Section 3.15

In this sitting

1. 3.15.1अन्तरिक्षोदरः कोशो भूमिबुध्नो न जीर्यति । दिशो ह्य् अस्य स्रक्तयो द्यौर् अस्योत्तरं बिलम् । स एष कोशो वसुधानस् तस्मिन् विश्वम् इदं श्रितम्
2. 3.15.2तस्य प्राची दिग् जुहूर् नाम । सहमाना नाम दक्षिणा । राज्ञी नाम प्रतीची । सुभूता नामोदीची । तासां वायुर् वत्सः । स य एतम् एवं वायुं दिशां वत्सं वेद न पुत्ररोदं रोदिति । सो ऽहम् एतम् एवं वायुं दिशां वत्सं वेद । मा पुत्ररोदं रुदम्
3. 3.15.3अरिष्टं कोशं प्रपद्ये ऽमुनामुनामुना । प्राणं प्रपद्ये ऽमुनामुनामुना । भूः प्रपद्ये ऽमुनामुनामुना । भुवः प्रपद्ये ऽमुनामुनामुना । स्वः प्रपद्ये ऽमुनामुनामुना
4. 3.15.4स यद् अवोचं प्राणं प्रपद्य इति । प्रानो वा इदं सर्वं भूतं यद् इदं किंच । तम् एव तत् प्रापत्सि
5. 3.15.6अथ यद् अवोचं भुवः प्रपद्य इत्य् अग्निं प्रपद्ये वायुं प्रपद्य आदित्यं प्रपद्य इत्य् एव तद् अवोचम्
6. 3.15.7अथ यद् अवोचं स्वः प्रपद्य इत्य् ऋग्वेदं प्रपद्ये यजुर्वेदं प्रपद्ये सामवेदं प्रपद्य इत्य् एव तद् अवोचम्