वितर्कश् चित्तस्यालम्बने स्थूल आभोगः। सूक्ष्मो विचारः। आनन्दो ह्लादः। एकात्मिका संविद् अस्मिता। तत्र प्रथमश् चतुष्टयानुगतः समाधिः सवितर्कः। द्वितीयो वितर्कविकलः सविचारः। तृतीयो विचारविकलः सानन्दः। चतुर्थस् तद्विकलो ऽस्मितामात्र इति। सर्व एते सालम्बनाः समाधयः। १।१७ अथासंप्रज्ञातः समाधिः किमुपायः किंस्वभावो वेति -- विरामप्रत्ययाभ्यासपूर्वः संस्कारशेषो ऽन्यः
vitarkaś cittasyālambane sthūla ābhogaḥ. sūkṣmo vicāraḥ. ānando hlādaḥ. ekātmikā saṃvid asmitā. tatra prathamaś catuṣṭayānugataḥ samādhiḥ savitarkaḥ. dvitīyo vitarkavikalaḥ savicāraḥ. tṛtīyo vicāravikalaḥ sānandaḥ. caturthas tadvikalo 'smitāmātra iti. sarva ete sālambanāḥ samādhayaḥ. 1.17 athāsaṃprajñātaḥ samādhiḥ kimupāyaḥ kiṃsvabhāvo veti -- virāmapratyayābhyāsapūrvaḥ saṃskāraśeṣo 'nyaḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.