Brhadyamasmrti, 182-verse version 3

इति श्रीयाम्ये धर्मशास्त्रे द्वितीयो ऽध्यायः ॥ अध्याय ३ ऊनैकादशवर्षस्य पञ्चवर्षात् परस्य च । प्रायश्चित्तं चरेद् भ्रात पिता वा ऽन्यो ऽपि बान्धवः

iti śrīyāmye dharmaśāstre dvitīyo 'dhyāyaḥ || adhyāya 3 ūnaikādaśavarṣasya pañcavarṣāt parasya ca / prāyaścittaṃ cared bhrāta pitā vā 'nyo 'pi bāndhavaḥ

Sanskrit only: no published translation is held for this verse.

अतो बालतरस्यापि नापराधो न पातकम् । राजदण्डो न तस्यास्ति प्रायश्चित्तं न विद्यते

ato bālatarasyāpi nāparādho na pātakam / rājadaṇḍo na tasyāsti prāyaścittaṃ na vidyate

Sanskrit only: no published translation is held for this verse.

अशीत्यधिकवर्षाणि बालो वा ऽप्य् ऊनषोडशः । प्रायश्चित्तार्धम् अर्हन्ति स्त्रियो व्याधित एव च

aśītyadhikavarṣāṇi bālo vā 'py ūnaṣoḍaśaḥ / prāyaścittārdham arhanti striyo vyādhita eva ca

Sanskrit only: no published translation is held for this verse.

पितृव्यभ्रातृभार्यां च भगिनीं मातुर् एव च । श्वश्रूं पितृष्वसारं च तप्तकृच्छ्रं समाचरेत्

pitṛvyabhrātṛbhāryāṃ ca bhaginīṃ mātur eva ca / śvaśrūṃ pitṛṣvasāraṃ ca taptakṛcchraṃ samācaret

Sanskrit only: no published translation is held for this verse.

राज्ञीम् आचार्यशिष्यां वा उपाध्यायस्य योषितः । एता गत्वा स्त्रियो मोहात् षण्मासं कृच्छ्रम् आचरेत्

rājñīm ācāryaśiṣyāṃ vā upādhyāyasya yoṣitaḥ / etā gatvā striyo mohāt ṣaṇmāsaṃ kṛcchram ācaret

Sanskrit only: no published translation is held for this verse.

द्वौ मासौ भक्ष्य भोज्यं च द्वौ मासौ यावकेन तु । द्वौ मासौ पञ्चगव्येन षण्मासं कृच्छ्रम् आचरेत्

dvau māsau bhakṣya bhojyaṃ ca dvau māsau yāvakena tu / dvau māsau pañcagavyena ṣaṇmāsaṃ kṛcchram ācaret

Sanskrit only: no published translation is held for this verse.

मातरं गुरुपत्नीं च स्वसारं दुहितां तथा । गत्वा तु प्रविशेद् अग्निं नान्या शुद्धिर् विधीयते

mātaraṃ gurupatnīṃ ca svasāraṃ duhitāṃ tathā / gatvā tu praviśed agniṃ nānyā śuddhir vidhīyate

Sanskrit only: no published translation is held for this verse.

अस्तं गते यदा सूर्ये चाण्डालम् ऋतुमत्स्त्रियः । संस्पृशेत् तु यदा कश्चित् प्रायश्चित्तं कथं भवेत्

astaṃ gate yadā sūrye cāṇḍālam ṛtumatstriyaḥ / saṃspṛśet tu yadā kaścit prāyaścittaṃ kathaṃ bhavet

Sanskrit only: no published translation is held for this verse.

जातरूप्यं सुवर्णं तु दिवा ऽऽहृतं च यज् जलं । तेन स्नात्वा च पीत्वा च गाम् आलभ्य विशुध्यति

jātarūpyaṃ suvarṇaṃ tu divā ''hṛtaṃ ca yaj jalaṃ / tena snātvā ca pītvā ca gām ālabhya viśudhyati

Sanskrit only: no published translation is held for this verse.

दासनापितगोपाल- कुलमित्रार्धसीरिणः । एते शूद्रास् तु भोज्यान्ना यश् चा ऽऽत्मानं निवेदयेत्

dāsanāpitagopāla- kulamitrārdhasīriṇaḥ / ete śūdrās tu bhojyānnā yaś cā ''tmānaṃ nivedayet

Sanskrit only: no published translation is held for this verse.

असच् छूद्रेषु अन्नाद्यं ये भुञ्जन्त्य् अबुधा द्विजाः । प्रायश्चित्तं तथा प्राप्तं चरेच् चान्द्रायणव्रतम्

asac chūdreṣu annādyaṃ ye bhuñjanty abudhā dvijāḥ / prāyaścittaṃ tathā prāptaṃ carec cāndrāyaṇavratam

Sanskrit only: no published translation is held for this verse.

यः करोत्य् एकरात्रेण वृषलीसेवनं द्विजः । तद्भक्षणे जपेन् नित्यं त्रिभिर् वर्षैर् व्यपोहति

yaḥ karoty ekarātreṇa vṛṣalīsevanaṃ dvijaḥ / tadbhakṣaṇe japen nityaṃ tribhir varṣair vyapohati

Sanskrit only: no published translation is held for this verse.

वृषलीं यस् तु गृह्णाति ब्राह्मणो मदमोहितः । सदा सूतकिता तस्य ब्रह्महत्या दिने दिने

vṛṣalīṃ yas tu gṛhṇāti brāhmaṇo madamohitaḥ / sadā sūtakitā tasya brahmahatyā dine dine

Sanskrit only: no published translation is held for this verse.

वृषलीगमनं चैव मासम् एकं निरन्तरम् । इह जन्मनि शूद्रत्वं पुनः श्वानो भविष्यति

vṛṣalīgamanaṃ caiva māsam ekaṃ nirantaram / iha janmani śūdratvaṃ punaḥ śvāno bhaviṣyati

Sanskrit only: no published translation is held for this verse.

वृषलीफेनपीतस्य निःश्वासोपगतस्य च । तस्यां चैव प्रसूतस्य निष्कृतिर् न विधीयते

vṛṣalīphenapītasya niḥśvāsopagatasya ca / tasyāṃ caiva prasūtasya niṣkṛtir na vidhīyate

Sanskrit only: no published translation is held for this verse.

अग्रे माहिषकं दृष्ट्वा मध्ये च वृषलीपतिम् । अन्ते वार्धुषिकं दृष्ट्वा निराशाः पितरो गताः

agre māhiṣakaṃ dṛṣṭvā madhye ca vṛṣalīpatim / ante vārdhuṣikaṃ dṛṣṭvā nirāśāḥ pitaro gatāḥ

Sanskrit only: no published translation is held for this verse.

महिषीत्य् उच्यते भार्या सा चैव व्यभिचारिणी । तान् दोषान् क्षमते यस् तु स वै माहिषकः स्मृतः

mahiṣīty ucyate bhāryā sā caiva vyabhicāriṇī / tān doṣān kṣamate yas tu sa vai māhiṣakaḥ smṛtaḥ

Sanskrit only: no published translation is held for this verse.

पितुर् गेहे तु या कन्या पश्यत्य् असंस्कृता रजः । भ्रूणहत्या पितुस् तस्याः कन्या सा वृषली स्मृता

pitur gehe tu yā kanyā paśyaty asaṃskṛtā rajaḥ / bhrūṇahatyā pitus tasyāḥ kanyā sā vṛṣalī smṛtā

Sanskrit only: no published translation is held for this verse.

यस् तां विवाहयेत् कन्यां ब्राह्मणो मदमोहितः । असंभष्यो ह्य् अपाङ्क्तेयः स विप्रो वृषलीपतिः

yas tāṃ vivāhayet kanyāṃ brāhmaṇo madamohitaḥ / asaṃbhaṣyo hy apāṅkteyaḥ sa vipro vṛṣalīpatiḥ

Sanskrit only: no published translation is held for this verse.

प्राप्ते द्वादशमे वर्षे कन्यां यो न प्रयच्छति । मासि मासि रजस् तस्याः पिता पिबति शोणितम्

prāpte dvādaśame varṣe kanyāṃ yo na prayacchati / māsi māsi rajas tasyāḥ pitā pibati śoṇitam

Sanskrit only: no published translation is held for this verse.

अष्टवर्षा भवेद् गौरी नववर्षा च रोहिणी । दशवर्षा भवेत् कन्या अत ऊर्ध्वं रजस्वला

aṣṭavarṣā bhaved gaurī navavarṣā ca rohiṇī / daśavarṣā bhavet kanyā ata ūrdhvaṃ rajasvalā

Sanskrit only: no published translation is held for this verse.

माता चैव पिता चैव ज्येष्ठभ्राता तथैव च । त्रयस् ते नरकं यान्ति दृष्ट्वा कन्यां रजस्वलाम्

mātā caiva pitā caiva jyeṣṭhabhrātā tathaiva ca / trayas te narakaṃ yānti dṛṣṭvā kanyāṃ rajasvalām

Sanskrit only: no published translation is held for this verse.

समर्घं धनम् उत्सृज्य मह[हा]र्घं यः प्रयच्छति । स वै वार्धुषिको ज्ञेयो ब्रह्मवादिषु गर्हितः

samarghaṃ dhanam utsṛjya maha[hā]rghaṃ yaḥ prayacchati / sa vai vārdhuṣiko jñeyo brahmavādiṣu garhitaḥ

Sanskrit only: no published translation is held for this verse.

शुक्रक्षयकरा वन्ध्या त्याज्यैति परिकीर्तिता । तस्यास् तु यो भवेद् भर्ता तं तु विद्याद् अजाविकम्

śukrakṣayakarā vandhyā tyājyaiti parikīrtitā / tasyās tu yo bhaved bhartā taṃ tu vidyād ajāvikam

Sanskrit only: no published translation is held for this verse.

दूराच् छ्रान्तं भयग्रस्तं ब्राह्मणं गृहम् आगतम् । अनर्चयित्वा यो भुङ्क्ते तत् क्षणे ऽसौ विधीयते

dūrāc chrāntaṃ bhayagrastaṃ brāhmaṇaṃ gṛham āgatam / anarcayitvā yo bhuṅkte tat kṣaṇe 'sau vidhīyate

Sanskrit only: no published translation is held for this verse.

अजाविको माहिषश् च तथा च वृषलीपतिः । तृणाग्रेणापि संस्पृष्ट्वा सवासा जलम् आविशेत्

ajāviko māhiṣaś ca tathā ca vṛṣalīpatiḥ / tṛṇāgreṇāpi saṃspṛṣṭvā savāsā jalam āviśet

Sanskrit only: no published translation is held for this verse.

यावद् उष्णं भवेद् अन्नं यावद् भुञ्जन्ति वाग्यताः । पितरस् तावद् अश्नन्ति यावन् नोक्ता हविर्गुणाः

yāvad uṣṇaṃ bhaved annaṃ yāvad bhuñjanti vāgyatāḥ / pitaras tāvad aśnanti yāvan noktā havirguṇāḥ

Sanskrit only: no published translation is held for this verse.

हविर्गुणा न वक्तव्याः पितरो यान्त्य् अतर्पिताः । पितृभिस् तर्पितैः पश्चाद् वक्तव्यं शोभनं हविः

havirguṇā na vaktavyāḥ pitaro yānty atarpitāḥ / pitṛbhis tarpitaiḥ paścād vaktavyaṃ śobhanaṃ haviḥ

Sanskrit only: no published translation is held for this verse.

यावतो ग्रसते ग्रासान् हव्यकव्येष्व् अमन्त्रितः । तावतो ग्रसते प्रेत्य दीप्तान् ग्रासान् अयोमयान्

yāvato grasate grāsān havyakavyeṣv amantritaḥ / tāvato grasate pretya dīptān grāsān ayomayān

Sanskrit only: no published translation is held for this verse.

आसनेश्व् आसनं दद्यान् न तु हस्ते कदाचन । हस्तेश्व् आसनदाने च निराशाः पितरो गताः

āsaneśv āsanaṃ dadyān na tu haste kadācana / hasteśv āsanadāne ca nirāśāḥ pitaro gatāḥ

Sanskrit only: no published translation is held for this verse.

आसने पादम् आरूढो वस्त्रस्यार्धम् अधः कृतम् । मुखेन धमितं भुङ्क्ते द्विजश् चान्द्रायणं चरेत्

āsane pādam ārūḍho vastrasyārdham adhaḥ kṛtam / mukhena dhamitaṃ bhuṅkte dvijaś cāndrāyaṇaṃ caret

Sanskrit only: no published translation is held for this verse.

अङ्गुल्यां यः पवित्राणि कृत्वा गन्धान् समर्च[र्प]येत् । पितॄणां नोपतिष्ठेत राक्षसैर् विप्रलुप्यति

aṅgulyāṃ yaḥ pavitrāṇi kṛtvā gandhān samarca[rpa]yet / pitṝṇāṃ nopatiṣṭheta rākṣasair vipralupyati

Sanskrit only: no published translation is held for this verse.

हसन्ग्रासं च यो भुङ्क्ते सशब्दं सेङ्गितं तथा । लेहितं वर्तितं चैव षड् एते पङ्क्तिदूषकाः

hasangrāsaṃ ca yo bhuṅkte saśabdaṃ seṅgitaṃ tathā / lehitaṃ vartitaṃ caiva ṣaḍ ete paṅktidūṣakāḥ

Sanskrit only: no published translation is held for this verse.

श्वित्री कुष्ट्ःई तथा शूली कुनखी श्यावदन्तकः । रोगी हीनातिरिक्ताङ्गः पिशुनो मत्सरी तथा

śvitrī kuṣṭḥī tathā śūlī kunakhī śyāvadantakaḥ / rogī hīnātiriktāṅgaḥ piśuno matsarī tathā

Sanskrit only: no published translation is held for this verse.

दुर्भगो हि तथा षण्ढः पाखण्डी वेदनिन्दकः । हैतुकः शूद्रयाजी च अयाज्यानां च याजकः

durbhago hi tathā ṣaṇḍhaḥ pākhaṇḍī vedanindakaḥ / haitukaḥ śūdrayājī ca ayājyānāṃ ca yājakaḥ

Sanskrit only: no published translation is held for this verse.

नित्यं प्रतिग्रहे लुब्धो याचको विषयात्मकः । श्यावदन्तो ऽथ वैद्यश् च असदालापकस् तथा

nityaṃ pratigrahe lubdho yācako viṣayātmakaḥ / śyāvadanto 'tha vaidyaś ca asadālāpakas tathā

Sanskrit only: no published translation is held for this verse.

एते श्राद्धे च दाने च वर्जनीयाः प्रयत्नतः । तथा देवलकश् चैव भृतको वेदविक्रयी

ete śrāddhe ca dāne ca varjanīyāḥ prayatnataḥ / tathā devalakaś caiva bhṛtako vedavikrayī

Sanskrit only: no published translation is held for this verse.

एते वर्ज्याः प्रयत्नेन एवम् एव यमो ऽब्रवीत् । निराशाः पितरस् तस्य भवन्ति ऋणभागिनः

ete varjyāḥ prayatnena evam eva yamo 'bravīt / nirāśāḥ pitaras tasya bhavanti ṛṇabhāginaḥ

Sanskrit only: no published translation is held for this verse.

अथ चेन् मत्र[न्त्र]विद्युक्तो वैष्णवो ज्ञानवान् हि सः । हव्यकव्ये नियोक्तव्य इति प्राह स्वयं यमः

atha cen matra[ntra]vidyukto vaiṣṇavo jñānavān hi saḥ / havyakavye niyoktavya iti prāha svayaṃ yamaḥ

Sanskrit only: no published translation is held for this verse.

तस्मात् सर्वप्रयत्नेन श्राद्धे यज्ञे च कर्मणि । अदूष्यं चैव विप्रेन्द्रं योजनीयं[येत्तु] प्रयत्नतः

tasmāt sarvaprayatnena śrāddhe yajñe ca karmaṇi / adūṣyaṃ caiva viprendraṃ yojanīyaṃ[yettu] prayatnataḥ

Sanskrit only: no published translation is held for this verse.

तथैव मन्त्रविद्युक्तः शारीरैः पङ्क्तिदूषनैः । वर्जितं च यमः प्राह पङ्क्तिपावन एव सः

tathaiva mantravidyuktaḥ śārīraiḥ paṅktidūṣanaiḥ / varjitaṃ ca yamaḥ prāha paṅktipāvana eva saḥ

Sanskrit only: no published translation is held for this verse.

निर्मत्सरः सदाचारः श्रोत्रियो ब्रह्मविद्युवा । विद्याविनयसंपन्नः पात्रभूतो द्विजोत्तमः

nirmatsaraḥ sadācāraḥ śrotriyo brahmavidyuvā / vidyāvinayasaṃpannaḥ pātrabhūto dvijottamaḥ

Sanskrit only: no published translation is held for this verse.

वेदान्तविज्ज्येष्ठसामा अलुब्धो वेद तत् परः । योजनीयः प्रयत्नेन दैवे पित्र्ये च कर्मणि । यद् अत्तं च हुतं तस्मै ह्य् अनन्तं नात्र संशयः

vedāntavijjyeṣṭhasāmā alubdho veda tat paraḥ / yojanīyaḥ prayatnena daive pitrye ca karmaṇi / yad attaṃ ca hutaṃ tasmai hy anantaṃ nātra saṃśayaḥ

Sanskrit only: no published translation is held for this verse.

उच्छिष्टोच्छिष्टसंस्पृष्टः शुना शूद्रेण वा द्विजः । उपोष्य रजनीम् एकां पञ्चगव्येन शुध्यति

ucchiṣṭocchiṣṭasaṃspṛṣṭaḥ śunā śūdreṇa vā dvijaḥ / upoṣya rajanīm ekāṃ pañcagavyena śudhyati

Sanskrit only: no published translation is held for this verse.

उच्छिष्टभाजनं येन विप्रेण चान्नवर्जितम् । स्पृष्टं तेन प्रमादाच् च प्राजापत्यं समाचरेत्

ucchiṣṭabhājanaṃ yena vipreṇa cānnavarjitam / spṛṣṭaṃ tena pramādāc ca prājāpatyaṃ samācaret

Sanskrit only: no published translation is held for this verse.

उच्छिष्टोच्छिष्टसंस्पृष्टो ब्राह्मणो ब्राह्मणेन हि । दशरुद्रीं जपेत् पश्चाद् गायत्र्या शोधनं परम्

ucchiṣṭocchiṣṭasaṃspṛṣṭo brāhmaṇo brāhmaṇena hi / daśarudrīṃ japet paścād gāyatryā śodhanaṃ param

Sanskrit only: no published translation is held for this verse.

उच्छिष्टोच्छिष्टसंस्पृष्टः क्षत्त्रियो वैश्य एव च । प्रमादोच्छिष्टसंस्पृष्टः शूद्रेण तु यदा द्विजः

ucchiṣṭocchiṣṭasaṃspṛṣṭaḥ kṣattriyo vaiśya eva ca / pramādocchiṣṭasaṃspṛṣṭaḥ śūdreṇa tu yadā dvijaḥ

Sanskrit only: no published translation is held for this verse.

उपोष्य रजनीम् एकां पञ्चगव्येन शुध्यति । श्वानकुक्कुटमार्जाराः काको वा स्पृशते यदि

upoṣya rajanīm ekāṃ pañcagavyena śudhyati / śvānakukkuṭamārjārāḥ kāko vā spṛśate yadi

Sanskrit only: no published translation is held for this verse.

उच्छिष्टं तं द्विजं यस् तु अहोरात्रेण शुध्यति । पञ्चगव्येन शुद्धिः स्याद् इत्य् आह भगवान् यमः

ucchiṣṭaṃ taṃ dvijaṃ yas tu ahorātreṇa śudhyati / pañcagavyena śuddhiḥ syād ity āha bhagavān yamaḥ

Sanskrit only: no published translation is held for this verse.

रजस्वलां स्पृशेद् यस् तु त्रिरात्रं तत्र कारयेत् । उपोष्य द्विजसंस्कारं पञ्चगव्येन शुध्यति

rajasvalāṃ spṛśed yas tu trirātraṃ tatra kārayet / upoṣya dvijasaṃskāraṃ pañcagavyena śudhyati

Sanskrit only: no published translation is held for this verse.

उदक्या दृष्टिपातेन श्रुतशब्देन चैव हि । स्नानं देवार्चनं दानं हवनं च प्रणश्यति

udakyā dṛṣṭipātena śrutaśabdena caiva hi / snānaṃ devārcanaṃ dānaṃ havanaṃ ca praṇaśyati

Sanskrit only: no published translation is held for this verse.

रक्तवस्त्रस्य विक्रेता लाक्षारजकमेव च । वेणुजीवनकैवर्त- तक्षचर्मोपजीविनः

raktavastrasya vikretā lākṣārajakameva ca / veṇujīvanakaivarta- takṣacarmopajīvinaḥ

Sanskrit only: no published translation is held for this verse.

एतेषां स्पर्शनात् पापं तथा चैव तु मोहितः । प्रतिग्रहाच् च विप्रो वै नरकं प्रतिगच्छति

eteṣāṃ sparśanāt pāpaṃ tathā caiva tu mohitaḥ / pratigrahāc ca vipro vai narakaṃ pratigacchati

Sanskrit only: no published translation is held for this verse.

उदक्याः स्पर्शने चैव ब्राह्मणो वै प्रमादतः । षड्रात्रोपोषितः स्नात्वा पञ्चगव्येन शुध्यति

udakyāḥ sparśane caiva brāhmaṇo vai pramādataḥ / ṣaḍrātropoṣitaḥ snātvā pañcagavyena śudhyati

Sanskrit only: no published translation is held for this verse.

सूतके वर्तमाने ऽपि दासवर्गस्य का क्रिया । स्वामितुल्यं भवेत् तस्य सूतकं तु प्रशस्यते

sūtake vartamāne 'pi dāsavargasya kā kriyā / svāmitulyaṃ bhavet tasya sūtakaṃ tu praśasyate

Sanskrit only: no published translation is held for this verse.

यन् न कारयते तत् तन् नान्यं प्रत्यब्रवीद् यमः । विवाहोत्सवयज्ञेषु कार्ये चैवम् उपस्थिते

yan na kārayate tat tan nānyaṃ pratyabravīd yamaḥ / vivāhotsavayajñeṣu kārye caivam upasthite

Sanskrit only: no published translation is held for this verse.

रजः पश्यति या नारी तस्य कालस्य का क्रिया । विपुले च जले स्नात्वा शुक्लवासास् त्व् अलङ्कृता

rajaḥ paśyati yā nārī tasya kālasya kā kriyā / vipule ca jale snātvā śuklavāsās tv alaṅkṛtā

Sanskrit only: no published translation is held for this verse.

आपो हिष्ट्ःएत्य् ऋगभिषिक्ता ऽऽयं गौरिति वा ऋचः[चा] । पूजान्ते होमयेत् पश्चाद् घृताहुत्या शताष्टकं

āpo hiṣṭḥety ṛgabhiṣiktā ''yaṃ gauriti vā ṛcaḥ[cā] / pūjānte homayet paścād ghṛtāhutyā śatāṣṭakaṃ

Sanskrit only: no published translation is held for this verse.

गायत्र्या व्याहृतिभिश् च ततः कर्म समाचरेत् । यावद् द्विजा न चार्च्यन्ते अन्नदानहिरण्यकैः

gāyatryā vyāhṛtibhiś ca tataḥ karma samācaret / yāvad dvijā na cārcyante annadānahiraṇyakaiḥ

Sanskrit only: no published translation is held for this verse.

तावच्चीर्णव्रतस्यापि तत् पापं न प्रणश्यति

tāvaccīrṇavratasyāpi tat pāpaṃ na praṇaśyati

Sanskrit only: no published translation is held for this verse.

यद् देहकं काकबलाकचिल्लाम्- एध्येन लिप्तं तु भवेत् कदाचित् । श्रोत्रे मुखे वा परिमस्तके वा ज्ञा[स्ना]नेन लेपोपहतस्य शुद्धिः

yad dehakaṃ kākabalākacillām- edhyena liptaṃ tu bhavet kadācit / śrotre mukhe vā parimastake vā jñā[snā]nena lepopahatasya śuddhiḥ

Sanskrit only: no published translation is held for this verse.

अभक्ष्याणाम् अपेयानाम् अलेह्यानां च भक्षणे । रेतोमूत्रपुरीषाणां प्रायश्चित्तं कथं भवेत्

abhakṣyāṇām apeyānām alehyānāṃ ca bhakṣaṇe / retomūtrapurīṣāṇāṃ prāyaścittaṃ kathaṃ bhavet

Sanskrit only: no published translation is held for this verse.

पद्मोदुम्बरबिल्वानां कुशाश्वत्थपलाशयोः । एतेषाम् उदकं पीत्वा पञ्चगव्येन शुध्यति

padmodumbarabilvānāṃ kuśāśvatthapalāśayoḥ / eteṣām udakaṃ pītvā pañcagavyena śudhyati

Sanskrit only: no published translation is held for this verse.

स्त्रीणां रजस्वलानां च स्पर्शश् चैव भवेद् यदि । चतुर्णाम् अपि वर्णनां प्रायश्चित्तं कथं भवेत्

strīṇāṃ rajasvalānāṃ ca sparśaś caiva bhaved yadi / caturṇām api varṇanāṃ prāyaścittaṃ kathaṃ bhavet

Sanskrit only: no published translation is held for this verse.

स्पृष्ट्वा रजस्वला ऽन्योन्यं सगोत्रा चान्यगोत्रका । कामाद् अकामतो वा ऽपि त्रिरात्राच् चुद्धिर् इष्यते

spṛṣṭvā rajasvalā 'nyonyaṃ sagotrā cānyagotrakā / kāmād akāmato vā 'pi trirātrāc cuddhir iṣyate

Sanskrit only: no published translation is held for this verse.

स्पृष्ट्वा रजस्वला ऽन्योन्यं ब्राह्मणी क्षत्त्रिया तथा । अर्धकृच्छ्रं चरेत् पूर्वा पादकृच्छ्रं तथोत्तरा

spṛṣṭvā rajasvalā 'nyonyaṃ brāhmaṇī kṣattriyā tathā / ardhakṛcchraṃ caret pūrvā pādakṛcchraṃ tathottarā

Sanskrit only: no published translation is held for this verse.

स्पृष्ट्वा रजस्वला ऽन्योन्यं ब्राह्मणी वैश्यिनी तथा । पादहीनं चरेत् पूर्वा पादम् एकं तथोत्तरा

spṛṣṭvā rajasvalā 'nyonyaṃ brāhmaṇī vaiśyinī tathā / pādahīnaṃ caret pūrvā pādam ekaṃ tathottarā

Sanskrit only: no published translation is held for this verse.

स्पृष्ट्वा रजस्वला ऽन्योन्यं ब्राह्मणी शूद्रिणी तथा । कृच्छ्रेण शुध्यते शूद्री ब्राह्मी दानेन शुध्यति

spṛṣṭvā rajasvalā 'nyonyaṃ brāhmaṇī śūdriṇī tathā / kṛcchreṇa śudhyate śūdrī brāhmī dānena śudhyati

Sanskrit only: no published translation is held for this verse.

विप्रः स्पृष्टो निशायां तूदक्यया पतितेन वा । दिवा ऽऽनीतेन तोयेन स्नापयेद् अग्निसंनिधौ

vipraḥ spṛṣṭo niśāyāṃ tūdakyayā patitena vā / divā ''nītena toyena snāpayed agnisaṃnidhau

Sanskrit only: no published translation is held for this verse.

दिवा चैवार्कसंस्पृष्टं रात्रौ नक्षत्रदर्शनात् । संध्ययोर् उभयोर् वा ऽपि पवित्रं सर्वदा जलम्

divā caivārkasaṃspṛṣṭaṃ rātrau nakṣatradarśanāt / saṃdhyayor ubhayor vā 'pi pavitraṃ sarvadā jalam

Sanskrit only: no published translation is held for this verse.