Yamasmrti, South Indian recension 2

प्रायश्चित्तीयतां प्राप्य ये नरास् त्व् अकृतव्रताः । तेषां दण्डं व्रतञ् चापि क्रमशश् चोदितं शृणु

prāyaścittīyatāṃ prāpya ye narās tv akṛtavratāḥ / teṣāṃ daṇḍaṃ vratañ cāpi kramaśaś coditaṃ śṛṇu

Sanskrit only: no published translation is held for this verse.

स्वयम् एव तु यः पापं निवेद्य व्रतम् आचरेत् । तस्मिन् दमो न प्रयोज्यो व्रतं दण्डश् च गृह्यते

svayam eva tu yaḥ pāpaṃ nivedya vratam ācaret / tasmin damo na prayojyo vrataṃ daṇḍaś ca gṛhyate

Sanskrit only: no published translation is held for this verse.

न पातके ऽर्त्थदण्डो ऽस्ति तुल्यदोषे विदण्डनम् । तत्र व्रतम् अकुर्वाणं सहस्रं दापयेद् दमं

na pātake 'rtthadaṇḍo 'sti tulyadoṣe vidaṇḍanam / tatra vratam akurvāṇaṃ sahasraṃ dāpayed damaṃ

Sanskrit only: no published translation is held for this verse.

उपपातकयुक्तो यो मानवो नाचरेद् व्रतं । सदाप्य् असाहसं पूर्वं प्रायश्चित्तं विशोधनं

upapātakayukto yo mānavo nācared vrataṃ / sadāpy asāhasaṃ pūrvaṃ prāyaścittaṃ viśodhanaṃ

Sanskrit only: no published translation is held for this verse.

चाषमण्डूकमार्जार- गोधोलूकांश् च वायसान् । हत्वा शतम् अवाप्नोति विप्रो नकुलम् एव हि

cāṣamaṇḍūkamārjāra- godholūkāṃś ca vāyasān / hatvā śatam avāpnoti vipro nakulam eva hi

Sanskrit only: no published translation is held for this verse.

मयूरहंसभासाञ् च तथा श्येनंश् च कुक्कुटं । त्रिंशत् पणम् अवाप्नोति तथैव वनबर्हिणं

mayūrahaṃsabhāsāñ ca tathā śyenaṃś ca kukkuṭaṃ / triṃśat paṇam avāpnoti tathaiva vanabarhiṇaṃ

Sanskrit only: no published translation is held for this verse.

विप्रम् अग्निपरित्यक्तं संध्योपासनवर्जितं । शूद्रप्रेष्यकरञ् चैव राजा राष्ट्रात् प्रवासयेत्

vipram agniparityaktaṃ saṃdhyopāsanavarjitaṃ / śūdrapreṣyakarañ caiva rājā rāṣṭrāt pravāsayet

Sanskrit only: no published translation is held for this verse.

उत्सृष्टाग्निस् तु यो विप्रस् त्व् अस्नातो ऽमन्त्रतो ऽपि वा । उपस्थानार्चनो सूर्यं सन्ध्यां नोपासते द्विजः

utsṛṣṭāgnis tu yo vipras tv asnāto 'mantrato 'pi vā / upasthānārcano sūryaṃ sandhyāṃ nopāsate dvijaḥ

Sanskrit only: no published translation is held for this verse.

अकर्ता नित्ययज्ञानां भुञ्जानो वृषलाशनं । जीवमानो ऽपि वा शस्त्रैः प्रत्यहं पणम् आप्नुयात्

akartā nityayajñānāṃ bhuñjāno vṛṣalāśanaṃ / jīvamāno 'pi vā śastraiḥ pratyahaṃ paṇam āpnuyāt

Sanskrit only: no published translation is held for this verse.

शूद्रासु शुक्लसेक्तारं वृषलायां च वाञ्छकं । विप्रं सर्वस्वम् आदाय ललाटे भगम् अङ्कयेत्

śūdrāsu śuklasektāraṃ vṛṣalāyāṃ ca vāñchakaṃ / vipraṃ sarvasvam ādāya lalāṭe bhagam aṅkayet

Sanskrit only: no published translation is held for this verse.

भगचिह्नं मद्यचिह्नं सुराचिह्नं ललाटके । वेश्यासु शुक्लसेक्तारं सर्वम् आदाय भूमिपः

bhagacihnaṃ madyacihnaṃ surācihnaṃ lalāṭake / veśyāsu śuklasektāraṃ sarvam ādāya bhūmipaḥ

Sanskrit only: no published translation is held for this verse.

अपस्नातो दिवास्नातः परान्नम् अपि वात्मनः । भोक्ता नष्टक्रियस् तस्य राज्ञः स्वार्त्थं प्रचक्षते

apasnāto divāsnātaḥ parānnam api vātmanaḥ / bhoktā naṣṭakriyas tasya rājñaḥ svārtthaṃ pracakṣate

Sanskrit only: no published translation is held for this verse.

विप्रस्योक्तपरित्यक्तं वृषलाशनसेविनः । प्रत्यब्दं सर्वम् आदाय वेदविद्भ्यो निवेदयेत्

viprasyoktaparityaktaṃ vṛṣalāśanasevinaḥ / pratyabdaṃ sarvam ādāya vedavidbhyo nivedayet

Sanskrit only: no published translation is held for this verse.

परीतं वोत्तरं वासः अधर्मदण्डसाहसं । स्त्रियम् एव प्रकुर्वाणं द्विगुणं दापयेद् दमं

parītaṃ vottaraṃ vāsaḥ adharmadaṇḍasāhasaṃ / striyam eva prakurvāṇaṃ dviguṇaṃ dāpayed damaṃ

Sanskrit only: no published translation is held for this verse.

बालान्धरोगिवृद्धानां न तु दण्डो विधीयते । विसृज्य तु नरो मूत्रं रथ्यादौ दोषम् आप्नुयात्

bālāndharogivṛddhānāṃ na tu daṇḍo vidhīyate / visṛjya tu naro mūtraṃ rathyādau doṣam āpnuyāt

Sanskrit only: no published translation is held for this verse.

तथा पुरीषम् उद्दिष्टं छर्दिश् च न भवेत् पथि । द्विगुणं दण्डम् आप्नोति मूत्रं स्थित्वा समुत्सृजेत्

tathā purīṣam uddiṣṭaṃ chardiś ca na bhavet pathi / dviguṇaṃ daṇḍam āpnoti mūtraṃ sthitvā samutsṛjet

Sanskrit only: no published translation is held for this verse.

माहेन्द्रीं वारुणीञ् चापि दिशं वीक्ष्य तु मूत्रयन् । पुरीषंश् च तथा मुञ्चन् दण्डं द्विगुणम् आवहेत्

māhendrīṃ vāruṇīñ cāpi diśaṃ vīkṣya tu mūtrayan / purīṣaṃś ca tathā muñcan daṇḍaṃ dviguṇam āvahet

Sanskrit only: no published translation is held for this verse.

स्तेनः पिशुनवक्ता च साहसी वृषलीपतिः । त्यक्तावारिता विज्ञेयाः पञ्चैते ग्रामकण्टकाः

stenaḥ piśunavaktā ca sāhasī vṛṣalīpatiḥ / tyaktāvāritā vijñeyāḥ pañcaite grāmakaṇṭakāḥ

Sanskrit only: no published translation is held for this verse.

विसृष्ट्वानुपरीक्ष्यैतान् राजा राष्ट्रेषु कण्टकान् । अनुत्सृष्टा हि लोकस्य त्व् अनृतं कुर्वते तमः

visṛṣṭvānuparīkṣyaitān rājā rāṣṭreṣu kaṇṭakān / anutsṛṣṭā hi lokasya tv anṛtaṃ kurvate tamaḥ

Sanskrit only: no published translation is held for this verse.

विष्टादिपूर्णसंक्षिप्तं रक्तमाल्यविभूषितं । पोषितं स्तेनकार्येण स्तेनं राजा निहन्यते

viṣṭādipūrṇasaṃkṣiptaṃ raktamālyavibhūṣitaṃ / poṣitaṃ stenakāryeṇa stenaṃ rājā nihanyate

Sanskrit only: no published translation is held for this verse.

श्वपदादि मुखे न्यस्य परियाप्य खराजिनं । पिशुनं खरम् आरोप्य हृतवित्तं विवासयेत्

śvapadādi mukhe nyasya pariyāpya kharājinaṃ / piśunaṃ kharam āropya hṛtavittaṃ vivāsayet

Sanskrit only: no published translation is held for this verse.

भित्त्वा गृहांस् तु हृत्वा स्वं कृत्वोपस्करम् एव च । राजा साहसिकं राष्ट्राच् चण्डाऌओत्सृष्टम् उत्सृजेत्

bhittvā gṛhāṃs tu hṛtvā svaṃ kṛtvopaskaram eva ca / rājā sāhasikaṃ rāṣṭrāc caṇḍāḷotsṛṣṭam utsṛjet

Sanskrit only: no published translation is held for this verse.

व्रतभङ्गं सुराभाण्डं द्वयं संबध्यते ततः । हृदयं विष्ठया लिप्तं वृषलीपतिम् उत्सृजेत्

vratabhaṅgaṃ surābhāṇḍaṃ dvayaṃ saṃbadhyate tataḥ / hṛdayaṃ viṣṭhayā liptaṃ vṛṣalīpatim utsṛjet

Sanskrit only: no published translation is held for this verse.

भस्मनापि च लिप्ताङ्गं शवकेशास्थिधूपितं । त्यक्ताग्निं सर्वम् आदाय राजा राष्ट्रात् प्रवासयेत्

bhasmanāpi ca liptāṅgaṃ śavakeśāsthidhūpitaṃ / tyaktāgniṃ sarvam ādāya rājā rāṣṭrāt pravāsayet

Sanskrit only: no published translation is held for this verse.

शवकेशैर् वीज्यमानं तन्मालाबद्धशेखरं । दिग्वासं गमयेद् राजा नरं समयलङ्घिनं

śavakeśair vījyamānaṃ tanmālābaddhaśekharaṃ / digvāsaṃ gamayed rājā naraṃ samayalaṅghinaṃ

Sanskrit only: no published translation is held for this verse.

शूद्रासूत्पादितापत्यं राजसं ब्राह्मणाधमं । ग्रामाद् बहिः प्रकुर्वीत नरं संसर्गपातकं

śūdrāsūtpāditāpatyaṃ rājasaṃ brāhmaṇādhamaṃ / grāmād bahiḥ prakurvīta naraṃ saṃsargapātakaṃ

Sanskrit only: no published translation is held for this verse.

तस्यां तु शुक्लसेक्तारं मिश्रित्य सह साधुभिः । भोजयेत् तुल्यपङ्क्तौ तु प्राप्नुयात् प्रथमं दमं

tasyāṃ tu śuklasektāraṃ miśritya saha sādhubhiḥ / bhojayet tulyapaṅktau tu prāpnuyāt prathamaṃ damaṃ

Sanskrit only: no published translation is held for this verse.

वित्तं दत्तं तथामार्गाद् अधीतञ् च द्विजादिभिः । जायते विफलं सर्वं भाषणात् पिशुनैर् नरैः

vittaṃ dattaṃ tathāmārgād adhītañ ca dvijādibhiḥ / jāyate viphalaṃ sarvaṃ bhāṣaṇāt piśunair naraiḥ

Sanskrit only: no published translation is held for this verse.

देवब्रह्मस्वयोन्यस् तु छिद्रदाता विलंभने । देहभेदम् अवाप्नोति विप्रो हृत्वाखिलं धनं

devabrahmasvayonyas tu chidradātā vilaṃbhane / dehabhedam avāpnoti vipro hṛtvākhilaṃ dhanaṃ

Sanskrit only: no published translation is held for this verse.

छिद्रप्रदाता स्तेनानां स्तेन एव स उच्यते । तस्य हृत्वा तु सर्वस्वं श्वपदं तु मुखे ऽङ्कयेत्

chidrapradātā stenānāṃ stena eva sa ucyate / tasya hṛtvā tu sarvasvaṃ śvapadaṃ tu mukhe 'ṅkayet

Sanskrit only: no published translation is held for this verse.

नक्तं रात्रौ तु जनिता लिङ्गाज् जानाति मानवः । तथा वै शून्यवक्तारं ज्ञात्वा लिङ्गैः प्रवासयेत्

naktaṃ rātrau tu janitā liṅgāj jānāti mānavaḥ / tathā vai śūnyavaktāraṃ jñātvā liṅgaiḥ pravāsayet

Sanskrit only: no published translation is held for this verse.

असत्यवादिनं वादे दण्डित्वा साक्षिणं नृपः । यश् छदति हि पापानां विंशतिं व्रतम् आदिशेत्

asatyavādinaṃ vāde daṇḍitvā sākṣiṇaṃ nṛpaḥ / yaś chadati hi pāpānāṃ viṃśatiṃ vratam ādiśet

Sanskrit only: no published translation is held for this verse.

व्रतचार्यश् चरन् भिक्षाम् अनिष्ट्वा च हुताशनं । भुञ्जानः प्राप्नुयात् ग्रासं काले काले त्व् अनातुरः

vratacāryaś caran bhikṣām aniṣṭvā ca hutāśanaṃ / bhuñjānaḥ prāpnuyāt grāsaṃ kāle kāle tv anāturaḥ

Sanskrit only: no published translation is held for this verse.

आचार्यस्य पितुर् भ्रातुः श्वशुरस्य नृपस्य च । प्रत्युत्थानं नरो ऽकुर्वन्स् त्रीन् पणान् दाप्यते दमं

ācāryasya pitur bhrātuḥ śvaśurasya nṛpasya ca / pratyutthānaṃ naro 'kurvans trīn paṇān dāpyate damaṃ

Sanskrit only: no published translation is held for this verse.

आसने तु समासीन उत्तमे ऽस्मिन्न् अवस्थिते । शूद्रष् षट्पदम् आप्नोति गच्छताप्रस्थितेन तु

āsane tu samāsīna uttame 'sminn avasthite / śūdraṣ ṣaṭpadam āpnoti gacchatāprasthitena tu

Sanskrit only: no published translation is held for this verse.

उन्मानञ् च तथामानं वरिष्ठलघु वागृते । दृष्यते यस्य तस्य स्वं राज्ञ इत्य् एव कल्पयेत्

unmānañ ca tathāmānaṃ variṣṭhalaghu vāgṛte / dṛṣyate yasya tasya svaṃ rājña ity eva kalpayet

Sanskrit only: no published translation is held for this verse.

मिश्रितं तिलतैलेन विक्रीतं घृतकाख्यया । वणिक् चतुर्गुणं दाप्यं तैलं वा मिश्रितं घृतैः

miśritaṃ tilatailena vikrītaṃ ghṛtakākhyayā / vaṇik caturguṇaṃ dāpyaṃ tailaṃ vā miśritaṃ ghṛtaiḥ

Sanskrit only: no published translation is held for this verse.

मरीचं खण्डपाषाणैः लवणञ् च तथा मृदा । हिङ्गुञ् च वृक्षनिर्यासैः तथा दाप्यश् चतुर्गुणं

marīcaṃ khaṇḍapāṣāṇaiḥ lavaṇañ ca tathā mṛdā / hiṅguñ ca vṛkṣaniryāsaiḥ tathā dāpyaś caturguṇaṃ

Sanskrit only: no published translation is held for this verse.

धान्यं पुलाकपाषाणैः खलु मिश्रित्य वा पुनः । विक्रेता तत्समं दाप्यो दद्यात् तस्यापि मिश्रितं

dhānyaṃ pulākapāṣāṇaiḥ khalu miśritya vā punaḥ / vikretā tatsamaṃ dāpyo dadyāt tasyāpi miśritaṃ

Sanskrit only: no published translation is held for this verse.

तुल्यैर् अतुल्यैर् वा द्रव्यैः मिश्रीकृत्य ततो नृणां । दमश् चतुर्गुणः प्रोक्तस् तेन नित्यं समाचरेत्

tulyair atulyair vā dravyaiḥ miśrīkṛtya tato nṛṇāṃ / damaś caturguṇaḥ proktas tena nityaṃ samācaret

Sanskrit only: no published translation is held for this verse.

प्रेतसम्मार्जनं मलं कपालं तुषम् एव च । पथि ग्रामस्य विक्षेप्ता दाप्यः ॥॥। पणं

pretasammārjanaṃ malaṃ kapālaṃ tuṣam eva ca / pathi grāmasya vikṣeptā dāpyaḥ ..... paṇaṃ

Sanskrit only: no published translation is held for this verse.

उच्छिष्टसलिलस्रावं गृही यः परिमुञ्चति । द्विगुणं दण्डम् आप्नोति मोक्ता रूप्ये च दण्ड्यते

ucchiṣṭasalilasrāvaṃ gṛhī yaḥ parimuñcati / dviguṇaṃ daṇḍam āpnoti moktā rūpye ca daṇḍyate

Sanskrit only: no published translation is held for this verse.

हत्वा ककरं दिवा तु त्रिपणं ब्राह्मणो भवेत् । शशं कूर्मञ् च गोधाञ् च मेषं हत्वा च षोडश

hatvā kakaraṃ divā tu tripaṇaṃ brāhmaṇo bhavet / śaśaṃ kūrmañ ca godhāñ ca meṣaṃ hatvā ca ṣoḍaśa

Sanskrit only: no published translation is held for this verse.

क्षीरं क्षीरविकारञ् च लवणं तैलम् एव च । लाक्षाञ् च विक्रयं कुर्वन् विप्रः प्राप्नोति मध्यमं

kṣīraṃ kṣīravikārañ ca lavaṇaṃ tailam eva ca / lākṣāñ ca vikrayaṃ kurvan vipraḥ prāpnoti madhyamaṃ

Sanskrit only: no published translation is held for this verse.

अपूपम् अन्नं मांसञ् च सोमम् अस्थि तथा मधु । त्वचञ् च विक्रयं कुर्वन् प्राप्नुयान् मध्यमं दमं

apūpam annaṃ māṃsañ ca somam asthi tathā madhu / tvacañ ca vikrayaṃ kurvan prāpnuyān madhyamaṃ damaṃ

Sanskrit only: no published translation is held for this verse.

जनकञ् जनकाध्यक्षो निकर्षन् विषमोपमे । दमं पणम् अवाप्नोति भोक्ता च विषमोपमे

janakañ janakādhyakṣo nikarṣan viṣamopame / damaṃ paṇam avāpnoti bhoktā ca viṣamopame

Sanskrit only: no published translation is held for this verse.

विप्रम् उत्पादितापत्यं वृषल्यां यो वहेद् अतः । सहस्रं दमम् आप्नोति प्रसूतिः प्रथमं भवेत्

vipram utpāditāpatyaṃ vṛṣalyāṃ yo vahed ataḥ / sahasraṃ damam āpnoti prasūtiḥ prathamaṃ bhavet

Sanskrit only: no published translation is held for this verse.

भुञ्जानो यस्य पक्वान्नं विप्रस् तु वृषलीपतेः । पणञ् चतुर्दशाप्नोति द्विगुणं तस्य सूतके

bhuñjāno yasya pakvānnaṃ vipras tu vṛṣalīpateḥ / paṇañ caturdaśāpnoti dviguṇaṃ tasya sūtake

Sanskrit only: no published translation is held for this verse.

श्राद्धं तु तद्गृहे भुक्त्वा पणन् तावद् अवाप्नुयात् । साहसं पूर्वम् आप्नोति विशेषाच् चानिमित्ततः

śrāddhaṃ tu tadgṛhe bhuktvā paṇan tāvad avāpnuyāt / sāhasaṃ pūrvam āpnoti viśeṣāc cānimittataḥ

Sanskrit only: no published translation is held for this verse.

अन्वष्टकाम् अष्टकां वा भुञ्जानो वृषलीपतेः । पणाञ् चतुर्दशाप्नोति तथा भोक्ता च मासिकं

anvaṣṭakām aṣṭakāṃ vā bhuñjāno vṛṣalīpateḥ / paṇāñ caturdaśāpnoti tathā bhoktā ca māsikaṃ

Sanskrit only: no published translation is held for this verse.

क्रमम् अप्य् अष्टकादेशात् गृह्णानो वृषलालयात् । षण्णवत्यर्द्धम् आप्नोति भुक्त्वा पूर्वं तु तद्गृहे

kramam apy aṣṭakādeśāt gṛhṇāno vṛṣalālayāt / ṣaṇṇavatyarddham āpnoti bhuktvā pūrvaṃ tu tadgṛhe

Sanskrit only: no published translation is held for this verse.

मद्यादीनां त्व् अभक्ष्याणां विप्रः प्राप्नोति षोडश । द्विगुणं प्रतिपीडानां मत्स्यानां आप्नुयाच् छतं

madyādīnāṃ tv abhakṣyāṇāṃ vipraḥ prāpnoti ṣoḍaśa / dviguṇaṃ pratipīḍānāṃ matsyānāṃ āpnuyāc chataṃ

Sanskrit only: no published translation is held for this verse.

एवं द्विगुणतां दद्यात् दोषेष्व् एतेषु सोमपाः । खराश्वसूकरादीनं भक्षणे पतितः स्मृतः

evaṃ dviguṇatāṃ dadyāt doṣeṣv eteṣu somapāḥ / kharāśvasūkarādīnaṃ bhakṣaṇe patitaḥ smṛtaḥ

Sanskrit only: no published translation is held for this verse.

दार्वस्थिशृङ्गपाषाणैर् यस् तु भार्याभृतिं द्विजः । सहस्रं दमम् आप्नोति कुर्वाणो वपनं यदि

dārvasthiśṛṅgapāṣāṇair yas tu bhāryābhṛtiṃ dvijaḥ / sahasraṃ damam āpnoti kurvāṇo vapanaṃ yadi

Sanskrit only: no published translation is held for this verse.

अङ्गेषु व्यक्तदेशेषु यो जायां करजैर् व्रणं । कर्ता कारयिता स्वाङ्गैर् दाप्यः स्यात् प्रथमं दमं

aṅgeṣu vyaktadeśeṣu yo jāyāṃ karajair vraṇaṃ / kartā kārayitā svāṅgair dāpyaḥ syāt prathamaṃ damaṃ

Sanskrit only: no published translation is held for this verse.

योषित्मुखं तु भुञ्जानो पीत्वा वापिददं द्विजः । तथा भोजयिता स्वं वा दाप्यः स्यात् पूर्वसाहसं

yoṣitmukhaṃ tu bhuñjāno pītvā vāpidadaṃ dvijaḥ / tathā bhojayitā svaṃ vā dāpyaḥ syāt pūrvasāhasaṃ

Sanskrit only: no published translation is held for this verse.

अत्यर्थं वेदयंश् चैव ब्राह्मणः पतितो भवेत् । स्त्रियं तथाश्ववद् गच्छम्श् चुंबयन् गुह्यम् एव वा

atyarthaṃ vedayaṃś caiva brāhmaṇaḥ patito bhavet / striyaṃ tathāśvavad gacchamś cuṃbayan guhyam eva vā

Sanskrit only: no published translation is held for this verse.

प्रयत्नाच् छुक्लम् उत्सृज्य विप्रः पञ्चाशद् आप्नुयात् । मैथुनं गोषु गत्वा तु तथा दाप्यो भवेच् छतं

prayatnāc chuklam utsṛjya vipraḥ pañcāśad āpnuyāt / maithunaṃ goṣu gatvā tu tathā dāpyo bhavec chataṃ

Sanskrit only: no published translation is held for this verse.

गच्छंस् तथाजयोनौ तु प्राप्यते पूर्वसाहसं । मध्यमं दण्डम् आप्नोति व्रजन् माहिषयोनिषु

gacchaṃs tathājayonau tu prāpyate pūrvasāhasaṃ / madhyamaṃ daṇḍam āpnoti vrajan māhiṣayoniṣu

Sanskrit only: no published translation is held for this verse.

सहस्रं दमम् आप्नोति योन्यां गोषु नरो व्रजेत् । एवम् एव द्विगुणिता भवन्ति व्रतचारिषु

sahasraṃ damam āpnoti yonyāṃ goṣu naro vrajet / evam eva dviguṇitā bhavanti vratacāriṣu

Sanskrit only: no published translation is held for this verse.

पथि श्रान्ताय तुल्याय पन्था देयो ऽथवाश्रमं । यमदातुर् भवेन् मेषो ऽदेशदाताप्रतिश्रयः

pathi śrāntāya tulyāya panthā deyo 'thavāśramaṃ / yamadātur bhaven meṣo 'deśadātāpratiśrayaḥ

Sanskrit only: no published translation is held for this verse.

शूद्रां तु सेवमानाद् धि विप्रः शूद्रावरः स्मृतः । गतोपगमनाद् एव शूद्रायां पतितो भवेत्

śūdrāṃ tu sevamānād dhi vipraḥ śūdrāvaraḥ smṛtaḥ / gatopagamanād eva śūdrāyāṃ patito bhavet

Sanskrit only: no published translation is held for this verse.

गमनाद् एव शूद्रायां त्व् अपत्यं तन्मयो द्विजः । माता तु तस्य शूद्रस्य पातित्यं तु प्रचक्षते

gamanād eva śūdrāyāṃ tv apatyaṃ tanmayo dvijaḥ / mātā tu tasya śūdrasya pātityaṃ tu pracakṣate

Sanskrit only: no published translation is held for this verse.

तस्माच् छूद्रस् तु यज्ञार्थं गृह्यार्थम् अपि वा द्विजः । शुक्लसेक्तरि कृष्णायां विप्रो ऽग्निहा प्रतीक्षते

tasmāc chūdras tu yajñārthaṃ gṛhyārtham api vā dvijaḥ / śuklasektari kṛṣṇāyāṃ vipro 'gnihā pratīkṣate

Sanskrit only: no published translation is held for this verse.

दृष्ट्वापत्यं तु शूद्रायां प्रयान्ति त्व् आपदं महत् । विशो वित्तं नयाद् ॥ स्वयं वा न द्विजो यदि

dṛṣṭvāpatyaṃ tu śūdrāyāṃ prayānti tv āpadaṃ mahat / viśo vittaṃ nayād .. svayaṃ vā na dvijo yadi

Sanskrit only: no published translation is held for this verse.

शूनाम् अपि अशुद्धानाम् अजदन्तं सुशोभनं । शूद्रागामी द्विजः पश्येत् पितॄणां तं परीक्ष्यति

śūnām api aśuddhānām ajadantaṃ suśobhanaṃ / śūdrāgāmī dvijaḥ paśyet pitṝṇāṃ taṃ parīkṣyati

Sanskrit only: no published translation is held for this verse.

तस्माद् अवश्यं श्राद्धेषु विप्रं तु वृषलीपतिं । शुनश् चापि तिरस्कृत्य ब्राह्मणान् आशयेद् द्विजः

tasmād avaśyaṃ śrāddheṣu vipraṃ tu vṛṣalīpatiṃ / śunaś cāpi tiraskṛtya brāhmaṇān āśayed dvijaḥ

Sanskrit only: no published translation is held for this verse.

वृषऌईपतिना स्पृष्टम् ईक्षितं भुक्तमिश्रितं । सर्वम् अन्नम् अभोज्यं स्यात् सिद्धम् अन्नम् इदं पुनः

vṛṣaḷīpatinā spṛṣṭam īkṣitaṃ bhuktamiśritaṃ / sarvam annam abhojyaṃ syāt siddham annam idaṃ punaḥ

Sanskrit only: no published translation is held for this verse.

अपाङ्क्त्यानां त्व् अकल्याणां पङ्क्तौ तुल्यो ऽपि च द्विजः । सस्यं वृद्धं समादद्यात् पङ्केषु वृषलीपतिः

apāṅktyānāṃ tv akalyāṇāṃ paṅktau tulyo 'pi ca dvijaḥ / sasyaṃ vṛddhaṃ samādadyāt paṅkeṣu vṛṣalīpatiḥ

Sanskrit only: no published translation is held for this verse.

जनकं शुऌबसंस्पृष्टं रजतेन तथैव च । शक्यं शोधयितुं प्राज्ञैः श्राद्धे स्पृष्टं विनश्यति

janakaṃ śuḷbasaṃspṛṣṭaṃ rajatena tathaiva ca / śakyaṃ śodhayituṃ prājñaiḥ śrāddhe spṛṣṭaṃ vinaśyati

Sanskrit only: no published translation is held for this verse.

विप्रः क्षत्रियया स्पृष्टस् तथैवं वैश्ययोषिता । उपायैश् शुद्धिम् आयाति न तु शूद्राङ्गनां गतः

vipraḥ kṣatriyayā spṛṣṭas tathaivaṃ vaiśyayoṣitā / upāyaiś śuddhim āyāti na tu śūdrāṅganāṃ gataḥ

Sanskrit only: no published translation is held for this verse.

उपेक्षको यो राजा तु ग्रामे वा वृषऌईपतिं । स राजासत्प्रतिग्राह्यः स्वार्थभ्यो ग्राम एव तु

upekṣako yo rājā tu grāme vā vṛṣaḷīpatiṃ / sa rājāsatpratigrāhyaḥ svārthabhyo grāma eva tu

Sanskrit only: no published translation is held for this verse.

कण्टकानां तु सर्वेषां बलभृतो हि साहसी । तस्मात् साहसिनो राजा भ्रंशदण्डम् प्रकल्पयेत्

kaṇṭakānāṃ tu sarveṣāṃ balabhṛto hi sāhasī / tasmāt sāhasino rājā bhraṃśadaṇḍam prakalpayet

Sanskrit only: no published translation is held for this verse.

स्वल्पसाहसकर्त्ता यः कालाद् आयकसाहसी । अथ भवत्य् एव पापम् इति संचिन्त्य दण्डयेत्

svalpasāhasakarttā yaḥ kālād āyakasāhasī / atha bhavaty eva pāpam iti saṃcintya daṇḍayet

Sanskrit only: no published translation is held for this verse.

एवं पञ्च विशाद् राजा कण्टकानां समुद्धरेत् । धर्मम् अर्थं तथायुष्यं यशो राष्ट्रं च वर्द्धते

evaṃ pañca viśād rājā kaṇṭakānāṃ samuddharet / dharmam arthaṃ tathāyuṣyaṃ yaśo rāṣṭraṃ ca varddhate

Sanskrit only: no published translation is held for this verse.

कण्टकानां तु कथितं न्यायेन प्रथमेन यः । चतुर्विधा क्रिया प्रोक्ता संसिध्यति च मार्गतः

kaṇṭakānāṃ tu kathitaṃ nyāyena prathamena yaḥ / caturvidhā kriyā proktā saṃsidhyati ca mārgataḥ

Sanskrit only: no published translation is held for this verse.

कुलादयो विवादस्य श्रवणे ऽधिकृतागमात् । कोणे ऽप्य् अधिगता शास्त्रैर् ब्राह्मणेन विपश्चिता

kulādayo vivādasya śravaṇe 'dhikṛtāgamāt / koṇe 'py adhigatā śāstrair brāhmaṇena vipaścitā

Sanskrit only: no published translation is held for this verse.