Brhadyamasmrti, 182-verse version 5

इति श्रीयाम्ये धर्मशास्त्रे चतुर्थो ऽध्यायः ॥ अध्याय ५ अतः परं प्रवक्ष्यामि शृणुध्वं मुनिपुङ्गवाः । सर्वेषाम् अन्त्यजातीनां वर्णादीनां यथा क्रमम्

iti śrīyāmye dharmaśāstre caturtho 'dhyāyaḥ || adhyāya 5 ataḥ paraṃ pravakṣyāmi śṛṇudhvaṃ munipuṅgavāḥ / sarveṣām antyajātīnāṃ varṇādīnāṃ yathā kramam

Sanskrit only: no published translation is held for this verse.

स्त्रीसंपर्कादिकं सर्वं जातम् अन्त्यजसंज्ञकम् । योनिसंकरजं सर्वं वर्णतश् चापि सर्वशः

strīsaṃparkādikaṃ sarvaṃ jātam antyajasaṃjñakam / yonisaṃkarajaṃ sarvaṃ varṇataś cāpi sarvaśaḥ

Sanskrit only: no published translation is held for this verse.

विप्रक्षत्त्रियविट्शूद्रा- वर्णिजात्येष्व् अनुक्रमात् । एते ब्राह्मणकुत्साः स्युस् तस्माद् ब्राह्मण([ण्य])म् उत्तमम्

viprakṣattriyaviṭśūdrā- varṇijātyeṣv anukramāt / ete brāhmaṇakutsāḥ syus tasmād brāhmaṇa([ṇya])m uttamam

Sanskrit only: no published translation is held for this verse.

वेदाचाररतो विप्रो वेदवेदाङ्गपारगः । तैर् अप्य् अनुष्ठितो धर्म उक्तश् चैव विशेषतः

vedācārarato vipro vedavedāṅgapāragaḥ / tair apy anuṣṭhito dharma uktaś caiva viśeṣataḥ

Sanskrit only: no published translation is held for this verse.

कार्ये चैव विशेषेण त्रिभिर् वर्नैर् अतन्द्रितः । बलाद् दासी कृता ये च म्लेच्छचाण्डालदस्युभिः

kārye caiva viśeṣeṇa tribhir varnair atandritaḥ / balād dāsī kṛtā ye ca mlecchacāṇḍāladasyubhiḥ

Sanskrit only: no published translation is held for this verse.

अशुभं कारिताः कर्म गवादिप्राणिहिंसनम् । प्रायश्चित्तं च दातव्यं तारतम् येन वा द्विजैः

aśubhaṃ kāritāḥ karma gavādiprāṇihiṃsanam / prāyaścittaṃ ca dātavyaṃ tāratam yena vā dvijaiḥ

Sanskrit only: no published translation is held for this verse.

श्राद्धकाले यदा जाता पत्नी यस्य रजस्वला । प्रसूता वा न कार्य च दैविकं पैतृकं तथा

śrāddhakāle yadā jātā patnī yasya rajasvalā / prasūtā vā na kārya ca daivikaṃ paitṛkaṃ tathā

Sanskrit only: no published translation is held for this verse.

ब्राह्मणा मन्त्रिताश् चैव क्षणिता वा प्रयत्नतः । उद्दिश्य पितृपाकं च कार्यं पैतृकम् एव तत्

brāhmaṇā mantritāś caiva kṣaṇitā vā prayatnataḥ / uddiśya pitṛpākaṃ ca kāryaṃ paitṛkam eva tat

Sanskrit only: no published translation is held for this verse.

आशौचं न भवत्य् एव नात्र कार्या विचारणा । प्रस्थाने वा पिता तस्य पञ्चत्वं च गतो भवेत्

āśaucaṃ na bhavaty eva nātra kāryā vicāraṇā / prasthāne vā pitā tasya pañcatvaṃ ca gato bhavet

Sanskrit only: no published translation is held for this verse.

श्राद्धादिकाम् तु पुत्रेण अज्ञातेन कृतं यदा । कन्या प्रदानसमये श्रुतं च पि([तवान्पि])तरं मृतम्

śrāddhādikām tu putreṇa ajñātena kṛtaṃ yadā / kanyā pradānasamaye śrutaṃ ca pi([tavānpi])taraṃ mṛtam

Sanskrit only: no published translation is held for this verse.

कन्यादानं च तत् कार्यं वचनाद् भवते[ति] क्षमः । पितुः पात्रादिकं कर्म पश्चात् सर्वं यथा विधि

kanyādānaṃ ca tat kāryaṃ vacanād bhavate[ti] kṣamaḥ / pituḥ pātrādikaṃ karma paścāt sarvaṃ yathā vidhi

Sanskrit only: no published translation is held for this verse.

अज्ञानाच् च कृतं सर्वं दैविकं पैतृकं च यत् । जातके सू([मृ])तके वा ऽपि तत् सर्वं सफलं भवेत्

ajñānāc ca kṛtaṃ sarvaṃ daivikaṃ paitṛkaṃ ca yat / jātake sū([mṛ])take vā 'pi tat sarvaṃ saphalaṃ bhavet

Sanskrit only: no published translation is held for this verse.

व्यासेनोक्तस्मृतौ स्वकीये अज्ञानात् पितरि मृते यदा ज्ञातु सदैव कार्यं पितृकम् एव वा

vyāsenoktasmṛtau svakīye ajñānāt pitari mṛte yadā jñātu sadaiva kāryaṃ pitṛkam eva vā

Sanskrit only: no published translation is held for this verse.

अनेके यस्य ये पुत्राः संसृष्टा हि भवन्ति च । ज्येष्ठेन हि कृतं सर्वं सफलं पैतृकं भवेत्

aneke yasya ye putrāḥ saṃsṛṣṭā hi bhavanti ca / jyeṣṭhena hi kṛtaṃ sarvaṃ saphalaṃ paitṛkaṃ bhavet

Sanskrit only: no published translation is held for this verse.

वैदिकं च तथा सर्वं भवत्य् एव न संशयः । पृथक् पिण्डं पृथक् श्राद्धं वैश्वदेवादिकं च यत्

vaidikaṃ ca tathā sarvaṃ bhavaty eva na saṃśayaḥ / pṛthak piṇḍaṃ pṛthak śrāddhaṃ vaiśvadevādikaṃ ca yat

Sanskrit only: no published translation is held for this verse.

भ्रातरश् च पृथक् कुर्युर् नाविभक्ताः कदाचन । अपुत्रस्य च पुत्राः स्युः कर्तारः सांपरायणाः

bhrātaraś ca pṛthak kuryur nāvibhaktāḥ kadācana / aputrasya ca putrāḥ syuḥ kartāraḥ sāṃparāyaṇāḥ

Sanskrit only: no published translation is held for this verse.

सफलं जायते सर्वाम् इति शातातपो ऽब्रवीत् । न च दत्तो ऽप्यहीनो ऽति- स्नेहेन च तथा ऽपरः

saphalaṃ jāyate sarvām iti śātātapo 'bravīt / na ca datto 'pyahīno 'ti- snehena ca tathā 'paraḥ

Sanskrit only: no published translation is held for this verse.

बलाद् गृहीतो बद्धश् च बन्धुभिर् दत्त एव च । भ्रातुः पुत्रो मित्रपुत्रः शिष्यश् चैव तथौरसः

balād gṛhīto baddhaś ca bandhubhir datta eva ca / bhrātuḥ putro mitraputraḥ śiṣyaś caiva tathaurasaḥ

Sanskrit only: no published translation is held for this verse.

अपुत्रस्य च विज्ञेया दायादा नात्र संशयः । नवैते पुत्रवत्पाल्याः परलोकप्रदा ह्य् अमी

aputrasya ca vijñeyā dāyādā nātra saṃśayaḥ / navaite putravatpālyāḥ paralokapradā hy amī

Sanskrit only: no published translation is held for this verse.

औरसेन समा ज्ञेया वचसोद्दालकस्य च । इदानीं भागनिर्णयम् ऋषिः शातातपो ऽब्रवीत्

aurasena samā jñeyā vacasoddālakasya ca / idānīṃ bhāganirṇayam ṛṣiḥ śātātapo 'bravīt

Sanskrit only: no published translation is held for this verse.

ज्येष्ठेन वा कनिष्ठेन विभागस्य विनिर्णयः । समभागप्रदाता च अपुत्रेभ्यो न संशयः

jyeṣṭhena vā kaniṣṭhena vibhāgasya vinirṇayaḥ / samabhāgapradātā ca aputrebhyo na saṃśayaḥ

Sanskrit only: no published translation is held for this verse.

समभागो ग्रहीतव्यः पुत्रमत्या सदैव हि । पितृभ्यो भ्रातृपुत्रेभ्यो दायादेभ्यो यथा क्रमात्

samabhāgo grahītavyaḥ putramatyā sadaiva hi / pitṛbhyo bhrātṛputrebhyo dāyādebhyo yathā kramāt

Sanskrit only: no published translation is held for this verse.

अधिकस्य च भागौ द्वौ इतरेभ्यः(?) समासतः । आधौ प्रतिग्रहे क्रान्ते पूर्वा तु बलवत्तरा

adhikasya ca bhāgau dvau itarebhyaḥ(?) samāsataḥ / ādhau pratigrahe krānte pūrvā tu balavattarā

Sanskrit only: no published translation is held for this verse.

सर्वेस्व् एव विवादेषु बलवत्य् उत्तरा क्रिया । समविद्योत्तरं चैव प्रत्यवस्कन्दनं तथा

sarvesv eva vivādeṣu balavaty uttarā kriyā / samavidyottaraṃ caiva pratyavaskandanaṃ tathā

Sanskrit only: no published translation is held for this verse.

पूर्वं न्यासविधिश् चैव उत्तरः स्याच् चतुर्विधः । साक्षिषूभयतः सत्सु साक्षिणः पूर्ववादिनः

pūrvaṃ nyāsavidhiś caiva uttaraḥ syāc caturvidhaḥ / sākṣiṣūbhayataḥ satsu sākṣiṇaḥ pūrvavādinaḥ

Sanskrit only: no published translation is held for this verse.

पूर्वपक्षे ऽधरीभूते भवन्त्य् उत्तरवादिनः । असाक्षिव्यवहारेषु दिव्यं देयं यथा विधि

pūrvapakṣe 'dharībhūte bhavanty uttaravādinaḥ / asākṣivyavahāreṣu divyaṃ deyaṃ yathā vidhi

Sanskrit only: no published translation is held for this verse.