Yasodhara: Rasaprakasasudhakara 2

<पारदबन्ध> अथेदानीं प्रवक्ष्यामि रसराजस्य बंधनम् । अनुभूतं मया किंचित् गुरूणां हि प्रसादतः

<pāradabandha> athedānīṃ pravakṣyāmi rasarājasya baṃdhanam / anubhūtaṃ mayā kiṃcit gurūṇāṃ hi prasādataḥ

Sanskrit only: no published translation is held for this verse.

<बन्धन:: सुब्त्य्पेस्> बंधश्चतुर्विधः प्रोक्तो जलौका खोटपाटकौ । तथा भस्माभिधः साक्षात् कथितोऽपि रसागमे

<bandhana:: subtypes> baṃdhaścaturvidhaḥ prokto jalaukā khoṭapāṭakau / tathā bhasmābhidhaḥ sākṣāt kathito'pi rasāgame

Sanskrit only: no published translation is held for this verse.

पक्वबन्धो जलौका स्यात् पिष्टीस्तम्भस्तु खोटकः । पाटः पर्पटिकाबन्धो भस्म भूतिसमो भवेत्

pakvabandho jalaukā syāt piṣṭīstambhastu khoṭakaḥ / pāṭaḥ parpaṭikābandho bhasma bhūtisamo bhavet

Sanskrit only: no published translation is held for this verse.

<सुब्स्तन्चेस् इन्दुचिन्ग् बन्धन> मूलिकात्र मणिश्चैव स्वर्णकं नागवङ्गके । चत्वार एते सूतस्य बन्धनस्याथ कारणम्

<substances inducing bandhana> mūlikātra maṇiścaiva svarṇakaṃ nāgavaṅgake / catvāra ete sūtasya bandhanasyātha kāraṇam

Sanskrit only: no published translation is held for this verse.

उत्तमो मूलिकाबन्धो मणिबन्धस्तु मध्यमः । अधमो धातुबन्धस्तु पूतिबन्धो ऽधमाधमः

uttamo mūlikābandho maṇibandhastu madhyamaḥ / adhamo dhātubandhastu pūtibandho 'dhamādhamaḥ

Sanskrit only: no published translation is held for this verse.

द्रुतिबन्धः पञ्चमोऽसौ देहलोहकरः सदा । अभ्रद्रुतिविशेषेण विज्ञेयोऽसौ भिषग्वरैः

drutibandhaḥ pañcamo'sau dehalohakaraḥ sadā / abhradrutiviśeṣeṇa vijñeyo'sau bhiṣagvaraiḥ

Sanskrit only: no published translation is held for this verse.

<मूलिकाबन्ध> क्रमप्राप्तमिदं वक्ष्ये मूलिकाबन्धनं रसे । शुद्धो राक्षसवक्त्रश्च रसश्चाभ्रकजारितः

<mūlikābandha> kramaprāptamidaṃ vakṣye mūlikābandhanaṃ rase / śuddho rākṣasavaktraśca rasaścābhrakajāritaḥ

Sanskrit only: no published translation is held for this verse.

इङ्गुदीमूलनिर्यासे मर्दितः पारदस्त्र्यहम् । तत उद्धृत्य वस्त्रेण बंधनं कारयेद् भिषक्

iṅgudīmūlaniryāse marditaḥ pāradastryaham / tata uddhṛtya vastreṇa baṃdhanaṃ kārayed bhiṣak

Sanskrit only: no published translation is held for this verse.

कांजिके स्वेदनं कुर्यान् नियतं सप्तवासरम् । पाचितं चान्नमध्ये तु कर्तव्यं वत्सरावधि

kāṃjike svedanaṃ kuryān niyataṃ saptavāsaram / pācitaṃ cānnamadhye tu kartavyaṃ vatsarāvadhi

Sanskrit only: no published translation is held for this verse.

ततो धूर्तफले न्यस्तं स्वेदयेच्छतसंख्यया । पाचितोऽसौ महातैले धूर्ततैले ऽन्नराशिके

tato dhūrtaphale nyastaṃ svedayecchatasaṃkhyayā / pācito'sau mahātaile dhūrtataile 'nnarāśike

Sanskrit only: no published translation is held for this verse.

बद्धस्तु तेन विधिना कठिनत्वं प्रजायते । वंगस्य स्तम्भनं सम्यक् करोत्येव न संशयः धारितोऽसौ मुखे साक्षाद् वीर्यस्तम्भकरः सदा । मूलिकाबंधनं ह्येकं कथितं पारदस्य वै

baddhastu tena vidhinā kaṭhinatvaṃ prajāyate / vaṃgasya stambhanaṃ samyak karotyeva na saṃśayaḥ dhārito'sau mukhe sākṣād vīryastambhakaraḥ sadā / mūlikābaṃdhanaṃ hyekaṃ kathitaṃ pāradasya vai

Sanskrit only: no published translation is held for this verse.

<मूलिकाबन्ध (२)> अथापरः प्रकारो हि बन्धनस्यापि पारदे । नागार्जुनीमूलरसैर् मर्दयेद् दिनसप्तकम्

<mūlikābandha (2)> athāparaḥ prakāro hi bandhanasyāpi pārade / nāgārjunīmūlarasair mardayed dinasaptakam

Sanskrit only: no published translation is held for this verse.

मुखचर्वणसम्भूतैर् निम्बकाष्ठेन पेषितः । नवनीतसमस् तेन जायते पारदस्ततः

mukhacarvaṇasambhūtair nimbakāṣṭhena peṣitaḥ / navanītasamas tena jāyate pāradastataḥ

Sanskrit only: no published translation is held for this verse.

वस्त्रेण बंधनं कृत्वा फले धौर्ते निवेशयेत् । गोमयैर्वेष्टितं तच्च करीषाग्नौ विपाचयेत्

vastreṇa baṃdhanaṃ kṛtvā phale dhaurte niveśayet / gomayairveṣṭitaṃ tacca karīṣāgnau vipācayet

Sanskrit only: no published translation is held for this verse.

लावकाख्ये पुटे सम्यक् क्रमवृद्ध्या शतं पुटेत् । मासत्रयप्रमाणेन पाचयेदन्नमध्यतः

lāvakākhye puṭe samyak kramavṛddhyā śataṃ puṭet / māsatrayapramāṇena pācayedannamadhyataḥ

Sanskrit only: no published translation is held for this verse.

पश्चात्पुटशतं दद्याच् छगणेनाथ पूर्ववत् । अनेनैव प्रकारेण बध्यते सूतकः सदा

paścātpuṭaśataṃ dadyāc chagaṇenātha pūrvavat / anenaiva prakāreṇa badhyate sūtakaḥ sadā

Sanskrit only: no published translation is held for this verse.

दृष्टप्रत्यययोगोऽयं कथितः साधकाय वै । धारितोऽसौ मुखे सम्यक् वीर्यस्तंभकरः परम् । वंगस्तंभकरोऽप्येवं बद्धः सूतवरोऽप्यलम्

dṛṣṭapratyayayogo'yaṃ kathitaḥ sādhakāya vai / dhārito'sau mukhe samyak vīryastaṃbhakaraḥ param / vaṃgastaṃbhakaro'pyevaṃ baddhaḥ sūtavaro'pyalam

Sanskrit only: no published translation is held for this verse.

<मूलिकाबन्ध> शुद्धं सुजारिताभ्रं वै सूतकं च विमर्दयेत् । अर्कमूलरसेनैव वासरैकं प्रयत्नतः

<mūlikābandha> śuddhaṃ sujāritābhraṃ vai sūtakaṃ ca vimardayet / arkamūlarasenaiva vāsaraikaṃ prayatnataḥ

Sanskrit only: no published translation is held for this verse.

वज्रमूषा ततः कार्या सुदृढा मसृणीकृता । अर्कमूलभवेनैव कल्केन परिलेपिता

vajramūṣā tataḥ kāryā sudṛḍhā masṛṇīkṛtā / arkamūlabhavenaiva kalkena parilepitā

Sanskrit only: no published translation is held for this verse.

मूषामध्ये रसं मुक्त्वा चान्धयेद् अन्यमूषया । यामार्धं ध्मापितः सम्यक् रसखोटः प्रजायते

mūṣāmadhye rasaṃ muktvā cāndhayed anyamūṣayā / yāmārdhaṃ dhmāpitaḥ samyak rasakhoṭaḥ prajāyate

Sanskrit only: no published translation is held for this verse.

स्वांगशीतं परिज्ञाय रसखोटं समुद्धरेत् । वर्षमात्रं धृतो वक्त्रे वलीपलितनाशनः

svāṃgaśītaṃ parijñāya rasakhoṭaṃ samuddharet / varṣamātraṃ dhṛto vaktre valīpalitanāśanaḥ

Sanskrit only: no published translation is held for this verse.

सर्वसिद्धिकरोऽप्येष मूलिकाबद्धपारदः । मूलिकाबंधनं सत्यं कृतं नागार्जुनादिभिः

sarvasiddhikaro'pyeṣa mūlikābaddhapāradaḥ / mūlikābaṃdhanaṃ satyaṃ kṛtaṃ nāgārjunādibhiḥ

Sanskrit only: no published translation is held for this verse.

सर्वसिद्धिकरं श्रेष्ठं सर्वकार्यकरं सदा

sarvasiddhikaraṃ śreṣṭhaṃ sarvakāryakaraṃ sadā

Sanskrit only: no published translation is held for this verse.

<मूलिकाबन्ध (४)> शुद्धं रसवरं सम्यक् तथैवाम्बरभक्षितम् । जलकूम्भीरसैः पश्चान् मर्दयेद्दिनसप्तकम्

<mūlikābandha (4)> śuddhaṃ rasavaraṃ samyak tathaivāmbarabhakṣitam / jalakūmbhīrasaiḥ paścān mardayeddinasaptakam

Sanskrit only: no published translation is held for this verse.

तस्याः प्रकल्पयेन्मूषां सूतकं तत्र निक्षिपेत् । अन्यस्यामन्धमूषायां सूतमूषां निरुन्धयेत्

tasyāḥ prakalpayenmūṣāṃ sūtakaṃ tatra nikṣipet / anyasyāmandhamūṣāyāṃ sūtamūṣāṃ nirundhayet

Sanskrit only: no published translation is held for this verse.

पुटं तत्र प्रदातव्यं एकेनारण्यकेन च । पुटान्येवं प्रदेयानि एकैकोत्पलवृद्धितः

puṭaṃ tatra pradātavyaṃ ekenāraṇyakena ca / puṭānyevaṃ pradeyāni ekaikotpalavṛddhitaḥ

Sanskrit only: no published translation is held for this verse.

अनेनैव प्रकारेण पुटानि त्रीणि दापयेत् । बन्धमाप्नोति सूतेन्द्रः सत्यं गुरुवचो यथा

anenaiva prakāreṇa puṭāni trīṇi dāpayet / bandhamāpnoti sūtendraḥ satyaṃ guruvaco yathā

Sanskrit only: no published translation is held for this verse.

<मूलिकाबन्ध (५)> चूर्णीकृतानि सततं धूर्तबीजानि यत्नतः । सूतराजसमान्येवम् ऊर्ध्वयन्त्रेण पातयेत्

<mūlikābandha (5)> cūrṇīkṛtāni satataṃ dhūrtabījāni yatnataḥ / sūtarājasamānyevam ūrdhvayantreṇa pātayet

Sanskrit only: no published translation is held for this verse.

एकविंशतिवाराणि ततः खल्वे निधापयेत् । इङ्गुदीपत्रनिर्यासे मर्दयेद्दिनसप्तकम्

ekaviṃśativārāṇi tataḥ khalve nidhāpayet / iṅgudīpatraniryāse mardayeddinasaptakam

Sanskrit only: no published translation is held for this verse.

भृंगराजरसेनैव विषखर्परकेन च । पाठारसेन संमर्द्य लज्जालुस्वरसेन वै

bhṛṃgarājarasenaiva viṣakharparakena ca / pāṭhārasena saṃmardya lajjālusvarasena vai

Sanskrit only: no published translation is held for this verse.

त्र्यहं त्र्यहं च संमर्द्य बन्धमायाति निश्चितम् । दोलायंत्रेण संस्वेद्य सप्ताहं धूर्तजे रसे

tryahaṃ tryahaṃ ca saṃmardya bandhamāyāti niścitam / dolāyaṃtreṇa saṃsvedya saptāhaṃ dhūrtaje rase

Sanskrit only: no published translation is held for this verse.

विषमूषोदरे धृत्वा मांसे सूकरसंभवे । भर्जयेद्धूर्ततैलेन सप्ताहाज्जायते मुखम्

viṣamūṣodare dhṛtvā māṃse sūkarasaṃbhave / bharjayeddhūrtatailena saptāhājjāyate mukham

Sanskrit only: no published translation is held for this verse.

कठिनो वज्रसदृशो जायते नात्र संशयः । क्षीरं शोषयते नित्यं कौतुकार्थे न संशयः

kaṭhino vajrasadṛśo jāyate nātra saṃśayaḥ / kṣīraṃ śoṣayate nityaṃ kautukārthe na saṃśayaḥ

Sanskrit only: no published translation is held for this verse.

वीर्यं वंगं स्तम्भयति सत्यं सत्यं न संशयः । प्रकाराः कथिताः पञ्च सूतराजस्य बंधने

vīryaṃ vaṃgaṃ stambhayati satyaṃ satyaṃ na saṃśayaḥ / prakārāḥ kathitāḥ pañca sūtarājasya baṃdhane

Sanskrit only: no published translation is held for this verse.

<वज्रसत्त्वेन शतवेधी रसबन्धः (१)> वज्रबंधं द्वितीयं तु क्रमेणैव यथातथम् । रसशास्त्राणि बहुधा निरीक्ष्य प्रवदाम्यहम्

<vajrasattvena śatavedhī rasabandhaḥ (1)> vajrabaṃdhaṃ dvitīyaṃ tu krameṇaiva yathātatham / rasaśāstrāṇi bahudhā nirīkṣya pravadāmyaham

Sanskrit only: no published translation is held for this verse.

वज्रसत्वं तथा सूतं समांशं कारयेद् बुधः । रसपादसमं हेम त्रयमेकत्र मर्दयेत्

vajrasatvaṃ tathā sūtaṃ samāṃśaṃ kārayed budhaḥ / rasapādasamaṃ hema trayamekatra mardayet

Sanskrit only: no published translation is held for this verse.

वंध्याकर्कोटिकामूल- रसेनैवाथ भावयेत् । तथा धूर्तरसेनापि चित्रकस्य रसेन वै

vaṃdhyākarkoṭikāmūla- rasenaivātha bhāvayet / tathā dhūrtarasenāpi citrakasya rasena vai

Sanskrit only: no published translation is held for this verse.

काम्बोजीरसकेनापि तथा नाडीरसेन वै । आसां नियामिकानां च रसं वस्त्रेण गालयेत्

kāmbojīrasakenāpi tathā nāḍīrasena vai / āsāṃ niyāmikānāṃ ca rasaṃ vastreṇa gālayet

Sanskrit only: no published translation is held for this verse.

सूर्यातपे दिनैकैकं क्रमेणानेन मर्दयेत् । अंधमूषागतं गोलं मुद्रयेद्दृढमुद्रया

sūryātape dinaikaikaṃ krameṇānena mardayet / aṃdhamūṣāgataṃ golaṃ mudrayeddṛḍhamudrayā

Sanskrit only: no published translation is held for this verse.

लोहसंपुटके पश्चान् निक्षिप्तं मुद्रितं दृढम् । घटिकाद्वयमानेन ध्मापितं भस्त्रया खलु

lohasaṃpuṭake paścān nikṣiptaṃ mudritaṃ dṛḍham / ghaṭikādvayamānena dhmāpitaṃ bhastrayā khalu

Sanskrit only: no published translation is held for this verse.

स्वांगशीतलकं ज्ञात्वा गृह्णीयातां च मूषिकाम् । उत्खन्योत्खन्य यत्नेन सूतभस्म समाहरेत्

svāṃgaśītalakaṃ jñātvā gṛhṇīyātāṃ ca mūṣikām / utkhanyotkhanya yatnena sūtabhasma samāharet

Sanskrit only: no published translation is held for this verse.

काचटंकणयोगेन ध्मापितं तं च गोलकम् । वेधते शतवेधेन सूतको नात्र संशयः

kācaṭaṃkaṇayogena dhmāpitaṃ taṃ ca golakam / vedhate śatavedhena sūtako nātra saṃśayaḥ

Sanskrit only: no published translation is held for this verse.

वक्त्रस्थो निधनं हन्याद् देहलोहकरो भवेत्

vaktrastho nidhanaṃ hanyād dehalohakaro bhavet

Sanskrit only: no published translation is held for this verse.

<वज्रभस्मयोगेन रसबन्धः (७)> वज्रभस्म तथा सूतं समं कृत्वा तु मर्दयेत् । त्रिनेमिकावज्रवल्ली- सहदेवीरसेन च

<vajrabhasmayogena rasabandhaḥ (7)> vajrabhasma tathā sūtaṃ samaṃ kṛtvā tu mardayet / trinemikāvajravallī- sahadevīrasena ca

Sanskrit only: no published translation is held for this verse.

स्नुहिक्षीरेण सप्ताहं सूर्यघर्मे सुतीव्रके । रसगोलं सुवृत्तं तु शुष्कं चैवाथ लेपयेत्

snuhikṣīreṇa saptāhaṃ sūryagharme sutīvrake / rasagolaṃ suvṛttaṃ tu śuṣkaṃ caivātha lepayet

Sanskrit only: no published translation is held for this verse.

काकमाचीरसेनैव लांगलीस्वरसेन हि । गोजिह्विकारसेनैव सप्तवारं प्रलेपयेत्

kākamācīrasenaiva lāṃgalīsvarasena hi / gojihvikārasenaiva saptavāraṃ pralepayet

Sanskrit only: no published translation is held for this verse.

वज्रमूषागतं गोलं मुद्रयेद्दृढमुद्रया । लोहसंपुटमूषायाम् अन्धितं मध्यसंस्थितम्

vajramūṣāgataṃ golaṃ mudrayeddṛḍhamudrayā / lohasaṃpuṭamūṣāyām andhitaṃ madhyasaṃsthitam

Sanskrit only: no published translation is held for this verse.

सप्तमृत्कर्पटैः सम्यग् लेपितं सुदृढं कुरु । ध्मापितं दृढमंगारैस् तत्रस्थं शीतलीकृतम्

saptamṛtkarpaṭaiḥ samyag lepitaṃ sudṛḍhaṃ kuru / dhmāpitaṃ dṛḍhamaṃgārais tatrasthaṃ śītalīkṛtam

Sanskrit only: no published translation is held for this verse.

भित्त्वा मूषागतं सूतं खोटं नक्षत्रसन्निभम् । सर्वकार्यकरं शुभ्रं रञ्जितं वेधकृद्भवेत्

bhittvā mūṣāgataṃ sūtaṃ khoṭaṃ nakṣatrasannibham / sarvakāryakaraṃ śubhraṃ rañjitaṃ vedhakṛdbhavet

Sanskrit only: no published translation is held for this verse.

<अभ्रद्रुत्या रसबन्धः (८)> अभ्रकद्रुतिभिः सार्धं सूतकं च विमर्दयेत् । समांशेन शिलापृष्ठे यामत्रयमनारतम्

<abhradrutyā rasabandhaḥ (8)> abhrakadrutibhiḥ sārdhaṃ sūtakaṃ ca vimardayet / samāṃśena śilāpṛṣṭhe yāmatrayamanāratam

Sanskrit only: no published translation is held for this verse.

कस्तूरीधनसाराभ्यां कृष्णागरुसमन्वितम् । शर्करालशुनाभ्यां च रामठेन च संयुतम्

kastūrīdhanasārābhyāṃ kṛṣṇāgarusamanvitam / śarkarālaśunābhyāṃ ca rāmaṭhena ca saṃyutam

Sanskrit only: no published translation is held for this verse.

पलाशबीजस्य तथा तत्प्रसूनरसेन हि । तीक्ष्णांशुनाथ मृदितं द्रुतिभिः सह सूतकम्

palāśabījasya tathā tatprasūnarasena hi / tīkṣṇāṃśunātha mṛditaṃ drutibhiḥ saha sūtakam

Sanskrit only: no published translation is held for this verse.

मिलत्येव न संदेहः किमन्यैर् बहुभाषितैः । ततो गुञ्जारसेनैव श्वेतवृश्चीवकस्य च

milatyeva na saṃdehaḥ kimanyair bahubhāṣitaiḥ / tato guñjārasenaiva śvetavṛścīvakasya ca

Sanskrit only: no published translation is held for this verse.

लांगल्याश्च रसैस्तावद् यावद्भवति बन्धनम्

lāṃgalyāśca rasaistāvad yāvadbhavati bandhanam

Sanskrit only: no published translation is held for this verse.

ततः प्रकाशमूषायां पञ्चांगारैर्धमेत्क्षणम् । बन्धमायाति वेगेन यथा सूर्योदये ऽम्बुजम्

tataḥ prakāśamūṣāyāṃ pañcāṃgārairdhametkṣaṇam / bandhamāyāti vegena yathā sūryodaye 'mbujam

Sanskrit only: no published translation is held for this verse.

अभ्रद्रुतिसमायोगे रसेन्द्रो वध्यते खलु । शिवभक्तो भवेत्साक्षात् सत्यवाक् संयतेन्द्रियः

abhradrutisamāyoge rasendro vadhyate khalu / śivabhakto bhavetsākṣāt satyavāk saṃyatendriyaḥ

Sanskrit only: no published translation is held for this verse.

शिवयोर्मेलनं सम्यक् तस्य हस्ते भविष्यति । रसागमेषु यत्प्रोक्तं बंधनं पारदस्य च

śivayormelanaṃ samyak tasya haste bhaviṣyati / rasāgameṣu yatproktaṃ baṃdhanaṃ pāradasya ca

Sanskrit only: no published translation is held for this verse.

कथितं तन्मया स्पष्टं नानुभूतं न चेष्टितम्

kathitaṃ tanmayā spaṣṭaṃ nānubhūtaṃ na ceṣṭitam

Sanskrit only: no published translation is held for this verse.

<वज्रद्रुत्या रसबन्धः (९)> वज्राणां ब्रह्मजातीनां द्रुतिर्वल्लप्रमाणिका । तोलकं शुद्धसूतं च मर्दयेत्कन्यकारसे

<vajradrutyā rasabandhaḥ (9)> vajrāṇāṃ brahmajātīnāṃ drutirvallapramāṇikā / tolakaṃ śuddhasūtaṃ ca mardayetkanyakārase

Sanskrit only: no published translation is held for this verse.

तावत्तं मर्दयेत्सम्यग् यावत् पिष्टी प्रजायते । कृत्वा मूषां समां शुद्धां दहनोपलनिर्मिताम्

tāvattaṃ mardayetsamyag yāvat piṣṭī prajāyate / kṛtvā mūṣāṃ samāṃ śuddhāṃ dahanopalanirmitām

Sanskrit only: no published translation is held for this verse.

तन्मध्ये पिष्टिकां मुक्त्वा पिष्टीमानं विषं त्वहेः । पिधानं तादृशं कुर्यान् मुखं तेनाथ रुन्धयेत्

tanmadhye piṣṭikāṃ muktvā piṣṭīmānaṃ viṣaṃ tvaheḥ / pidhānaṃ tādṛśaṃ kuryān mukhaṃ tenātha rundhayet

Sanskrit only: no published translation is held for this verse.

कांस्यभाजनमध्ये तु स्थापयेन्मूषिकां शुभाम् । भाजनानि च चत्वारि चतुर्दिक्षु गतानि च

kāṃsyabhājanamadhye tu sthāpayenmūṣikāṃ śubhām / bhājanāni ca catvāri caturdikṣu gatāni ca

Sanskrit only: no published translation is held for this verse.

चित्रं घर्मप्रसंगेन बन्धमायाति पारदः । यामात्खरातपे नित्यं शिवेनोक्तम् अतिस्फुटम्

citraṃ gharmaprasaṃgena bandhamāyāti pāradaḥ / yāmātkharātape nityaṃ śivenoktam atisphuṭam

Sanskrit only: no published translation is held for this verse.

वज्रद्रुतिसमायोगात् सूतो बन्धनकं व्रजेत् । सर्वेषां सूतबन्धानां श्रेष्ठं सत्यमुदीरितम्

vajradrutisamāyogāt sūto bandhanakaṃ vrajet / sarveṣāṃ sūtabandhānāṃ śreṣṭhaṃ satyamudīritam

Sanskrit only: no published translation is held for this verse.

<सुवर्णद्रुत्या रसबन्धः (१०)> अथेदानीं प्रवक्ष्यामि सूतराजस्य बन्धनम् । हेमद्रुतिं रसेन्द्रेण मर्दयेत्सप्तवासरान्

<suvarṇadrutyā rasabandhaḥ (10)> athedānīṃ pravakṣyāmi sūtarājasya bandhanam / hemadrutiṃ rasendreṇa mardayetsaptavāsarān

Sanskrit only: no published translation is held for this verse.

ज्वालामुखीरसेनैव धौतः पश्चाच्च कांजिकैः । प्रत्यहं क्षालयेद्रात्रौ रसेनोक्तेन वै दिवा

jvālāmukhīrasenaiva dhautaḥ paścācca kāṃjikaiḥ / pratyahaṃ kṣālayedrātrau rasenoktena vai divā

Sanskrit only: no published translation is held for this verse.

अंधमूषागतं पश्चान् मृदा कर्पटयोगतः । लेपयेत्सप्तवाराणि भूगर्ते गोलकं न्यसेत्

aṃdhamūṣāgataṃ paścān mṛdā karpaṭayogataḥ / lepayetsaptavārāṇi bhūgarte golakaṃ nyaset

Sanskrit only: no published translation is held for this verse.

द्वादशांगुलविस्तीर्णं द्वादशांगुलनिम्नकम् । खातप्रमाणं कथितं गुरुमार्गेण च स्फुटम्

dvādaśāṃgulavistīrṇaṃ dvādaśāṃgulanimnakam / khātapramāṇaṃ kathitaṃ gurumārgeṇa ca sphuṭam

Sanskrit only: no published translation is held for this verse.

तत्रोपरि पुटं देयं गजाह्वं छगणेन च । यामद्वादशकेनैव बध्यते पारदः स्वयम्

tatropari puṭaṃ deyaṃ gajāhvaṃ chagaṇena ca / yāmadvādaśakenaiva badhyate pāradaḥ svayam

Sanskrit only: no published translation is held for this verse.

हेमद्रुतौ बद्धरसो देहलोहप्रसाधकः । सर्वसिद्धिकरः श्रीमान् जरादारिद्र्यनाशनः

hemadrutau baddharaso dehalohaprasādhakaḥ / sarvasiddhikaraḥ śrīmān jarādāridryanāśanaḥ

Sanskrit only: no published translation is held for this verse.

<सुवर्णेन रसबन्धः> धातुबन्धस्तृतीयोऽसौ स्वहस्तेन कृतो मया । तदहं कथयिष्यामि साधकार्थे यथातथम्

<suvarṇena rasabandhaḥ> dhātubandhastṛtīyo'sau svahastena kṛto mayā / tadahaṃ kathayiṣyāmi sādhakārthe yathātatham

Sanskrit only: no published translation is held for this verse.

भूर्जवत्सूक्ष्मपत्राणि कारयेत्कनकस्य च । तान्येव कोलमात्राणि पलमात्रं तु सूतकम्

bhūrjavatsūkṣmapatrāṇi kārayetkanakasya ca / tānyeva kolamātrāṇi palamātraṃ tu sūtakam

Sanskrit only: no published translation is held for this verse.

मर्दयेन्निम्बुकद्रावैर् दिनमेकमनारतम् । ततस्तद्गोलकं कृत्वा खर्परोपरि विन्यसेत्

mardayennimbukadrāvair dinamekamanāratam / tatastadgolakaṃ kṛtvā kharparopari vinyaset

Sanskrit only: no published translation is held for this verse.

चुल्यामारोपणं कार्यं धान्याम्लेन निषिञ्चयेत् । पिष्टिस्तंभस्तु कर्तव्यो नियतं त्रिदिनावधि

culyāmāropaṇaṃ kāryaṃ dhānyāmlena niṣiñcayet / piṣṭistaṃbhastu kartavyo niyataṃ tridināvadhi

Sanskrit only: no published translation is held for this verse.

ततो धूर्तरसेनैव स्वेदयेत्सप्तवासरान् । श्वेता पुनर्नवा चिंचा सहदेवी च नीलिका

tato dhūrtarasenaiva svedayetsaptavāsarān / śvetā punarnavā ciṃcā sahadevī ca nīlikā

Sanskrit only: no published translation is held for this verse.

तथा धूर्तवधूश् चैव लांगली सुरदालिका । सूतबन्धकरा श्रेष्ठा प्रोक्ता नागार्जुनादिभिः

tathā dhūrtavadhūś caiva lāṃgalī suradālikā / sūtabandhakarā śreṣṭhā proktā nāgārjunādibhiḥ

Sanskrit only: no published translation is held for this verse.

एतासां स्वरसैः पङ्कैर् लेपयेत्सूतगोलकम् । त्रिगुणैर् भूर्जपत्रैस्तु वेष्टयेत्तदनंतरम्

etāsāṃ svarasaiḥ paṅkair lepayetsūtagolakam / triguṇair bhūrjapatraistu veṣṭayettadanaṃtaram

Sanskrit only: no published translation is held for this verse.

वस्त्रेण पोटलीं बद्ध्वा स्वेदयेन्निंबुकद्रवैः । यामत्रयं प्रयत्नेन धौतः पश्चाद् गवां जलैः

vastreṇa poṭalīṃ baddhvā svedayenniṃbukadravaiḥ / yāmatrayaṃ prayatnena dhautaḥ paścād gavāṃ jalaiḥ

Sanskrit only: no published translation is held for this verse.

ततो धूर्तफलान्तस्थं पाचयेद्बहुभिः पुटैः । लावकाख्यैः सुमतिमान् शोभनः सूर्यकान्तिवत् । जायते नात्र संदेहो बद्धः शिवसमो भवेत्

tato dhūrtaphalāntasthaṃ pācayedbahubhiḥ puṭaiḥ / lāvakākhyaiḥ sumatimān śobhanaḥ sūryakāntivat / jāyate nātra saṃdeho baddhaḥ śivasamo bhavet

Sanskrit only: no published translation is held for this verse.

<रौप्येण रसबन्धः> अष्टमांशेन रूप्येन सूतकं हि प्रमर्दयेत् । चांगेरीस्वरसेनैव पिष्टिकां कारयेद् बुधः

<raupyeṇa rasabandhaḥ> aṣṭamāṃśena rūpyena sūtakaṃ hi pramardayet / cāṃgerīsvarasenaiva piṣṭikāṃ kārayed budhaḥ

Sanskrit only: no published translation is held for this verse.

खोटं बद्ध्वा तु विपचेत् धूर्ततैले त्रिवासरान् । तथा च कंगुणीतैले करवीरजटोद्भवे

khoṭaṃ baddhvā tu vipacet dhūrtataile trivāsarān / tathā ca kaṃguṇītaile karavīrajaṭodbhave

Sanskrit only: no published translation is held for this verse.

जातीफलोद्भवेनापि वत्सनागोद्भवेन च । भृंग्युद्भवेन च तथा समुद्रशोषकस्य वै

jātīphalodbhavenāpi vatsanāgodbhavena ca / bhṛṃgyudbhavena ca tathā samudraśoṣakasya vai

Sanskrit only: no published translation is held for this verse.

देवदारुभवेनापि पाचयेन्मतिमान् भिषक् । पश्चात्सुतीक्ष्णमदिरा दातव्या तु तुषाग्निना

devadārubhavenāpi pācayenmatimān bhiṣak / paścātsutīkṣṇamadirā dātavyā tu tuṣāgninā

Sanskrit only: no published translation is held for this verse.

दिनानि सप्तसंख्यानि मुखम् उत्पद्यते ध्रुवम् । शुक्रस्तम्भकरः सम्यक् क्षीरं पिबति नान्यथा

dināni saptasaṃkhyāni mukham utpadyate dhruvam / śukrastambhakaraḥ samyak kṣīraṃ pibati nānyathā

Sanskrit only: no published translation is held for this verse.

<तुत्थेन तुत्थोत्थताम्रेण रसबन्धः> लोहपात्रे सुविस्तीर्णे तुत्थकस्यालवालकम् । अष्टसंस्कारितं सूतं तस्मिन्निक्षिप्य मात्रया

<tutthena tutthotthatāmreṇa rasabandhaḥ> lohapātre suvistīrṇe tutthakasyālavālakam / aṣṭasaṃskāritaṃ sūtaṃ tasminnikṣipya mātrayā

Sanskrit only: no published translation is held for this verse.

तुत्थचूर्णेन संछाद्य पूरयेन्निम्बुकद्रवैः । पिधानेन मुखं रुद्ध्वा लोहपात्रस्य यत्नतः

tutthacūrṇena saṃchādya pūrayennimbukadravaiḥ / pidhānena mukhaṃ ruddhvā lohapātrasya yatnataḥ

Sanskrit only: no published translation is held for this verse.

निर्वाते निर्जने देशे त्रिदिनं स्थापयेत्ततः । उष्णकांजिकयोगेन क्षालयेद् बहुशो भिषक्

nirvāte nirjane deśe tridinaṃ sthāpayettataḥ / uṣṇakāṃjikayogena kṣālayed bahuśo bhiṣak

Sanskrit only: no published translation is held for this verse.

नवनीतसमो वर्णः सूतकस्यापि दृश्यते । रसखोटं ततो बद्ध्वा स्वेदयेत्कांजिकैस्त्र्यहम्

navanītasamo varṇaḥ sūtakasyāpi dṛśyate / rasakhoṭaṃ tato baddhvā svedayetkāṃjikaistryaham

Sanskrit only: no published translation is held for this verse.

अश्मचूर्णस्य कणिकाम्- अध्ये खोटं निधाय च । जलसेकः प्रकर्तव्यः शीतीभूतं समुद्धरेत्

aśmacūrṇasya kaṇikām- adhye khoṭaṃ nidhāya ca / jalasekaḥ prakartavyaḥ śītībhūtaṃ samuddharet

Sanskrit only: no published translation is held for this verse.

अनेनैव प्रकारेण त्रिवारं पाचयेद् ध्रुवम् । कठिनत्वं प्रयात्येव सत्यं गुरुवचो यथा

anenaiva prakāreṇa trivāraṃ pācayed dhruvam / kaṭhinatvaṃ prayātyeva satyaṃ guruvaco yathā

Sanskrit only: no published translation is held for this verse.

ततो धूर्तफलानां हि सहस्रेणापि पाचयेत् । मुखम् उत्पद्यते सम्यक् वीर्यस्तंभकरो ऽप्ययम्

tato dhūrtaphalānāṃ hi sahasreṇāpi pācayet / mukham utpadyate samyak vīryastaṃbhakaro 'pyayam

Sanskrit only: no published translation is held for this verse.

<धातुबीजेन रसबन्धः> वंगतीक्ष्णे समे कृत्वा ध्मापयेद्वज्रमूषया । वङ्गम् उत्तारयेत्सम्यक् तीव्राङ्गारैः प्रयत्नतः

<dhātubījena rasabandhaḥ> vaṃgatīkṣṇe same kṛtvā dhmāpayedvajramūṣayā / vaṅgam uttārayetsamyak tīvrāṅgāraiḥ prayatnataḥ

Sanskrit only: no published translation is held for this verse.

अनेनैव प्रकारेण त्रिगुणं वाहयेत्त्रपु । बीजं शाणप्रमाणं हि सूतं पलमितं भवेत्

anenaiva prakāreṇa triguṇaṃ vāhayettrapu / bījaṃ śāṇapramāṇaṃ hi sūtaṃ palamitaṃ bhavet

Sanskrit only: no published translation is held for this verse.

मर्दयेत्कन्यकाद्रावैर् दिनमेकं विशोषयेत् । गोलस्य स्वेदनं कार्यम् अहोभिः सप्तभिस्तथा

mardayetkanyakādrāvair dinamekaṃ viśoṣayet / golasya svedanaṃ kāryam ahobhiḥ saptabhistathā

Sanskrit only: no published translation is held for this verse.

त्रिफलाक्वाथमध्ये तु त्रियामं स्वेदयेत्सुधीः । कुमार्याः स्वरसेनैव भृंगराजरसेन हि

triphalākvāthamadhye tu triyāmaṃ svedayetsudhīḥ / kumāryāḥ svarasenaiva bhṛṃgarājarasena hi

Sanskrit only: no published translation is held for this verse.

भृंगीरसेन च तथा त्रिदिनं स्वेद्यमेव हि । एकैकेनौषधेनैवं काचकूप्यां निवेशयेत्

bhṛṃgīrasena ca tathā tridinaṃ svedyameva hi / ekaikenauṣadhenaivaṃ kācakūpyāṃ niveśayet

Sanskrit only: no published translation is held for this verse.

खटीपटुशिवाभक्तं पिष्ट्वा वक्त्रं निरुन्धयेत् । खातं त्रिहस्तमात्रं स्याल् लद्दीपूर्णं तु कारयेत्

khaṭīpaṭuśivābhaktaṃ piṣṭvā vaktraṃ nirundhayet / khātaṃ trihastamātraṃ syāl laddīpūrṇaṃ tu kārayet

Sanskrit only: no published translation is held for this verse.

मध्ये तु काचघटिकां सुरापूर्णां निवेशयेत् । भूमिस्थां मासयुग्मेन पश्चादेनां समुद्धरेत्

madhye tu kācaghaṭikāṃ surāpūrṇāṃ niveśayet / bhūmisthāṃ māsayugmena paścādenāṃ samuddharet

Sanskrit only: no published translation is held for this verse.

बद्धं सूतवरं ग्राह्यं शुभ्रं चंद्रप्रभानिभम् । मुखस्थं कुरुते सम्यक् दृढवज्रसमं वपुः

baddhaṃ sūtavaraṃ grāhyaṃ śubhraṃ caṃdraprabhānibham / mukhasthaṃ kurute samyak dṛḍhavajrasamaṃ vapuḥ

Sanskrit only: no published translation is held for this verse.

कामिनीनां शतं गच्छेद् वलीपलितवर्जितः । देवीशास्त्रानुसारेण धातुबद्धरसोऽप्ययम्

kāminīnāṃ śataṃ gacched valīpalitavarjitaḥ / devīśāstrānusāreṇa dhātubaddharaso'pyayam

Sanskrit only: no published translation is held for this verse.

प्रकाशितो मया सम्यक् नात्र कार्या विचारणा

prakāśito mayā samyak nātra kāryā vicāraṇā

Sanskrit only: no published translation is held for this verse.

<कान्तलोहेन रसबन्धः> रसेंद्रः कान्तलोहं च तीक्ष्णलोहं तथैव च । अभ्रसत्वं तथा ताप्य- सत्वं हेमसमन्वितम्

<kāntalohena rasabandhaḥ> raseṃdraḥ kāntalohaṃ ca tīkṣṇalohaṃ tathaiva ca / abhrasatvaṃ tathā tāpya- satvaṃ hemasamanvitam

Sanskrit only: no published translation is held for this verse.

समांशानि च सर्वाणि मर्दयेन्निम्बुकद्रवैः । निषेचयेदेकदिनं पश्चाद् गोलं तु कारयेत्

samāṃśāni ca sarvāṇi mardayennimbukadravaiḥ / niṣecayedekadinaṃ paścād golaṃ tu kārayet

Sanskrit only: no published translation is held for this verse.

पक्वमूषा प्रकर्तव्या गोलं गर्भे निवेशयेत् । गोजिह्वा काकमाची च निर्गुंडी दुग्धिका तथा

pakvamūṣā prakartavyā golaṃ garbhe niveśayet / gojihvā kākamācī ca nirguṃḍī dugdhikā tathā

Sanskrit only: no published translation is held for this verse.

कुमारी मेघनादा च मधुसैंधवसंयुता । एतासां स्वरसेनैव स्वेदयेद्बहुशो भिषक्

kumārī meghanādā ca madhusaiṃdhavasaṃyutā / etāsāṃ svarasenaiva svedayedbahuśo bhiṣak

Sanskrit only: no published translation is held for this verse.

यावद्दृढत्वमायाति तावत्स्वेद्यं तु गोलकम् । वक्त्रे धृतं जरामृत्युं निहन्ति च न संशयः

yāvaddṛḍhatvamāyāti tāvatsvedyaṃ tu golakam / vaktre dhṛtaṃ jarāmṛtyuṃ nihanti ca na saṃśayaḥ

Sanskrit only: no published translation is held for this verse.

सर्वरोगान्निहत्याशु वयः स्तम्भयते ध्रुवम् । कर्णे कण्ठे तथा हस्ते धारिता मस्तकेऽपि वा । अभिचारादिदोषाश्च न भवन्ति कदाचन

sarvarogānnihatyāśu vayaḥ stambhayate dhruvam / karṇe kaṇṭhe tathā haste dhāritā mastake'pi vā / abhicārādidoṣāśca na bhavanti kadācana

Sanskrit only: no published translation is held for this verse.

चतुर्विधान्येव तु बन्धनानि श्रीसूतराजस्य मयोदितानि । कुर्वन्ति ये तत्त्वविदो भिषग्वरा राज्ञां गृहे तेऽपि भवन्ति पूज्याः

caturvidhānyeva tu bandhanāni śrīsūtarājasya mayoditāni / kurvanti ye tattvavido bhiṣagvarā rājñāṃ gṛhe te'pi bhavanti pūjyāḥ

Sanskrit only: no published translation is held for this verse.

इति परमरहस्यं सूतराजस्य चोक्तं रसनिगममहाब्धेर् लब्धम् एतत् सुरत्नम् । सकलगुणवरिष्ठा वादिनः कौतुकज्ञा निजहृदि च सुकण्ठे धारयिष्यन्ति तज्ज्ञाः

iti paramarahasyaṃ sūtarājasya coktaṃ rasanigamamahābdher labdham etat suratnam / sakalaguṇavariṣṭhā vādinaḥ kautukajñā nijahṛdi ca sukaṇṭhe dhārayiṣyanti tajjñāḥ

Sanskrit only: no published translation is held for this verse.