तत्कल्कम् आतपे ताम्रपात्रे संस्थापयेत्त्र्यहम् । तस्मिन्क्षिपेद्द्रुतं नागंशतधा तद्द्रुतं द्रुतम्
tatkalkam ātape tāmrapātre saṃsthāpayettryaham / tasminkṣipeddrutaṃ nāgaṃśatadhā taddrutaṃ drutam
Sanskrit only: no published translation is held for this verse.
ताम्रपात्रस्थसौवीरैर् भावयेच्छतवारकम् । द्वंद्वितं तच्चरेत्सूतो यत् किंचिज् जारणार्हकम्
tāmrapātrasthasauvīrair bhāvayecchatavārakam / dvaṃdvitaṃ taccaretsūto yat kiṃcij jāraṇārhakam
Sanskrit only: no published translation is held for this verse.
रूप्यकर्मणि वङ्गं स्यान्नागं स्याद्धेमकर्मणि । <पक्वबीजविधानम्> अथातः सम्प्रवक्ष्यामि पक्वबीजं सुरार्चिते
rūpyakarmaṇi vaṅgaṃ syānnāgaṃ syāddhemakarmaṇi / <pakvabījavidhānam> athātaḥ sampravakṣyāmi pakvabījaṃ surārcite
Sanskrit only: no published translation is held for this verse.
<प्रथमं विधानम्> सुवर्णे विद्रुते तुल्यं नागाभ्रं द्वंद्वितं प्रिये । वाहयेद्द्वादशगुणं स्वर्णशेषं यथा धमेत्
<prathamaṃ vidhānam> suvarṇe vidrute tulyaṃ nāgābhraṃ dvaṃdvitaṃ priye / vāhayeddvādaśaguṇaṃ svarṇaśeṣaṃ yathā dhamet
Sanskrit only: no published translation is held for this verse.
पक्वबीजम् इदं ख्यातं जारयेत्पारदे क्रमात् । <द्वितीयं विधानम्> पीताभ्रसत्वं स्वर्णं च समांशं द्वंद्वितं धमेत्
pakvabījam idaṃ khyātaṃ jārayetpārade kramāt / <dvitīyaṃ vidhānam> pītābhrasatvaṃ svarṇaṃ ca samāṃśaṃ dvaṃdvitaṃ dhamet
Sanskrit only: no published translation is held for this verse.
वाहयेद् द्वादशगुणं स्वर्णशेषं यथा धमेत् । पुनः पीताभ्रसत्वं च वहेद्दशगुणं शनैः
vāhayed dvādaśaguṇaṃ svarṇaśeṣaṃ yathā dhamet / punaḥ pītābhrasatvaṃ ca vaheddaśaguṇaṃ śanaiḥ
Sanskrit only: no published translation is held for this verse.
स्वर्णशेषं भवेद् यावत् पक्वबीजम् इदं भवेत् । <तृतीयं विधानम्> नागार्कव्योमरसकं चतुस्त्रिर्द्व्येकभागिकम्
svarṇaśeṣaṃ bhaved yāvat pakvabījam idaṃ bhavet / <tṛtīyaṃ vidhānam> nāgārkavyomarasakaṃ catustrirdvyekabhāgikam
Sanskrit only: no published translation is held for this verse.
चूर्णयेल्लिप्तमूषायाम् अन्धयेच्च धमेद्दृढम् । माक्षिकेण च तत्खोटं संपेष्याम्लैः पुटे पचेत्
cūrṇayelliptamūṣāyām andhayecca dhameddṛḍham / mākṣikeṇa ca tatkhoṭaṃ saṃpeṣyāmlaiḥ puṭe pacet
Sanskrit only: no published translation is held for this verse.
पुनस्तत्सममाक्षीकमम्लैः पिष्ट्वा पुटे पचेत् । एवं पञ्चपुटं दत्त्वा तद्द्रुते हेम्नि वाहयेत्
punastatsamamākṣīkamamlaiḥ piṣṭvā puṭe pacet / evaṃ pañcapuṭaṃ dattvā taddrute hemni vāhayet
Sanskrit only: no published translation is held for this verse.
धमेद्दशगुणं यावत् तावत् स्यात् पक्वबीजकम् । <चतुर्बीजक्रमः> अथातः सम्प्रवक्ष्यामि चतुर्बीजं वरानने
dhameddaśaguṇaṃ yāvat tāvat syāt pakvabījakam / <caturbījakramaḥ> athātaḥ sampravakṣyāmi caturbījaṃ varānane
Sanskrit only: no published translation is held for this verse.
हेमताराहिकुटिलबीजान्येतानि तत्त्वतः । हेमबीजं नागबीजं शस्यते हेमकर्मणि
hematārāhikuṭilabījānyetāni tattvataḥ / hemabījaṃ nāgabījaṃ śasyate hemakarmaṇi
Sanskrit only: no published translation is held for this verse.
तारबीजं वङ्गबीजं कथिते रूप्यकर्मणि । हेमबीजं तारबीजं भवेतां च रसायने
tārabījaṃ vaṅgabījaṃ kathite rūpyakarmaṇi / hemabījaṃ tārabījaṃ bhavetāṃ ca rasāyane
Sanskrit only: no published translation is held for this verse.
नागबीजं वङ्गबीजं न रसायनकर्मणि । चत्वार्येतानि बीजानि भवेयू रोगशान्तये
nāgabījaṃ vaṅgabījaṃ na rasāyanakarmaṇi / catvāryetāni bījāni bhaveyū rogaśāntaye
Sanskrit only: no published translation is held for this verse.
अन्यथा नैव योज्यानि बीजान्येतानि शाम्भवि । <हेमबीजविधानम्, प्रथमं हेमबीजम्> गन्धकं सस्यकं वापि माक्षीकं वाथ तालकम्
anyathā naiva yojyāni bījānyetāni śāmbhavi / <hemabījavidhānam, prathamaṃ hemabījam> gandhakaṃ sasyakaṃ vāpi mākṣīkaṃ vātha tālakam
Sanskrit only: no published translation is held for this verse.
शिलां च विमलां वापि वैक्रान्तं वाञ्जनं च वा । खर्परं वा कान्तमुखं वा चूर्णयित्वा समांशकम्
śilāṃ ca vimalāṃ vāpi vaikrāntaṃ vāñjanaṃ ca vā / kharparaṃ vā kāntamukhaṃ vā cūrṇayitvā samāṃśakam
Sanskrit only: no published translation is held for this verse.
शतवारान्द्रुते हेम्नि वाहयेच्च पुनः पुनः । <द्वितीय नागभस्मसिद्धं हेमबीजम्> सूतहिंगुलकंकुष्ठलोहपर्पटिकाभ्रकम्
śatavārāndrute hemni vāhayecca punaḥ punaḥ / <dvitīya nāgabhasmasiddhaṃ hemabījam> sūtahiṃgulakaṃkuṣṭhalohaparpaṭikābhrakam
Sanskrit only: no published translation is held for this verse.
मृतार्कमाक्षीकशिलाविमलांश्च समांशकान् । एतान्नागकलाभागान् स्नुह्यर्कपयसा प्रिये
mṛtārkamākṣīkaśilāvimalāṃśca samāṃśakān / etānnāgakalābhāgān snuhyarkapayasā priye
Sanskrit only: no published translation is held for this verse.
मर्दयेत्तेन पत्राणि शुद्धनागस्य लेपयेत् । पुटेद्द्वात्रिंशतिपुटे नागो भस्मति तद्वहेत्
mardayettena patrāṇi śuddhanāgasya lepayet / puṭeddvātriṃśatipuṭe nāgo bhasmati tadvahet
Sanskrit only: no published translation is held for this verse.
समं समं च शतधा विद्रुते पूर्ववाहिते । सुवर्णे च तथा हेमशेषं तावद्धमेद्दृढम्
samaṃ samaṃ ca śatadhā vidrute pūrvavāhite / suvarṇe ca tathā hemaśeṣaṃ tāvaddhameddṛḍham
Sanskrit only: no published translation is held for this verse.
<तृतीयं वङ्गभस्मसिद्धं हेमबीजम्> अथवा भस्मयेद्वङ्गं तालशङ्खाभ्रपारदैः । चिञ्चाक्षारैस्त्रपुसमैः स्नुह्यर्कक्षीरमर्दितैः
<tṛtīyaṃ vaṅgabhasmasiddhaṃ hemabījam> athavā bhasmayedvaṅgaṃ tālaśaṅkhābhrapāradaiḥ / ciñcākṣāraistrapusamaiḥ snuhyarkakṣīramarditaiḥ
Sanskrit only: no published translation is held for this verse.
पुटेत् षोडशभिस्तच्च शतधा हेम्नि वाहयेत् । <चतुर्थं ताम्रभस्मसिद्धं हेमबीजम्> अथवा मारयेच्छुल्बमूर्ध्वाधो गन्धकं समम्
puṭet ṣoḍaśabhistacca śatadhā hemni vāhayet / <caturthaṃ tāmrabhasmasiddhaṃ hemabījam> athavā mārayecchulbamūrdhvādho gandhakaṃ samam
Sanskrit only: no published translation is held for this verse.
क्षिप्त्वा पुटेद् अष्टवारं तत्ताम्रं हेम्नि वाहयेत् । <पञ्चमं तीक्ष्णभस्मसिद्धं हेमबीजम्> अथवा मारयेत्तीक्ष्णं तीक्ष्णतुल्यं च हिंगुलम्
kṣiptvā puṭed aṣṭavāraṃ tattāmraṃ hemni vāhayet / <pañcamaṃ tīkṣṇabhasmasiddhaṃ hemabījam> athavā mārayettīkṣṇaṃ tīkṣṇatulyaṃ ca hiṃgulam
Sanskrit only: no published translation is held for this verse.
स्त्रीस्तन्यैर् मर्दयित्वा तु पुटेदथ कलांशकम् । तीक्ष्णस्य हिंगुलं दत्त्वा मर्दयेत् पुटयेत् क्रमात्
strīstanyair mardayitvā tu puṭedatha kalāṃśakam / tīkṣṇasya hiṃgulaṃ dattvā mardayet puṭayet kramāt
Sanskrit only: no published translation is held for this verse.
एवं तत् षोडशपुटैः तत्तीक्ष्णं हेम्नि वाहयेत् । शतधा हेम तदिशं विद्रुते हेम्नि वाहयेत्
evaṃ tat ṣoḍaśapuṭaiḥ tattīkṣṇaṃ hemni vāhayet / śatadhā hema tadiśaṃ vidrute hemni vāhayet
Sanskrit only: no published translation is held for this verse.
<षष्ठं हेमबीजम्> तद्धेम्नि द्विगुणं ताप्यं पूर्णितं तद्धमेद्दृढम् । तच्चूर्णयेद् द्वित्रिपुटैः पञ्चभिर् मारितं भवेत्
<ṣaṣṭhaṃ hemabījam> taddhemni dviguṇaṃ tāpyaṃ pūrṇitaṃ taddhameddṛḍham / taccūrṇayed dvitripuṭaiḥ pañcabhir māritaṃ bhavet
Sanskrit only: no published translation is held for this verse.
तद्वाहयेद्दशगुणं द्रुते हेम्नि धमन् धमन् । तदेव जायते दिव्यं सर्वसिद्धिप्रदायकम्
tadvāhayeddaśaguṇaṃ drute hemni dhaman dhaman / tadeva jāyate divyaṃ sarvasiddhipradāyakam
Sanskrit only: no published translation is held for this verse.
हेमबीजमिदं ख्यातं हितं स्याद्रसजारणे । <सप्तमं हेमबीजम्> सस्यकाभ्रकवैक्रांतसत्वं स्वर्णमहिं रविम्
hemabījamidaṃ khyātaṃ hitaṃ syādrasajāraṇe / <saptamaṃ hemabījam> sasyakābhrakavaikrāṃtasatvaṃ svarṇamahiṃ ravim
Sanskrit only: no published translation is held for this verse.
तीक्ष्णं च चूर्णयेल्लिप्तमूषायां चान्ध्रितं धमेत् । पुनः प्रकटमूषायां धमेत्तस्मिन्द्रुते सति
tīkṣṇaṃ ca cūrṇayelliptamūṣāyāṃ cāndhritaṃ dhamet / punaḥ prakaṭamūṣāyāṃ dhamettasmindrute sati
Sanskrit only: no published translation is held for this verse.
माक्षिकं निक्षिपेत् किंचित् किंचिद् दत्त्वा पुनः पुनः । यावत्स्वर्णावशेषं स्यात् ततस्तस्मिन् विनिक्षिपेत्
mākṣikaṃ nikṣipet kiṃcit kiṃcid dattvā punaḥ punaḥ / yāvatsvarṇāvaśeṣaṃ syāt tatastasmin vinikṣipet
Sanskrit only: no published translation is held for this verse.
स्वर्णं नागं रविं तीक्ष्णं पूर्ववच्च धमेत्क्रमात् । वाहयेन्माक्षिकं तद्वद्धमेत् स्वर्णावशेषकम्
svarṇaṃ nāgaṃ raviṃ tīkṣṇaṃ pūrvavacca dhametkramāt / vāhayenmākṣikaṃ tadvaddhamet svarṇāvaśeṣakam
Sanskrit only: no published translation is held for this verse.
हेमबीजमिदं ख्यातं हितं स्याद्रसजारणे । <अष्टमं हेमबीजम्> समांशं चूर्णयेदभ्रं सत्वं ताम्रमयं शुभम्
hemabījamidaṃ khyātaṃ hitaṃ syādrasajāraṇe / <aṣṭamaṃ hemabījam> samāṃśaṃ cūrṇayedabhraṃ satvaṃ tāmramayaṃ śubham
Sanskrit only: no published translation is held for this verse.
अभ्रकाद्द्विगुणं धौतं ताप्यं सर्वं धमेद्धठात् । मूषायां द्वन्द्वलिप्तायां तत्खोटं चूर्णयेत्ततः
abhrakāddviguṇaṃ dhautaṃ tāpyaṃ sarvaṃ dhameddhaṭhāt / mūṣāyāṃ dvandvaliptāyāṃ tatkhoṭaṃ cūrṇayettataḥ
Sanskrit only: no published translation is held for this verse.
मर्द्यं दिव्यौषधिरसैः संपुटे रोधयेद्दृढम् । पचेद्गजपुटे तद्वच्चूर्णयेन्मर्दयेत्पुटेत्
mardyaṃ divyauṣadhirasaiḥ saṃpuṭe rodhayeddṛḍham / pacedgajapuṭe tadvaccūrṇayenmardayetpuṭet
Sanskrit only: no published translation is held for this verse.
एवं पञ्चपुटैः पक्वं तद्वहेत्कनके द्रुते । यावद्दशगुणं तावन्मूषायां प्रकटे धमेत्
evaṃ pañcapuṭaiḥ pakvaṃ tadvahetkanake drute / yāvaddaśaguṇaṃ tāvanmūṣāyāṃ prakaṭe dhamet
Sanskrit only: no published translation is held for this verse.
ततस्तस्मिन् शुद्धताप्यं क्षिप्त्वा क्षिप्त्वा धमेद्धमेत् । यावत्स्वर्णावशेषं स्यात्स्वर्णबीजमिदं प्रिये
tatastasmin śuddhatāpyaṃ kṣiptvā kṣiptvā dhameddhamet / yāvatsvarṇāvaśeṣaṃ syātsvarṇabījamidaṃ priye
Sanskrit only: no published translation is held for this verse.
<नवमं हेमबीजम्> तीक्ष्णार्कनागभस्मानि ताप्यचूर्णं समं समम् । एतद्द्रुते वहेद्धेम्नि यावद्दशगुणं भवेत्
<navamaṃ hemabījam> tīkṣṇārkanāgabhasmāni tāpyacūrṇaṃ samaṃ samam / etaddrute vaheddhemni yāvaddaśaguṇaṃ bhavet
Sanskrit only: no published translation is held for this verse.
तावत्स्वर्णावशेषं स्यात्स्वर्णबीजमिदं प्रिये । <दशमं हेमबीजम्> मृततारार्कतीक्ष्णायः समं सर्वं धमेद्दृढम्
tāvatsvarṇāvaśeṣaṃ syātsvarṇabījamidaṃ priye / <daśamaṃ hemabījam> mṛtatārārkatīkṣṇāyaḥ samaṃ sarvaṃ dhameddṛḍham
Sanskrit only: no published translation is held for this verse.
मूषायां द्वन्द्वलिप्तायां तत्खोटं चूर्णयेत्ततः । तच्चूर्णं द्राविते स्वर्णे वाहयेच्च शनैः शनैः
mūṣāyāṃ dvandvaliptāyāṃ tatkhoṭaṃ cūrṇayettataḥ / taccūrṇaṃ drāvite svarṇe vāhayecca śanaiḥ śanaiḥ
Sanskrit only: no published translation is held for this verse.
यावद्दशगुणं पश्चात्ताप्यचूर्णं क्षिपन्क्षिपन् । धमेत्स्वर्णावशेषं स्याद्धेमबीजमिदं प्रिये
yāvaddaśaguṇaṃ paścāttāpyacūrṇaṃ kṣipankṣipan / dhametsvarṇāvaśeṣaṃ syāddhemabījamidaṃ priye
Sanskrit only: no published translation is held for this verse.
<एकादशं हेमबीजम्> नागमेकं चतुस्ताम्रं सत्त्वं रसकसम्भवम् । मूषायां द्वन्द्वलिप्तायां सर्वं ध्मातं विचूर्णयेत्
<ekādaśaṃ hemabījam> nāgamekaṃ catustāmraṃ sattvaṃ rasakasambhavam / mūṣāyāṃ dvandvaliptāyāṃ sarvaṃ dhmātaṃ vicūrṇayet
Sanskrit only: no published translation is held for this verse.
तच्चूर्णं वाहयेत्स्वर्णे विद्रुते षड्गुणं शनैः । स्वर्णशेषं भवेद् यावत् तावत् स्यात् स्वर्णबीजकम्
taccūrṇaṃ vāhayetsvarṇe vidrute ṣaḍguṇaṃ śanaiḥ / svarṇaśeṣaṃ bhaved yāvat tāvat syāt svarṇabījakam
Sanskrit only: no published translation is held for this verse.
<द्वादशं हेमबीजम्> ताप्येन मारयेत्ताम्रं तन्नागे वाहयेच्छनैः । यावच्छतगुणं ताप्यं चूर्णं क्षिप्त्वा धमन्धमन्
<dvādaśaṃ hemabījam> tāpyena mārayettāmraṃ tannāge vāhayecchanaiḥ / yāvacchataguṇaṃ tāpyaṃ cūrṇaṃ kṣiptvā dhamandhaman
Sanskrit only: no published translation is held for this verse.
तद्वाहयेद्धमेद्धेम्नि क्रमाद् द्वात्रिंशतं गुणम् । स्वर्णशेषं भवेद्यावत् तावत्स्याद्धेमबीजकम्
tadvāhayeddhameddhemni kramād dvātriṃśataṃ guṇam / svarṇaśeṣaṃ bhavedyāvat tāvatsyāddhemabījakam
Sanskrit only: no published translation is held for this verse.
<त्रयोदशं हेमबीजम्> भागैकं खर्परीसत्वं द्विभागं चाभ्रसत्वकम् । त्रिभागं ताम्रचूर्णं च लिप्तमूषागतं धमेत्
<trayodaśaṃ hemabījam> bhāgaikaṃ kharparīsatvaṃ dvibhāgaṃ cābhrasatvakam / tribhāgaṃ tāmracūrṇaṃ ca liptamūṣāgataṃ dhamet
Sanskrit only: no published translation is held for this verse.
तत्खोटं चूर्णयेत्ताप्यं तुल्यमम्लैर्विमर्दयेत् । तत्क्षिपेत्संपुटे रुद्ध्वा पुटेल्लघुपुटे पुनः
tatkhoṭaṃ cūrṇayettāpyaṃ tulyamamlairvimardayet / tatkṣipetsaṃpuṭe ruddhvā puṭellaghupuṭe punaḥ
Sanskrit only: no published translation is held for this verse.
एवं पञ्चपुटैः पक्वं तच्चूर्णं वाहयेद्द्रुते । सहस्रगुणितं हेम्नि यावत्स्वर्णावशेषितम्
evaṃ pañcapuṭaiḥ pakvaṃ taccūrṇaṃ vāhayeddrute / sahasraguṇitaṃ hemni yāvatsvarṇāvaśeṣitam
Sanskrit only: no published translation is held for this verse.
तावत्ताप्यं वहेद्युक्त्या स्यादिदं हेमबीजकम् । <चतुर्दशं हेमवीजम्> भागैकमभ्रसत्वं च द्विभागं शुद्धताम्रकम्
tāvattāpyaṃ vahedyuktyā syādidaṃ hemabījakam / <caturdaśaṃ hemavījam> bhāgaikamabhrasatvaṃ ca dvibhāgaṃ śuddhatāmrakam
Sanskrit only: no published translation is held for this verse.
चूर्णयेल्लिप्तमूषायां क्षिप्त्वा रुद्ध्वा धमेद्दृढम् । ततस्तं चूर्णयेत्ताप्यं तुल्यमम्लेन मर्दयेत्
cūrṇayelliptamūṣāyāṃ kṣiptvā ruddhvā dhameddṛḍham / tatastaṃ cūrṇayettāpyaṃ tulyamamlena mardayet
Sanskrit only: no published translation is held for this verse.
तद् रुद्ध्वा संपुटे पच्यात्पुटे तच्चूर्णयेत्पुनः । पूर्ववन्माक्षिके क्षिप्त्वा मर्दयेत्पातयेत्प्रिये
tad ruddhvā saṃpuṭe pacyātpuṭe taccūrṇayetpunaḥ / pūrvavanmākṣike kṣiptvā mardayetpātayetpriye
Sanskrit only: no published translation is held for this verse.
एवं पञ्चपुटे कार्ये तच्चूर्णं वाहयेत्प्रिये । स्वर्णे शतगुणं यावत्तावत्स्याद्धेमबीजकम्
evaṃ pañcapuṭe kārye taccūrṇaṃ vāhayetpriye / svarṇe śataguṇaṃ yāvattāvatsyāddhemabījakam
Sanskrit only: no published translation is held for this verse.
<पञ्चदशं हेमबीजम्> माक्षिकं गन्धपाषाणं हरितालं मनःशिलाम् । वैक्रान्तकं कान्तमुखं सस्यकं विमलांजने
<pañcadaśaṃ hemabījam> mākṣikaṃ gandhapāṣāṇaṃ haritālaṃ manaḥśilām / vaikrāntakaṃ kāntamukhaṃ sasyakaṃ vimalāṃjane
Sanskrit only: no published translation is held for this verse.
रसकं चापि शतशश्चूर्णितं हेम्नि वाहयेत् । लोहपर्पटिकाताप्यकङ्कुष्ठविमलाभ्रकैः
rasakaṃ cāpi śataśaścūrṇitaṃ hemni vāhayet / lohaparpaṭikātāpyakaṅkuṣṭhavimalābhrakaiḥ
Sanskrit only: no published translation is held for this verse.
मृतशुल्बशिलासूतस्नुह्यर्कक्षीरहिङ्गुलैः । नागो निर्जीवतां याति योगैः पुनः पुनः
mṛtaśulbaśilāsūtasnuhyarkakṣīrahiṅgulaiḥ / nāgo nirjīvatāṃ yāti yogaiḥ punaḥ punaḥ
Sanskrit only: no published translation is held for this verse.
रसतालकशुद्धचिंचाक्षारैस्तथा त्रपु । मृतं नागं मृतं वङ्गं शुल्बं तीक्ष्णं च वा मृतम्
rasatālakaśuddhaciṃcākṣāraistathā trapu / mṛtaṃ nāgaṃ mṛtaṃ vaṅgaṃ śulbaṃ tīkṣṇaṃ ca vā mṛtam
Sanskrit only: no published translation is held for this verse.
एकैकम् उत्तमे हेम्नि वाहयेत्सुरवन्दिते । निरुद्धे पन्नगे हेम्नि निर्व्यूढे शतसंगुणैः
ekaikam uttame hemni vāhayetsuravandite / niruddhe pannage hemni nirvyūḍhe śatasaṃguṇaiḥ
Sanskrit only: no published translation is held for this verse.
<हेम्नि नागादिनिर्वहणेन वर्णव्यत्यासः> नागजीर्णं रोचनाभं हारीतं ताम्रवाहितम् । तीक्ष्णजीर्णं रविसमं वङ्गजीर्णं जपानिभम्
<hemni nāgādinirvahaṇena varṇavyatyāsaḥ> nāgajīrṇaṃ rocanābhaṃ hārītaṃ tāmravāhitam / tīkṣṇajīrṇaṃ ravisamaṃ vaṅgajīrṇaṃ japānibham
Sanskrit only: no published translation is held for this verse.
<प्रथमं तारबीजम्> श्वेताभ्रसत्वं तीक्ष्णं च ताप्यं च विमलां तथा । खर्परं च समं सर्वं कुटिलं च चतुर्गुणम्
<prathamaṃ tārabījam> śvetābhrasatvaṃ tīkṣṇaṃ ca tāpyaṃ ca vimalāṃ tathā / kharparaṃ ca samaṃ sarvaṃ kuṭilaṃ ca caturguṇam
Sanskrit only: no published translation is held for this verse.
धमेत्सर्वं चूर्णयेच्च भस्मयेत् पुटपञ्चकैः । तारे द्रुते शतगुणं वाहयेच्च शनैः शनैः
dhametsarvaṃ cūrṇayecca bhasmayet puṭapañcakaiḥ / tāre drute śataguṇaṃ vāhayecca śanaiḥ śanaiḥ
Sanskrit only: no published translation is held for this verse.
तारबीजम् इदं ख्यातं जारणे परमं हितम् । <द्वितीयं तारबीजम्> यथा ताप्येन कुटिलं तथा ताप्येन मारयेत्
tārabījam idaṃ khyātaṃ jāraṇe paramaṃ hitam / <dvitīyaṃ tārabījam> yathā tāpyena kuṭilaṃ tathā tāpyena mārayet
Sanskrit only: no published translation is held for this verse.
तद्भागं च समं तालं तत्समं रजते द्रुते । त्रिंशद्गुणं भवेद् यावत् तावद् वाह्यं क्रमेण च
tadbhāgaṃ ca samaṃ tālaṃ tatsamaṃ rajate drute / triṃśadguṇaṃ bhaved yāvat tāvad vāhyaṃ krameṇa ca
Sanskrit only: no published translation is held for this verse.
तारबीजमिदं ख्यातं पारदे तच्च जारयेत् । <तृतीयं तारबीजम्> तीक्ष्णं वङ्गं च विमलां समांशं चूर्णयेत्प्रिये
tārabījamidaṃ khyātaṃ pārade tacca jārayet / <tṛtīyaṃ tārabījam> tīkṣṇaṃ vaṅgaṃ ca vimalāṃ samāṃśaṃ cūrṇayetpriye
Sanskrit only: no published translation is held for this verse.
द्वन्द्वमेलोपलिप्तायां धमेत् तत्खोटकं भवेत् । तत्खोटं चूर्णयेद् अम्लैर् मर्दयेत् पुटयेदिति
dvandvamelopaliptāyāṃ dhamet tatkhoṭakaṃ bhavet / tatkhoṭaṃ cūrṇayed amlair mardayet puṭayediti
Sanskrit only: no published translation is held for this verse.
पञ्चवारं प्रकुर्वीत भस्म तज्जायते प्रिये । तद्भस्म विद्रुते तारे वाहयेच्च समं समम्
pañcavāraṃ prakurvīta bhasma tajjāyate priye / tadbhasma vidrute tāre vāhayecca samaṃ samam
Sanskrit only: no published translation is held for this verse.
धमन् धमन् दशगुणं यावद् भवति भैरवि । तारबीजम् इदं श्रेष्ठं रसराजस्य जारणे
dhaman dhaman daśaguṇaṃ yāvad bhavati bhairavi / tārabījam idaṃ śreṣṭhaṃ rasarājasya jāraṇe
Sanskrit only: no published translation is held for this verse.
<चतुर्थं तारबीजम्> श्वेताभ्रसत्वं कुटिलं तारमाक्षीकसत्वकम् । त्रयं समांशं संचूर्ण्य लिप्तमूषागतं धमेत्
<caturthaṃ tārabījam> śvetābhrasatvaṃ kuṭilaṃ tāramākṣīkasatvakam / trayaṃ samāṃśaṃ saṃcūrṇya liptamūṣāgataṃ dhamet
Sanskrit only: no published translation is held for this verse.
तच्चूर्णं वाहयेत्तारे तारतुल्यं विनिक्षिपेत् । यावद्दशगुणं तावत् तारमाक्षीकवापतः
taccūrṇaṃ vāhayettāre tāratulyaṃ vinikṣipet / yāvaddaśaguṇaṃ tāvat tāramākṣīkavāpataḥ
Sanskrit only: no published translation is held for this verse.
तारबीजम् इदं प्रोक्तं जारणे परमं हितम् । <पञ्चर्मं तारबीजम्> त्रिद्व्येकभागान् देवेशि तीक्ष्णतालामलान् क्रमात्
tārabījam idaṃ proktaṃ jāraṇe paramaṃ hitam / <pañcarmaṃ tārabījam> tridvyekabhāgān deveśi tīkṣṇatālāmalān kramāt
Sanskrit only: no published translation is held for this verse.
चूर्णितान् लिप्तमूषायां क्षिप्त्वा तीव्राग्निना धमेत् । तत्खोटं चूर्णयेद् अम्लैर् मर्दयेत् पुटयेदिति
cūrṇitān liptamūṣāyāṃ kṣiptvā tīvrāgninā dhamet / tatkhoṭaṃ cūrṇayed amlair mardayet puṭayediti
Sanskrit only: no published translation is held for this verse.
सप्तधा तद्द्रुते तारे वाह्यं दशगुणं ततः । क्षिप्त्वा क्षिप्त्वा तालचूर्णं तारशेषं यथा धमेत्
saptadhā taddrute tāre vāhyaṃ daśaguṇaṃ tataḥ / kṣiptvā kṣiptvā tālacūrṇaṃ tāraśeṣaṃ yathā dhamet
Sanskrit only: no published translation is held for this verse.
तारबीजमिदं श्रेष्ठं जारणे परमं हितम् । <षष्ठं तारबीजम्> खर्परी तालशुभ्राभ्रसत्त्वकं तारमाक्षिकम्
tārabījamidaṃ śreṣṭhaṃ jāraṇe paramaṃ hitam / <ṣaṣṭhaṃ tārabījam> kharparī tālaśubhrābhrasattvakaṃ tāramākṣikam
Sanskrit only: no published translation is held for this verse.
तुल्यं सर्वसमं वङ्गं सर्वं मूषागतं धमेत् । चूर्णयेन्मर्दयेदम्लैः पुटेदेवं तु सप्तधा
tulyaṃ sarvasamaṃ vaṅgaṃ sarvaṃ mūṣāgataṃ dhamet / cūrṇayenmardayedamlaiḥ puṭedevaṃ tu saptadhā
Sanskrit only: no published translation is held for this verse.
तच्चूर्णं वाहयेत्तारे द्रुते दशगुणं धमन् । तारशेषं भवेद् यावत् तावत् स्यात् तारबीजकम्
taccūrṇaṃ vāhayettāre drute daśaguṇaṃ dhaman / tāraśeṣaṃ bhaved yāvat tāvat syāt tārabījakam
Sanskrit only: no published translation is held for this verse.
<सप्तमं तारबीजम्> श्वेताभ्रसत्वं वङ्गं च द्वन्द्वं कुर्याच्च पूर्ववत् । तच्चूर्णे तालकं दत्त्वा पादमम्लैर्विमर्दयेत्
<saptamaṃ tārabījam> śvetābhrasatvaṃ vaṅgaṃ ca dvandvaṃ kuryācca pūrvavat / taccūrṇe tālakaṃ dattvā pādamamlairvimardayet
Sanskrit only: no published translation is held for this verse.
पुटेत्तस्मिन्क्षिपेत्तालं पूर्ववन्मर्दनं पुटम् । एवं पञ्चपुटं कुर्यात्तच्चूर्णं वाहयेद्द्रुते
puṭettasminkṣipettālaṃ pūrvavanmardanaṃ puṭam / evaṃ pañcapuṭaṃ kuryāttaccūrṇaṃ vāhayeddrute
Sanskrit only: no published translation is held for this verse.
रजते द्वादशगुणं तद्भवेत्तारबीजकम् । <अष्टमं तारबीजम्> श्वेताभ्रसत्वं वङ्गं च वङ्गार्धं तीक्ष्णचूर्णकम्
rajate dvādaśaguṇaṃ tadbhavettārabījakam / <aṣṭamaṃ tārabījam> śvetābhrasatvaṃ vaṅgaṃ ca vaṅgārdhaṃ tīkṣṇacūrṇakam
Sanskrit only: no published translation is held for this verse.
तीक्ष्णांशा तारविमला सर्वं मूषागतं धमेत् । ततस्तच्चूर्णयेदम्लैः पिष्ट्वा रुद्ध्वा पुटेत्पचेत्
tīkṣṇāṃśā tāravimalā sarvaṃ mūṣāgataṃ dhamet / tatastaccūrṇayedamlaiḥ piṣṭvā ruddhvā puṭetpacet
Sanskrit only: no published translation is held for this verse.
पञ्चवारं पुनस्तच्च वाहयेद्रजते द्रुते । यावच्छतगुणं तावत्तालकं च क्षिपन् धमेत्
pañcavāraṃ punastacca vāhayedrajate drute / yāvacchataguṇaṃ tāvattālakaṃ ca kṣipan dhamet
Sanskrit only: no published translation is held for this verse.
तारशेषं भवेद्यावत् तावत्स्यात्तारबीजकम् । <ताम्रबीजम्> ताम्रबीजं प्रवक्ष्यामि जारणार्थं रसस्य तु
tāraśeṣaṃ bhavedyāvat tāvatsyāttārabījakam / <tāmrabījam> tāmrabījaṃ pravakṣyāmi jāraṇārthaṃ rasasya tu
Sanskrit only: no published translation is held for this verse.
स्वर्णं ताम्रं समं देवि तयोस्तुल्यं च माक्षिकम् । ऊर्ध्वाधो निक्षिपेल्लिप्तमूषायां तद्धमेद्दृढम्
svarṇaṃ tāmraṃ samaṃ devi tayostulyaṃ ca mākṣikam / ūrdhvādho nikṣipelliptamūṣāyāṃ taddhameddṛḍham
Sanskrit only: no published translation is held for this verse.
धमेदेवं च दशधा दत्त्वा दत्त्वाथ माक्षिकम् । ताम्रबीजमिदं ख्यातं भास्वत्किरणसंनिभम्
dhamedevaṃ ca daśadhā dattvā dattvātha mākṣikam / tāmrabījamidaṃ khyātaṃ bhāsvatkiraṇasaṃnibham
Sanskrit only: no published translation is held for this verse.
<प्रथमं नागबीजम्> अभ्रकं रसकं तुल्यं नागभस्म चतुर्गुणम् । धमयेच्चूर्णयेत्तच्च माक्षिकेण च मारयेत्
<prathamaṃ nāgabījam> abhrakaṃ rasakaṃ tulyaṃ nāgabhasma caturguṇam / dhamayeccūrṇayettacca mākṣikeṇa ca mārayet
Sanskrit only: no published translation is held for this verse.
एतत्समं शिलाचूर्णमेकीकृत्याथ वापयेत् । तद्धमेत्सदृशे हेम्नि विद्रुते शतधा प्रिये
etatsamaṃ śilācūrṇamekīkṛtyātha vāpayet / taddhametsadṛśe hemni vidrute śatadhā priye
Sanskrit only: no published translation is held for this verse.
नागबीजमिदं प्रोक्तमेतत्सूते तु जारयेत् । <द्वितीयं नागबीजम्> नागबीजं प्रवक्ष्यामि श्रेष्ठं तद्रसजारणे
nāgabījamidaṃ proktametatsūte tu jārayet / <dvitīyaṃ nāgabījam> nāgabījaṃ pravakṣyāmi śreṣṭhaṃ tadrasajāraṇe
Sanskrit only: no published translation is held for this verse.
रसकाभ्रकताम्रेऽहिं भागवृद्ध्या धमेत्ततः । माक्षिकेण हतं तच्च बीजं निर्वाहयेत्प्रिये
rasakābhrakatāmre'hiṃ bhāgavṛddhyā dhamettataḥ / mākṣikeṇa hataṃ tacca bījaṃ nirvāhayetpriye
Sanskrit only: no published translation is held for this verse.
द्वात्रिंशांशगुणं हेम्नि वङ्गं ताप्यहतं वहेत् । त्रिंशद्गुणं शिलावाप्यं नागबीजमुदाहृतम्
dvātriṃśāṃśaguṇaṃ hemni vaṅgaṃ tāpyahataṃ vahet / triṃśadguṇaṃ śilāvāpyaṃ nāgabījamudāhṛtam
Sanskrit only: no published translation is held for this verse.
<वङ्गबीजक्रमः> बीजं प्रवक्ष्यामि वङ्गं तालं च ताप्यकम् । समं धमेच्चूर्णयेच्च तत्समं ताप्यतालकम्
<vaṅgabījakramaḥ> bījaṃ pravakṣyāmi vaṅgaṃ tālaṃ ca tāpyakam / samaṃ dhameccūrṇayecca tatsamaṃ tāpyatālakam
Sanskrit only: no published translation is held for this verse.
मर्दयेत्पुटयेदम्लैर्भस्म स्यात्षोडशैः पुटैः । तारे द्रुते शतगुणं वाहयेद्वङ्गभस्म च
mardayetpuṭayedamlairbhasma syātṣoḍaśaiḥ puṭaiḥ / tāre drute śataguṇaṃ vāhayedvaṅgabhasma ca
Sanskrit only: no published translation is held for this verse.
तत्तारे तालकं देवि द्वात्रिंशद्गुणमावहेत् । वङ्गबीजमिदं ज्ञेयमेतत्सूते तु जारयेत्
tattāre tālakaṃ devi dvātriṃśadguṇamāvahet / vaṅgabījamidaṃ jñeyametatsūte tu jārayet
Sanskrit only: no published translation is held for this verse.
<जारणे बिडयोगाः> विडयोगान्प्रवक्ष्यामि जारणार्हान् सुरार्चिते । <१। वडवानलविडः> सौवीरं गन्धकं कांक्षी कासीसं व्योषसैन्धवम्
<jāraṇe biḍayogāḥ> viḍayogānpravakṣyāmi jāraṇārhān surārcite / <1. vaḍavānalaviḍaḥ> sauvīraṃ gandhakaṃ kāṃkṣī kāsīsaṃ vyoṣasaindhavam
Sanskrit only: no published translation is held for this verse.
सौवर्चलं सर्जिका च मालतीतीरसम्भवम् । शिग्रुमूलरसैः सर्वं भावयेत्सप्तवासरम्
sauvarcalaṃ sarjikā ca mālatītīrasambhavam / śigrumūlarasaiḥ sarvaṃ bhāvayetsaptavāsaram
Sanskrit only: no published translation is held for this verse.
बिडोऽयं जारणे श्रेष्ठो नाम्ना च वडबानलः । <२। वैश्वानरविडः> अर्कक्षीरैर्दग्धशङ्खं भावयेत्पुटयेत्प्रिये
biḍo'yaṃ jāraṇe śreṣṭho nāmnā ca vaḍabānalaḥ / <2. vaiśvānaraviḍaḥ> arkakṣīrairdagdhaśaṅkhaṃ bhāvayetpuṭayetpriye
Sanskrit only: no published translation is held for this verse.
शतधायं विडः प्रोक्तो नाम्ना वैश्वानरो महान् । <३। ज्वालामुखबिडः> गन्धकं शङ्खचूर्णं च सैन्धवं च विषं समम्
śatadhāyaṃ viḍaḥ prokto nāmnā vaiśvānaro mahān / <3. jvālāmukhabiḍaḥ> gandhakaṃ śaṅkhacūrṇaṃ ca saindhavaṃ ca viṣaṃ samam
Sanskrit only: no published translation is held for this verse.
शतवारं गवां मूत्रैः शिग्रुमूलरसैस्तथा । भावितो ऽयं बिडः प्रोक्तो नाम्ना ज्वालामुखः स्मृतः
śatavāraṃ gavāṃ mūtraiḥ śigrumūlarasaistathā / bhāvito 'yaṃ biḍaḥ prokto nāmnā jvālāmukhaḥ smṛtaḥ
Sanskrit only: no published translation is held for this verse.
<४। अग्निजिह्वकबिडः> पलाशस्य रसैर्भाव्यं टङ्कणं शतधा प्रिये । लोहानां जारणे श्रेष्ठो बिडो नाम्नाग्निजिह्वकः
<4. agnijihvakabiḍaḥ> palāśasya rasairbhāvyaṃ ṭaṅkaṇaṃ śatadhā priye / lohānāṃ jāraṇe śreṣṭho biḍo nāmnāgnijihvakaḥ
Sanskrit only: no published translation is held for this verse.
<५ वडबाबिडः> कान्तास्यं गन्धकं चूली चैकैकं लोहजारकम् । चूलीगन्धकसिन्धूत्थतालभूखगटङ्कणान्
<5 vaḍabābiḍaḥ> kāntāsyaṃ gandhakaṃ cūlī caikaikaṃ lohajārakam / cūlīgandhakasindhūtthatālabhūkhagaṭaṅkaṇān
Sanskrit only: no published translation is held for this verse.
सक्षारमूत्रैर् विपचेन्नाम्नायं वडबामुखः । <६। महावैश्वानरो विडः> देवदालिं मोक्षकं च निचुलं च पुनर्नवाम्
sakṣāramūtrair vipacennāmnāyaṃ vaḍabāmukhaḥ / <6. mahāvaiśvānaro viḍaḥ> devadāliṃ mokṣakaṃ ca niculaṃ ca punarnavām
Sanskrit only: no published translation is held for this verse.
पलाशं काञ्चनं वासामेरण्डं वास्तुकं तिलम् । कदलीमपि सर्वाङ्गं खण्डितं नाति शोषयेत्
palāśaṃ kāñcanaṃ vāsāmeraṇḍaṃ vāstukaṃ tilam / kadalīmapi sarvāṅgaṃ khaṇḍitaṃ nāti śoṣayet
Sanskrit only: no published translation is held for this verse.
मूत्रवर्गे चाष्टगुणे प्रक्षिपेत्तदनन्तरम् । समूलं मूलकं दग्ध्वा तिलकाण्डं च तत्समम्
mūtravarge cāṣṭaguṇe prakṣipettadanantaram / samūlaṃ mūlakaṃ dagdhvā tilakāṇḍaṃ ca tatsamam
Sanskrit only: no published translation is held for this verse.
क्षारद्वयं पूर्वरसे क्षिप्त्वा स्थाप्यं त्र्यहं खरे । आतपे तद्वस्त्रपूतं लोहपात्रे द्रवं पचेत्
kṣāradvayaṃ pūrvarase kṣiptvā sthāpyaṃ tryahaṃ khare / ātape tadvastrapūtaṃ lohapātre dravaṃ pacet
Sanskrit only: no published translation is held for this verse.
बहवो बुद्बुदा बाष्पा उद्भवन्ति यदा यदा । त्रिक्षारं त्रिकटुं गन्धं कासीसं लोणपञ्चकम्
bahavo budbudā bāṣpā udbhavanti yadā yadā / trikṣāraṃ trikaṭuṃ gandhaṃ kāsīsaṃ loṇapañcakam
Sanskrit only: no published translation is held for this verse.
सौराष्ट्रीं रामठं चूलिं समं चूर्णीकृतं क्षिपेत् । प्रचालयेल्लोहदर्व्या गुडपाको यथा भवेत्
saurāṣṭrīṃ rāmaṭhaṃ cūliṃ samaṃ cūrṇīkṛtaṃ kṣipet / pracālayellohadarvyā guḍapāko yathā bhavet
Sanskrit only: no published translation is held for this verse.
समुत्तार्य क्षिपेल्लोहसंपुटे सप्तवासरम् । भूगर्भे धान्यराशौ च सप्ताहं धारयेत्पुनः
samuttārya kṣipellohasaṃpuṭe saptavāsaram / bhūgarbhe dhānyarāśau ca saptāhaṃ dhārayetpunaḥ
Sanskrit only: no published translation is held for this verse.
सप्ताहं धारयेद्घर्मे महावैश्वानरो बिडः । <७। वह्निबिडः> जम्बीराम्लेन शतधा वनशिग्रुरसेन च
saptāhaṃ dhārayedgharme mahāvaiśvānaro biḍaḥ / <7. vahnibiḍaḥ> jambīrāmlena śatadhā vanaśigrurasena ca
Sanskrit only: no published translation is held for this verse.
गन्धकं भावयेदेष बिडः स्याद् वह्निसंज्ञकः । नवसारोऽपि च तथा गन्धवत्स बिडो भवेत्
gandhakaṃ bhāvayedeṣa biḍaḥ syād vahnisaṃjñakaḥ / navasāro'pi ca tathā gandhavatsa biḍo bhavet
Sanskrit only: no published translation is held for this verse.
<८। चित्रभानुबिडः> गन्धकं निचुलक्षारं गुंजाबीजं च टङ्कणम् । मूलबीजं देवदाल्याः समं सर्वं च भावयेत्
<8. citrabhānubiḍaḥ> gandhakaṃ niculakṣāraṃ guṃjābījaṃ ca ṭaṅkaṇam / mūlabījaṃ devadālyāḥ samaṃ sarvaṃ ca bhāvayet
Sanskrit only: no published translation is held for this verse.
तिक्तकोशातकीनीरैः सप्तधाम्लगणैस् तथा । बिडोऽयं चित्रभानुः स्यात् प्रधानं हेमजारणे
tiktakośātakīnīraiḥ saptadhāmlagaṇais tathā / biḍo'yaṃ citrabhānuḥ syāt pradhānaṃ hemajāraṇe
Sanskrit only: no published translation is held for this verse.
<९। महाबिडः> मूलकं शृङ्गिवेरं च वह्निं दग्ध्वा त्रयं समम् । गोमूत्रे निक्षिपेत्तच्च वस्त्रपूतं च कारयेत्
<9. mahābiḍaḥ> mūlakaṃ śṛṅgiveraṃ ca vahniṃ dagdhvā trayaṃ samam / gomūtre nikṣipettacca vastrapūtaṃ ca kārayet
Sanskrit only: no published translation is held for this verse.
अनेन भावितो गन्धः शतधा स्यान्महाबिडः । <१०। अन्यो महाबिडः> तालं शिला टङ्कणं च शङ्खं लवणशुक्तिके
anena bhāvito gandhaḥ śatadhā syānmahābiḍaḥ / <10. anyo mahābiḍaḥ> tālaṃ śilā ṭaṅkaṇaṃ ca śaṅkhaṃ lavaṇaśuktike
Sanskrit only: no published translation is held for this verse.
मूत्राम्लैर्विपचेन्मन्दं वह्नावेष बिडो महान् । <११। वज्रानलबिडः> अर्कक्षीरैर्दग्धशङ्खं शतधा भावयेत्ततः
mūtrāmlairvipacenmandaṃ vahnāveṣa biḍo mahān / <11. vajrānalabiḍaḥ> arkakṣīrairdagdhaśaṅkhaṃ śatadhā bhāvayettataḥ
Sanskrit only: no published translation is held for this verse.
मर्दयित्वाम्लवर्गेण रुद्ध्वा पञ्चपुटैः पचेत् । तत्समं टङ्कणक्षारं क्षिप्त्वाम्लगणभावितम्
mardayitvāmlavargeṇa ruddhvā pañcapuṭaiḥ pacet / tatsamaṃ ṭaṅkaṇakṣāraṃ kṣiptvāmlagaṇabhāvitam
Sanskrit only: no published translation is held for this verse.
कृत्वा मनःशिलां गन्धं दरदं विद्रुमं ततः । नृपावर्तं तु पञ्चानां शंखचूर्णं समं प्रिये
kṛtvā manaḥśilāṃ gandhaṃ daradaṃ vidrumaṃ tataḥ / nṛpāvartaṃ tu pañcānāṃ śaṃkhacūrṇaṃ samaṃ priye
Sanskrit only: no published translation is held for this verse.
भावयेदम्लवर्गेण त्रिदिनं स्यान्महाबिडः । नाम्ना वज्रानलः प्रोक्तः खोटः सूतस्य जारणे
bhāvayedamlavargeṇa tridinaṃ syānmahābiḍaḥ / nāmnā vajrānalaḥ proktaḥ khoṭaḥ sūtasya jāraṇe
Sanskrit only: no published translation is held for this verse.
द्वन्द्वमेलापमूषायां सारणे योजयेत्सदा । पारदस्तु क्षणादेव वज्रादीन्यपि जारयेत्
dvandvamelāpamūṣāyāṃ sāraṇe yojayetsadā / pāradastu kṣaṇādeva vajrādīnyapi jārayet
Sanskrit only: no published translation is held for this verse.
<१२। अन्यो विडः> निर्दग्धशङ्खचूर्णं च रविक्षीरशताप्लुतम् । पुटितं बहुशो देवि प्रशस्तो जारणे बिडः
<12. anyo viḍaḥ> nirdagdhaśaṅkhacūrṇaṃ ca ravikṣīraśatāplutam / puṭitaṃ bahuśo devi praśasto jāraṇe biḍaḥ
Sanskrit only: no published translation is held for this verse.
<१३। बडबामुखो बिडः> शतशो वा प्लुतं चूर्णं गन्धकस्य गवां जलैः । निर्दग्धशङ्खचूर्णं तु शिग्रुमूलाम्बुभावितम्
<13. baḍabāmukho biḍaḥ> śataśo vā plutaṃ cūrṇaṃ gandhakasya gavāṃ jalaiḥ / nirdagdhaśaṅkhacūrṇaṃ tu śigrumūlāmbubhāvitam
Sanskrit only: no published translation is held for this verse.
शतशो विषसिन्धूत्थसंयुतं वडबामुखः । <१४। सर्वजारकबिडः> गन्धकं भावयेत्कन्याधुत्तूरकरवीरजैः
śataśo viṣasindhūtthasaṃyutaṃ vaḍabāmukhaḥ / <14. sarvajārakabiḍaḥ> gandhakaṃ bhāvayetkanyādhuttūrakaravīrajaiḥ
Sanskrit only: no published translation is held for this verse.
द्रवैस्तु शतधा घर्मे विडोऽसौ सर्वजारकः । <१५। अन्यो बिडः> ताम्रवल्लीदलरसैः प्लावयेद् गन्धसैन्धवम्
dravaistu śatadhā gharme viḍo'sau sarvajārakaḥ / <15. anyo biḍaḥ> tāmravallīdalarasaiḥ plāvayed gandhasaindhavam
Sanskrit only: no published translation is held for this verse.
सप्ताहेन भवेदेनं नियुञ्ज्याद्धेमजारणे । <१६। सिद्धबिडः> सैन्धवं कुनटी गन्धं प्रत्येकं च पलं पलम्
saptāhena bhavedenaṃ niyuñjyāddhemajāraṇe / <16. siddhabiḍaḥ> saindhavaṃ kunaṭī gandhaṃ pratyekaṃ ca palaṃ palam
Sanskrit only: no published translation is held for this verse.
भूलता त्रिपलं सर्वं मर्दयेच्छोषयेत् पचेत् । एवं कुर्यादष्टवारम् अयं सिद्धबिडः स्मृतः
bhūlatā tripalaṃ sarvaṃ mardayecchoṣayet pacet / evaṃ kuryādaṣṭavāram ayaṃ siddhabiḍaḥ smṛtaḥ
Sanskrit only: no published translation is held for this verse.
<अभ्रकजारणम्> अथाभ्रजारणं कर्म वक्ष्यामि शृणु पार्वति । तप्तखल्वे चतुःषष्टिनिष्कसूतं सुचारितम्
<abhrakajāraṇam> athābhrajāraṇaṃ karma vakṣyāmi śṛṇu pārvati / taptakhalve catuḥṣaṣṭiniṣkasūtaṃ sucāritam
Sanskrit only: no published translation is held for this verse.