Yasodhara: Rasaprakasasudhakara 13

<वीर्यस्तम्भकरी वटी> श्रीवासमस्तकीनाग- केसरं च लवंगकम् । कंकोलं तुलसीबीजं खुरासान्यहीफेनकम्

<vīryastambhakarī vaṭī> śrīvāsamastakīnāga- kesaraṃ ca lavaṃgakam / kaṃkolaṃ tulasībījaṃ khurāsānyahīphenakam

Sanskrit only: no published translation is held for this verse.

जावित्रिकाब्धिशोषं च करभागुरुकुंकुमम् । कङ्कोलकतुगाक्षीरी- जातीफलसमांशकान्

jāvitrikābdhiśoṣaṃ ca karabhāgurukuṃkumam / kaṅkolakatugākṣīrī- jātīphalasamāṃśakān

Sanskrit only: no published translation is held for this verse.

सर्वाण्येवं विचूर्ण्याथ नालिकेरोदरे क्षिपेत् । दुग्धमध्ये विपाच्यैनं दिनान्येवं हि पञ्च च

sarvāṇyevaṃ vicūrṇyātha nālikerodare kṣipet / dugdhamadhye vipācyainaṃ dinānyevaṃ hi pañca ca

Sanskrit only: no published translation is held for this verse.

नालिकेरफलाद्ग्राह्यं मर्दयेन्मधुना सह । गुटिका कोलमात्रा हि भक्षणीया निशामुखे

nālikeraphalādgrāhyaṃ mardayenmadhunā saha / guṭikā kolamātrā hi bhakṣaṇīyā niśāmukhe

Sanskrit only: no published translation is held for this verse.

वीर्यस्तंभं करोत्युग्रं चतुर्यामावधिं तथा

vīryastaṃbhaṃ karotyugraṃ caturyāmāvadhiṃ tathā

Sanskrit only: no published translation is held for this verse.

<शुक्रस्तम्भकरी वटी> लवंगं शुद्धकर्पूरं जातीपत्रं फलं तथा । कुङ्कुमं स्वर्णबीजं च धूर्तपर्णं प्रसूनकम्

<śukrastambhakarī vaṭī> lavaṃgaṃ śuddhakarpūraṃ jātīpatraṃ phalaṃ tathā / kuṅkumaṃ svarṇabījaṃ ca dhūrtaparṇaṃ prasūnakam

Sanskrit only: no published translation is held for this verse.

मूलं त्वक् चाब्धिशोषस्य सर्वाण्येकत्र मर्दयेत् । गोदुग्धे शोधनीयं च भागमेकं प्रकल्पयेत्

mūlaṃ tvak cābdhiśoṣasya sarvāṇyekatra mardayet / godugdhe śodhanīyaṃ ca bhāgamekaṃ prakalpayet

Sanskrit only: no published translation is held for this verse.

भृङ्गीपत्त्रभवं चूर्णं भागैकं स्वर्णगैरिकम् । भावनां पोस्ततोयेन एकविंशतिसंख्यया

bhṛṅgīpattrabhavaṃ cūrṇaṃ bhāgaikaṃ svarṇagairikam / bhāvanāṃ postatoyena ekaviṃśatisaṃkhyayā

Sanskrit only: no published translation is held for this verse.

कारयेन्मतिमान् वैद्यः शुक्रस्तंभकरीं वटीम्

kārayenmatimān vaidyaḥ śukrastaṃbhakarīṃ vaṭīm

Sanskrit only: no published translation is held for this verse.

<रेतःस्तम्भकरी वटी> जातीफलार्ककरहाटलवङ्गशुण्ठीकङ्कोलकेशरकणाहरिचन्दनानि एतैः समानमहिफेनमनेन चाभ्रं श्वेतं निधाय मधुना वटकान् विदध्यात् । माषद्वयोन्मितममुं निशि भक्षयित्वा मृष्टं पयस्तदनु माहिषमाशु पीत्वा कुर्वन्तु कामुकजनाः प्रतिरुद्धपाताश्चेतांसि तानि चकितानि कलावतीनाम्

<retaḥstambhakarī vaṭī> jātīphalārkakarahāṭalavaṅgaśuṇṭhīkaṅkolakeśarakaṇāharicandanāni etaiḥ samānamahiphenamanena cābhraṃ śvetaṃ nidhāya madhunā vaṭakān vidadhyāt / māṣadvayonmitamamuṃ niśi bhakṣayitvā mṛṣṭaṃ payastadanu māhiṣamāśu pītvā kurvantu kāmukajanāḥ pratiruddhapātāścetāṃsi tāni cakitāni kalāvatīnām

Sanskrit only: no published translation is held for this verse.

<वीर्यस्तम्भकरी लेपवटी> स्कन्धदेशाच्च संजातं वीर्यं दर्दुरसंभवम् । घनसारेण संयुक्तं करहाटस्य चूर्णकम्

<vīryastambhakarī lepavaṭī> skandhadeśācca saṃjātaṃ vīryaṃ dardurasaṃbhavam / ghanasāreṇa saṃyuktaṃ karahāṭasya cūrṇakam

Sanskrit only: no published translation is held for this verse.

संमर्द्य कारयेच्चूर्णं वटीं मुद्गप्रमाणकाम् । संघर्ष्य मुखतोयेन लिंगलेपं प्रकारयेत्

saṃmardya kārayeccūrṇaṃ vaṭīṃ mudgapramāṇakām / saṃgharṣya mukhatoyena liṃgalepaṃ prakārayet

Sanskrit only: no published translation is held for this verse.

यामार्धं धारयेद्बिन्दुं सत्यं गुरुवचो यथा

yāmārdhaṃ dhārayedbinduṃ satyaṃ guruvaco yathā

Sanskrit only: no published translation is held for this verse.

<शुक्रस्तम्भकचूर्णम्> पोस्तकं पलमेकं वै शुंठीकर्षः सिता पलैका च । कर्षमिता त्वक्पयसा पीतं रेतो ध्रुवं धत्ते

<śukrastambhakacūrṇam> postakaṃ palamekaṃ vai śuṃṭhīkarṣaḥ sitā palaikā ca / karṣamitā tvakpayasā pītaṃ reto dhruvaṃ dhatte

Sanskrit only: no published translation is held for this verse.

श्रीगङ्गाधरभक्तिसक्तमनसो विद्याविनोदाम्बुधेः श्रीगोडान्वयपद्मनाभसुधियस् तस्यात्मजेनाप्ययम् । सद्वैद्येन यशोधरेण कविना विद्वज्जनानन्दकृद् ग्रन्थोऽयं ग्रथितः करोतु सततं सौख्यं सतां मानसे

śrīgaṅgādharabhaktisaktamanaso vidyāvinodāmbudheḥ śrīgoḍānvayapadmanābhasudhiyas tasyātmajenāpyayam / sadvaidyena yaśodhareṇa kavinā vidvajjanānandakṛd grantho'yaṃ grathitaḥ karotu satataṃ saukhyaṃ satāṃ mānase

Sanskrit only: no published translation is held for this verse.

देशानां सुरराष्ट्रम् उत्तमतमं तत्रापि जीर्णाभिधः प्राकारोऽस्ति स वेदशास्त्रनिरतैर्विप्रैश्च संशोभितः । तस्मिन् शंभुपदारविन्दरतिकृच्छ्रीपद्मनाभः स्वयम् तत्पुत्रेण यशोधरेण कविना ग्रंथः स्वयं निर्मितः

deśānāṃ surarāṣṭram uttamatamaṃ tatrāpi jīrṇābhidhaḥ prākāro'sti sa vedaśāstraniratairvipraiśca saṃśobhitaḥ / tasmin śaṃbhupadāravindaratikṛcchrīpadmanābhaḥ svayam tatputreṇa yaśodhareṇa kavinā graṃthaḥ svayaṃ nirmitaḥ

Sanskrit only: no published translation is held for this verse.

संबोधाय सतां सुखाय सरुजां शिष्यार्थसंसिद्धये वैद्यानामुपजीवनाय विदुषाम् उद्वेगनाशाय वै । श्रीमद्दुर्गपुरातने ऽतिनिपुणः श्रीपद्मनाभात्मजः श्रीमद्भट्टयशोधरः कविवरो ग्रन्थः स्वयं निर्ममे

saṃbodhāya satāṃ sukhāya sarujāṃ śiṣyārthasaṃsiddhaye vaidyānāmupajīvanāya viduṣām udveganāśāya vai / śrīmaddurgapurātane 'tinipuṇaḥ śrīpadmanābhātmajaḥ śrīmadbhaṭṭayaśodharaḥ kavivaro granthaḥ svayaṃ nirmame

Sanskrit only: no published translation is held for this verse.