतः । कुण्डे कुण्डे तु कर्तव्यं (कुर्याच्च?) प्रत्येकं षोडशाहुतीः
sūktena pauruṣaṇaiva pūrvādikramayogataḥ / kuṇḍe kuṇḍe tu kartavyaṃ (kuryācca?) pratyekaṃ ṣoḍaśāhutīḥ
Sanskrit only: no published translation is held for this verse.
पूर्णाहुतिं ततो हुत्वा होममस्मिन् समापयेत् । पायसं कृसरं गौऌयं देवेशाय निवेदयेत्
pūrṇāhutiṃ tato hutvā homamasmin samāpayet / pāyasaṃ kṛsaraṃ gauḷyaṃ deveśāya nivedayet
Sanskrit only: no published translation is held for this verse.
शङ्खदुन्दुभिनिर्घोषं तस्मिन् काले नियोजयेत् । रक्षार्थं हविषास्त्रेण चाष्टदिग्बलिमाचरेत्
śaṅkhadundubhinirghoṣaṃ tasmin kāle niyojayet / rakṣārthaṃ haviṣāstreṇa cāṣṭadigbalimācaret
Sanskrit only: no published translation is held for this verse.
घण्टाशब्दसमोपेतं शङ्खदुन्दुभि घोषयेत् । ततस्तु नववस्त्रैश्च वेष्टयेदुपरि क्रमात्
ghaṇṭāśabdasamopetaṃ śaṅkhadundubhi ghoṣayet / tatastu navavastraiśca veṣṭayedupari kramāt
Sanskrit only: no published translation is held for this verse.
गन्धपुष्पं विनिक्षिप्य प्रणम्याञ्जलिमुद्रया । रात्रिशेषं नयेत् गेयनृत्तवीणादिभिः क्रमात्
gandhapuṣpaṃ vinikṣipya praṇamyāñjalimudrayā / rātriśeṣaṃ nayet geyanṛttavīṇādibhiḥ kramāt
Sanskrit only: no published translation is held for this verse.
प्रभातायां तु शर्वर्यामाचार्यः स्नानमाचरेत् । ऊर्ध्वपुण्ड्रं क्रमात् कृत्वा वस्त्रालंकारभूषितः
prabhātāyāṃ tu śarvaryāmācāryaḥ snānamācaret / ūrdhvapuṇḍraṃ kramāt kṛtvā vastrālaṃkārabhūṣitaḥ
Sanskrit only: no published translation is held for this verse.
मूर्तिपैःसह चोत्थाय शूलमूलमनुस्मरन् । अर्घ्यपाद्यादिनाभ्यर्च्य हाविरस्मिन्न (स्मैप्र?) दापेयत्
mūrtipaiḥsaha cotthāya śūlamūlamanusmaran / arghyapādyādinābhyarcya hāvirasminna (smaipra?) dāpeyat
Sanskrit only: no published translation is held for this verse.
वेश्वमप्रदक्षिणं कुर्वन् गर्भागारं प्रवेशयेत् । आचार्यः स्थापयेच्छूलं ततस्तु परमेष्ठिना
veśvamapradakṣiṇaṃ kurvan garbhāgāraṃ praveśayet / ācāryaḥ sthāpayecchūlaṃ tatastu parameṣṭhinā
Sanskrit only: no published translation is held for this verse.
देवीशूलं तु संस्थाप्य स्वनाम्नास्मिन् श्रियादिना । वेदान् सस्वरमुद्धृत्य काले तस्मिन् समुच्चरेत्
devīśūlaṃ tu saṃsthāpya svanāmnāsmin śriyādinā / vedān sasvaramuddhṛtya kāle tasmin samuccaret
Sanskrit only: no published translation is held for this verse.
वाराहादीनि चावाह्य शूलाग्रे सेचयेत् क्रमात् । आसनं च ततः पुंसा विश्वेन शयनं ततः
vārāhādīni cāvāhya śūlāgre secayet kramāt / āsanaṃ ca tataḥ puṃsā viśvena śayanaṃ tataḥ
Sanskrit only: no published translation is held for this verse.
निवृत्या यानकं चापि सिञ्चेत्तन्मूर्ध्नि(र्ति?) धारकः । मूर्धादिपादपर्यन्तं वाराहादीननुक्रमात्
nivṛtyā yānakaṃ cāpi siñcettanmūrdhni(rti?) dhārakaḥ / mūrdhādipādaparyantaṃ vārāhādīnanukramāt
Sanskrit only: no published translation is held for this verse.
विन्यसेच्छूल (लं?) देहे तु स्वनाम्ना च पृथक्पृथम् । सहैव स्थापयेच्छूलं श्रीपुष्ट्योर्देवपार्श्वयोः
vinyasecchūla (laṃ?) dehe tu svanāmnā ca pṛthakpṛtham / sahaiva sthāpayecchūlaṃ śrīpuṣṭyordevapārśvayoḥ
Sanskrit only: no published translation is held for this verse.
चित्रार्धं शेलदारुभ्यां साङ्गोपाङ्गसमायुतम् । कारयेत् प्रतिमां तत्र स्थापयेच्छूलवत् पुरा
citrārdhaṃ śeladārubhyāṃ sāṅgopāṅgasamāyutam / kārayet pratimāṃ tatra sthāpayecchūlavat purā
Sanskrit only: no published translation is held for this verse.
वस्त्रं तत्र नवं स्निग्धं नीलरोमादिवर्जितम् । संगृह्य प्रणवेनैव छादयेत् प्रतिमोपरि
vastraṃ tatra navaṃ snigdhaṃ nīlaromādivarjitam / saṃgṛhya praṇavenaiva chādayet pratimopari
Sanskrit only: no published translation is held for this verse.
वर्णं तत्कारयेद्विद्वान् यद्यत् पूर्वानुरूपतः । पुनःसंस्थापनं कृत्वा स्थापनाशास्त्रतः क्रमात्
varṇaṃ tatkārayedvidvān yadyat pūrvānurūpataḥ / punaḥsaṃsthāpanaṃ kṛtvā sthāpanāśāstrataḥ kramāt
Sanskrit only: no published translation is held for this verse.
शूलमस्थिमवेत्तस्मिन् रज्जुस्तत्र सिरा भवेत् । मृण्मासं त्वक्पटं तत्र शरीरवदिदं स्मृतम्
śūlamasthimavettasmin rajjustatra sirā bhavet / mṛṇmāsaṃ tvakpaṭaṃ tatra śarīravadidaṃ smṛtam
Sanskrit only: no published translation is held for this verse.
यथा शरीरे संकल्प्य चतुष्षष्टि सिरास्तथा । नारिकेले(ल?)त्वचःसारं गृह्णीयाद्रज्जुकर्मणि
yathā śarīre saṃkalpya catuṣṣaṣṭi sirāstathā / nārikele(la?)tvacaḥsāraṃ gṛhṇīyādrajjukarmaṇi
Sanskrit only: no published translation is held for this verse.
शूले पाशाः प्रकर्तव्याः तत्कर्मकशलैः शुभैः । एवं रज्जुमयं कृत्वा सर्वाङ्गेषु सुवेष्टयेत्
śūle pāśāḥ prakartavyāḥ tatkarmakaśalaiḥ śubhaiḥ / evaṃ rajjumayaṃ kṛtvā sarvāṅgeṣu suveṣṭayet
Sanskrit only: no published translation is held for this verse.
संक्षेपात् कथितं रज्जुबन्धनं परमं शुभम् । एवं कृत्वा यथान्यायं शूलस्थापनमुत्तमम्
saṃkṣepāt kathitaṃ rajjubandhanaṃ paramaṃ śubham / evaṃ kṛtvā yathānyāyaṃ śūlasthāpanamuttamam
Sanskrit only: no published translation is held for this verse.
आचार्यं पूजयेत् पश्चात् धनैःकनककुण्डलैः । शिल्पिनं पूजयेत् पश्चात् तथैव नववस्त्रकैः
ācāryaṃ pūjayet paścāt dhanaiḥkanakakuṇḍalaiḥ / śilpinaṃ pūjayet paścāt tathaiva navavastrakaiḥ
Sanskrit only: no published translation is held for this verse.
दैवज्ञं पूजयेत् पूर्वं वस्त्रहेमाङ्गुलीयकैः । ब्राह्मणान् भोजयेत् पश्चात् वैष्णवान् वेदपारगान्
daivajñaṃ pūjayet pūrvaṃ vastrahemāṅgulīyakaiḥ / brāhmaṇān bhojayet paścāt vaiṣṇavān vedapāragān
Sanskrit only: no published translation is held for this verse.