षण्मासमुपयुञ्जानो वलीपलितवर्जितः । तस्याः क्लेदं समानीय व्योषक्षौद्राज्यसंयुतम्
ṣaṇmāsamupayuñjāno valīpalitavarjitaḥ / tasyāḥ kledaṃ samānīya vyoṣakṣaudrājyasaṃyutam
Sanskrit only: no published translation is held for this verse.
स्विन्नं मृद्वग्निना सेव्यं क्षीराहारो जितेन्द्रियः । मासाद्रोगा विनश्यन्ति द्विमासाद्दृढविग्रहः
svinnaṃ mṛdvagninā sevyaṃ kṣīrāhāro jitendriyaḥ / māsādrogā vinaśyanti dvimāsāddṛḍhavigrahaḥ
Sanskrit only: no published translation is held for this verse.
दिव्यदृष्टिश्च तेजस्वी द्विमासाद् द्विषहृद्भवेत् । षण्मासयोगाद् वृद्धोऽपि युवा स्यात्सत्यमीश्वरि
divyadṛṣṭiśca tejasvī dvimāsād dviṣahṛdbhavet / ṣaṇmāsayogād vṛddho'pi yuvā syātsatyamīśvari
Sanskrit only: no published translation is held for this verse.
एवं वर्षोपयोगेन जीवेद्द्विशतवत्सरम् । तस्या दलं युगैः सार्धं भक्षयेच्छुद्धकोष्ठवान्
evaṃ varṣopayogena jīveddviśatavatsaram / tasyā dalaṃ yugaiḥ sārdhaṃ bhakṣayecchuddhakoṣṭhavān
Sanskrit only: no published translation is held for this verse.
वलीपलितनाशः स्याद्वत्सरान्नात्र संशयः । <२१। नीलीकल्पः> अथ देवि प्रवक्ष्यामि महानीलीरसायनम्
valīpalitanāśaḥ syādvatsarānnātra saṃśayaḥ / <21. nīlīkalpaḥ> atha devi pravakṣyāmi mahānīlīrasāyanam
Sanskrit only: no published translation is held for this verse.
पुष्यार्के शुचिरादद्यान्महानीलीं विधानतः । मूलपुष्पफलोपेतां छायायां शोषयेत्प्रिये
puṣyārke śucirādadyānmahānīlīṃ vidhānataḥ / mūlapuṣpaphalopetāṃ chāyāyāṃ śoṣayetpriye
Sanskrit only: no published translation is held for this verse.
पटचूर्णं द्विनिष्कं स्यान्निष्कमभ्रं च योजयेत् । सर्वं च मधुनालोड्य स्निग्धभाण्डे विनिक्षिपेत्
paṭacūrṇaṃ dviniṣkaṃ syānniṣkamabhraṃ ca yojayet / sarvaṃ ca madhunāloḍya snigdhabhāṇḍe vinikṣipet
Sanskrit only: no published translation is held for this verse.
धान्यराशौ न्यसेन्मासम् उद्धृत्य च ततः प्रिये । शुद्धकोष्ठो लिहेत्प्रातर्बिडालपदमात्रकम्
dhānyarāśau nyasenmāsam uddhṛtya ca tataḥ priye / śuddhakoṣṭho lihetprātarbiḍālapadamātrakam
Sanskrit only: no published translation is held for this verse.
षण्मासाज्जायते मर्त्यो वलीपलितवर्जितः । महानीलीं च कृष्णाभ्रं मुसलीममृतालताम्
ṣaṇmāsājjāyate martyo valīpalitavarjitaḥ / mahānīlīṃ ca kṛṣṇābhraṃ musalīmamṛtālatām
Sanskrit only: no published translation is held for this verse.
समांशं चूर्णितान्कृत्वा मधुना कर्षम् आलिहेत् । एवं वर्षोपयोगेन जीर्णोऽपि तरुणायते
samāṃśaṃ cūrṇitānkṛtvā madhunā karṣam ālihet / evaṃ varṣopayogena jīrṇo'pi taruṇāyate
Sanskrit only: no published translation is held for this verse.
बलवान्मतिमान्धीरो जीवेद्वर्षशतद्वयम् । अभ्रकं च कुमारीं च काकजङ्घां शतावरीम्
balavānmatimāndhīro jīvedvarṣaśatadvayam / abhrakaṃ ca kumārīṃ ca kākajaṅghāṃ śatāvarīm
Sanskrit only: no published translation is held for this verse.
एतत्समां महानीलीं चूर्णयेत् स्निग्धभाण्डके । मधुना सहितं सप्तरात्र्यन्ते च समुद्धरेत्
etatsamāṃ mahānīlīṃ cūrṇayet snigdhabhāṇḍake / madhunā sahitaṃ saptarātryante ca samuddharet
Sanskrit only: no published translation is held for this verse.
कर्षं लिहेत्क्षीरभोजी वर्षाद्वलिजरां जयेत् । <२२। मुसलीकल्पः> अथ ब्रवीमि देवेशि मुसलीकल्पमुत्तमम्
karṣaṃ lihetkṣīrabhojī varṣādvalijarāṃ jayet / <22. musalīkalpaḥ> atha bravīmi deveśi musalīkalpamuttamam
Sanskrit only: no published translation is held for this verse.
स्वर्णपुष्पी च खर्जूरपत्रवत् पत्रशोभिता । अन्तः श्वेता च नाराचमूला सा मुसली स्मृता
svarṇapuṣpī ca kharjūrapatravat patraśobhitā / antaḥ śvetā ca nārācamūlā sā musalī smṛtā
Sanskrit only: no published translation is held for this verse.
तन्मूलं च समुद्धृत्य छायाशुष्कं च चूर्णयेत् । कर्षं मध्वाज्यलुलितं प्रातः शुद्धतनुर्लिहेत्
tanmūlaṃ ca samuddhṛtya chāyāśuṣkaṃ ca cūrṇayet / karṣaṃ madhvājyalulitaṃ prātaḥ śuddhatanurlihet
Sanskrit only: no published translation is held for this verse.
जीर्णे दुग्धान्नभोजी स्याद्रूक्षान्नं वर्जयेत् प्रिये । षष्ठे मासि भवेद्बालो वृद्धोऽपि बलबुद्धिमान्
jīrṇe dugdhānnabhojī syādrūkṣānnaṃ varjayet priye / ṣaṣṭhe māsi bhavedbālo vṛddho'pi balabuddhimān
Sanskrit only: no published translation is held for this verse.
पयसा मुसलीचूर्णं दध्ना वापि पिबेच्छुचिः । वर्षाद् यौवनम् आप्नोति शतस्त्रीगमने पटुः
payasā musalīcūrṇaṃ dadhnā vāpi pibecchuciḥ / varṣād yauvanam āpnoti śatastrīgamane paṭuḥ
Sanskrit only: no published translation is held for this verse.
<२३। इन्द्रवल्लीकल्पः> अथेन्द्रवल्लीकल्पं च व्याख्यामि शृणु पार्वति । मयोदिता सुरेन्द्रस्य दैत्यानां विजयाय च
<23. indravallīkalpaḥ> athendravallīkalpaṃ ca vyākhyāmi śṛṇu pārvati / mayoditā surendrasya daityānāṃ vijayāya ca
Sanskrit only: no published translation is held for this verse.
तदा प्रभृति लोकेषु ख्याता सा चेन्द्रवल्लिका । तामिमां भजतां पुंसां देहसिद्धिर्भवेद्ध्रुवम्
tadā prabhṛti lokeṣu khyātā sā cendravallikā / tāmimāṃ bhajatāṃ puṃsāṃ dehasiddhirbhaveddhruvam
Sanskrit only: no published translation is held for this verse.
समूलां तां समुद्धृत्य छायाशुष्कां विचूर्णयेत् । तच्चूर्णं द्वादशपलं वचाचूर्णं च तत्समम्
samūlāṃ tāṃ samuddhṛtya chāyāśuṣkāṃ vicūrṇayet / taccūrṇaṃ dvādaśapalaṃ vacācūrṇaṃ ca tatsamam
Sanskrit only: no published translation is held for this verse.
व्रणघ्नीचूर्णम् एतस्य समांशं त्रिकटूद्भवम् । षट्पलं सर्वमेकत्र कृत्वा भाण्डे विनिक्षिपेत्
vraṇaghnīcūrṇam etasya samāṃśaṃ trikaṭūdbhavam / ṣaṭpalaṃ sarvamekatra kṛtvā bhāṇḍe vinikṣipet
Sanskrit only: no published translation is held for this verse.
कर्षं कर्षं मधुयुतं प्रातः प्रातर्लिहेत्सदा । षण्मासात् सर्वरोगघ्नं वत्सराद्देहसिद्धिदम्
karṣaṃ karṣaṃ madhuyutaṃ prātaḥ prātarlihetsadā / ṣaṇmāsāt sarvarogaghnaṃ vatsarāddehasiddhidam
Sanskrit only: no published translation is held for this verse.
भूयो भूयश्च षण्मासान्नवं चूर्णं प्रकल्पयेत् । <२४। ज्योतिर्द्रुमकल्पः> अथ ज्योतिर्द्रुमस्यापि पञ्चाङ्गान्याहरेत् प्रिये
bhūyo bhūyaśca ṣaṇmāsānnavaṃ cūrṇaṃ prakalpayet / <24. jyotirdrumakalpaḥ> atha jyotirdrumasyāpi pañcāṅgānyāharet priye
Sanskrit only: no published translation is held for this verse.
त्रिः सप्तरात्रं सक्षौद्राण्याश्रयेद्धान्यराशिके । भक्षयेद्रोगनिर्मुक्तस्तेजस्वी देहसिद्धिभाक्
triḥ saptarātraṃ sakṣaudrāṇyāśrayeddhānyarāśike / bhakṣayedroganirmuktastejasvī dehasiddhibhāk
Sanskrit only: no published translation is held for this verse.
<२५। अश्वगन्धाकल्पः> अथाश्वगन्धाकन्दं च पौत्रीकोरण्टयोः समम् । चूर्णितं मधुसर्पिर्भ्यां कर्षं प्रातर्लिहेच्छुचिः
<25. aśvagandhākalpaḥ> athāśvagandhākandaṃ ca pautrīkoraṇṭayoḥ samam / cūrṇitaṃ madhusarpirbhyāṃ karṣaṃ prātarlihecchuciḥ
Sanskrit only: no published translation is held for this verse.
संवत्सरप्रयोगेण त्रिशतायुर्भवेन्नरः । <२६। ज्योतिष्मतीकल्पः> अथ ज्योतिष्मतीकल्पं वक्ष्यामि शृणु पार्वति
saṃvatsaraprayogeṇa triśatāyurbhavennaraḥ / <26. jyotiṣmatīkalpaḥ> atha jyotiṣmatīkalpaṃ vakṣyāmi śṛṇu pārvati
Sanskrit only: no published translation is held for this verse.
दिव्या ज्योतिष्मती वल्ली तप्तकाञ्चनसन्निभा । बहुप्रताना स्वर्णाभा फलबीजा शुभप्रदा
divyā jyotiṣmatī vallī taptakāñcanasannibhā / bahupratānā svarṇābhā phalabījā śubhapradā
Sanskrit only: no published translation is held for this verse.
आषाढे शुक्लपक्षे च शुभर्क्षे शुभवासरे । कुङ्कुमाक्तेन सूत्रेण तां वल्लीं परिवेष्टयेत्
āṣāḍhe śuklapakṣe ca śubharkṣe śubhavāsare / kuṅkumāktena sūtreṇa tāṃ vallīṃ pariveṣṭayet
Sanskrit only: no published translation is held for this verse.
रक्तगन्धाक्षतैः पुष्पैरर्चयित्वा प्रणम्य च । रक्तमाल्याम्बरधरः कुङ्कुमागरुचर्चितः
raktagandhākṣataiḥ puṣpairarcayitvā praṇamya ca / raktamālyāmbaradharaḥ kuṅkumāgarucarcitaḥ
Sanskrit only: no published translation is held for this verse.
तांबूलचर्वणं कुर्वन्हृष्टो नियतमानसः । अभीष्टदेवतामन्त्रैस्तारामन्त्रेण वार्चयेत्
tāṃbūlacarvaṇaṃ kurvanhṛṣṭo niyatamānasaḥ / abhīṣṭadevatāmantraistārāmantreṇa vārcayet
Sanskrit only: no published translation is held for this verse.
अभीष्टदेवतां ध्यात्वा ततश्चोदङ्मुखः प्रिये । पक्वबीजानि गृह्णीयादातपे शोषयेत्ततः
abhīṣṭadevatāṃ dhyātvā tataścodaṅmukhaḥ priye / pakvabījāni gṛhṇīyādātape śoṣayettataḥ
Sanskrit only: no published translation is held for this verse.
त्वग्वर्ज्यानि निधायादौ चूर्णितानि विशेषतः । तेभ्यस्तैलं समाहृत्य तत्तैलसदृशं पयः
tvagvarjyāni nidhāyādau cūrṇitāni viśeṣataḥ / tebhyastailaṃ samāhṛtya tattailasadṛśaṃ payaḥ
Sanskrit only: no published translation is held for this verse.
पादांशं मधु संयोज्य तैलशेषं पचेच्छनैः । तस्मिन्कर्पूरतक्कोलत्वग्जातीफलमेव च
pādāṃśaṃ madhu saṃyojya tailaśeṣaṃ pacecchanaiḥ / tasminkarpūratakkolatvagjātīphalameva ca
Sanskrit only: no published translation is held for this verse.
एतानि समभागानि चूर्णयित्वा च कोविदः । तत्तैलं षोडशपलं तच्चूर्णं पलमात्रकम्
etāni samabhāgāni cūrṇayitvā ca kovidaḥ / tattailaṃ ṣoḍaśapalaṃ taccūrṇaṃ palamātrakam
Sanskrit only: no published translation is held for this verse.
एकीकृत्यावलोड्याथ स्नेहभाण्डे विनिक्षिपेत् । त्रिः सप्तवासरं धान्यराशौ भाण्डे विनिक्षिपेत्
ekīkṛtyāvaloḍyātha snehabhāṇḍe vinikṣipet / triḥ saptavāsaraṃ dhānyarāśau bhāṇḍe vinikṣipet
Sanskrit only: no published translation is held for this verse.
दशाहमथवा त्रिंशत्षष्टिर्वा नवतिस्तथा । अधिकं वा यथायोगं पश्चात्तैलं समाहरेत्
daśāhamathavā triṃśatṣaṣṭirvā navatistathā / adhikaṃ vā yathāyogaṃ paścāttailaṃ samāharet
Sanskrit only: no published translation is held for this verse.
शुद्धकोष्ठः शुभदिने कृतदेवद्विजार्चनः । सूर्योदये पिबेद्धीरो बिन्दुवृद्ध्या क्रमात्प्रिये
śuddhakoṣṭhaḥ śubhadine kṛtadevadvijārcanaḥ / sūryodaye pibeddhīro binduvṛddhyā kramātpriye
Sanskrit only: no published translation is held for this verse.
पलान्तं साधकस्तेन निःसंज्ञत्वम् अवाप्यते । मन्दं मन्दं लब्धसंज्ञो मुहुः क्रन्दति नन्दति
palāntaṃ sādhakastena niḥsaṃjñatvam avāpyate / mandaṃ mandaṃ labdhasaṃjño muhuḥ krandati nandati
Sanskrit only: no published translation is held for this verse.
रोदित्येव मुहुः कृच्छ्राल्लब्धसंज्ञो भवेन्नरः । गोक्षीरं पाययेत्पश्चात्सक्षौद्रं श्रान्तचेतसे
rodityeva muhuḥ kṛcchrāllabdhasaṃjño bhavennaraḥ / gokṣīraṃ pāyayetpaścātsakṣaudraṃ śrāntacetase
Sanskrit only: no published translation is held for this verse.
क्रमादेवं भवेत्स्वस्थः साधकोऽसौ न संशयः । षष्टिकान्नं सगोक्षीरं तैले जीर्णे च भोजनम्
kramādevaṃ bhavetsvasthaḥ sādhako'sau na saṃśayaḥ / ṣaṣṭikānnaṃ sagokṣīraṃ taile jīrṇe ca bhojanam
Sanskrit only: no published translation is held for this verse.
एवं कुर्यात्प्रतिदिनं मासमेकं निरन्तरम् । मासात्सूर्यसमः साक्षात्तेजसा मन्त्रशास्त्रवित्
evaṃ kuryātpratidinaṃ māsamekaṃ nirantaram / māsātsūryasamaḥ sākṣāttejasā mantraśāstravit
Sanskrit only: no published translation is held for this verse.
साङ्गोपाङ्गश्रुतिं वेत्ति त्वनधीतोऽपि मानवः । मध्याह्ने भास्करं पश्येत्पूर्णचन्द्रमिवापरम्
sāṅgopāṅgaśrutiṃ vetti tvanadhīto'pi mānavaḥ / madhyāhne bhāskaraṃ paśyetpūrṇacandramivāparam
Sanskrit only: no published translation is held for this verse.
वैनतेयसमा दृष्टिर्दिवा पश्यति तारकाः । अन्नवज्जीर्यते क्ष्वेलं सुप्तोऽप्याकर्णयेद्ध्वनिम्
vainateyasamā dṛṣṭirdivā paśyati tārakāḥ / annavajjīryate kṣvelaṃ supto'pyākarṇayeddhvanim
Sanskrit only: no published translation is held for this verse.
अष्टादशविधं कुष्ठं सर्वरोगान्विनाशयेत् । फलं द्वितीयमासस्य शृणु वक्ष्यामि भैरवि
aṣṭādaśavidhaṃ kuṣṭhaṃ sarvarogānvināśayet / phalaṃ dvitīyamāsasya śṛṇu vakṣyāmi bhairavi
Sanskrit only: no published translation is held for this verse.
गन्धर्वोरगरक्षोभिः सेव्यते तैलसेवकः । महापातककर्तारो देवतापितृनिन्दकाः
gandharvoragarakṣobhiḥ sevyate tailasevakaḥ / mahāpātakakartāro devatāpitṛnindakāḥ
Sanskrit only: no published translation is held for this verse.
समयाचाररहितास् त एते मुक्तकिल्बिषाः । अमुष्य सेवया मुक्ताः प्रयान्ति परमां गतिम्
samayācārarahitās ta ete muktakilbiṣāḥ / amuṣya sevayā muktāḥ prayānti paramāṃ gatim
Sanskrit only: no published translation is held for this verse.
फलं तृतीयमासस्य शृणु पार्वति वक्ष्यते । देवाश्च दिव्या ऋषयो वसवोऽष्टौ महोरगाः
phalaṃ tṛtīyamāsasya śṛṇu pārvati vakṣyate / devāśca divyā ṛṣayo vasavo'ṣṭau mahoragāḥ
Sanskrit only: no published translation is held for this verse.
अमुष्य सेवां कुर्वन्ति प्रियं नित्यहितं तथा । तस्य मूत्रं ताम्रघटे पूरयित्वा खनेद्भुवम्
amuṣya sevāṃ kurvanti priyaṃ nityahitaṃ tathā / tasya mūtraṃ tāmraghaṭe pūrayitvā khanedbhuvam
Sanskrit only: no published translation is held for this verse.
तद्गर्ते विहितं कृत्वा षण्मासात्कनकं भवेत् । चतुर्थमासस्य फलं शर्वाणि शृणु सांप्रतम्
tadgarte vihitaṃ kṛtvā ṣaṇmāsātkanakaṃ bhavet / caturthamāsasya phalaṃ śarvāṇi śṛṇu sāṃpratam
Sanskrit only: no published translation is held for this verse.
अदृश्योऽसौ भवेन्मर्त्यः सर्वैश्वर्ययुतो बली । दशब्रह्मदिनं जीवेत्सर्वलोकगतौ पटुः
adṛśyo'sau bhavenmartyaḥ sarvaiśvaryayuto balī / daśabrahmadinaṃ jīvetsarvalokagatau paṭuḥ
Sanskrit only: no published translation is held for this verse.
तन्मूत्रमलघर्माम्बूद्वर्तनैस् ताम्रलेपनम् । कुर्याद्वह्नौ प्रतपनं तच्छुल्बं काञ्चनं भवेत्
tanmūtramalagharmāmbūdvartanais tāmralepanam / kuryādvahnau pratapanaṃ tacchulbaṃ kāñcanaṃ bhavet
Sanskrit only: no published translation is held for this verse.
अथ पञ्चममासे तु सदेहः खेचरो भवेत् । साक्षाद्ब्रह्मा भवेद् देवि शृणु षाण्मासिकं फलम्
atha pañcamamāse tu sadehaḥ khecaro bhavet / sākṣādbrahmā bhaved devi śṛṇu ṣāṇmāsikaṃ phalam
Sanskrit only: no published translation is held for this verse.
महासिद्धैः परिवृतः सर्वलोकान् यदृच्छया । विचरेच्छिवतुल्यः स्यान्महातेजा महायशाः
mahāsiddhaiḥ parivṛtaḥ sarvalokān yadṛcchayā / vicarecchivatulyaḥ syānmahātejā mahāyaśāḥ
Sanskrit only: no published translation is held for this verse.
अथ सप्तममासस्य फलं कल्याणि वक्ष्यते । जितारिषड्वर्गमनाः सर्वभूतहिते रतः
atha saptamamāsasya phalaṃ kalyāṇi vakṣyate / jitāriṣaḍvargamanāḥ sarvabhūtahite rataḥ
Sanskrit only: no published translation is held for this verse.
विष्ण्वायुष्यमवाप्नोति पुण्यापुण्यविवर्जितः । विचरेच्च महावीर्यः श्रीमान् विष्णुरिवापरः
viṣṇvāyuṣyamavāpnoti puṇyāpuṇyavivarjitaḥ / vicarecca mahāvīryaḥ śrīmān viṣṇurivāparaḥ
Sanskrit only: no published translation is held for this verse.
अष्टमासफलं वच्मि शृणु त्वं सर्वमङ्गले । मत्प्रियो दिव्यकर्मा च सर्वज्ञो मुक्तिमाप्नुयात्
aṣṭamāsaphalaṃ vacmi śṛṇu tvaṃ sarvamaṅgale / matpriyo divyakarmā ca sarvajño muktimāpnuyāt
Sanskrit only: no published translation is held for this verse.
फलं नवममासस्य शृणु कात्यायनि प्रिये । द्वितीयचिन्तामणिवद् वीरोऽसौ कामरूपवान्
phalaṃ navamamāsasya śṛṇu kātyāyani priye / dvitīyacintāmaṇivad vīro'sau kāmarūpavān
Sanskrit only: no published translation is held for this verse.
ब्रह्मविष्ण्विन्द्रचन्द्राणां रूपं सृजति साधकः । मनसा चिन्तितं यद्यत्तत्तत्कर्तुं स्वयं प्रभुः
brahmaviṣṇvindracandrāṇāṃ rūpaṃ sṛjati sādhakaḥ / manasā cintitaṃ yadyattattatkartuṃ svayaṃ prabhuḥ
Sanskrit only: no published translation is held for this verse.
एतद्रसायनं दिव्यं सुकरं मोक्षसाधनम् । पुण्यं परमगुह्यं च गोपनीयं त्वया प्रिये
etadrasāyanaṃ divyaṃ sukaraṃ mokṣasādhanam / puṇyaṃ paramaguhyaṃ ca gopanīyaṃ tvayā priye
Sanskrit only: no published translation is held for this verse.
एतस्य सदृशं नास्ति देवानामपि दुर्लभम् । बहुनात्र किमुक्तेन त्वत्प्रियार्थं मयोदितम्
etasya sadṛśaṃ nāsti devānāmapi durlabham / bahunātra kimuktena tvatpriyārthaṃ mayoditam
Sanskrit only: no published translation is held for this verse.
रसायनम् इदं दिव्यं न कुर्वन्ति च मानवाः । अज्ञानोपहताः केचित् केचिन् नास्तीति शङ्कया
rasāyanam idaṃ divyaṃ na kurvanti ca mānavāḥ / ajñānopahatāḥ kecit kecin nāstīti śaṅkayā
Sanskrit only: no published translation is held for this verse.
अन्तरायेण केचिच् च तदलाभेन केचन । तत्कल्पाज्ञानतः केचित्केचिद् गुरुविवर्जिताः
antarāyeṇa kecic ca tadalābhena kecana / tatkalpājñānataḥ kecitkecid guruvivarjitāḥ
Sanskrit only: no published translation is held for this verse.
केचिद् रोगाकुला देवि त्वित्थं तैरपि विघ्निताः । यत्र ज्योतिष्मती वल्ली सा भूमिः पुण्यभूमिका
kecid rogākulā devi tvitthaṃ tairapi vighnitāḥ / yatra jyotiṣmatī vallī sā bhūmiḥ puṇyabhūmikā
Sanskrit only: no published translation is held for this verse.
तत्रैव सर्वतीर्थानि सिद्धयो विविधा अपि । ज्योतिष्मतीफलभवं सेव्यं दिव्यरसायनम्
tatraiva sarvatīrthāni siddhayo vividhā api / jyotiṣmatīphalabhavaṃ sevyaṃ divyarasāyanam
Sanskrit only: no published translation is held for this verse.
<२७। गुग्गुलुकल्पः> अथ गुग्गुलुकल्पं च शृणु त्वं चण्डिकेऽधुना । चतुर्विधो गुग्गुलुः स्यात्कुमुदः पद्मकस्तथा
<27. guggulukalpaḥ> atha guggulukalpaṃ ca śṛṇu tvaṃ caṇḍike'dhunā / caturvidho gugguluḥ syātkumudaḥ padmakastathā
Sanskrit only: no published translation is held for this verse.
महिषाक्षं च हेमाख्यस् तत्तद्वर्णसमुज्ज्वलः । हेमाख्यं च मनुष्याणां रसायनम् उदाहृतम्
mahiṣākṣaṃ ca hemākhyas tattadvarṇasamujjvalaḥ / hemākhyaṃ ca manuṣyāṇāṃ rasāyanam udāhṛtam
Sanskrit only: no published translation is held for this verse.
कणशो गुग्गुलुं कृत्वा गोघृतेन शनैः पचेत् । डोलायन्त्रे युक्तिपरो घृतभर्जितमांसवत्
kaṇaśo gugguluṃ kṛtvā goghṛtena śanaiḥ pacet / ḍolāyantre yuktiparo ghṛtabharjitamāṃsavat
Sanskrit only: no published translation is held for this verse.
पथ्याविभीतकौ धात्री गन्धकश्च पृथक्पृथक् । समांशं तान्विचूर्ण्यैव एतत्सर्वसमं पुरम्
pathyāvibhītakau dhātrī gandhakaśca pṛthakpṛthak / samāṃśaṃ tānvicūrṇyaiva etatsarvasamaṃ puram
Sanskrit only: no published translation is held for this verse.
शुद्धकोष्ठो लिहेत्प्रातस्तैलं ह्येरण्डसंभवम् । लोलयित्वा निष्कमात्रं वृद्धिः कर्षावधिर्भवेत्
śuddhakoṣṭho lihetprātastailaṃ hyeraṇḍasaṃbhavam / lolayitvā niṣkamātraṃ vṛddhiḥ karṣāvadhirbhavet
Sanskrit only: no published translation is held for this verse.
एवं वर्षप्रयोगेण शीतवातव्रणास्तथा । पिडकागण्डमालाद्या विनश्यन्ति महारुजः
evaṃ varṣaprayogeṇa śītavātavraṇāstathā / piḍakāgaṇḍamālādyā vinaśyanti mahārujaḥ
Sanskrit only: no published translation is held for this verse.
द्वादशाब्दप्रयोगेण वज्रकायो भवेन्नरः । यद्यद्द्रव्यं च सात्म्यं स्यात् तत्तद्द्रव्येण वा भजेत्
dvādaśābdaprayogeṇa vajrakāyo bhavennaraḥ / yadyaddravyaṃ ca sātmyaṃ syāt tattaddravyeṇa vā bhajet
Sanskrit only: no published translation is held for this verse.
यस्य यस्य च रोगस्य यद्यद्भेषजमीरितम् । तैस्तैः सहैव सेवेत तत्तद्रोगहरं भवेत्
yasya yasya ca rogasya yadyadbheṣajamīritam / taistaiḥ sahaiva seveta tattadrogaharaṃ bhavet
Sanskrit only: no published translation is held for this verse.
<२८। विजयाकल्पः; विजयोत्पत्तिः> श्रीभैरवी । देवदेव जगन्नाथ सुरासुरनमस्कृत । पञ्चकृत्यप्रधानेश नमस्तुभ्यं परात्पर
<28. vijayākalpaḥ; vijayotpattiḥ> śrībhairavī / devadeva jagannātha surāsuranamaskṛta / pañcakṛtyapradhāneśa namastubhyaṃ parātpara
Sanskrit only: no published translation is held for this verse.
सर्वेऽप्यौषधकल्पाश्च मत्प्रीत्या कथितास्त्वया । आश्चर्यं भूतदेवेश सद्यः सिद्धिप्रदायकम्
sarve'pyauṣadhakalpāśca matprītyā kathitāstvayā / āścaryaṃ bhūtadeveśa sadyaḥ siddhipradāyakam
Sanskrit only: no published translation is held for this verse.
सुखसेव्यं सुखकरं ज्ञानदं भुक्तिदं शुचिम् । अस्मत्सायुज्यदं ब्रूहि प्रीत्या मम रसायनम्
sukhasevyaṃ sukhakaraṃ jñānadaṃ bhuktidaṃ śucim / asmatsāyujyadaṃ brūhi prītyā mama rasāyanam
Sanskrit only: no published translation is held for this verse.
ततः स्मितमुखो भूत्वा शङ्करो लोकशंकरः । श्रीभैरवः । देवि वक्ष्याम्यहं कल्पं स्पृहणीयं सुरासुरैः
tataḥ smitamukho bhūtvā śaṅkaro lokaśaṃkaraḥ / śrībhairavaḥ / devi vakṣyāmyahaṃ kalpaṃ spṛhaṇīyaṃ surāsuraiḥ
Sanskrit only: no published translation is held for this verse.
सिद्धैश्च मुनिभिः स्त्रीभिः सर्ववर्णैश्च योगिभिः । बालैर्वृद्धैश्च रुग्णैश्च षण्ढैश्च बहुयोषितैः
siddhaiśca munibhiḥ strībhiḥ sarvavarṇaiśca yogibhiḥ / bālairvṛddhaiśca rugṇaiśca ṣaṇḍhaiśca bahuyoṣitaiḥ
Sanskrit only: no published translation is held for this verse.
शृणु त्वममृतोद्भूतं सावधानेन चेतसा । आग्नेयो मामको ऽंशः स्यात्सौम्यांशस्तावकः प्रिये
śṛṇu tvamamṛtodbhūtaṃ sāvadhānena cetasā / āgneyo māmako 'ṃśaḥ syātsaumyāṃśastāvakaḥ priye
Sanskrit only: no published translation is held for this verse.
अग्नीषोमात्मकं सर्वमौषधं जलधौ सुराः । असुराः प्राक्षिपंश्चक्रुर्मथनं मन्दराद्रिणा
agnīṣomātmakaṃ sarvamauṣadhaṃ jaladhau surāḥ / asurāḥ prākṣipaṃścakrurmathanaṃ mandarādriṇā
Sanskrit only: no published translation is held for this verse.
अतीव मथनात्तत्र देव्याग्नेयो ममांशकः । ज्वलन्महाविषं घोरं जातं हालाहलाख्यकम्
atīva mathanāttatra devyāgneyo mamāṃśakaḥ / jvalanmahāviṣaṃ ghoraṃ jātaṃ hālāhalākhyakam
Sanskrit only: no published translation is held for this verse.
तेन व्याकुलिता म्लाना गतवेगाः सुरासुराः । कृपया तन्मया सर्वं विषं च कबलीकृतम्
tena vyākulitā mlānā gatavegāḥ surāsurāḥ / kṛpayā tanmayā sarvaṃ viṣaṃ ca kabalīkṛtam
Sanskrit only: no published translation is held for this verse.
ततो देवा दितिसुता ममन्थुर्हृष्टमानसाः । ततो लक्ष्मीप्रभृतयः प्रादुरासंस्ततोऽमृतम्
tato devā ditisutā mamanthurhṛṣṭamānasāḥ / tato lakṣmīprabhṛtayaḥ prādurāsaṃstato'mṛtam
Sanskrit only: no published translation is held for this verse.
तद् उद्भूतं परं दिव्यं जरामरणकृन्तनम् । तदा तदा महाविष्णुर्मम हस्ताम्बुजेऽर्पयत्
tad udbhūtaṃ paraṃ divyaṃ jarāmaraṇakṛntanam / tadā tadā mahāviṣṇurmama hastāmbuje'rpayat
Sanskrit only: no published translation is held for this verse.
त्रिवारं बिन्दवो दत्ताः परस्मै परमात्मने । पराशक्तियुजे पश्चात्तुभ्यं दत्ते मया प्रिये
trivāraṃ bindavo dattāḥ parasmai paramātmane / parāśaktiyuje paścāttubhyaṃ datte mayā priye
Sanskrit only: no published translation is held for this verse.
पीतं त्वया च मे दत्तं मधुसूक्तमुदीर्य च । स्वीकृतं च मया कान्ते चिदानन्दात्मकामृतम्
pītaṃ tvayā ca me dattaṃ madhusūktamudīrya ca / svīkṛtaṃ ca mayā kānte cidānandātmakāmṛtam
Sanskrit only: no published translation is held for this verse.
सान्द्रानन्देन च मया स्फूत्कृतिर् लज्जया कृता । पतिता बिन्दवः सूक्ष्मास्तेभ्यो जाता महौषधिः
sāndrānandena ca mayā sphūtkṛtir lajjayā kṛtā / patitā bindavaḥ sūkṣmāstebhyo jātā mahauṣadhiḥ
Sanskrit only: no published translation is held for this verse.
तामालोक्य शुभां दिव्यां मुदिताः पर्यपालयन् । मत्करांबुजनीतेन पीयूषेण विवर्धितम्
tāmālokya śubhāṃ divyāṃ muditāḥ paryapālayan / matkarāṃbujanītena pīyūṣeṇa vivardhitam
Sanskrit only: no published translation is held for this verse.
तस्मात्त्रिशूलसदृशपर्णं च पटलं बहु । तस्मान्महौषधिर्जाता मदादिष्टैर्गुणैर्वृता
tasmāttriśūlasadṛśaparṇaṃ ca paṭalaṃ bahu / tasmānmahauṣadhirjātā madādiṣṭairguṇairvṛtā
Sanskrit only: no published translation is held for this verse.
कदाचिद्भैरवो दृष्ट्वा हृष्टस्तां प्रार्थयन्मया । दत्ता तस्मै भैरवोऽपि योगिनीभ्यः समर्पिपत्
kadācidbhairavo dṛṣṭvā hṛṣṭastāṃ prārthayanmayā / dattā tasmai bhairavo'pi yoginībhyaḥ samarpipat
Sanskrit only: no published translation is held for this verse.
ताश्च प्रीताः स्वभक्तेभ्यो भक्तेभ्यः प्रददुश्च ते । निन्युश्च भूतलं दिव्यामौषधिं सर्वसिद्धिदाम्
tāśca prītāḥ svabhaktebhyo bhaktebhyaḥ pradaduśca te / ninyuśca bhūtalaṃ divyāmauṣadhiṃ sarvasiddhidām
Sanskrit only: no published translation is held for this verse.
<विजयाभेदाः> श्रीभैरवी । किंनाम्नी सा कथंवीर्या सेवनीया कथं प्रभो । कीदृग्वर्णा कियद्भेदा कीदृग्रूपगुणा च सा
<vijayābhedāḥ> śrībhairavī / kiṃnāmnī sā kathaṃvīryā sevanīyā kathaṃ prabho / kīdṛgvarṇā kiyadbhedā kīdṛgrūpaguṇā ca sā
Sanskrit only: no published translation is held for this verse.
कथं वा सिद्धिदा सा स्यात्क्रमान्मे ब्रूहि वल्लभ । श्रीभैरवः । अथ तस्याश्चतुर्वर्णा युगधर्माश्रिताः प्रिये
kathaṃ vā siddhidā sā syātkramānme brūhi vallabha / śrībhairavaḥ / atha tasyāścaturvarṇā yugadharmāśritāḥ priye
Sanskrit only: no published translation is held for this verse.
शुक्लवर्णा कृतयुगे त्रेतायां शोणितप्रभा । द्वापरे पीतवर्णा च नीलवर्णा कलौ युगे
śuklavarṇā kṛtayuge tretāyāṃ śoṇitaprabhā / dvāpare pītavarṇā ca nīlavarṇā kalau yuge
Sanskrit only: no published translation is held for this verse.
एकपर्णा त्रिपर्णा च पञ्चपर्णा मुनिच्छदा । दशपर्णा रुद्रपर्णा त्रयोदशदलान्विता
ekaparṇā triparṇā ca pañcaparṇā municchadā / daśaparṇā rudraparṇā trayodaśadalānvitā
Sanskrit only: no published translation is held for this verse.
नवपर्णेति विज्ञेया भेदा ह्येते सुरेश्वरि । <विजयालक्षणम्> स्त्रीरूपा सफला वल्ली पुंरूपा च द्रुमाकृतिः
navaparṇeti vijñeyā bhedā hyete sureśvari / <vijayālakṣaṇam> strīrūpā saphalā vallī puṃrūpā ca drumākṛtiḥ
Sanskrit only: no published translation is held for this verse.
सफला तु मदं मूर्छां सुखं सत्वं करोति च । योगवाहा तिक्तरसा सा कटुश् चूग्रगन्धिनी
saphalā tu madaṃ mūrchāṃ sukhaṃ satvaṃ karoti ca / yogavāhā tiktarasā sā kaṭuś cūgragandhinī
Sanskrit only: no published translation is held for this verse.
शिवमूली च विजया भङ्गी गञ्जा विमर्दिनी । दिव्या सिद्धा सिद्धिदा च सिद्धमूली मनोन्मनी
śivamūlī ca vijayā bhaṅgī gañjā vimardinī / divyā siddhā siddhidā ca siddhamūlī manonmanī
Sanskrit only: no published translation is held for this verse.
मधुद्रवा चिदाह्लादा पशुपाशविनाशिनी । कालघ्नी सर्वरोगघ्नी नामान्येतानि पार्वति
madhudravā cidāhlādā paśupāśavināśinī / kālaghnī sarvarogaghnī nāmānyetāni pārvati
Sanskrit only: no published translation is held for this verse.
शिवो मूलं भवेद्यस्याः शिवमूलीति कथ्यते । त्रिलोकान् अरिषड्वर्गान् विजयाख्या जयेदिति
śivo mūlaṃ bhavedyasyāḥ śivamūlīti kathyate / trilokān ariṣaḍvargān vijayākhyā jayediti
Sanskrit only: no published translation is held for this verse.
तापत्रयादिदुःखानां भञ्जनाद् भङ्गिनी स्मृता । गञ्जेति मादयत्येषा मदिरास्थानकारिणी
tāpatrayādiduḥkhānāṃ bhañjanād bhaṅginī smṛtā / gañjeti mādayatyeṣā madirāsthānakāriṇī
Sanskrit only: no published translation is held for this verse.
सदृशं मर्शनं यस्याः सैव प्रोक्ता विमर्शिनी । क्रीडामोदद्युतिमदकान्तिदत्वाच्च दिव्यका
sadṛśaṃ marśanaṃ yasyāḥ saiva proktā vimarśinī / krīḍāmodadyutimadakāntidatvācca divyakā
Sanskrit only: no published translation is held for this verse.
स्वतःसिद्धेति सिद्धाख्या दिष्टसिद्धिप्रदायिका । सिद्धिदेति महासिद्धैः सा नीता सिद्धमूलिका
svataḥsiddheti siddhākhyā diṣṭasiddhipradāyikā / siddhideti mahāsiddhaiḥ sā nītā siddhamūlikā
Sanskrit only: no published translation is held for this verse.
मनश्चिन्तितकार्याणां साधनाच्च मनोन्मना । संविदानन्ददत्वाच्च चिदाह्लादेति कीर्तिता
manaścintitakāryāṇāṃ sādhanācca manonmanā / saṃvidānandadatvācca cidāhlādeti kīrtitā
Sanskrit only: no published translation is held for this verse.
ब्रह्मरन्ध्रस्थितसुधाद्रावणाच्च मधुद्रवा । जन्तूनां पाशनाशत्वात्पशुपाशविनाशिनी
brahmarandhrasthitasudhādrāvaṇācca madhudravā / jantūnāṃ pāśanāśatvātpaśupāśavināśinī
Sanskrit only: no published translation is held for this verse.
मृत्युञ्जयत्वात् कालघ्नी रोगघ्नी सार्थनामिका । <विजयावर्धनक्रमः> वर्धनक्रममाचक्षे शृणु लोकशिवंकरि
mṛtyuñjayatvāt kālaghnī rogaghnī sārthanāmikā / <vijayāvardhanakramaḥ> vardhanakramamācakṣe śṛṇu lokaśivaṃkari
Sanskrit only: no published translation is held for this verse.
शिलालोष्टादितो वर्ज्या वालुकाशर्करादितः । भूमिः कृष्णा पांसुला च मृदुला सकरीषका
śilāloṣṭādito varjyā vālukāśarkarāditaḥ / bhūmiḥ kṛṣṇā pāṃsulā ca mṛdulā sakarīṣakā
Sanskrit only: no published translation is held for this verse.
भुजङ्गमांससहिता तत्र बीजानि वापयेत् । अहिवक्त्रेषु सत्वञ्चि स्निग्धानि च गुरूणि च
bhujaṅgamāṃsasahitā tatra bījāni vāpayet / ahivaktreṣu satvañci snigdhāni ca gurūṇi ca
Sanskrit only: no published translation is held for this verse.
पुष्यार्के सिद्धयोगे वा श्रवणे शुक्लपक्षके । स्नातो लिप्ततनुर्गन्धैः कृतन्यासजपार्चनः
puṣyārke siddhayoge vā śravaṇe śuklapakṣake / snāto liptatanurgandhaiḥ kṛtanyāsajapārcanaḥ
Sanskrit only: no published translation is held for this verse.
उदङ्मुखः प्राङ्मुखो वा ध्यात्वा च गुरुपादुकाम् । सक्षीराङ्कोलतैलेन जलेन परिषेचयेत्
udaṅmukhaḥ prāṅmukho vā dhyātvā ca gurupādukām / sakṣīrāṅkolatailena jalena pariṣecayet
Sanskrit only: no published translation is held for this verse.
अङ्कुरे च समुत्पन्ने सिञ्चेत्सघृतवारिणा । पर्णे कीटे समुत्पन्ने सामुद्रं वारि सेचयेत्
aṅkure ca samutpanne siñcetsaghṛtavāriṇā / parṇe kīṭe samutpanne sāmudraṃ vāri secayet
Sanskrit only: no published translation is held for this verse.
ततोऽस्यां विततायां च शिरश्छित्त्वा च रन्ध्रयेत् । तत्र सूतं क्षिपेन्निष्कं निष्कं प्रत्येकमादरात्
tato'syāṃ vitatāyāṃ ca śiraśchittvā ca randhrayet / tatra sūtaṃ kṣipenniṣkaṃ niṣkaṃ pratyekamādarāt
Sanskrit only: no published translation is held for this verse.
निरोधयेत्तन्मुखानि कौशिकेन प्रयत्नतः । पुष्पिते फलिते मद्यमांसाम्बु च निषेचयेत्
nirodhayettanmukhāni kauśikena prayatnataḥ / puṣpite phalite madyamāṃsāmbu ca niṣecayet
Sanskrit only: no published translation is held for this verse.
एकैकपक्षपर्यन्तं क्षीरादि परिषेचयेत् । अस्यां बद्ध्वा जटामांसीं सक्षौद्रं वारि सेचयेत्
ekaikapakṣaparyantaṃ kṣīrādi pariṣecayet / asyāṃ baddhvā jaṭāmāṃsīṃ sakṣaudraṃ vāri secayet
Sanskrit only: no published translation is held for this verse.
शेषं मद्येन वा वारा वर्धनीया महौषधिः । आदौ वा परमं मन्त्रं पश्चात् सेवनमन्त्रकम्
śeṣaṃ madyena vā vārā vardhanīyā mahauṣadhiḥ / ādau vā paramaṃ mantraṃ paścāt sevanamantrakam
Sanskrit only: no published translation is held for this verse.
ॐ क्षां क्षीं क्षूं क्षेत्रपालाय नमः सवीर्यं कुरु कुरु सिद्धिं देहि देहि स्वाहा । अयं स्थापनमन्त्रः । ॐ श्रीं ह्रीं क्लीं यरलवशषसह अमृतेश्वरि अमृतं कुरु कुरु आं ह्रां क्र्ॐ स्वाहा । अयं सेवनमन्त्रः । फाल्गुने कृष्णपक्षस्य चतुर्दश्यां च साधकः । स्नातः शुद्धाम्बरो गन्धपुष्पभूषणसंयुतः
oṃ kṣāṃ kṣīṃ kṣūṃ kṣetrapālāya namaḥ savīryaṃ kuru kuru siddhiṃ dehi dehi svāhā / ayaṃ sthāpanamantraḥ / oṃ śrīṃ hrīṃ klīṃ yaralavaśaṣasaha amṛteśvari amṛtaṃ kuru kuru āṃ hrāṃ kroṃ svāhā / ayaṃ sevanamantraḥ / phālgune kṛṣṇapakṣasya caturdaśyāṃ ca sādhakaḥ / snātaḥ śuddhāmbaro gandhapuṣpabhūṣaṇasaṃyutaḥ
Sanskrit only: no published translation is held for this verse.
अर्चयेद्भैरवं तत्र नन्दीशं च क्रमेण च । मद्यमांसोपहारेण रक्तपीतसितासितैः
arcayedbhairavaṃ tatra nandīśaṃ ca krameṇa ca / madyamāṃsopahāreṇa raktapītasitāsitaiḥ
Sanskrit only: no published translation is held for this verse.
तन्तुभिर्वेष्टयेद्देवि तन्मन्त्रं च निगद्यते । ॐ ग्लौं सौं ह्रीं खेचरभूचरदिव्ययोगिनि इमां रक्ष रक्ष सर्वशत्रुप्रमथिनि स्वाहा । अयं तन्तुबन्धनमन्त्रः । सहस्रं प्रत्यहं जप्यमघोरं मन्त्रनायकम्
tantubhirveṣṭayeddevi tanmantraṃ ca nigadyate / oṃ glauṃ sauṃ hrīṃ khecarabhūcaradivyayogini imāṃ rakṣa rakṣa sarvaśatrupramathini svāhā / ayaṃ tantubandhanamantraḥ / sahasraṃ pratyahaṃ japyamaghoraṃ mantranāyakam
Sanskrit only: no published translation is held for this verse.
एवं सप्तदिनं कार्यं पञ्चम्याम् अमृतेश्वरीम् । ध्यात्वा कुन्देन्दुकर्पूरसंकाशां धवलांबराम्
evaṃ saptadinaṃ kāryaṃ pañcamyām amṛteśvarīm / dhyātvā kundendukarpūrasaṃkāśāṃ dhavalāṃbarām
Sanskrit only: no published translation is held for this verse.
सितमाल्यानुलेपार्द्रां मुक्ताभरणमण्डिताम् । दक्षिणेऽक्षगुणं वामे सुधापूर्णघटं ततः
sitamālyānulepārdrāṃ muktābharaṇamaṇḍitām / dakṣiṇe'kṣaguṇaṃ vāme sudhāpūrṇaghaṭaṃ tataḥ
Sanskrit only: no published translation is held for this verse.
तदधो दक्षिणे वामे संवित्पुस्तकधारिणीम् । तत्र स्थितां ततः कुर्याल् लवनं च समन्त्रकम्
tadadho dakṣiṇe vāme saṃvitpustakadhāriṇīm / tatra sthitāṃ tataḥ kuryāl lavanaṃ ca samantrakam
Sanskrit only: no published translation is held for this verse.