Yasodhara: Rasaprakasasudhakara 3

अथ मया रसभस्म निगद्यते सकलपारदशास्त्रनियोगतः । ससितकृष्णसुपीतकलोहितं भवति वर्णचतुष्टयभूषितम्

atha mayā rasabhasma nigadyate sakalapāradaśāstraniyogataḥ / sasitakṛṣṇasupītakalohitaṃ bhavati varṇacatuṣṭayabhūṣitam

Sanskrit only: no published translation is held for this verse.

<मेर्चुर्य्:: प्रोदुच्तिओन् फ़्रोम् दरद> हंसपाकदरदः सुशोभितो निखिलनिम्बरसेन विमर्दितः । नियतयामचतुष्टयमम्लके घनरसे समभागविलोडितः

<mercury:: production from darada> haṃsapākadaradaḥ suśobhito nikhilanimbarasena vimarditaḥ / niyatayāmacatuṣṭayamamlake ghanarase samabhāgaviloḍitaḥ

Sanskrit only: no published translation is held for this verse.

डमरुकाभिधयंत्रनिवेशितस् तदनु लोहरजः खटिकासमम् । सुपयसा लवणेन विमर्दितं कुरु भिषग्वर यन्त्रसुरोधनम्

ḍamarukābhidhayaṃtraniveśitas tadanu loharajaḥ khaṭikāsamam / supayasā lavaṇena vimarditaṃ kuru bhiṣagvara yantrasurodhanam

Sanskrit only: no published translation is held for this verse.

नियतयामचतुष्टयवह्निना मृदु समं रसमत्र विपाचयेत् । उपरि तत्र जलेन निषिञ्चयेद् इति भवेद्दरदाद् वरसूतकः

niyatayāmacatuṣṭayavahninā mṛdu samaṃ rasamatra vipācayet / upari tatra jalena niṣiñcayed iti bhaveddaradād varasūtakaḥ

Sanskrit only: no published translation is held for this verse.

अखिलशोधवरेण च वै यथा सकलकञ्चुकदोषविवर्जितः । बहुलदोषहरोऽपि भवेत्तथा भवति शुद्धतमो दरदोद्भवः

akhilaśodhavareṇa ca vai yathā sakalakañcukadoṣavivarjitaḥ / bahuladoṣaharo'pi bhavettathā bhavati śuddhatamo daradodbhavaḥ

Sanskrit only: no published translation is held for this verse.

<मेर्चुर्य्:: मेदिच्। उसे (रसकर्पूर?)> विमलसूतवरो हि पलाष्टकं तदनु धातुखटीपटुकांक्षिकाः । पृथगिमाश्च चतुष्पलभागिकाः स्फटिकशुद्धपलाष्टकसंमिताः

<mercury:: medic. use (rasakarpūra?)> vimalasūtavaro hi palāṣṭakaṃ tadanu dhātukhaṭīpaṭukāṃkṣikāḥ / pṛthagimāśca catuṣpalabhāgikāḥ sphaṭikaśuddhapalāṣṭakasaṃmitāḥ

Sanskrit only: no published translation is held for this verse.

सह जलेन विमृद्य च यामकं लवणकाम्लजलेन विमिश्रिताः । उदितधातुगणस्य च मूषिकां कुरु विषं विनिवेशय तत्र वै

saha jalena vimṛdya ca yāmakaṃ lavaṇakāmlajalena vimiśritāḥ / uditadhātugaṇasya ca mūṣikāṃ kuru viṣaṃ viniveśaya tatra vai

Sanskrit only: no published translation is held for this verse.

डमरूकाभिधयंत्रवरेण तं द्विदशयामममुं पच वह्निना । पवनपित्तकफक्षयहारकः सकलरोगहरः परमः सदा

ḍamarūkābhidhayaṃtravareṇa taṃ dvidaśayāmamamuṃ paca vahninā / pavanapittakaphakṣayahārakaḥ sakalarogaharaḥ paramaḥ sadā

Sanskrit only: no published translation is held for this verse.

गजपतेर् बलवद् बलदो नृणां द्विजपतीक्षणवन्नयनप्रदः । युवतिकामविलासविधायको भवति सूतवरः सुखदः सदा । सघनसाररसः किल कान्तिदस् त्व् अखिलकुष्ठहरः कथितो मया

gajapater balavad balado nṛṇāṃ dvijapatīkṣaṇavannayanapradaḥ / yuvatikāmavilāsavidhāyako bhavati sūtavaraḥ sukhadaḥ sadā / saghanasārarasaḥ kila kāntidas tv akhilakuṣṭhaharaḥ kathito mayā

Sanskrit only: no published translation is held for this verse.

<मेर्चुर्य्:: अरुणभस्मन्> विगतदोषकृतौ रसगंधकौ तदनु लुङ्गरसेन परिप्लुतौ । प्रहरयुग्ममितं च शिलातले रविकरेण विमर्द्य विचूर्णितौ

<mercury:: aruṇabhasman> vigatadoṣakṛtau rasagaṃdhakau tadanu luṅgarasena pariplutau / praharayugmamitaṃ ca śilātale ravikareṇa vimardya vicūrṇitau

Sanskrit only: no published translation is held for this verse.

रुचिरकाचघटीविनिवेशितौ सिकतयंत्रवरेण दिनत्रयम् । कुरु भिषग्वर वह्निम् अधस्ततः स च भवेदरुणः कमलच्छविः

rucirakācaghaṭīviniveśitau sikatayaṃtravareṇa dinatrayam / kuru bhiṣagvara vahnim adhastataḥ sa ca bhavedaruṇaḥ kamalacchaviḥ

Sanskrit only: no published translation is held for this verse.

उदयभास्करनामरसो ह्ययं भवति रोगविघातकरः स्वयम् । मगधजामधुना सह गुञ्जिका- त्रयमितश्च सदा परिसेवितः

udayabhāskaranāmaraso hyayaṃ bhavati rogavighātakaraḥ svayam / magadhajāmadhunā saha guñjikā- trayamitaśca sadā parisevitaḥ

Sanskrit only: no published translation is held for this verse.

ललितकामविधावभिलाषुकः स्थविरकोऽपि रतौ तरुणायते । गदहरो बलदोऽपि हि वर्णदो भवति कर्मविपाकजरोगहा । सकलसूतकशास्त्रविमर्शनाद् द्विजवरेण मया प्रकटीकृतः

lalitakāmavidhāvabhilāṣukaḥ sthavirako'pi ratau taruṇāyate / gadaharo balado'pi hi varṇado bhavati karmavipākajarogahā / sakalasūtakaśāstravimarśanād dvijavareṇa mayā prakaṭīkṛtaḥ

Sanskrit only: no published translation is held for this verse.

<मेर्चुर्य्:: रेद् भस्मन्> रसविदापि रसः परिशोधितो विगतदोषकृतोऽपि हि गंधकः । विमललोहमये कृतखर्परे ह्य् अमलसाररजः परिमुच्यताम्

<mercury:: red bhasman> rasavidāpi rasaḥ pariśodhito vigatadoṣakṛto'pi hi gaṃdhakaḥ / vimalalohamaye kṛtakharpare hy amalasārarajaḥ parimucyatām

Sanskrit only: no published translation is held for this verse.

अतिकुशाग्नियुते द्रवति स्वयं तदनु तत्र रसः परिमुच्यताम् । विशदलोहमयेन च दर्विणा विघटयेत्प्रहरत्रयसंमितम्

atikuśāgniyute dravati svayaṃ tadanu tatra rasaḥ parimucyatām / viśadalohamayena ca darviṇā vighaṭayetpraharatrayasaṃmitam

Sanskrit only: no published translation is held for this verse.

तदनु काचघटीं विनिवेश्य वै सिकतयन्त्रवरेण हि पाचितः । द्विदशयाममधःकृतवह्निना भवति रक्तरसस्तलभस्मसात्

tadanu kācaghaṭīṃ viniveśya vai sikatayantravareṇa hi pācitaḥ / dvidaśayāmamadhaḥkṛtavahninā bhavati raktarasastalabhasmasāt

Sanskrit only: no published translation is held for this verse.

गतबलेन नरेण सुसेवितो भवति वाजिकरः सुखदः सदा

gatabalena nareṇa susevito bhavati vājikaraḥ sukhadaḥ sadā

Sanskrit only: no published translation is held for this verse.

स च वलीपलितानि विनाशयेच् छतशरत्सु निरामयकृत्परम्

sa ca valīpalitāni vināśayec chataśaratsu nirāmayakṛtparam

Sanskrit only: no published translation is held for this verse.

<मेर्चुर्य्:: रेद् भस्मन्> विमलनागवरैकविभागिकं हरजभागचतुष्टयमिश्रितम् । सततमेव विमर्द्य शिलातले बलिवसां च समां कुरु तद्भिषक्

<mercury:: red bhasman> vimalanāgavaraikavibhāgikaṃ harajabhāgacatuṣṭayamiśritam / satatameva vimardya śilātale balivasāṃ ca samāṃ kuru tadbhiṣak

Sanskrit only: no published translation is held for this verse.

दिनमितं सुविमर्द्य च कन्यका- स्वरस ऐनकरेण विशोषयेत् । तदनु सूतवरस्य तु कज्जलीं रुचिरकाचघटे विनिवेशय

dinamitaṃ suvimardya ca kanyakā- svarasa ainakareṇa viśoṣayet / tadanu sūtavarasya tu kajjalīṃ rucirakācaghaṭe viniveśaya

Sanskrit only: no published translation is held for this verse.

दिवसयुग्ममधः कृतवह्निना स च भवेदरुणः कमलच्छविः । सकलरोगविनाशनवह्निकृत् बलकरः परमोऽपि हि कान्तिकृत्

divasayugmamadhaḥ kṛtavahninā sa ca bhavedaruṇaḥ kamalacchaviḥ / sakalarogavināśanavahnikṛt balakaraḥ paramo'pi hi kāntikṛt

Sanskrit only: no published translation is held for this verse.

नयनरोगविनाशकरो भवेत् सकलकामुकविभ्रमकारकः । स खलु कर्मविपाकजरोगहा विशदनागयुतः खलु पारदः

nayanarogavināśakaro bhavet sakalakāmukavibhramakārakaḥ / sa khalu karmavipākajarogahā viśadanāgayutaḥ khalu pāradaḥ

Sanskrit only: no published translation is held for this verse.

<मेर्चुर्य्:: जारण wइथ् सुल्फ़ुर्> मृदुमृदा रचिता मसृणेष्टिका उपरि गर्तवरेण च संयुता । रसवरं दशशाणमितं हि तत् सशुकपिच्छवरेण निधापयेत्

<mercury:: jāraṇa with sulfur> mṛdumṛdā racitā masṛṇeṣṭikā upari gartavareṇa ca saṃyutā / rasavaraṃ daśaśāṇamitaṃ hi tat saśukapicchavareṇa nidhāpayet

Sanskrit only: no published translation is held for this verse.

सकलपूर्णकृतं च सुगर्तकं गलितनिम्बुफलोद्भवकेन वै । स्थगय तं च पिधानवरेण वै मृदितया सुमृदा परिमुद्रितम्

sakalapūrṇakṛtaṃ ca sugartakaṃ galitanimbuphalodbhavakena vai / sthagaya taṃ ca pidhānavareṇa vai mṛditayā sumṛdā parimudritam

Sanskrit only: no published translation is held for this verse.

तदनु कुक्कुटानां पुटे शृतो हुपलकेन वनोद्भवकेन वै । विधिविदा भिषजा ह्यमुना कृतो विमलषड्गुणगन्धकम् अश्नुते

tadanu kukkuṭānāṃ puṭe śṛto hupalakena vanodbhavakena vai / vidhividā bhiṣajā hyamunā kṛto vimalaṣaḍguṇagandhakam aśnute

Sanskrit only: no published translation is held for this verse.

स च शरीरकरोऽप्यथ लोहकृत् सकलसिद्धिकरः परमो भवेत् । शतगुणं हि यदा परिजीर्यते रसवरः खलु हेमकरो भवेत्

sa ca śarīrakaro'pyatha lohakṛt sakalasiddhikaraḥ paramo bhavet / śataguṇaṃ hi yadā parijīryate rasavaraḥ khalu hemakaro bhavet

Sanskrit only: no published translation is held for this verse.

<मेर्चुर्य्:: रसपोट्टली> सशुकपिच्छसमोऽपि हि पारदो भवति खल्वतलेन च कुट्टितः । दृढतरामुपकल्पय पर्पटीं वसनबद्धकृतामपि पोटलीम्

<mercury:: rasapoṭṭalī> saśukapicchasamo'pi hi pārado bhavati khalvatalena ca kuṭṭitaḥ / dṛḍhatarāmupakalpaya parpaṭīṃ vasanabaddhakṛtāmapi poṭalīm

Sanskrit only: no published translation is held for this verse.

उपरि नागरसेन विलेपिता रविकरेण सदा परिशोषिताम् । कनकपत्ररसेन च सप्तधाप्य् अवनिगर्ततले विनिवेशय

upari nāgarasena vilepitā ravikareṇa sadā pariśoṣitām / kanakapatrarasena ca saptadhāpy avanigartatale viniveśaya

Sanskrit only: no published translation is held for this verse.

अवनिगर्तम् अरत्निकम् आयतं द्विदशमङ्गुलमेव सुनिम्नकम् । सिकतया परिपूर्य तदर्धकं तदनु तत्र निवेशय पोट्टलीम्

avanigartam aratnikam āyataṃ dvidaśamaṅgulameva sunimnakam / sikatayā paripūrya tadardhakaṃ tadanu tatra niveśaya poṭṭalīm

Sanskrit only: no published translation is held for this verse.

उपरि वालुकया परिपूर्य तच् छगणकैश्च पुटं परिदीयताम् । द्विदशयामम् अथाग्निमहो कुरु भवति तेन महारसपोटली । इति मया कथिता रसपोटली बलकरा सुकरा सुखसिद्धिदा

upari vālukayā paripūrya tac chagaṇakaiśca puṭaṃ paridīyatām / dvidaśayāmam athāgnimaho kuru bhavati tena mahārasapoṭalī / iti mayā kathitā rasapoṭalī balakarā sukarā sukhasiddhidā

Sanskrit only: no published translation is held for this verse.

<मेर्चुर्य्:: मारण> विशदसूतसमोऽपि हि गंधकस् तदनु खल्वतले सुविमर्दितः । त्रिदिनमेव हि हंसपदीरसे दिनकरस्य करेण सुशोषितः

<mercury:: māraṇa> viśadasūtasamo'pi hi gaṃdhakas tadanu khalvatale suvimarditaḥ / tridinameva hi haṃsapadīrase dinakarasya kareṇa suśoṣitaḥ

Sanskrit only: no published translation is held for this verse.

विमललोहमये दृढखर्परे तदनु कज्जलिकां प्रतिमुच्य वै । करमिता सुकृतापि हि चुह्लिका ह्य् उपरि तत्र निवेशय च भाजनं

vimalalohamaye dṛḍhakharpare tadanu kajjalikāṃ pratimucya vai / karamitā sukṛtāpi hi cuhlikā hy upari tatra niveśaya ca bhājanaṃ

Sanskrit only: no published translation is held for this verse.

अमललोहमयेन च दर्विणा रसवरं नियतं परिमर्दयेत् । तदनु वह्निमधः कुरु वै दृढं सततमेव हि यामचतुष्टयम्

amalalohamayena ca darviṇā rasavaraṃ niyataṃ parimardayet / tadanu vahnimadhaḥ kuru vai dṛḍhaṃ satatameva hi yāmacatuṣṭayam

Sanskrit only: no published translation is held for this verse.

सुपच एष रसो जलदोपमो भवति वल्लमितो मधुना युतः । कवलितः क्षयरोगगणापहो मदनवृद्धिकरः परमो नृणाम्

supaca eṣa raso jaladopamo bhavati vallamito madhunā yutaḥ / kavalitaḥ kṣayarogagaṇāpaho madanavṛddhikaraḥ paramo nṛṇām

Sanskrit only: no published translation is held for this verse.

स च वलीपलितानि विनाशयेत् सकलकुष्ठविनाशकरः परः

sa ca valīpalitāni vināśayet sakalakuṣṭhavināśakaraḥ paraḥ

Sanskrit only: no published translation is held for this verse.

<मेर्चुर्य्:: मारण> मृदुमृदा परिकल्पितमूषिकां रसमिताङ्गुलिकां भुवि संन्यसेत् । रसवरं विमलं च सुशोभितं सशुकपिच्छसमं परिमर्दितम्

<mercury:: māraṇa> mṛdumṛdā parikalpitamūṣikāṃ rasamitāṅgulikāṃ bhuvi saṃnyaset / rasavaraṃ vimalaṃ ca suśobhitaṃ saśukapicchasamaṃ parimarditam

Sanskrit only: no published translation is held for this verse.

रससमानमितं धृतमूषया द्वितययुग्मकृतं परिमुद्रितम् । कनकमूलरसेन च पाचितं तदनु सप्तदिनं कृशवह्निना

rasasamānamitaṃ dhṛtamūṣayā dvitayayugmakṛtaṃ parimudritam / kanakamūlarasena ca pācitaṃ tadanu saptadinaṃ kṛśavahninā

Sanskrit only: no published translation is held for this verse.

रसवरस्य शुभं हि विपाचनं यवमितो रसराजवरस् तदा । दिनमुखे प्रतिहन्ति सुभक्षितः सकलदोषकृतां विकृतिं जयेत्

rasavarasya śubhaṃ hi vipācanaṃ yavamito rasarājavaras tadā / dinamukhe pratihanti subhakṣitaḥ sakaladoṣakṛtāṃ vikṛtiṃ jayet

Sanskrit only: no published translation is held for this verse.

<रसपर्पटी> रसवरं पलयुग्ममितं शुभं रुचिरताम्रमयः समभागिकम् । बलिवसां च घृतेन विमर्दयेद् अतिकृशाग्निकृते द्रवति स्वयम्

<rasaparpaṭī> rasavaraṃ palayugmamitaṃ śubhaṃ ruciratāmramayaḥ samabhāgikam / balivasāṃ ca ghṛtena vimardayed atikṛśāgnikṛte dravati svayam

Sanskrit only: no published translation is held for this verse.

तदनु ताम्ररसौ विनिवेश्यतां त्रयमिदं सरसं च विमर्दितम् । द्रुतमयं च सदायसभाजने तदनु सूतकृतां वरकज्जलीम्

tadanu tāmrarasau viniveśyatāṃ trayamidaṃ sarasaṃ ca vimarditam / drutamayaṃ ca sadāyasabhājane tadanu sūtakṛtāṃ varakajjalīm

Sanskrit only: no published translation is held for this verse.

विघटयेदथ लोहसुदर्विणा तदनु मोचदलोपरि ढाल्यते । भवति सारतमा रसपर्पटी सकलरोगविघातकरी हि सा

vighaṭayedatha lohasudarviṇā tadanu mocadalopari ḍhālyate / bhavati sāratamā rasaparpaṭī sakalarogavighātakarī hi sā

Sanskrit only: no published translation is held for this verse.

कुरु समानकटुत्रयसंयुतां मरिचयुग्ममितां सुखदां सदा

kuru samānakaṭutrayasaṃyutāṃ maricayugmamitāṃ sukhadāṃ sadā

Sanskrit only: no published translation is held for this verse.

अनुपाने प्रयोक्तव्या त्रिफलाक्षौद्रसंयुता । पर्पटीं भक्षयेत्प्रातस् तथा त्र्यूषणसंयुताम्

anupāne prayoktavyā triphalākṣaudrasaṃyutā / parpaṭīṃ bhakṣayetprātas tathā tryūṣaṇasaṃyutām

Sanskrit only: no published translation is held for this verse.

सन्निपातहरा सा तु पञ्चकोलेन संयुता । भक्षिता मधुना सार्धं सर्वज्वरविनाशिनी

sannipātaharā sā tu pañcakolena saṃyutā / bhakṣitā madhunā sārdhaṃ sarvajvaravināśinī

Sanskrit only: no published translation is held for this verse.

कणाक्षौद्रेण सहिता सर्वशोफान्निकृन्तति । श्यामात्रिकटुकेनापि वातजां ग्रहणीं जयेत्

kaṇākṣaudreṇa sahitā sarvaśophānnikṛntati / śyāmātrikaṭukenāpi vātajāṃ grahaṇīṃ jayet

Sanskrit only: no published translation is held for this verse.

गुग्गुलुत्रिफलासार्धं वातरक्तं विनाशयेत् । वातशूलहरा सम्यक् हिंगुपुष्करसंयुता

guggulutriphalāsārdhaṃ vātaraktaṃ vināśayet / vātaśūlaharā samyak hiṃgupuṣkarasaṃyutā

Sanskrit only: no published translation is held for this verse.

व्योषैः कन्यारसैर्वापि कफामयविनाशिनी । दशमूलशृतेनापि वातज्वरनिबर्हणी

vyoṣaiḥ kanyārasairvāpi kaphāmayavināśinī / daśamūlaśṛtenāpi vātajvaranibarhaṇī

Sanskrit only: no published translation is held for this verse.

वाकुचीबीजकल्केन कण्डूपामे विनाशयेत् । आरुष्करेण सहिता सा तु सिध्मविनाशिनी

vākucībījakalkena kaṇḍūpāme vināśayet / āruṣkareṇa sahitā sā tu sidhmavināśinī

Sanskrit only: no published translation is held for this verse.

गोमूत्रेणानुपानेन चार्शोरोगविनाशिनी । नवमाल्यर्जुनश्चैव चित्रको भृङ्गराजकः

gomūtreṇānupānena cārśorogavināśinī / navamālyarjunaścaiva citrako bhṛṅgarājakaḥ

Sanskrit only: no published translation is held for this verse.

शाल्मली निम्बपंचांगं कल्हारश्च गुडूचिका । निर्गुंडी च समांशानि कारयेद्भिषगुत्तमः

śālmalī nimbapaṃcāṃgaṃ kalhāraśca guḍūcikā / nirguṃḍī ca samāṃśāni kārayedbhiṣaguttamaḥ

Sanskrit only: no published translation is held for this verse.

चूर्णीकृत्य च तत्सर्वं पर्पट्याश्चानुपानकम् । अष्टादश च कुष्ठानि निहन्त्येव न संशयः

cūrṇīkṛtya ca tatsarvaṃ parpaṭyāścānupānakam / aṣṭādaśa ca kuṣṭhāni nihantyeva na saṃśayaḥ

Sanskrit only: no published translation is held for this verse.

पर्पटी रसराजश्च रोगान्हन्त्यनुपानतः । अपथ्यं नैव भुञ्जीयाद् दोषदूष्याद्यपेक्षया

parpaṭī rasarājaśca rogānhantyanupānataḥ / apathyaṃ naiva bhuñjīyād doṣadūṣyādyapekṣayā

Sanskrit only: no published translation is held for this verse.

<रसपर्पटी> शुद्धं रसं गंधकमेव शुद्धं पृथक् समांशं कुरु यत्नतस्ततः । एरंडमूलस्य रसेन सूतं तथाद्रिकर्ण्या स्वरसेन मर्दयेत्

<rasaparpaṭī> śuddhaṃ rasaṃ gaṃdhakameva śuddhaṃ pṛthak samāṃśaṃ kuru yatnatastataḥ / eraṃḍamūlasya rasena sūtaṃ tathādrikarṇyā svarasena mardayet

Sanskrit only: no published translation is held for this verse.

तं काकमाच्याः स्वरसेन पिष्ट्वा तथा च तं दाडिमबीजतोयैः । क्रमेण सूतं हि दिनैश्चतुर्भिः शुद्धत्वमायाति हि निश्चयेन

taṃ kākamācyāḥ svarasena piṣṭvā tathā ca taṃ dāḍimabījatoyaiḥ / krameṇa sūtaṃ hi dinaiścaturbhiḥ śuddhatvamāyāti hi niścayena

Sanskrit only: no published translation is held for this verse.

ततस्तु गंधं खलु मार्कवद्रवैर् विभाव्यमानं कुरु लोहपात्रे । प्रद्रावयेत्तं बदरस्य चाग्निना प्रढालयेद् भृंगरसे त्रिवारम्

tatastu gaṃdhaṃ khalu mārkavadravair vibhāvyamānaṃ kuru lohapātre / pradrāvayettaṃ badarasya cāgninā praḍhālayed bhṛṃgarase trivāram

Sanskrit only: no published translation is held for this verse.

कार्या ततः कज्जलिका विमर्द्य तां द्रावयेल्लोहमये सुपात्रे । प्रढालयेत्तां कदलीदले हि संछाद्य चान्येन दलेन पश्चात्

kāryā tataḥ kajjalikā vimardya tāṃ drāvayellohamaye supātre / praḍhālayettāṃ kadalīdale hi saṃchādya cānyena dalena paścāt

Sanskrit only: no published translation is held for this verse.

तस्यास् त्व् अधोर्ध्वं प्रददीत गोमयं शीतीकृता गव्यघृतेन भर्जिता । रोगानशेषान्मलदोषजातान् हिनस्ति चैषा रसपर्पटी हि

tasyās tv adhordhvaṃ pradadīta gomayaṃ śītīkṛtā gavyaghṛtena bharjitā / rogānaśeṣānmaladoṣajātān hinasti caiṣā rasaparpaṭī hi

Sanskrit only: no published translation is held for this verse.

सा जीरकेणैव तु रामठेन वातामशूलं गृहणीं सकामलाम् । गुल्मानि चाष्टावुदराणि हन्यात् संसेविता शुद्धरसस्य पर्पटी

sā jīrakeṇaiva tu rāmaṭhena vātāmaśūlaṃ gṛhaṇīṃ sakāmalām / gulmāni cāṣṭāvudarāṇi hanyāt saṃsevitā śuddharasasya parpaṭī

Sanskrit only: no published translation is held for this verse.

मयापि सद्वैद्यहिताय नूनं प्रदर्शितेयं खलु रोगनाशिनी

mayāpi sadvaidyahitāya nūnaṃ pradarśiteyaṃ khalu roganāśinī

Sanskrit only: no published translation is held for this verse.

<मेर्चुर्य्:: मारण> सूतं सुशुद्धं लवणैश्चतुर्भिः क्षारैस्त्रिभिश्चापि विमर्दयेच्च । संशोष्य पश्चादपि हिंगुराजिका- शुंठीभिरेभिश्च समं विमर्द्य

<mercury:: māraṇa> sūtaṃ suśuddhaṃ lavaṇaiścaturbhiḥ kṣāraistribhiścāpi vimardayecca / saṃśoṣya paścādapi hiṃgurājikā- śuṃṭhībhirebhiśca samaṃ vimardya

Sanskrit only: no published translation is held for this verse.

रसेन सार्धं हि कुमारिकाया मूषां विदध्याद्रविघर्मशोषिताम् । तस्यां निधायाथ रसस्य गोलकं तं स्वेदितं चाम्लरसेन सम्यक्

rasena sārdhaṃ hi kumārikāyā mūṣāṃ vidadhyādravigharmaśoṣitām / tasyāṃ nidhāyātha rasasya golakaṃ taṃ sveditaṃ cāmlarasena samyak

Sanskrit only: no published translation is held for this verse.

यामाष्टकेनाग्निकृतेन दोलया पश्चाद् रसेनाभिविमर्दितोऽसौ । भेकपर्ण्युरुवुभृंगराजकैः शृङ्गवेरगिरिकर्णिकारसैः

yāmāṣṭakenāgnikṛtena dolayā paścād rasenābhivimardito'sau / bhekaparṇyuruvubhṛṃgarājakaiḥ śṛṅgaveragirikarṇikārasaiḥ

Sanskrit only: no published translation is held for this verse.

काकमाचिजविभक्तिकाजलैर् धूर्तजैरपि जयन्तिकाद्रवैः । सिंधुवारकरसेन मर्दितं मसृणखल्वतले त्रिवासरम्

kākamācijavibhaktikājalair dhūrtajairapi jayantikādravaiḥ / siṃdhuvārakarasena marditaṃ masṛṇakhalvatale trivāsaram

Sanskrit only: no published translation is held for this verse.

प्रतिरसं च विशोष्य हि भक्षयेद् रक्तिकाद्वयमितं रुजापहम् । केकिमाहिषवराहपित्तकैः कच्छपस्य च रसेन मर्दितम् । जायतेऽधिकतरं गुणेन वै सन्निपातभवमूर्च्छनं जयेत्

pratirasaṃ ca viśoṣya hi bhakṣayed raktikādvayamitaṃ rujāpaham / kekimāhiṣavarāhapittakaiḥ kacchapasya ca rasena marditam / jāyate'dhikataraṃ guṇena vai sannipātabhavamūrcchanaṃ jayet

Sanskrit only: no published translation is held for this verse.

यः श्रीसूतवरस्य सेवनमिदं नित्यं करोतीह वै दीर्घायुर्धनधान्यधर्मसहितः प्राप्नोति सौख्यं परम् । लोके कीर्तिपरंपरां वितनुते धर्मे मतिर्जायते प्रान्ते तस्य परा गतिर्हि नियतं सत्यं शिवेनोदितम्

yaḥ śrīsūtavarasya sevanamidaṃ nityaṃ karotīha vai dīrghāyurdhanadhānyadharmasahitaḥ prāpnoti saukhyaṃ param / loke kīrtiparaṃparāṃ vitanute dharme matirjāyate prānte tasya parā gatirhi niyataṃ satyaṃ śivenoditam

Sanskrit only: no published translation is held for this verse.