मर्दयेत् त्रिदिनं सर्वं गोलकं गर्भयन्त्रके । निक्षिप्य त्रिदिनं पाच्यं तुषाग्नौ वा सुरेश्वरि
mardayet tridinaṃ sarvaṃ golakaṃ garbhayantrake / nikṣipya tridinaṃ pācyaṃ tuṣāgnau vā sureśvari
Sanskrit only: no published translation is held for this verse.
दिवारात्रं करीषाग्नौ पचेद्भस्म भवेद्रसः । <एकोनत्रिंशः प्रकारः> मुखीकृतरसं चाभ्रसत्वं स्वर्णं त्रयं समम्
divārātraṃ karīṣāgnau pacedbhasma bhavedrasaḥ / <ekonatriṃśaḥ prakāraḥ> mukhīkṛtarasaṃ cābhrasatvaṃ svarṇaṃ trayaṃ samam
Sanskrit only: no published translation is held for this verse.
रंभाद्रवेण संमर्द्यं दिनं सर्वसमं बिडम् । ततो दिव्यौषधीनां च बीजैर्मर्द्यं दिनत्रयम्
raṃbhādraveṇa saṃmardyaṃ dinaṃ sarvasamaṃ biḍam / tato divyauṣadhīnāṃ ca bījairmardyaṃ dinatrayam
Sanskrit only: no published translation is held for this verse.
गर्भयन्त्रे पचेत्पश्चात्करीषाग्नौ मृतो भवेत् । <त्रिंशः प्रकारः> खजीर्णसूतं विमलां समं निर्गुण्डिकारसैः
garbhayantre pacetpaścātkarīṣāgnau mṛto bhavet / <triṃśaḥ prakāraḥ> khajīrṇasūtaṃ vimalāṃ samaṃ nirguṇḍikārasaiḥ
Sanskrit only: no published translation is held for this verse.
मर्दयित्वा त्र्यहं काचकूपिकायां विनिक्षिपेत् । सिकतायन्त्रके पच्याच्चतुर्यामेन भस्मितः
mardayitvā tryahaṃ kācakūpikāyāṃ vinikṣipet / sikatāyantrake pacyāccaturyāmena bhasmitaḥ
Sanskrit only: no published translation is held for this verse.
<एकत्रिंशः प्रकारः> ताप्यसत्वं समं गन्धं द्वाभ्यां तुल्यं च जारितम् । सूतं निर्गुण्डिकां मर्द्य दिनं तद्गोलकं पुनः
<ekatriṃśaḥ prakāraḥ> tāpyasatvaṃ samaṃ gandhaṃ dvābhyāṃ tulyaṃ ca jāritam / sūtaṃ nirguṇḍikāṃ mardya dinaṃ tadgolakaṃ punaḥ
Sanskrit only: no published translation is held for this verse.
वज्रमूषान्धितं कृत्वा धमेद्वा गड्डुयन्त्रके । पचेत्तद्रक्तवर्णं स्यात्स रसः सर्वरोगहा
vajramūṣāndhitaṃ kṛtvā dhamedvā gaḍḍuyantrake / pacettadraktavarṇaṃ syātsa rasaḥ sarvarogahā
Sanskrit only: no published translation is held for this verse.
<रसभस्मलक्षणम्> अक्षयित्वं निरुत्थत्वं निर्लेपत्वं सुभस्मता । मारकत्वं च लोहानां लक्षयेद् रसभस्मतः
<rasabhasmalakṣaṇam> akṣayitvaṃ nirutthatvaṃ nirlepatvaṃ subhasmatā / mārakatvaṃ ca lohānāṃ lakṣayed rasabhasmataḥ
Sanskrit only: no published translation is held for this verse.
<१। गन्धपिष्टी; प्रथमः प्रकारः> संचूर्ण्य शोधितं गन्धं पूर्वपत्ररसेन च । सप्तधा भावयेद् घर्मे स्त्रीणां च रजसा तथा
<1. gandhapiṣṭī; prathamaḥ prakāraḥ> saṃcūrṇya śodhitaṃ gandhaṃ pūrvapatrarasena ca / saptadhā bhāvayed gharme strīṇāṃ ca rajasā tathā
Sanskrit only: no published translation is held for this verse.
तथा मानवपित्तेन लोलयेद्गन्धकं पुनः । पलमेकं शुद्धरसं कर्परे चातपे न्यसेत्
tathā mānavapittena lolayedgandhakaṃ punaḥ / palamekaṃ śuddharasaṃ karpare cātape nyaset
Sanskrit only: no published translation is held for this verse.
तदूर्ध्वं लोलितं गन्धं विन्यस्याङ्गुष्ठमर्दितम् । कुर्यात्सूतो भवेत्पिष्टिः सर्वकर्मसु सिद्धिदः
tadūrdhvaṃ lolitaṃ gandhaṃ vinyasyāṅguṣṭhamarditam / kuryātsūto bhavetpiṣṭiḥ sarvakarmasu siddhidaḥ
Sanskrit only: no published translation is held for this verse.
<द्वितीयः प्रकार, स्वर्णगन्धपिष्टी> गन्धकं शोधितं देवि तिलपर्णीरसेन च । सप्तधा मर्दयेच्छोष्यं छायायां भावयेत् क्रमात्
<dvitīyaḥ prakāra, svarṇagandhapiṣṭī> gandhakaṃ śodhitaṃ devi tilaparṇīrasena ca / saptadhā mardayecchoṣyaṃ chāyāyāṃ bhāvayet kramāt
Sanskrit only: no published translation is held for this verse.
मूषायां पारदं शुद्धं पलमात्रं विनिक्षिपेत् । सुवर्णनिष्कगुलिकां मूषायां निक्षिपेत्ततः
mūṣāyāṃ pāradaṃ śuddhaṃ palamātraṃ vinikṣipet / suvarṇaniṣkagulikāṃ mūṣāyāṃ nikṣipettataḥ
Sanskrit only: no published translation is held for this verse.
तत्र नारीरजोमूत्रमलमात्रं विनिक्षिपेत् । वालुकायन्त्रमध्ये च तां मूषां स्थापयेच्छिवे
tatra nārīrajomūtramalamātraṃ vinikṣipet / vālukāyantramadhye ca tāṃ mūṣāṃ sthāpayecchive
Sanskrit only: no published translation is held for this verse.
अल्पमल्पं पूर्वगन्धं वारं वारं विनिक्षिपेत् । मृद्वग्निना पचेद्यावत्कर्षगन्धं च जीर्यते
alpamalpaṃ pūrvagandhaṃ vāraṃ vāraṃ vinikṣipet / mṛdvagninā pacedyāvatkarṣagandhaṃ ca jīryate
Sanskrit only: no published translation is held for this verse.
अवतार्य स्वाङ्गशीतमाहरेत्स्वर्णगोलकम् । स्वर्णपिष्टिर्भवेद्दिव्या सर्ववाञ्छितदायिनी
avatārya svāṅgaśītamāharetsvarṇagolakam / svarṇapiṣṭirbhaveddivyā sarvavāñchitadāyinī
Sanskrit only: no published translation is held for this verse.
<तृतीयः प्रकारः> भावयेन्मर्कटीतोयैः शतधा शुद्धगन्धकम् । छायायां शुद्धसूतं च घर्मे मृत्कर्परे क्षिपेत्
<tṛtīyaḥ prakāraḥ> bhāvayenmarkaṭītoyaiḥ śatadhā śuddhagandhakam / chāyāyāṃ śuddhasūtaṃ ca gharme mṛtkarpare kṣipet
Sanskrit only: no published translation is held for this verse.
किंचित् किंचित् पूर्वगन्धं निक्षिपेन्मर्कटीरसम् । जीर्णे गन्धे द्रवं देयं मुहुर् गन्धं मुहुर्द्रवम्
kiṃcit kiṃcit pūrvagandhaṃ nikṣipenmarkaṭīrasam / jīrṇe gandhe dravaṃ deyaṃ muhur gandhaṃ muhurdravam
Sanskrit only: no published translation is held for this verse.
यावत्पादांशकं जीर्णं गन्धं च पिष्टिका भवेत् । दिव्या सा सर्वकर्मार्हा देवानामपि दुर्लभा
yāvatpādāṃśakaṃ jīrṇaṃ gandhaṃ ca piṣṭikā bhavet / divyā sā sarvakarmārhā devānāmapi durlabhā
Sanskrit only: no published translation is held for this verse.
<चतुर्थः प्रकारः> शुद्धगन्धं चूर्णयित्वा त्रिवारं काञ्जिकेन च । जम्बीराम्लैस्त्रिवारं च हंसपादीरसेन च
<caturthaḥ prakāraḥ> śuddhagandhaṃ cūrṇayitvā trivāraṃ kāñjikena ca / jambīrāmlaistrivāraṃ ca haṃsapādīrasena ca
Sanskrit only: no published translation is held for this verse.
सप्तधा क्षालयेदेवं कर्पूरं भावयेत्पृथक् । श्वेताद्रिकर्णिकातोयैर् आतपे च त्रिवारकम्
saptadhā kṣālayedevaṃ karpūraṃ bhāvayetpṛthak / śvetādrikarṇikātoyair ātape ca trivārakam
Sanskrit only: no published translation is held for this verse.
द्विगुञ्जमात्रं कर्पूरं यन्त्रान्तः परिलेपयेत् । तत्र गन्धं सार्धनिष्कं भावितं चूर्णितं क्षिपेत्
dviguñjamātraṃ karpūraṃ yantrāntaḥ parilepayet / tatra gandhaṃ sārdhaniṣkaṃ bhāvitaṃ cūrṇitaṃ kṣipet
Sanskrit only: no published translation is held for this verse.
तदूर्ध्वं च पलं सूतं निक्षिपेत्तस्य पृष्ठतः । पूर्वमात्रं च कर्पूरं तदूर्ध्वं सार्धनिष्ककम्
tadūrdhvaṃ ca palaṃ sūtaṃ nikṣipettasya pṛṣṭhataḥ / pūrvamātraṃ ca karpūraṃ tadūrdhvaṃ sārdhaniṣkakam
Sanskrit only: no published translation is held for this verse.
गन्धकं च पुनः क्षिप्त्वा ततो गोमूत्रकेन च । श्वेताद्रिकर्णिकामूलं पिष्ट्वा तत्कल्ककेन च
gandhakaṃ ca punaḥ kṣiptvā tato gomūtrakena ca / śvetādrikarṇikāmūlaṃ piṣṭvā tatkalkakena ca
Sanskrit only: no published translation is held for this verse.
आच्छाद्य तच्छरावेण रोधयेत्पाचयेत्क्रमात् । जालिकायन्त्रमध्ये च दिव्यं पश्चात्तमुद्धरेत्
ācchādya taccharāveṇa rodhayetpācayetkramāt / jālikāyantramadhye ca divyaṃ paścāttamuddharet
Sanskrit only: no published translation is held for this verse.
एवं कुर्यात्त्रिवारं च गन्धपिष्टिर् भवेद् ध्रुवम् । <पञ्चमः प्रकारः> स्नेहलिप्ते खल्वमध्ये शुद्धसूतं पलं न्यसेत्
evaṃ kuryāttrivāraṃ ca gandhapiṣṭir bhaved dhruvam / <pañcamaḥ prakāraḥ> snehalipte khalvamadhye śuddhasūtaṃ palaṃ nyaset
Sanskrit only: no published translation is held for this verse.
कर्षं च शोधितं गन्धं देवदालीद्रवं क्षिपेत् । कराङ्गुल्या खरे घर्मे मर्दयेत् पिष्टिका भवेत्
karṣaṃ ca śodhitaṃ gandhaṃ devadālīdravaṃ kṣipet / karāṅgulyā khare gharme mardayet piṣṭikā bhavet
Sanskrit only: no published translation is held for this verse.
<षष्ठः प्रकारः> ताम्रखल्वे पलं सूतं कर्षार्धं गन्धकं क्षिपेत् । मृद्वग्निना पचेद्यामं कराङ्गुष्ठेन चालयेत्
<ṣaṣṭhaḥ prakāraḥ> tāmrakhalve palaṃ sūtaṃ karṣārdhaṃ gandhakaṃ kṣipet / mṛdvagninā pacedyāmaṃ karāṅguṣṭhena cālayet
Sanskrit only: no published translation is held for this verse.
गन्धपिष्टिर्भवेद्दिव्या सर्वकर्मकरी शुभा । <पिष्टीस्तम्भनम् (२)> पिष्टीनां स्तम्भनं वक्ष्ये तिक्तकोशातकीभवम्
gandhapiṣṭirbhaveddivyā sarvakarmakarī śubhā / <piṣṭīstambhanam (2)> piṣṭīnāṃ stambhanaṃ vakṣye tiktakośātakībhavam
Sanskrit only: no published translation is held for this verse.
बीजं चण्डालिनीकन्दं तुल्यं कान्तास्तनोद्भवैः । क्षीरैः पिष्ट्वा च तां पिष्टीं लेपयेदङ्गुलं दृढम्
bījaṃ caṇḍālinīkandaṃ tulyaṃ kāntāstanodbhavaiḥ / kṣīraiḥ piṣṭvā ca tāṃ piṣṭīṃ lepayedaṅgulaṃ dṛḍham
Sanskrit only: no published translation is held for this verse.
वन्ध्याकन्देऽथवा क्षीरकन्दे वा सूरणोद्भवे । कन्दे वा वज्रकन्दे वा कन्दे वा कुडुहुञ्चिजे
vandhyākande'thavā kṣīrakande vā sūraṇodbhave / kande vā vajrakande vā kande vā kuḍuhuñcije
Sanskrit only: no published translation is held for this verse.
तां पिष्टिं निक्षिपेत्तत्तन्मज्जया रोधयेन्मुखम् । तत्कन्दं च मृदा लिप्त्वा पुटेद्भूधरयन्त्रके
tāṃ piṣṭiṃ nikṣipettattanmajjayā rodhayenmukham / tatkandaṃ ca mṛdā liptvā puṭedbhūdharayantrake
Sanskrit only: no published translation is held for this verse.
दिवानक्तं करीषाग्नावूर्ध्वाधः परिवर्तनम् । यथा कन्दं तु न दहेत्तथा पाकक्रमः स्मृतः
divānaktaṃ karīṣāgnāvūrdhvādhaḥ parivartanam / yathā kandaṃ tu na dahettathā pākakramaḥ smṛtaḥ
Sanskrit only: no published translation is held for this verse.
अथ पिष्टिं समानीयाद् भवेत्सा स्तम्भिता प्रिये । <पिष्टीजारणम् (२)> पिष्टीनां स्तम्भितानां च जारणा वक्ष्यते शिवे
atha piṣṭiṃ samānīyād bhavetsā stambhitā priye / <piṣṭījāraṇam (2)> piṣṭīnāṃ stambhitānāṃ ca jāraṇā vakṣyate śive
Sanskrit only: no published translation is held for this verse.
स्तनयन्त्रे लोहकृते गन्धकं पिष्टितुल्यकम् । क्षिपेदूर्ध्वं च देवेशि स्तम्भितां गन्धपिष्टिकाम्
stanayantre lohakṛte gandhakaṃ piṣṭitulyakam / kṣipedūrdhvaṃ ca deveśi stambhitāṃ gandhapiṣṭikām
Sanskrit only: no published translation is held for this verse.
तदूर्ध्वं पिष्टितुल्यं च गन्धकं चूर्णितं क्षिपेत् । निरुध्य भूधरे यन्त्रे पाचयेज्जारयेत्क्रमात्
tadūrdhvaṃ piṣṭitulyaṃ ca gandhakaṃ cūrṇitaṃ kṣipet / nirudhya bhūdhare yantre pācayejjārayetkramāt
Sanskrit only: no published translation is held for this verse.
गन्धं पुनःपुनर्देयमेवं शतगुणं प्रिये । जीर्णे शतगुणे गन्धे यन्त्रात्पिष्टिं समाहरेत्
gandhaṃ punaḥpunardeyamevaṃ śataguṇaṃ priye / jīrṇe śataguṇe gandhe yantrātpiṣṭiṃ samāharet
Sanskrit only: no published translation is held for this verse.
सर्वासां गन्धपिष्टीनां जारणं स्याच्च रञ्जनम् । <पिष्टीमारणम् (२)> जारितानां च पिष्टीनां प्रवक्ष्ये मारणक्रमम्
sarvāsāṃ gandhapiṣṭīnāṃ jāraṇaṃ syācca rañjanam / <piṣṭīmāraṇam (2)> jāritānāṃ ca piṣṭīnāṃ pravakṣye māraṇakramam
Sanskrit only: no published translation is held for this verse.
तप्तखल्वे विनिक्षिप्य जारितां गन्धपिष्टिकाम् । दिव्यौषधिरसैः पिष्ट्वा दिनं कुर्याच्च गोलकम्
taptakhalve vinikṣipya jāritāṃ gandhapiṣṭikām / divyauṣadhirasaiḥ piṣṭvā dinaṃ kuryācca golakam
Sanskrit only: no published translation is held for this verse.
दिव्यौषधीनां बीजानि पिष्ट्वा दिव्यौषधोद्भवैः । स्वरसैर् वज्रमूषान्तर् लेपयेत्पूर्वगोलकम्
divyauṣadhīnāṃ bījāni piṣṭvā divyauṣadhodbhavaiḥ / svarasair vajramūṣāntar lepayetpūrvagolakam
Sanskrit only: no published translation is held for this verse.
क्षिप्त्वा निरुध्य मूषास्यं पचेद्भूधरयन्त्रके । प्रवर्तयंश्चोर्ध्वमधो दिनमेकं पुनः प्रिये
kṣiptvā nirudhya mūṣāsyaṃ pacedbhūdharayantrake / pravartayaṃścordhvamadho dinamekaṃ punaḥ priye
Sanskrit only: no published translation is held for this verse.
समाहृत्य यथापूर्वं पूर्वतोयैश्च मर्दयेत् । पुटयेत्पूर्ववद्देवि दशवारमिति क्रमात्
samāhṛtya yathāpūrvaṃ pūrvatoyaiśca mardayet / puṭayetpūrvavaddevi daśavāramiti kramāt
Sanskrit only: no published translation is held for this verse.
असंशयं गन्धपिष्टिर्म्रियते सर्वकार्यकृत् । गन्धपिष्टिक्रमाज् जातरसभस्मानि भैरवि
asaṃśayaṃ gandhapiṣṭirmriyate sarvakāryakṛt / gandhapiṣṭikramāj jātarasabhasmāni bhairavi
Sanskrit only: no published translation is held for this verse.
सर्वकर्मसु मुख्यानि विशेषाद्वादकर्मणि । <रसबन्धाः; प्रथमः प्रकारः: वैक्रान्तबन्धः> वक्ष्यामि रसबन्धानि शृणु भैरवि सम्प्रति
sarvakarmasu mukhyāni viśeṣādvādakarmaṇi / <rasabandhāḥ; prathamaḥ prakāraḥ: vaikrāntabandhaḥ> vakṣyāmi rasabandhāni śṛṇu bhairavi samprati
Sanskrit only: no published translation is held for this verse.
शोधितं पारदं खल्वे दशनिष्कं विनिक्षिपेत् । निष्कैकं शुद्धगन्धं च स्वल्पं स्वल्पं विनिक्षिपेत्
śodhitaṃ pāradaṃ khalve daśaniṣkaṃ vinikṣipet / niṣkaikaṃ śuddhagandhaṃ ca svalpaṃ svalpaṃ vinikṣipet
Sanskrit only: no published translation is held for this verse.
कुट्टयेन्मर्दयेद् ग्राव्णा पिष्टिः स्याद्याममात्रके । क्षीरकन्देऽथवा वन्ध्याकन्दे वा कुडुहुञ्चिजे
kuṭṭayenmardayed grāvṇā piṣṭiḥ syādyāmamātrake / kṣīrakande'thavā vandhyākande vā kuḍuhuñcije
Sanskrit only: no published translation is held for this verse.
कन्दे वा निक्षिपेत्पक्वे शुभे गन्धकपिष्टिकाम् । निष्कार्धं भस्म वैक्रान्तमूर्ध्वाधो निक्षिपेत्सुधीः
kande vā nikṣipetpakve śubhe gandhakapiṣṭikām / niṣkārdhaṃ bhasma vaikrāntamūrdhvādho nikṣipetsudhīḥ
Sanskrit only: no published translation is held for this verse.
तत्कन्दमज्जया वक्त्रं निरुध्य च मृदा बहिः । लिम्पेदङ्गुलिमात्रेण शोषयित्वाथ सर्वतः
tatkandamajjayā vaktraṃ nirudhya ca mṛdā bahiḥ / limpedaṅgulimātreṇa śoṣayitvātha sarvataḥ
Sanskrit only: no published translation is held for this verse.
अष्टवारं पचेद्यन्त्रे भूधरे कौक्कुटे पुटे । करीषाग्नौ पुनः कुर्यादूर्ध्वभागमधः प्रिये
aṣṭavāraṃ pacedyantre bhūdhare kaukkuṭe puṭe / karīṣāgnau punaḥ kuryādūrdhvabhāgamadhaḥ priye
Sanskrit only: no published translation is held for this verse.
अधोभागं तथोर्ध्वं च भूयो भूयः प्रवर्तनम् । एवमेकदिनं पश्चात्पचेद्युगकरीषकैः
adhobhāgaṃ tathordhvaṃ ca bhūyo bhūyaḥ pravartanam / evamekadinaṃ paścātpacedyugakarīṣakaiḥ
Sanskrit only: no published translation is held for this verse.
पक्वदाडिमबीजाभो बद्धो भवति पारदः । वैक्रान्तबद्धनामा स्याच्चूर्णितो योगवाहकः
pakvadāḍimabījābho baddho bhavati pāradaḥ / vaikrāntabaddhanāmā syāccūrṇito yogavāhakaḥ
Sanskrit only: no published translation is held for this verse.
<द्वितीयः प्रकारः: गन्धकबन्धः> पूर्वोक्तां गन्धपिष्टीं तां वस्त्रे बद्ध्वाथ संपुटे । लोहजे पोट्टलीं स्थाप्यचोर्ध्वाधः समगन्धकम्
<dvitīyaḥ prakāraḥ: gandhakabandhaḥ> pūrvoktāṃ gandhapiṣṭīṃ tāṃ vastre baddhvātha saṃpuṭe / lohaje poṭṭalīṃ sthāpyacordhvādhaḥ samagandhakam
Sanskrit only: no published translation is held for this verse.
निरुध्य संपुटं सम्यक् पचेत् भूधरयन्त्रके । यथा जीर्णो भवेद्गन्धो भूयो भूयस्तथापि च
nirudhya saṃpuṭaṃ samyak pacet bhūdharayantrake / yathā jīrṇo bhavedgandho bhūyo bhūyastathāpi ca
Sanskrit only: no published translation is held for this verse.
एव षड्गुणगन्धस्तु जारणीयो महेश्वरि । एवं गन्धकबद्धोऽयं रसः सर्वामयापहः
eva ṣaḍguṇagandhastu jāraṇīyo maheśvari / evaṃ gandhakabaddho'yaṃ rasaḥ sarvāmayāpahaḥ
Sanskrit only: no published translation is held for this verse.
<तृतीयः प्रकारः: गन्धकबन्धः> षोडशाङ्गुलदीर्घा च जम्बीरफलविस्तृता । पक्वमूषा दृढतरा वालुकायन्त्रमध्यतः
<tṛtīyaḥ prakāraḥ: gandhakabandhaḥ> ṣoḍaśāṅguladīrghā ca jambīraphalavistṛtā / pakvamūṣā dṛḍhatarā vālukāyantramadhyataḥ
Sanskrit only: no published translation is held for this verse.
त्रिभागमग्नां कुर्वीत बहिः पादांशसंस्थिताम् । तस्यां क्षिपेद्गन्धसूतं पलमेकं सुरेश्वरि
tribhāgamagnāṃ kurvīta bahiḥ pādāṃśasaṃsthitām / tasyāṃ kṣipedgandhasūtaṃ palamekaṃ sureśvari
Sanskrit only: no published translation is held for this verse.
सूताद् अथोर्ध्वभागे तु द्विपलं शुद्धगन्धकम् । निक्षिपेत्तन्मुखं सम्यग्रोधयेन्मन्दवह्निना
sūtād athordhvabhāge tu dvipalaṃ śuddhagandhakam / nikṣipettanmukhaṃ samyagrodhayenmandavahninā
Sanskrit only: no published translation is held for this verse.
पचेन्निर्धूमता यावत्तावद्धूमे गते पुनः । काकमाचीद्रवैः पूर्या तद्द्रवे जीर्णतां गते
pacennirdhūmatā yāvattāvaddhūme gate punaḥ / kākamācīdravaiḥ pūryā taddrave jīrṇatāṃ gate
Sanskrit only: no published translation is held for this verse.
रसेन नागवल्ल्याश्च पूरणीया पुनः प्रिये । उन्मत्तकरसैः पूर्या शनैर्मन्दाग्निना पचेत्
rasena nāgavallyāśca pūraṇīyā punaḥ priye / unmattakarasaiḥ pūryā śanairmandāgninā pacet
Sanskrit only: no published translation is held for this verse.
गन्धकं जीर्यते यावत्काकमाच्यादिकद्रवैः । धत्तूरान्तैः पचेदेवं बद्धो भवति पारदः
gandhakaṃ jīryate yāvatkākamācyādikadravaiḥ / dhattūrāntaiḥ pacedevaṃ baddho bhavati pāradaḥ
Sanskrit only: no published translation is held for this verse.
नाम्ना गन्धकबद्धोऽयं सर्वयोगेषु योजयेत् । <चतुर्थः प्रकारः गन्धकस्वर्णबन्धः> पूर्ववद्गन्धपिष्टिं च विधायादौ विचक्षणः
nāmnā gandhakabaddho'yaṃ sarvayogeṣu yojayet / <caturthaḥ prakāraḥ gandhakasvarṇabandhaḥ> pūrvavadgandhapiṣṭiṃ ca vidhāyādau vicakṣaṇaḥ
Sanskrit only: no published translation is held for this verse.
सप्तार्धनिष्कसूतः स्यादध्यर्धं शुद्धहाटकम् । याममम्लेन संमर्द्यं ख्यातोऽयं हेमपिष्टिका
saptārdhaniṣkasūtaḥ syādadhyardhaṃ śuddhahāṭakam / yāmamamlena saṃmardyaṃ khyāto'yaṃ hemapiṣṭikā
Sanskrit only: no published translation is held for this verse.
गन्धपिष्टिं हेमपिष्ट्या समयावेष्ट्य बाह्यतः । स्तनाकारे लोहमये संपुटे वस्त्रबन्धिताम्
gandhapiṣṭiṃ hemapiṣṭyā samayāveṣṭya bāhyataḥ / stanākāre lohamaye saṃpuṭe vastrabandhitām
Sanskrit only: no published translation is held for this verse.
कृत्वा तां पिष्टिकां क्षिप्त्वा पिष्ट्यूर्ध्वाधश्च गन्धकम् । सर्वतुल्यं क्षिपेत् सन्धिं रुद्ध्वाम्ललवणैः सुधीः
kṛtvā tāṃ piṣṭikāṃ kṣiptvā piṣṭyūrdhvādhaśca gandhakam / sarvatulyaṃ kṣipet sandhiṃ ruddhvāmlalavaṇaiḥ sudhīḥ
Sanskrit only: no published translation is held for this verse.
पचेद्भूधरयन्त्रे च जीर्णे जीर्णे पुनः पुनः । षड्गुणं गन्धकं दद्यात्ततो वस्त्रं शनैर्हरेत्
pacedbhūdharayantre ca jīrṇe jīrṇe punaḥ punaḥ / ṣaḍguṇaṃ gandhakaṃ dadyāttato vastraṃ śanairharet
Sanskrit only: no published translation is held for this verse.
समांशं गन्धकं भूयो भूयो जार्यं शनैः शनैः । निःशेषं गन्धकं नैव कुर्याच्चेत्पारदच्युतिः
samāṃśaṃ gandhakaṃ bhūyo bhūyo jāryaṃ śanaiḥ śanaiḥ / niḥśeṣaṃ gandhakaṃ naiva kuryāccetpāradacyutiḥ
Sanskrit only: no published translation is held for this verse.
एवं शतगुणे जीर्णे गन्धपिष्टिं समाहरेत् । तत्समांशसुवर्णस्य संपुटे पिष्टिकां क्षिपेत्
evaṃ śataguṇe jīrṇe gandhapiṣṭiṃ samāharet / tatsamāṃśasuvarṇasya saṃpuṭe piṣṭikāṃ kṣipet
Sanskrit only: no published translation is held for this verse.
काचं कन्याद्रवैः पिष्ट्वा लेपयेद्बाह्यतोऽङ्गुलम् । ततष्टङ्कणकैर्लिप्त्वा पश्चान्मृल्लवणैः क्रमात्
kācaṃ kanyādravaiḥ piṣṭvā lepayedbāhyato'ṅgulam / tataṣṭaṅkaṇakairliptvā paścānmṛllavaṇaiḥ kramāt
Sanskrit only: no published translation is held for this verse.
एकैकं लेपनं कार्यं वेष्ट्यमङ्गुलमानकम् । प्रतिलेपं शोषयेच्च कोष्ठीयन्त्रगतं धमेत्
ekaikaṃ lepanaṃ kāryaṃ veṣṭyamaṅgulamānakam / pratilepaṃ śoṣayecca koṣṭhīyantragataṃ dhamet
Sanskrit only: no published translation is held for this verse.
वङ्कनालेन तीव्रेण वह्निना प्रहरं भवेत् । उदयादित्यसङ्काशं खोटं दिव्यरसायनम्
vaṅkanālena tīvreṇa vahninā praharaṃ bhavet / udayādityasaṅkāśaṃ khoṭaṃ divyarasāyanam
Sanskrit only: no published translation is held for this verse.
गन्धहाटकबन्धोऽयं जराव्याधिदरिद्रहा । <पञ्चमः प्रकारः गन्धकबन्धः> अथवा गन्धपिष्टिं तां वस्त्रे बद्ध्वाथ गन्धकम्
gandhahāṭakabandho'yaṃ jarāvyādhidaridrahā / <pañcamaḥ prakāraḥ gandhakabandhaḥ> athavā gandhapiṣṭiṃ tāṃ vastre baddhvātha gandhakam
Sanskrit only: no published translation is held for this verse.
तुल्यं दत्त्वा निरुध्याथ संपुटे लोहजे दृढम् । पुटेत्तद्भूधरे तावद्यावज्जीर्यति गन्धकम्
tulyaṃ dattvā nirudhyātha saṃpuṭe lohaje dṛḍham / puṭettadbhūdhare tāvadyāvajjīryati gandhakam
Sanskrit only: no published translation is held for this verse.
एवं पुनः पुनर्देयं यावद्गन्धं तु षड्गुणम् । इत्येवं गन्धके बद्धः सूतः स्यात्सर्वरोगजित्
evaṃ punaḥ punardeyaṃ yāvadgandhaṃ tu ṣaḍguṇam / ityevaṃ gandhake baddhaḥ sūtaḥ syātsarvarogajit
Sanskrit only: no published translation is held for this verse.
<षष्ठः प्रकारः मूलिकाबन्धः> कार्कोटीमूलजैर्द्रावैः पारदं मर्दयेद्दिनम् । मर्कटीमूलजे पिण्डे क्षिपेत्तं मर्दितं रसम्
<ṣaṣṭhaḥ prakāraḥ mūlikābandhaḥ> kārkoṭīmūlajairdrāvaiḥ pāradaṃ mardayeddinam / markaṭīmūlaje piṇḍe kṣipettaṃ marditaṃ rasam
Sanskrit only: no published translation is held for this verse.
तं पिण्डं वज्रमूषायां रुद्ध्वा तीव्राग्निना पचेत् । जायते खोटबद्धोऽयं सर्वकार्यकरः शुभः
taṃ piṇḍaṃ vajramūṣāyāṃ ruddhvā tīvrāgninā pacet / jāyate khoṭabaddho'yaṃ sarvakāryakaraḥ śubhaḥ
Sanskrit only: no published translation is held for this verse.
<सप्तमः प्रकारः मूलिकाबन्धः> अर्कमूलं रविक्षीरैः पिष्ट्वा मूषां प्रलेपयेत् । तन्मध्ये रञ्जितं सूतं क्षिप्त्वा बद्ध्वाथ रोधयेत्
<saptamaḥ prakāraḥ mūlikābandhaḥ> arkamūlaṃ ravikṣīraiḥ piṣṭvā mūṣāṃ pralepayet / tanmadhye rañjitaṃ sūtaṃ kṣiptvā baddhvātha rodhayet
Sanskrit only: no published translation is held for this verse.
मृण्मये संपुटे तं च निरुन्ध्याल्लोहसंपुटे । पचेद्गजपुटे पश्चात्पारदो बन्धमाप्नुयात्
mṛṇmaye saṃpuṭe taṃ ca nirundhyāllohasaṃpuṭe / pacedgajapuṭe paścātpārado bandhamāpnuyāt
Sanskrit only: no published translation is held for this verse.
<अष्टमः प्रकारः मूलिकाबन्धः> जलकुम्भीरसैः सूतं मर्दयेद्दिवसत्रयम् । जलकुम्भीदलैर्मूषां कृत्वा तत्र क्षिपेद्रसम्
<aṣṭamaḥ prakāraḥ mūlikābandhaḥ> jalakumbhīrasaiḥ sūtaṃ mardayeddivasatrayam / jalakumbhīdalairmūṣāṃ kṛtvā tatra kṣipedrasam
Sanskrit only: no published translation is held for this verse.
रुद्ध्वा तां वज्रमूषायां छायाशुष्कं पुटेल्लघु । छगणैरेकवृद्ध्या तु त्रिंशद्वारं पुटैः पचेत्
ruddhvā tāṃ vajramūṣāyāṃ chāyāśuṣkaṃ puṭellaghu / chagaṇairekavṛddhyā tu triṃśadvāraṃ puṭaiḥ pacet
Sanskrit only: no published translation is held for this verse.
ततो गजपुटे देयं सम्यग्बद्धो भवेद्रसः । <नवमः प्रकारः मूलिकाबन्धः> एकवीराद्रवैर्मर्द्यं दिनं शुद्धं तु सूतकम्
tato gajapuṭe deyaṃ samyagbaddho bhavedrasaḥ / <navamaḥ prakāraḥ mūlikābandhaḥ> ekavīrādravairmardyaṃ dinaṃ śuddhaṃ tu sūtakam
Sanskrit only: no published translation is held for this verse.
एकवीराकन्दकल्कैर्वज्रमूषां प्रलेपयेत् । तस्यां पूर्वरसं क्षिप्त्वा ध्माते बद्धो भवेद्रसः
ekavīrākandakalkairvajramūṣāṃ pralepayet / tasyāṃ pūrvarasaṃ kṣiptvā dhmāte baddho bhavedrasaḥ
Sanskrit only: no published translation is held for this verse.
<दशमः प्रकारः मूलिकाबन्धः> आरक्तक्षीरकन्दोत्थद्रवैः स्त्रीस्तन्यसंयुतैः । त्रिदिनं पारदं मर्द्यं वज्रकन्दद्रवैस्त्र्यहम्
<daśamaḥ prakāraḥ mūlikābandhaḥ> āraktakṣīrakandotthadravaiḥ strīstanyasaṃyutaiḥ / tridinaṃ pāradaṃ mardyaṃ vajrakandadravaistryaham
Sanskrit only: no published translation is held for this verse.
क्षीरकन्दस्य कल्केन वज्रमूषां प्रलेपयेत् । तत्र पूर्वरसं बद्ध्वा ध्माते बद्धो भवेद्रसः
kṣīrakandasya kalkena vajramūṣāṃ pralepayet / tatra pūrvarasaṃ baddhvā dhmāte baddho bhavedrasaḥ
Sanskrit only: no published translation is held for this verse.
<एकादशः प्रकारः मूलिकाबन्धः> अर्कमूलफलं पिष्ट्वा मूषां तेन प्रलेपयेत् । तन्मध्ये निक्षिपेन्मूषां पुङ्खामूलविनिर्मिताम्
<ekādaśaḥ prakāraḥ mūlikābandhaḥ> arkamūlaphalaṃ piṣṭvā mūṣāṃ tena pralepayet / tanmadhye nikṣipenmūṣāṃ puṅkhāmūlavinirmitām
Sanskrit only: no published translation is held for this verse.
तन्मध्ये सूतकं क्षिप्त्वा पुङ्खामूलसमुद्भवैः । पूरयित्वा रसैर्मूषां निरुन्ध्यात् तन्मुखं दृढम्
tanmadhye sūtakaṃ kṣiptvā puṅkhāmūlasamudbhavaiḥ / pūrayitvā rasairmūṣāṃ nirundhyāt tanmukhaṃ dṛḍham
Sanskrit only: no published translation is held for this verse.
एवमन्धीकृतां मूषां क्षिपेत्सम्पुटमध्यतः । ततस्तं लेपयेद्यत्नाल्लवणेन मृदा तथा
evamandhīkṛtāṃ mūṣāṃ kṣipetsampuṭamadhyataḥ / tatastaṃ lepayedyatnāllavaṇena mṛdā tathā
Sanskrit only: no published translation is held for this verse.
ततोऽसौ पुटयोगेन सूतो बन्धमवाप्नुयात् । राजिकाद्वयमात्रेण चित्रकद्रवसैन्धवैः
tato'sau puṭayogena sūto bandhamavāpnuyāt / rājikādvayamātreṇa citrakadravasaindhavaiḥ
Sanskrit only: no published translation is held for this verse.
चूर्णितो भक्षितः प्रातः सर्वरोगविनाशकः । <द्वादशः प्रकारः मूलिकाबन्धः> कपित्थस्य शिफानीरैर्यामं सूतं विमर्दयेत्
cūrṇito bhakṣitaḥ prātaḥ sarvarogavināśakaḥ / <dvādaśaḥ prakāraḥ mūlikābandhaḥ> kapitthasya śiphānīrairyāmaṃ sūtaṃ vimardayet
Sanskrit only: no published translation is held for this verse.
अन्यस्याम् अन्धमूषायां सूतमूषां निरोधयेत् । तथा धमेत्ततो मूषां यथा सिन्दूरवद् भवेत्
anyasyām andhamūṣāyāṃ sūtamūṣāṃ nirodhayet / tathā dhamettato mūṣāṃ yathā sindūravad bhavet
Sanskrit only: no published translation is held for this verse.
एवं कृते रसेन्द्रोऽसौ बध्यते नात्र संशयः । मूलिकाबन्धनं ह्येतद्रसेन्द्रस्य प्रकीर्तितम्
evaṃ kṛte rasendro'sau badhyate nātra saṃśayaḥ / mūlikābandhanaṃ hyetadrasendrasya prakīrtitam
Sanskrit only: no published translation is held for this verse.
इत्येते मारिताः सूता मूर्छिता बन्धमागताः । प्रत्येकं योजितास्तत्र प्रयोगैर्योगवाहिनः
ityete māritāḥ sūtā mūrchitā bandhamāgatāḥ / pratyekaṃ yojitāstatra prayogairyogavāhinaḥ
Sanskrit only: no published translation is held for this verse.
<रसमूर्च्छनाविधिः; प्रथमः प्रकारः> अथ शुद्धस्य सूतस्य मूर्च्छनाविधिरुच्यते । मेघनादवचाहिङ्गुलशुनैर् मर्दयेद्रसम्
<rasamūrcchanāvidhiḥ; prathamaḥ prakāraḥ> atha śuddhasya sūtasya mūrcchanāvidhirucyate / meghanādavacāhiṅgulaśunair mardayedrasam
Sanskrit only: no published translation is held for this verse.
दिनं पिष्टं तु तद्गोलं हिङ्गुना वेष्टयेद्बहिः । पचेल्लवणयन्त्रस्थं दिनैकं चण्डवह्निना
dinaṃ piṣṭaṃ tu tadgolaṃ hiṅgunā veṣṭayedbahiḥ / pacellavaṇayantrasthaṃ dinaikaṃ caṇḍavahninā
Sanskrit only: no published translation is held for this verse.
ऊर्ध्वलग्नं समादाय दृढं वस्त्रेण बन्धयेत् । ऊर्ध्वाधो गन्धकं तुल्यं दत्त्वा सोमानले पचेत्
ūrdhvalagnaṃ samādāya dṛḍhaṃ vastreṇa bandhayet / ūrdhvādho gandhakaṃ tulyaṃ dattvā somānale pacet
Sanskrit only: no published translation is held for this verse.
जीर्णे गन्धं पुनर्देयं षड्भिर्वारैः समं समम् । षड्गुणे गन्धके जीर्णे मूर्छितो रोगहा भवेत्
jīrṇe gandhaṃ punardeyaṃ ṣaḍbhirvāraiḥ samaṃ samam / ṣaḍguṇe gandhake jīrṇe mūrchito rogahā bhavet
Sanskrit only: no published translation is held for this verse.
<द्वितीयः प्रकारः> गन्धकं धूमसारं च शुद्धं सूतं समं समम् । यामैकं चूर्णयेत्खल्वे काचकुप्यां निवेशयेत्
<dvitīyaḥ prakāraḥ> gandhakaṃ dhūmasāraṃ ca śuddhaṃ sūtaṃ samaṃ samam / yāmaikaṃ cūrṇayetkhalve kācakupyāṃ niveśayet
Sanskrit only: no published translation is held for this verse.
रुद्ध्वा द्वादशयामान्तं वालुकायन्त्रके पचेत् । स्फोटयेत् स्वांगशीतं तमूर्ध्वस्थं गन्धकं त्यजेत्
ruddhvā dvādaśayāmāntaṃ vālukāyantrake pacet / sphoṭayet svāṃgaśītaṃ tamūrdhvasthaṃ gandhakaṃ tyajet
Sanskrit only: no published translation is held for this verse.
अधःस्थं रसम् आदाय सर्वयोगेषु योजयेत् । <तृतीयः प्रकारः> शुद्धसूतं तथा गन्धं सूतार्धं सैन्धवे क्षिपेत्
adhaḥsthaṃ rasam ādāya sarvayogeṣu yojayet / <tṛtīyaḥ prakāraḥ> śuddhasūtaṃ tathā gandhaṃ sūtārdhaṃ saindhave kṣipet
Sanskrit only: no published translation is held for this verse.
द्रवैः सितजयन्त्याश्च मर्दयेद्दिवसत्रयम् । कृत्वा गोलं तु संशोष्य मूषायां तं निरोधयेत्
dravaiḥ sitajayantyāśca mardayeddivasatrayam / kṛtvā golaṃ tu saṃśoṣya mūṣāyāṃ taṃ nirodhayet
Sanskrit only: no published translation is held for this verse.
शोषयित्वा धमेत् किंचित् सुतप्तेऽथ जले क्षिपेत् । तस्माद्रसं समुद्धृत्य त्रिकन्दरसभावितम्
śoṣayitvā dhamet kiṃcit sutapte'tha jale kṣipet / tasmādrasaṃ samuddhṛtya trikandarasabhāvitam
Sanskrit only: no published translation is held for this verse.
योजयेत् सर्वरोगेषु धमेद्वा भूधरे पचेत् । <चतुर्थः प्रकारः> रसार्धं गन्धकं मर्द्यं घृतैर्युक्तं तु गोलकम्
yojayet sarvarogeṣu dhamedvā bhūdhare pacet / <caturthaḥ prakāraḥ> rasārdhaṃ gandhakaṃ mardyaṃ ghṛtairyuktaṃ tu golakam
Sanskrit only: no published translation is held for this verse.
कृत्वा तद्बन्धयेद्वस्त्रे डोलायन्त्रगतं पचेत् । गोमूत्रे तद्गतं यामं नरमूत्रैर्दिनत्रयम्
kṛtvā tadbandhayedvastre ḍolāyantragataṃ pacet / gomūtre tadgataṃ yāmaṃ naramūtrairdinatrayam
Sanskrit only: no published translation is held for this verse.
शोषयेत्तत्पुनर्वस्त्रैर्बद्ध्वा वेष्ट्यं मृदा दृढम् । शुष्कं निरुध्य मूषायां पचेदथ तुषाग्निना
śoṣayettatpunarvastrairbaddhvā veṣṭyaṃ mṛdā dṛḍham / śuṣkaṃ nirudhya mūṣāyāṃ pacedatha tuṣāgninā
Sanskrit only: no published translation is held for this verse.
ऊर्ध्वभागमधः कृत्वा त्वधोभागमथोर्ध्वगम् । इत्यादिपरिवर्तेन स्वेदयेद्दिवसत्रयम्
ūrdhvabhāgamadhaḥ kṛtvā tvadhobhāgamathordhvagam / ityādiparivartena svedayeddivasatrayam
Sanskrit only: no published translation is held for this verse.
पश्चादुद्धृत्य तं सूतं योगवाहं रुजापहम् । सद्योजातस्य बालस्य विष्ठां पालाशबीजकम्
paścāduddhṛtya taṃ sūtaṃ yogavāhaṃ rujāpaham / sadyojātasya bālasya viṣṭhāṃ pālāśabījakam
Sanskrit only: no published translation is held for this verse.
चण्डालीरुधिरं सूतं सूतपादं च टङ्कणम् । जयन्त्या मर्दयेद् द्रावैर्दिनमेकं तु गोलकम्
caṇḍālīrudhiraṃ sūtaṃ sūtapādaṃ ca ṭaṅkaṇam / jayantyā mardayed drāvairdinamekaṃ tu golakam
Sanskrit only: no published translation is held for this verse.
पिष्टया सहदेव्याथ लेपयेत्ताम्रसम्पुटम् । तन्मध्ये गोलकं क्षिप्त्वा द्वियामं स्वेदयेल्लघु
piṣṭayā sahadevyātha lepayettāmrasampuṭam / tanmadhye golakaṃ kṣiptvā dviyāmaṃ svedayellaghu
Sanskrit only: no published translation is held for this verse.
वालुकायन्त्रमध्ये तु समुद्धृत्य ततः पुनः । चित्रकैः सहदेव्या च गन्धकं लेपयेद्बहिः
vālukāyantramadhye tu samuddhṛtya tataḥ punaḥ / citrakaiḥ sahadevyā ca gandhakaṃ lepayedbahiḥ
Sanskrit only: no published translation is held for this verse.
सम्पुटं बन्धयेद्वस्त्रे मृदा लेप्यं च शोषयेत् । तं रुद्ध्वा चान्यमूषायां ध्माते सम्पुटमाहरेत्
sampuṭaṃ bandhayedvastre mṛdā lepyaṃ ca śoṣayet / taṃ ruddhvā cānyamūṣāyāṃ dhmāte sampuṭamāharet
Sanskrit only: no published translation is held for this verse.
सूक्ष्मचूर्णं हरेद्रोगान्योगवाहो महारसः । सम्पुटं सूततुल्यं स्याच्छास्त्रदृष्टेन कर्मणा
sūkṣmacūrṇaṃ haredrogānyogavāho mahārasaḥ / sampuṭaṃ sūtatulyaṃ syācchāstradṛṣṭena karmaṇā
Sanskrit only: no published translation is held for this verse.
<पञ्चमः प्रकारः> धुत्तूरकद्रवैर्मर्द्यं दिनं गन्धांशसूतकम् । अन्धमूषागतं स्वेद्यं भूधरे मूर्छितो दिनात्
<pañcamaḥ prakāraḥ> dhuttūrakadravairmardyaṃ dinaṃ gandhāṃśasūtakam / andhamūṣāgataṃ svedyaṃ bhūdhare mūrchito dināt
Sanskrit only: no published translation is held for this verse.
<षष्ठः प्रकारः> कृत्वा षडङ्गुलां मूषां सुपक्वां मृण्मयीं दृढाम् । मूषागर्भे विलिप्याथ मूलैर् वर्तुलपत्त्रजैः
<ṣaṣṭhaḥ prakāraḥ> kṛtvā ṣaḍaṅgulāṃ mūṣāṃ supakvāṃ mṛṇmayīṃ dṛḍhām / mūṣāgarbhe vilipyātha mūlair vartulapattrajaiḥ
Sanskrit only: no published translation is held for this verse.
तन्मध्ये सूतकं क्षिप्त्वा मूषां पूर्यात्तु तद्द्रवैः । रुद्ध्वा तां वालुकायन्त्रे चुल्ल्यां दीपाग्निना पचेत्
tanmadhye sūtakaṃ kṣiptvā mūṣāṃ pūryāttu taddravaiḥ / ruddhvā tāṃ vālukāyantre cullyāṃ dīpāgninā pacet
Sanskrit only: no published translation is held for this verse.
सप्ताहान्ते समुद्धृत्य योजयेत्तं जरापहम् । <सप्तमः प्रकारः> कुरण्डकरसैः सान्द्रमातपे मर्दयेद्रसम्
saptāhānte samuddhṛtya yojayettaṃ jarāpaham / <saptamaḥ prakāraḥ> kuraṇḍakarasaiḥ sāndramātape mardayedrasam
Sanskrit only: no published translation is held for this verse.
लताकरञ्जपत्रोत्थैः पादांगुष्ठेन मर्दयेत् । दिनैकं मूर्छितं सम्यक् सर्वयोगेषु योजयेत्
latākarañjapatrotthaiḥ pādāṃguṣṭhena mardayet / dinaikaṃ mūrchitaṃ samyak sarvayogeṣu yojayet
Sanskrit only: no published translation is held for this verse.
<अष्टमः प्रकारः> कासीसं सैन्धवं सूतं तुल्यं तुल्यं विमर्दयेत् । कासीसस्याप्यभावे तु दातव्या फुल्लतूरिका
<aṣṭamaḥ prakāraḥ> kāsīsaṃ saindhavaṃ sūtaṃ tulyaṃ tulyaṃ vimardayet / kāsīsasyāpyabhāve tu dātavyā phullatūrikā
Sanskrit only: no published translation is held for this verse.
स्तोकं स्तोकं क्षिपेत्खल्वे त्रयमेकत्र मूर्छयेत् । प्रत्येकं शतनिष्कं स्यादूनं नैवाधिकं क्वचित्
stokaṃ stokaṃ kṣipetkhalve trayamekatra mūrchayet / pratyekaṃ śataniṣkaṃ syādūnaṃ naivādhikaṃ kvacit
Sanskrit only: no published translation is held for this verse.
स्थालीसम्पुटयन्त्रेण दिनं चण्डाग्निना पचेत् । ऊर्ध्वलग्नं ततः शुभ्रं मूर्छितं चाहरेच्छुभम्
sthālīsampuṭayantreṇa dinaṃ caṇḍāgninā pacet / ūrdhvalagnaṃ tataḥ śubhraṃ mūrchitaṃ cāharecchubham
Sanskrit only: no published translation is held for this verse.
<नवमः प्रकारः> अथ शुद्धस्य सूतस्य मूर्छितस्यापरो विधिः । सूततुल्यं मृतं स्वर्णं द्वाभ्यां तुल्यं च गन्धकम्
<navamaḥ prakāraḥ> atha śuddhasya sūtasya mūrchitasyāparo vidhiḥ / sūtatulyaṃ mṛtaṃ svarṇaṃ dvābhyāṃ tulyaṃ ca gandhakam
Sanskrit only: no published translation is held for this verse.
रविक्षीरैर्दिनं मर्द्यमन्धयेद्भूधरे पुटे । दिनैकेन भवेत्सिद्धो रसो हैरण्यगर्भकः
ravikṣīrairdinaṃ mardyamandhayedbhūdhare puṭe / dinaikena bhavetsiddho raso hairaṇyagarbhakaḥ
Sanskrit only: no published translation is held for this verse.