For fearlessness

In this sitting

1. 19.15.1यत इन्द्र भयामहे ततो नो अभयं कृधि । मघवं छग्धि तव त्वं न ऊतिभिर् वि द्विषो वि मृधो जहि ॥१॥
2. 19.15.2इन्द्रं वयम् अनूराधं हवामहे ऽनु राध्यास्म द्विपदा चतुष्पदा । मा नः सेना अररुषीर् उप गुर् विषूचिर् इन्द्र द्रुहो वि नाशय ॥२॥
3. 19.15.3इन्द्रस् त्रातोत वृत्रहा परस्फानो वरेण्यः । स रक्षिता चरमतः स मध्यतः स पश्चात् स पुरस्तान् नो अस्तु ॥३॥
4. 19.15.4उरुं नो लोकम् अनु नेषि विद्वान्त् स्वर् यज् ज्योतिर् अभयं स्वस्ति । उग्रा त इन्द्र स्थविरस्य बाहू उप क्षयेम शरणा बृहन्ता ॥४॥
5. 19.15.5अभयं नः करत्य् अन्तरिक्षम् अभयं द्यावापृथिवी उभे इमे । अभयं पश्चाद् अभयं पुरस्ताद् उत्तराद् अधराद् अभयं नो अस्तु ॥५॥
6. 19.15.6अभयं मित्राद् अभयम् अमित्राद् अभयं ज्ञाताद् अभयं पुरो यः । अभयं नक्तम् अभयं दिवा नः सर्वा आशा मम मित्रं भवन्तु ॥६॥