Section 1.4

In this sitting

1. 1.4.1ओम् इत्य् एतद् अक्षरम् उद्गीथम् उपासीत । ओम् इति ह्य् उद्गायति । तस्योपव्याख्यानम्
2. 1.4.2देवा वै मृत्योर् बिभ्यतस् त्रयीं विद्यां प्राविशन् । ते छन्दोभिर् अच्छादयन् । यद् एभिर् अच्छादयंस् तच् छन्दसां छन्दस्त्वम्
3. 1.4.3तान् उ तत्र मृत्युर् यथा मत्स्यम् उदके परिपश्येद् एवं पर्यपश्यद् ऋचि साम्नि यजुषि । ते नु वित्त्वोर्ध्वा ऋचः साम्नो यजुषः स्वरम् एव प्राविशन्
4. 1.4.4यदा वा ऋचम् आप्नोत्य् ओम् इत्य् एवातिस्वरति एवं सामैवं यजुः । एष उ स्वरो यद् एतद् अक्षरम् एतद् अमृतम् अभयम् । तत् प्रविश्य देवा अमृता अभवन्
5. 1.4.5स य एतद् एवं विद्वान् अक्षरं प्रणौत्य् एतद् एवाक्षरं स्वरम् अमृतम् अभयं प्रविशति । तत् प्रविश्य यद् अमृता देवास् तद् अमृतो भवति