Brhadyamasmrti, 182-verse version 2

इति श्रीयाम्ये धर्मशास्त्रे प्रथमो ध्यायः ॥ अध्याय २ नटां [टीं] शैलूषिकां चैव रजकीं वेणुजीविनीम् । गत्वा चान्द्रायणं कुर्यात् तथा चर्मोपजीविनीम्

iti śrīyāmye dharmaśāstre prathamo dhyāyaḥ || adhyāya 2 naṭāṃ [ṭīṃ] śailūṣikāṃ caiva rajakīṃ veṇujīvinīm / gatvā cāndrāyaṇaṃ kuryāt tathā carmopajīvinīm

Sanskrit only: no published translation is held for this verse.

कापालिकान्नभोक्तॄणां तनयागामिनां तथा । अज्ञानात् कृच्छ्रम् उद्दिष्टं ज्ञात्वा चैव व्रतद्वयम्

kāpālikānnabhoktṝṇāṃ tanayāgāmināṃ tathā / ajñānāt kṛcchram uddiṣṭaṃ jñātvā caiva vratadvayam

Sanskrit only: no published translation is held for this verse.

सुरायाः संप्रपानेन गोमांसभक्षणे कृते । तप्तकृच्छ्रं चरेद् विप्रो मौञ्जीहोमेन शुध्यति

surāyāḥ saṃprapānena gomāṃsabhakṣaṇe kṛte / taptakṛcchraṃ cared vipro mauñjīhomena śudhyati

Sanskrit only: no published translation is held for this verse.

गोक्षत्त्रियं तथा वैश्यं शूद्रं चाप्य् अनुलोमजम् । ज्ञात्वा विशेषेण ततश् चरेच् चान्द्रायणं व्रतम्

gokṣattriyaṃ tathā vaiśyaṃ śūdraṃ cāpy anulomajam / jñātvā viśeṣeṇa tataś carec cāndrāyaṇaṃ vratam

Sanskrit only: no published translation is held for this verse.

कुक्कुटाण्डकमात्रं तु ग्रासं च परिकल्पयेत् । अन्यथाभावदोषेण नवमे ऽति च शुध्यह्नि

kukkuṭāṇḍakamātraṃ tu grāsaṃ ca parikalpayet / anyathābhāvadoṣeṇa navame 'ti ca śudhyahni

Sanskrit only: no published translation is held for this verse.

एकैकं वर्धयेद् ग्रासं शुक्ले कृष्णे च ह्रासयेत् । अमायां तु न भुञ्जीत एष चान्द्रायणो विधिः

ekaikaṃ vardhayed grāsaṃ śukle kṛṣṇe ca hrāsayet / amāyāṃ tu na bhuñjīta eṣa cāndrāyaṇo vidhiḥ

Sanskrit only: no published translation is held for this verse.

प्रायश्चित्तम् उपक्रम्य कर्ता यदि विपद्यते । पूतस् तद् अहरेद् वापि इह लोके परत्र च

prāyaścittam upakramya kartā yadi vipadyate / pūtas tad ahared vāpi iha loke paratra ca

Sanskrit only: no published translation is held for this verse.

यावद् एकः पृथग् भाव्यः प्रायश्चित्तं न सेवते । अप्रशस्ता न ते स्पृश्यास् ते सर्वे ऽपि विगर्हिताः

yāvad ekaḥ pṛthag bhāvyaḥ prāyaścittaṃ na sevate / apraśastā na te spṛśyās te sarve 'pi vigarhitāḥ

Sanskrit only: no published translation is held for this verse.

अभोज्याश् चाप्रतिग्राह्या असंपङ्क्त्याविवाहिकाः । पूयन्ते तु व्रते चीर्णे सर्वे ते रिक्थभागिनः

abhojyāś cāpratigrāhyā asaṃpaṅktyāvivāhikāḥ / pūyante tu vrate cīrṇe sarve te rikthabhāginaḥ

Sanskrit only: no published translation is held for this verse.