भावितं गगनं चैकं निष्कं तत्र विनिक्षिपेत् । त्रिक्षारं पञ्चलवणं भूखगाम्लजवेतसान्
bhāvitaṃ gaganaṃ caikaṃ niṣkaṃ tatra vinikṣipet / trikṣāraṃ pañcalavaṇaṃ bhūkhagāmlajavetasān
Sanskrit only: no published translation is held for this verse.
षोडशांशान् रसेन्द्रस्य क्षिपेज्जम्बीरवारिणा । मर्दयेद्याममात्रं तु कूर्मयन्त्रे विडान्विते
ṣoḍaśāṃśān rasendrasya kṣipejjambīravāriṇā / mardayedyāmamātraṃ tu kūrmayantre viḍānvite
Sanskrit only: no published translation is held for this verse.
पचेद्दिनं विनिक्षिप्य जीर्णग्रासो भवेद्रसः । एतत्सूतं तप्तखल्वे क्षिप्त्वा राजीगुडोर्णकम्
paceddinaṃ vinikṣipya jīrṇagrāso bhavedrasaḥ / etatsūtaṃ taptakhalve kṣiptvā rājīguḍorṇakam
Sanskrit only: no published translation is held for this verse.
इष्टिकां गृहधूमं च सैन्धवं पारदस्य तु । एतत्सर्वं षोडशांशं मर्द्यमम्लगणैर्दिनम्
iṣṭikāṃ gṛhadhūmaṃ ca saindhavaṃ pāradasya tu / etatsarvaṃ ṣoḍaśāṃśaṃ mardyamamlagaṇairdinam
Sanskrit only: no published translation is held for this verse.
चण्डातपे पिण्डितं तद्रसे बद्ध्वाथ पोटलम् । अम्लवर्गेण भरिते डोलायन्त्रे पचेद्दिनम्
caṇḍātape piṇḍitaṃ tadrase baddhvātha poṭalam / amlavargeṇa bharite ḍolāyantre paceddinam
Sanskrit only: no published translation is held for this verse.
प्रतिग्रासे त्विदं कुर्यात्पुनर्ग्रासम् अपेक्षते । ग्रासो ऽजीर्णो यदि भवेत्पाच्यः कच्छपयन्त्रके
pratigrāse tvidaṃ kuryātpunargrāsam apekṣate / grāso 'jīrṇo yadi bhavetpācyaḥ kacchapayantrake
Sanskrit only: no published translation is held for this verse.
एवं ग्रासक्रमेणैव जारयेद्गगनादिकम् । चतुःषष्टितमांशादि चतुःषष्टिगुणावधि
evaṃ grāsakrameṇaiva jārayedgaganādikam / catuḥṣaṣṭitamāṃśādi catuḥṣaṣṭiguṇāvadhi
Sanskrit only: no published translation is held for this verse.
रसेन्द्रे जारयेद्ग्रासं दत्त्वा दत्त्वा पुनः । <जीर्णाभ्रकरसलक्षणम्> चतुःषष्ट्यंशके सूतो व्योमसत्वे तु जारिते
rasendre jārayedgrāsaṃ dattvā dattvā punaḥ / <jīrṇābhrakarasalakṣaṇam> catuḥṣaṣṭyaṃśake sūto vyomasatve tu jārite
Sanskrit only: no published translation is held for this verse.
दण्डधारी जलूकाभो वैष द्वात्रिंशदंशके । षोडशांशे वायसस्य विष्ठातुल्योऽष्टमांशके
daṇḍadhārī jalūkābho vaiṣa dvātriṃśadaṃśake / ṣoḍaśāṃśe vāyasasya viṣṭhātulyo'ṣṭamāṃśake
Sanskrit only: no published translation is held for this verse.
दधिमण्डसमो देवि चतुर्थांशे तु जारिते । नवनीतसमो द्व्यंशे गोलाभो जारितो भवेत्
dadhimaṇḍasamo devi caturthāṃśe tu jārite / navanītasamo dvyaṃśe golābho jārito bhavet
Sanskrit only: no published translation is held for this verse.
अभ्रके समजीर्णे तु शतवेधी भवेद्रसः । घने द्विगुणजीर्णे तु सहस्रांशेन वेधयेत्
abhrake samajīrṇe tu śatavedhī bhavedrasaḥ / ghane dviguṇajīrṇe tu sahasrāṃśena vedhayet
Sanskrit only: no published translation is held for this verse.
चतुर्गुणेऽभ्रके जीर्णे त्वयुतायुर्भवेत्प्रिये । गगनेऽष्टगुणे जीर्णे ब्रह्मायुर् लक्षवेधकः
caturguṇe'bhrake jīrṇe tvayutāyurbhavetpriye / gagane'ṣṭaguṇe jīrṇe brahmāyur lakṣavedhakaḥ
Sanskrit only: no published translation is held for this verse.
विष्ण्वायुः षोडशगुणे जीर्णेऽभ्रे कोटिवेधकः । द्वात्रिंशद्गुणिते जीर्णे रुद्रायुर् दशकोटिभिः
viṣṇvāyuḥ ṣoḍaśaguṇe jīrṇe'bhre koṭivedhakaḥ / dvātriṃśadguṇite jīrṇe rudrāyur daśakoṭibhiḥ
Sanskrit only: no published translation is held for this verse.
चतुःषष्टिगुणे जीर्णे नित्यायुः शतकोटिभिः । अभ्रके समजीर्णे तु रसो दोषान्विमुञ्चति
catuḥṣaṣṭiguṇe jīrṇe nityāyuḥ śatakoṭibhiḥ / abhrake samajīrṇe tu raso doṣānvimuñcati
Sanskrit only: no published translation is held for this verse.
जहाति स्वगतान्सर्वान् सर्वलोहानि भक्षयेत् । <पक्षच्छेद> यन्त्रादधो न पतति नैवोत्पतति चोर्ध्वतः
jahāti svagatānsarvān sarvalohāni bhakṣayet / <pakṣaccheda> yantrādadho na patati naivotpatati cordhvataḥ
Sanskrit only: no published translation is held for this verse.
नोद्गारी कपिलो वर्णे वह्नौ तिष्ठति निश्चलः । विप्रुषो मुञ्चते देवि छिन्नपक्षो भवेद्रसः
nodgārī kapilo varṇe vahnau tiṣṭhati niścalaḥ / vipruṣo muñcate devi chinnapakṣo bhavedrasaḥ
Sanskrit only: no published translation is held for this verse.
समजीर्णे तु बालः स्याद्युवा जीर्णचतुर्गुणः । व्योमषड्गुणजीर्णस्तु वृद्धसंज्ञो भवेद्रसः
samajīrṇe tu bālaḥ syādyuvā jīrṇacaturguṇaḥ / vyomaṣaḍguṇajīrṇastu vṛddhasaṃjño bhavedrasaḥ
Sanskrit only: no published translation is held for this verse.
बालो विध्यति कल्केन युवा पत्रप्रलेपतः । जारितस्तु रसेन्द्रोऽयं वृद्धो लोहानि विध्यति
bālo vidhyati kalkena yuvā patrapralepataḥ / jāritastu rasendro'yaṃ vṛddho lohāni vidhyati
Sanskrit only: no published translation is held for this verse.
बालः सूतो रुजं हन्ति न समर्थो रसायने । युवा रसायने दक्षो वृद्धः स्याद्देहलोहयोः
bālaḥ sūto rujaṃ hanti na samartho rasāyane / yuvā rasāyane dakṣo vṛddhaḥ syāddehalohayoḥ
Sanskrit only: no published translation is held for this verse.
<अन्यजारणप्रकारः> अभावे घनसत्वस्य कान्तसत्वं प्रदीयते । तदभावे भवेत्तीक्ष्णमेवं द्वन्द्वानि जारयेत्
<anyajāraṇaprakāraḥ> abhāve ghanasatvasya kāntasatvaṃ pradīyate / tadabhāve bhavettīkṣṇamevaṃ dvandvāni jārayet
Sanskrit only: no published translation is held for this verse.
घनजीर्णस्य सूतस्य ततो द्वन्द्वानि जारयेत् । रसेन्द्रो द्वन्द्वरहितं न चरेदभ्रसत्वकम्
ghanajīrṇasya sūtasya tato dvandvāni jārayet / rasendro dvandvarahitaṃ na caredabhrasatvakam
Sanskrit only: no published translation is held for this verse.
तस्माद्धेमादिलोहेन युक्तमभ्रं चरेद्ध्रुवम् । नागाभ्रं वापि वङ्गाभ्रं ताम्राभ्रं वा सुरार्चिते
tasmāddhemādilohena yuktamabhraṃ careddhruvam / nāgābhraṃ vāpi vaṅgābhraṃ tāmrābhraṃ vā surārcite
Sanskrit only: no published translation is held for this verse.
ताराभ्रं वापि हेमाभ्रं ताप्याभ्रं वापि जारयेत् । घनसत्वं यथा जीर्णं तथा द्वन्द्वानि जारयेत्
tārābhraṃ vāpi hemābhraṃ tāpyābhraṃ vāpi jārayet / ghanasatvaṃ yathā jīrṇaṃ tathā dvandvāni jārayet
Sanskrit only: no published translation is held for this verse.
द्वन्द्वबीजरसस्याथ पक्वबीजानि जारयेत् । <जारणाफलम्> खल्वं तु पीठिका देवि रसेन्द्रो लिङ्ग उच्यते
dvandvabījarasasyātha pakvabījāni jārayet / <jāraṇāphalam> khalvaṃ tu pīṭhikā devi rasendro liṅga ucyate
Sanskrit only: no published translation is held for this verse.
मर्दनं चन्दनं तस्य ग्रासः पूजा विधीयते । क्षीयमाणे पातकौघे सुलभा रसजारणा
mardanaṃ candanaṃ tasya grāsaḥ pūjā vidhīyate / kṣīyamāṇe pātakaughe sulabhā rasajāraṇā
Sanskrit only: no published translation is held for this verse.
जारणायां च लब्धायां ज्ञानं कैवल्यदं भवेत् । तावन्मुक्तिः कुतः कान्ते यावन्नो वेत्ति जारणाम्
jāraṇāyāṃ ca labdhāyāṃ jñānaṃ kaivalyadaṃ bhavet / tāvanmuktiḥ kutaḥ kānte yāvanno vetti jāraṇām
Sanskrit only: no published translation is held for this verse.
जारणा साधकेन्द्रस्य मुक्तिव्यक्तिकरा प्रिये । जारणार्थं रसो यावद्दिनं वह्नौ तु धार्यते
jāraṇā sādhakendrasya muktivyaktikarā priye / jāraṇārthaṃ raso yāvaddinaṃ vahnau tu dhāryate
Sanskrit only: no published translation is held for this verse.
शिवलोके सुखं भुङ्क्ते तावत्कल्पसहस्रकम् । धारयेद्यो रसं वह्नावेकाहं वा तदर्धकम्
śivaloke sukhaṃ bhuṅkte tāvatkalpasahasrakam / dhārayedyo rasaṃ vahnāvekāhaṃ vā tadardhakam
Sanskrit only: no published translation is held for this verse.
क्षीयन्ते तस्य पापानि बहुजन्मार्जितानि च । सुवर्णरेतसो मित्रं स्वर्णदेहस्तथा रसः
kṣīyante tasya pāpāni bahujanmārjitāni ca / suvarṇaretaso mitraṃ svarṇadehastathā rasaḥ
Sanskrit only: no published translation is held for this verse.
असहत्वं सूतवह्नौ तोये मैत्रं सुवर्णतः । चतुर्गुणेन वस्त्रेण पीडितो निर्मलश्च सः
asahatvaṃ sūtavahnau toye maitraṃ suvarṇataḥ / caturguṇena vastreṇa pīḍito nirmalaśca saḥ
Sanskrit only: no published translation is held for this verse.
गालनक्रियया ग्रासे सति निःशेषनिर्गते । स भवेद्दण्डधारी च जीर्णग्रासस्तदा रसः
gālanakriyayā grāse sati niḥśeṣanirgate / sa bhaveddaṇḍadhārī ca jīrṇagrāsastadā rasaḥ
Sanskrit only: no published translation is held for this verse.
ह्रां ह्रीं ह्रूं ह्रैं ह्रौं ह्रः फट् रसेश्वराय सर्वसत्त्वोपहाराय ग्रासं गृह्ण गृह्ण ह्रीं स्वाहा । <गर्भद्रुतिः; गर्भद्रावणयोग्यबीजसिद्धिः; प्रथमः प्रकारः> गर्भद्रुतिं प्रवक्ष्यामि जारितस्य रसस्य च । गर्भद्रावणयोग्यानि बीजानि शृणु भैरवि
hrāṃ hrīṃ hrūṃ hraiṃ hrauṃ hraḥ phaṭ raseśvarāya sarvasattvopahārāya grāsaṃ gṛhṇa gṛhṇa hrīṃ svāhā / <garbhadrutiḥ; garbhadrāvaṇayogyabījasiddhiḥ; prathamaḥ prakāraḥ> garbhadrutiṃ pravakṣyāmi jāritasya rasasya ca / garbhadrāvaṇayogyāni bījāni śṛṇu bhairavi
Sanskrit only: no published translation is held for this verse.
नागभस्म च माक्षीकं गन्धकं च समं समम् । चूर्णितं वाहयेत्स्वर्णे त्रिगुणं द्राविते धमन्
nāgabhasma ca mākṣīkaṃ gandhakaṃ ca samaṃ samam / cūrṇitaṃ vāhayetsvarṇe triguṇaṃ drāvite dhaman
Sanskrit only: no published translation is held for this verse.
पूतिबीजमिदं सूतगर्भे द्रवति तत्क्षणात् । <द्वितीयः प्रकारः> स्वर्णे नागं समावर्त्य शिलाचूर्णं क्षिपन्क्षिपन्
pūtibījamidaṃ sūtagarbhe dravati tatkṣaṇāt / <dvitīyaḥ prakāraḥ> svarṇe nāgaṃ samāvartya śilācūrṇaṃ kṣipankṣipan
Sanskrit only: no published translation is held for this verse.
नागक्षये पुनर्नागं दत्त्वा दत्त्वा त्रिवारकम् । स्वर्णशेषं भवेद्यावत्तावद्धाम्यं पुनः पुनः
nāgakṣaye punarnāgaṃ dattvā dattvā trivārakam / svarṇaśeṣaṃ bhavedyāvattāvaddhāmyaṃ punaḥ punaḥ
Sanskrit only: no published translation is held for this verse.
एतद्बीजं द्रवत्येव रसगर्भे तु मर्दनात् । <तृतीयः प्रकारः> सुवर्णं ताप्यसत्वं तु समं मूषागतं धमेत्
etadbījaṃ dravatyeva rasagarbhe tu mardanāt / <tṛtīyaḥ prakāraḥ> suvarṇaṃ tāpyasatvaṃ tu samaṃ mūṣāgataṃ dhamet
Sanskrit only: no published translation is held for this verse.
तस्मिन्द्रुते ताप्यचूर्णं तुल्यं तुल्यं क्षिपन्क्षिपन् । माक्षीकसत्वं त्रिगुणमेवं वाह्यं पुनः पुनः
tasmindrute tāpyacūrṇaṃ tulyaṃ tulyaṃ kṣipankṣipan / mākṣīkasatvaṃ triguṇamevaṃ vāhyaṃ punaḥ punaḥ
Sanskrit only: no published translation is held for this verse.
एतद्बीजं रसेन्द्रस्य गर्भे द्रवति मर्दनात् । <चतुर्थः प्रकारः> सुवर्णस्य समं ताप्यसत्वमावर्तयेत्ततः
etadbījaṃ rasendrasya garbhe dravati mardanāt / <caturthaḥ prakāraḥ> suvarṇasya samaṃ tāpyasatvamāvartayettataḥ
Sanskrit only: no published translation is held for this verse.
कुर्यात्कण्टकवेध्यानि पत्राणि च विलेपयेत् । लवणेनाम्लपिष्टेन गन्धतुल्येन पार्वति
kuryātkaṇṭakavedhyāni patrāṇi ca vilepayet / lavaṇenāmlapiṣṭena gandhatulyena pārvati
Sanskrit only: no published translation is held for this verse.
तानि पत्राणि च पुटे पचेद्धेमावशेषितम् । एतद्बीजं रसेन्द्रस्य गर्भे द्रवति मर्दनात्
tāni patrāṇi ca puṭe paceddhemāvaśeṣitam / etadbījaṃ rasendrasya garbhe dravati mardanāt
Sanskrit only: no published translation is held for this verse.
<पञ्चमः प्रकारः> ताप्यतुल्यं च सिन्धूत्थं मर्दयेदम्लकेन च । तत्संपुटे पुटे पच्यात् पुनः संमर्दयेत् पुटेत्
<pañcamaḥ prakāraḥ> tāpyatulyaṃ ca sindhūtthaṃ mardayedamlakena ca / tatsaṃpuṭe puṭe pacyāt punaḥ saṃmardayet puṭet
Sanskrit only: no published translation is held for this verse.
पुनः पुनर्द्विषड्वारमस्य तुल्यं च नागजम् । भस्म संमर्दयेदम्लैरनेन स्वर्णपत्रकम्
punaḥ punardviṣaḍvāramasya tulyaṃ ca nāgajam / bhasma saṃmardayedamlairanena svarṇapatrakam
Sanskrit only: no published translation is held for this verse.
लिप्त्वा लिप्त्वा धमेत्सप्तवारं तद्वाहयेत्ततः । द्रुतं तं वापयेत्पूर्वं कल्कितैः सप्तवारकम्
liptvā liptvā dhametsaptavāraṃ tadvāhayettataḥ / drutaṃ taṃ vāpayetpūrvaṃ kalkitaiḥ saptavārakam
Sanskrit only: no published translation is held for this verse.
एतद्बीजं रसेन्द्रस्य गर्भे द्रवति मर्दनात् । <षष्ठः प्रकारः> कासीसं टङ्कणं गन्धं ताप्यं सौवर्चलं शिलाम्
etadbījaṃ rasendrasya garbhe dravati mardanāt / <ṣaṣṭhaḥ prakāraḥ> kāsīsaṃ ṭaṅkaṇaṃ gandhaṃ tāpyaṃ sauvarcalaṃ śilām
Sanskrit only: no published translation is held for this verse.
तुल्यं संमर्दयेत्सर्वांश्चणकाम्लैर्दिनावधि । एतद्बीजं रसेन्द्रस्य गर्भे द्रवति मर्दनात्
tulyaṃ saṃmardayetsarvāṃścaṇakāmlairdināvadhi / etadbījaṃ rasendrasya garbhe dravati mardanāt
Sanskrit only: no published translation is held for this verse.
<गर्भद्रावणे मूषायन्त्रसिद्धिः> सुवर्चलं च कासीसं यवक्षारं च टङ्कणम् । माक्षिकं सैन्धवं चुल्ली सामुद्रं राजिका तथा
<garbhadrāvaṇe mūṣāyantrasiddhiḥ> suvarcalaṃ ca kāsīsaṃ yavakṣāraṃ ca ṭaṅkaṇam / mākṣikaṃ saindhavaṃ cullī sāmudraṃ rājikā tathā
Sanskrit only: no published translation is held for this verse.
तुल्यं कांक्षीं च कर्पूरम् अर्कस्नुक्क्षीरमर्दितम् । अनेन लेपयेन्मूषां बिडेनांगुलमात्रकम्
tulyaṃ kāṃkṣīṃ ca karpūram arkasnukkṣīramarditam / anena lepayenmūṣāṃ biḍenāṃgulamātrakam
Sanskrit only: no published translation is held for this verse.
मूषायन्त्रमिदं श्रेष्ठं गर्भद्रावणकर्मणि । <गर्भद्रुतिप्रकाराः; प्रथमः प्रकारः> स्वर्णं ताम्रं मृतं तीक्ष्णं रञ्जितं पक्वबीजकम्
mūṣāyantramidaṃ śreṣṭhaṃ garbhadrāvaṇakarmaṇi / <garbhadrutiprakārāḥ; prathamaḥ prakāraḥ> svarṇaṃ tāmraṃ mṛtaṃ tīkṣṇaṃ rañjitaṃ pakvabījakam
Sanskrit only: no published translation is held for this verse.
गर्भद्रावणबीजं च सर्वमावर्तयेद्दृढम् । द्रुतेऽस्मिंस्ताप्यचूर्णं च क्षिप्त्वा क्षिप्त्वा धमन्धमन्
garbhadrāvaṇabījaṃ ca sarvamāvartayeddṛḍham / drute'smiṃstāpyacūrṇaṃ ca kṣiptvā kṣiptvā dhamandhaman
Sanskrit only: no published translation is held for this verse.
यावत्क्षयं गते ताम्रतीक्ष्णे तावत्सुरेश्वरि । एतद्बीजं रसेन्द्रस्य गर्भे द्रवति मर्दनात्
yāvatkṣayaṃ gate tāmratīkṣṇe tāvatsureśvari / etadbījaṃ rasendrasya garbhe dravati mardanāt
Sanskrit only: no published translation is held for this verse.
<द्वितीयः प्रकारः> हेम गन्धहतं नागं पक्वबीजस्य साधनम् । तद्द्वयं लिप्तमूषायाम् अन्ध्रयित्वा धमेद्दृढम्
<dvitīyaḥ prakāraḥ> hema gandhahataṃ nāgaṃ pakvabījasya sādhanam / taddvayaṃ liptamūṣāyām andhrayitvā dhameddṛḍham
Sanskrit only: no published translation is held for this verse.
तच्चूर्णम् अभिषिक्तं च रसगर्भे द्रवत्यलम् । <तृतीयः प्रकारः> सुवर्णे विद्रुते शुल्बं मृतं तीक्ष्णं शनैः शनैः
taccūrṇam abhiṣiktaṃ ca rasagarbhe dravatyalam / <tṛtīyaḥ prakāraḥ> suvarṇe vidrute śulbaṃ mṛtaṃ tīkṣṇaṃ śanaiḥ śanaiḥ
Sanskrit only: no published translation is held for this verse.
वाहयेत् षड्गुणं यावत्तद्रसे द्रवति प्रिये । <चतुर्थः प्रकारः> महारसाननुरसान्क्षीणलोहानि चाक्षये
vāhayet ṣaḍguṇaṃ yāvattadrase dravati priye / <caturthaḥ prakāraḥ> mahārasānanurasānkṣīṇalohāni cākṣaye
Sanskrit only: no published translation is held for this verse.
समांशं सममाक्षीकगन्धकावापयोगतः । शतशो वाहयेदेतदक्षीणांशावशेषितम्
samāṃśaṃ samamākṣīkagandhakāvāpayogataḥ / śataśo vāhayedetadakṣīṇāṃśāvaśeṣitam
Sanskrit only: no published translation is held for this verse.
समांशं रसराजस्य गर्भे द्रवति निश्चितम् । <पञ्चमः प्रकारः> जारितस्य रसेन्द्रस्य चतुःषष्टितमांशकम्
samāṃśaṃ rasarājasya garbhe dravati niścitam / <pañcamaḥ prakāraḥ> jāritasya rasendrasya catuḥṣaṣṭitamāṃśakam
Sanskrit only: no published translation is held for this verse.
गर्भद्रावणबीजं च तप्तखल्वे विनिक्षिपेत् । शिलारुचकमाक्षीकगन्धकासीसटङ्कणैः
garbhadrāvaṇabījaṃ ca taptakhalve vinikṣipet / śilārucakamākṣīkagandhakāsīsaṭaṅkaṇaiḥ
Sanskrit only: no published translation is held for this verse.
मर्दयेच्चणकाम्लेन सर्वमेतद्दिनावधि । रसस्यैतत्षोडशांशं दत्त्वा बीजं च दापयेत्
mardayeccaṇakāmlena sarvametaddināvadhi / rasasyaitatṣoḍaśāṃśaṃ dattvā bījaṃ ca dāpayet
Sanskrit only: no published translation is held for this verse.
मुच्यते यत्र यत्रैव तत् तद् द्रवति तत्क्षणात् । <षष्ठः प्रकारः> अपामार्गपलाशोत्थभस्मक्षारं समाहरेत्
mucyate yatra yatraiva tat tad dravati tatkṣaṇāt / <ṣaṣṭhaḥ prakāraḥ> apāmārgapalāśotthabhasmakṣāraṃ samāharet
Sanskrit only: no published translation is held for this verse.
टङ्कणं सयवक्षारं कासीसं च सुवर्चलम् । सामुद्रं सैन्धवं राजीं माक्षिकं नवसारकम्
ṭaṅkaṇaṃ sayavakṣāraṃ kāsīsaṃ ca suvarcalam / sāmudraṃ saindhavaṃ rājīṃ mākṣikaṃ navasārakam
Sanskrit only: no published translation is held for this verse.
कर्पूरं माक्षिकं तुल्यं स्नुह्यर्कक्षीरमर्दितम् । मूषालेपमनेनैव कृत्वा कुर्याद्बिडेन च
karpūraṃ mākṣikaṃ tulyaṃ snuhyarkakṣīramarditam / mūṣālepamanenaiva kṛtvā kuryādbiḍena ca
Sanskrit only: no published translation is held for this verse.
लेपम् अङ्गुलमानेन प्राक्सूतं चात्र निक्षिपेत् । रुद्ध्वा स्वेद्यं दिनैकं तु करीषाग्नौ द्रवत्यलम्
lepam aṅgulamānena prāksūtaṃ cātra nikṣipet / ruddhvā svedyaṃ dinaikaṃ tu karīṣāgnau dravatyalam
Sanskrit only: no published translation is held for this verse.
इत्येवं द्रावितं जार्यं यावद् बीजं तु षड्गुणम् । <१३। बाह्यद्रुतिः> शिवे वक्ष्यामि ते बाह्यद्रुतिकर्म यथाक्रमम्
ityevaṃ drāvitaṃ jāryaṃ yāvad bījaṃ tu ṣaḍguṇam / <13. bāhyadrutiḥ> śive vakṣyāmi te bāhyadrutikarma yathākramam
Sanskrit only: no published translation is held for this verse.
येनोपायेनाभ्रकादिद्रुतिर् भवति तच्छृणु । <अभ्रकद्रुतिः> अथाभ्रकद्रुतिं वक्ष्ये कञ्चुकीकन्दमेव च
yenopāyenābhrakādidrutir bhavati tacchṛṇu / <abhrakadrutiḥ> athābhrakadrutiṃ vakṣye kañcukīkandameva ca
Sanskrit only: no published translation is held for this verse.
कपितिन्दौ केशतैले प्रत्येकं तु त्रिधा वपेत् । मूषायां द्रावयित्वा तदभ्रसत्वं द्रुतिर् भवेत्
kapitindau keśataile pratyekaṃ tu tridhā vapet / mūṣāyāṃ drāvayitvā tadabhrasatvaṃ drutir bhavet
Sanskrit only: no published translation is held for this verse.
<स्वर्णद्रुतिः> फलपांशुर् देवदाल्याः शकगोपो ऽश्वलालकाः । टङ्कणं जालिनीनीरैर् भावयेद् बहुधा प्रिये
<svarṇadrutiḥ> phalapāṃśur devadālyāḥ śakagopo 'śvalālakāḥ / ṭaṅkaṇaṃ jālinīnīrair bhāvayed bahudhā priye
Sanskrit only: no published translation is held for this verse.
द्रावयेत् काञ्चनं तत्र वपेत् सूतसमा द्रुतिः । <सर्वरत्नद्रुतिः> त्रिक्षारं चणकाम्लं च रामठं चाम्लवेतसम्
drāvayet kāñcanaṃ tatra vapet sūtasamā drutiḥ / <sarvaratnadrutiḥ> trikṣāraṃ caṇakāmlaṃ ca rāmaṭhaṃ cāmlavetasam
Sanskrit only: no published translation is held for this verse.
तथा ज्वालामुखीक्षारं स्थलकुम्भीरसेन च । पिष्ट्वा स्नुह्यर्कयोः क्षीरैस्तद्गोले मृदु हीरकम्
tathā jvālāmukhīkṣāraṃ sthalakumbhīrasena ca / piṣṭvā snuhyarkayoḥ kṣīraistadgole mṛdu hīrakam
Sanskrit only: no published translation is held for this verse.
निक्षिपेत्तच्च जम्बीरे डोलायन्त्रे त्र्यहं पचेत् । एवं कृते हीरकस्य द्रुतिर् भवति सूतवत्
nikṣipettacca jambīre ḍolāyantre tryahaṃ pacet / evaṃ kṛte hīrakasya drutir bhavati sūtavat
Sanskrit only: no published translation is held for this verse.
पद्मरागादिरत्नानां द्रुतिरेव कृते भवेत् । <द्रुतिमेलापनम्> द्रुतीनां मेलनं वक्ष्ये शृणु भैरवि तत्त्वतः
padmarāgādiratnānāṃ drutireva kṛte bhavet / <drutimelāpanam> drutīnāṃ melanaṃ vakṣye śṛṇu bhairavi tattvataḥ
Sanskrit only: no published translation is held for this verse.
कृष्णागरुश्च कस्तूरी ब्रह्मबीजं च माक्षिकम् । नारीपुष्पं विषं हिंगु लशुनं टङ्कणं निशा
kṛṣṇāgaruśca kastūrī brahmabījaṃ ca mākṣikam / nārīpuṣpaṃ viṣaṃ hiṃgu laśunaṃ ṭaṅkaṇaṃ niśā
Sanskrit only: no published translation is held for this verse.
एतैः समं द्रुतिं सूतं तप्तखल्वे विमर्दयेत् । पाठा वन्ध्या तालमूली नीली त्रिविधचित्रकम्
etaiḥ samaṃ drutiṃ sūtaṃ taptakhalve vimardayet / pāṭhā vandhyā tālamūlī nīlī trividhacitrakam
Sanskrit only: no published translation is held for this verse.
पद्मकन्दं क्षीरकन्दं बला गुञ्जामृतार्द्रकम् । अश्वलाला निम्बपत्रं स्त्रीस्तन्यं च समं समम्
padmakandaṃ kṣīrakandaṃ balā guñjāmṛtārdrakam / aśvalālā nimbapatraṃ strīstanyaṃ ca samaṃ samam
Sanskrit only: no published translation is held for this verse.
एतेषां ग्राहयेत्स्वच्छं रसं वस्त्रेण गालितम् । एतद्द्रुतियुते सूते क्षिप्त्वा क्षिप्त्वा विमर्दयेत्
eteṣāṃ grāhayetsvacchaṃ rasaṃ vastreṇa gālitam / etaddrutiyute sūte kṣiptvā kṣiptvā vimardayet
Sanskrit only: no published translation is held for this verse.
मिलन्ति द्रुतयः सर्वाः पारदे नात्र संशयः । द्रुतयो मिलिता येन यन्त्रं तेनैव कच्छपम्
milanti drutayaḥ sarvāḥ pārade nātra saṃśayaḥ / drutayo militā yena yantraṃ tenaiva kacchapam
Sanskrit only: no published translation is held for this verse.
लिम्पेच्च बिडयोगेन मेलयेज्जारयेत्क्रमात् । इत्येवं रसराजस्य षड्गुणां जारयेद्द्रुतिम्
limpecca biḍayogena melayejjārayetkramāt / ityevaṃ rasarājasya ṣaḍguṇāṃ jārayeddrutim
Sanskrit only: no published translation is held for this verse.
<१४। रञ्जनम्> द्रुतिजीर्णस्य सूतस्य रञ्जनं शृणु पार्वति । तस्माद्रञ्जकबीजानां रञ्जनं च वदामि ते
<14. rañjanam> drutijīrṇasya sūtasya rañjanaṃ śṛṇu pārvati / tasmādrañjakabījānāṃ rañjanaṃ ca vadāmi te
Sanskrit only: no published translation is held for this verse.
<रञ्जनतैलविधिः> पलाशपुष्पं मञ्जिष्ठा लोहितं करवीरजम् । पुष्पं च खदिरं रक्तचन्दनं कुक्कुटी तथा
<rañjanatailavidhiḥ> palāśapuṣpaṃ mañjiṣṭhā lohitaṃ karavīrajam / puṣpaṃ ca khadiraṃ raktacandanaṃ kukkuṭī tathā
Sanskrit only: no published translation is held for this verse.
निशाद्वयं च सरलं देवदारुं जपासुमम् । अन्यानि रक्तपुष्पाणि लाक्षातोयेन मर्दयेत्
niśādvayaṃ ca saralaṃ devadāruṃ japāsumam / anyāni raktapuṣpāṇi lākṣātoyena mardayet
Sanskrit only: no published translation is held for this verse.
एतच्चतुर्गुणं तैलं तैलाद्रक्तप्रसूनजम् । द्रवं चतुर्गुणं देयं तैलशेषं यथा भवेत्
etaccaturguṇaṃ tailaṃ tailādraktaprasūnajam / dravaṃ caturguṇaṃ deyaṃ tailaśeṣaṃ yathā bhavet
Sanskrit only: no published translation is held for this verse.
तस्मिन् निषेचयेद् बीजम् एकविंशतिवारकम् । रञ्जयेत्पक्वबीजानि सर्वाण्येवं सुरार्चिते
tasmin niṣecayed bījam ekaviṃśativārakam / rañjayetpakvabījāni sarvāṇyevaṃ surārcite
Sanskrit only: no published translation is held for this verse.
<नागबीजरञ्जनम्> खर्परे नागमादाय चण्डाग्निं ज्वालयेदधः । पलाशपर्णबीजानि क्षिपेत्तस्मिन्प्रचालयेत्
<nāgabījarañjanam> kharpare nāgamādāya caṇḍāgniṃ jvālayedadhaḥ / palāśaparṇabījāni kṣipettasminpracālayet
Sanskrit only: no published translation is held for this verse.
पलाशदण्डेनामर्द्यं चतुर्यामेन भस्मति । तद्भस्म गन्धकं तुल्यमम्ले यामं प्रपेषयेत्
palāśadaṇḍenāmardyaṃ caturyāmena bhasmati / tadbhasma gandhakaṃ tulyamamle yāmaṃ prapeṣayet
Sanskrit only: no published translation is held for this verse.
रुद्ध्वा पुटेद्गजपुटे स्वाङ्गशीतं तदुद्धरेत् । तच्चतुर्थांशकं गन्धं दत्त्वा पिष्ट्वा पुटे पचेत्
ruddhvā puṭedgajapuṭe svāṅgaśītaṃ taduddharet / taccaturthāṃśakaṃ gandhaṃ dattvā piṣṭvā puṭe pacet
Sanskrit only: no published translation is held for this verse.
एवं द्विसप्तवारेण नागं स्याद्रक्तवर्णकम् । वाशापञ्चाङ्गचूर्णं च तच्चूर्णं ककुभस्य च
evaṃ dvisaptavāreṇa nāgaṃ syādraktavarṇakam / vāśāpañcāṅgacūrṇaṃ ca taccūrṇaṃ kakubhasya ca
Sanskrit only: no published translation is held for this verse.
शिग्रुकिंशुककोरण्डशाकपुष्पाणि नागिनीम् । अहिमारं कुमारीं च नागकन्यां च चूर्णयेत्
śigrukiṃśukakoraṇḍaśākapuṣpāṇi nāginīm / ahimāraṃ kumārīṃ ca nāgakanyāṃ ca cūrṇayet
Sanskrit only: no published translation is held for this verse.
एतत्सर्वं चैकभागं द्विभागं च मनःशिलाम् । भाण्डे सर्वं विनिक्षिप्य गवां मूत्रे चतुर्गुणे
etatsarvaṃ caikabhāgaṃ dvibhāgaṃ ca manaḥśilām / bhāṇḍe sarvaṃ vinikṣipya gavāṃ mūtre caturguṇe
Sanskrit only: no published translation is held for this verse.
पचेत्पादावशेषं तु पूर्वनागे क्षिपन्क्षिपन् । चुल्ल्यां पचेद्ब्रह्मदण्डैश्चालयेत्सप्तवासरम्
pacetpādāvaśeṣaṃ tu pūrvanāge kṣipankṣipan / cullyāṃ pacedbrahmadaṇḍaiścālayetsaptavāsaram
Sanskrit only: no published translation is held for this verse.
इदं नागं पक्वबीजे द्रुते निर्वाहयेत्त्रिधा । रञ्जितं जायते बीजं मुख्यं स्याद्रसरञ्जने
idaṃ nāgaṃ pakvabīje drute nirvāhayettridhā / rañjitaṃ jāyate bījaṃ mukhyaṃ syādrasarañjane
Sanskrit only: no published translation is held for this verse.
<बीजरञ्जनप्रकारः> ताप्यसत्वं च कृष्णाभ्रसत्वचूर्णं धमेत्समम् । तस्मिन्द्रुते ताप्यचूर्णं मृतशुल्बं क्रमाद्वहेत्
<bījarañjanaprakāraḥ> tāpyasatvaṃ ca kṛṣṇābhrasatvacūrṇaṃ dhametsamam / tasmindrute tāpyacūrṇaṃ mṛtaśulbaṃ kramādvahet
Sanskrit only: no published translation is held for this verse.
त्रिगुणं तद्भवेद्बीजं रञ्जकं परमेश्वरि । <अन्यः प्रकारः> कुनटी माक्षिकं गन्धं दरदं पेषयेत्समम्
triguṇaṃ tadbhavedbījaṃ rañjakaṃ parameśvari / <anyaḥ prakāraḥ> kunaṭī mākṣikaṃ gandhaṃ daradaṃ peṣayetsamam
Sanskrit only: no published translation is held for this verse.
रक्तवर्गस्य गोमूत्रे पेषितस्य रसे प्रिये । पेषयेच्छोषयेत् सप्तवारं तच्चूर्णयेत्क्षिपेत्
raktavargasya gomūtre peṣitasya rase priye / peṣayecchoṣayet saptavāraṃ taccūrṇayetkṣipet
Sanskrit only: no published translation is held for this verse.
द्वंद्विते तीक्ष्णताम्रे च तुल्यं क्षिप्त्वा धमेद्दृढम् । ज्योतिष्मतीतैलयुक्ते रक्तवर्गे निषेचयेत्
dvaṃdvite tīkṣṇatāmre ca tulyaṃ kṣiptvā dhameddṛḍham / jyotiṣmatītailayukte raktavarge niṣecayet
Sanskrit only: no published translation is held for this verse.
पुनश्च पूर्वचूर्णं तु तुल्यं क्षिप्त्वा धमेत् प्रिये । सेचयेत् सप्तधा त्वेवं स्याद्बीजं रसरञ्जकम्
punaśca pūrvacūrṇaṃ tu tulyaṃ kṣiptvā dhamet priye / secayet saptadhā tvevaṃ syādbījaṃ rasarañjakam
Sanskrit only: no published translation is held for this verse.
<अन्यः प्रकारः> तारं च विमलासत्त्वं समांशं द्रावयेत् ततः । सरक्तवर्गे गोमूत्रे भावितं दरदं त्रिधा
<anyaḥ prakāraḥ> tāraṃ ca vimalāsattvaṃ samāṃśaṃ drāvayet tataḥ / saraktavarge gomūtre bhāvitaṃ daradaṃ tridhā
Sanskrit only: no published translation is held for this verse.
तत्तुल्यं निक्षिपेत् तस्मिन् धमेद् एवं तु सप्तधा । क्षिप्त्वा क्षिप्त्वा च दरदं स्याद्बीजं रसरञ्जकम्
tattulyaṃ nikṣipet tasmin dhamed evaṃ tu saptadhā / kṣiptvā kṣiptvā ca daradaṃ syādbījaṃ rasarañjakam
Sanskrit only: no published translation is held for this verse.
<अन्यः प्रकारः> घनसत्त्वम् अहिं स्वर्णं समांशं द्वंद्वितं धमेत् । खर्परे रक्तवर्गं च माक्षिकं गैरिकं शिलाम्
<anyaḥ prakāraḥ> ghanasattvam ahiṃ svarṇaṃ samāṃśaṃ dvaṃdvitaṃ dhamet / kharpare raktavargaṃ ca mākṣikaṃ gairikaṃ śilām
Sanskrit only: no published translation is held for this verse.
समं संचूर्णयेत् तस्मिन् वापयेच्च समं समम् । दशवारं भवेद् एतद् बीजं सूतेन्द्ररञ्जकम्
samaṃ saṃcūrṇayet tasmin vāpayecca samaṃ samam / daśavāraṃ bhaved etad bījaṃ sūtendrarañjakam
Sanskrit only: no published translation is held for this verse.
<अन्यः प्रकारः> यवचिञ्चारसैर्भाव्या रक्तवर्णा मनःशिला । विंशद्वारं प्रयत्नेन तेन कल्केन लेपयेत्
<anyaḥ prakāraḥ> yavaciñcārasairbhāvyā raktavarṇā manaḥśilā / viṃśadvāraṃ prayatnena tena kalkena lepayet
Sanskrit only: no published translation is held for this verse.
नागपत्रं पुटे पच्याद्यावच्चूर्णमुपागतम् । रसकस्य तु भागांस्त्रीन् भागैकं दरदस्य च
nāgapatraṃ puṭe pacyādyāvaccūrṇamupāgatam / rasakasya tu bhāgāṃstrīn bhāgaikaṃ daradasya ca
Sanskrit only: no published translation is held for this verse.
शिलागन्धविषाणां च त्रयाणामेकभागकम् । सेचयेन्मातुलुङ्गाम्लैः तेन कल्केन लेपयेत्
śilāgandhaviṣāṇāṃ ca trayāṇāmekabhāgakam / secayenmātuluṅgāmlaiḥ tena kalkena lepayet
Sanskrit only: no published translation is held for this verse.
मूषागर्भे क्षिपेत् तत्तत्पूर्वनागं धमेत् ततः । द्रुतं यावत् समुद्धृत्य लिप्त्वा मूषां पुनर् धमेत्
mūṣāgarbhe kṣipet tattatpūrvanāgaṃ dhamet tataḥ / drutaṃ yāvat samuddhṛtya liptvā mūṣāṃ punar dhamet
Sanskrit only: no published translation is held for this verse.
इत्येवं सप्तधा धाम्यं नागं स्वर्णनिभं भवेत् । <अन्यः प्रकारः> पीताभ्रकस्य सत्वं तु पूर्वनागं च तत्समम्
ityevaṃ saptadhā dhāmyaṃ nāgaṃ svarṇanibhaṃ bhavet / <anyaḥ prakāraḥ> pītābhrakasya satvaṃ tu pūrvanāgaṃ ca tatsamam
Sanskrit only: no published translation is held for this verse.
द्वंद्वितं पूर्वयोगेन ह्यभिषिक्तं च कारयेत् । अनेन द्वन्द्वयोगेन वापो देयो द्रुतस्य च
dvaṃdvitaṃ pūrvayogena hyabhiṣiktaṃ ca kārayet / anena dvandvayogena vāpo deyo drutasya ca
Sanskrit only: no published translation is held for this verse.
पक्वबीजस्य वारांस्त्रीन् तद्बीजं रञ्जितं शुभम् । <तारबीजरञ्जनम्> अथातस् तारबीजानां रञ्जनं शृणु पार्वति
pakvabījasya vārāṃstrīn tadbījaṃ rañjitaṃ śubham / <tārabījarañjanam> athātas tārabījānāṃ rañjanaṃ śṛṇu pārvati
Sanskrit only: no published translation is held for this verse.
नानाभूरुहसम्भूतश्वेतपुष्परसे प्रिये । चतुर्भागे चैकभागं कङ्गुणीतैलकं क्षिपेत्
nānābhūruhasambhūtaśvetapuṣparase priye / caturbhāge caikabhāgaṃ kaṅguṇītailakaṃ kṣipet
Sanskrit only: no published translation is held for this verse.
तैलावशेषं विपचेत्तारबीजानि तत्र वै । भूयो भूयो द्रावयित्वा सेचयेदेकविंशतिम्
tailāvaśeṣaṃ vipacettārabījāni tatra vai / bhūyo bhūyo drāvayitvā secayedekaviṃśatim
Sanskrit only: no published translation is held for this verse.
बीजानि रञ्जितान्येवं भवेयू रसरञ्जने । एवं वङ्गस्य बीजानि रञ्जयेत् परमेश्वरि
bījāni rañjitānyevaṃ bhaveyū rasarañjane / evaṃ vaṅgasya bījāni rañjayet parameśvari
Sanskrit only: no published translation is held for this verse.
<रञ्जनक्रमः> द्रुतिजीर्णस्य सूतस्य चतुःषष्टितमांशकम् । निक्षिपेद्रञ्जकं बीजं तप्तखल्वे दिनावधि
<rañjanakramaḥ> drutijīrṇasya sūtasya catuḥṣaṣṭitamāṃśakam / nikṣipedrañjakaṃ bījaṃ taptakhalve dināvadhi
Sanskrit only: no published translation is held for this verse.
मर्दयेत् तप्तखल्वे तु पचेत् कच्छपयन्त्रके । एवं ग्रासक्रमेणैव षड्गुणं जारयेत् प्रिये
mardayet taptakhalve tu pacet kacchapayantrake / evaṃ grāsakrameṇaiva ṣaḍguṇaṃ jārayet priye
Sanskrit only: no published translation is held for this verse.
<१५। - १७। सारणत्रयम्; सारणार्थे वज्रबीजसाधनम्; प्रथमः प्रकारः> रञ्जितस्य रसेन्द्रस्य प्रवक्ष्ये सारणात्रयम् । सारणा योग्यबीजानि दिव्यानि च सुरार्चिते
<15. - 17. sāraṇatrayam; sāraṇārthe vajrabījasādhanam; prathamaḥ prakāraḥ> rañjitasya rasendrasya pravakṣye sāraṇātrayam / sāraṇā yogyabījāni divyāni ca surārcite
Sanskrit only: no published translation is held for this verse.
स्वर्णं द्वादशभागं स्यात् तदर्धं शुद्धपारदम् । रसेन्द्रार्धं नागभस्म चतुर्भागं मृतं पविम्
svarṇaṃ dvādaśabhāgaṃ syāt tadardhaṃ śuddhapāradam / rasendrārdhaṃ nāgabhasma caturbhāgaṃ mṛtaṃ pavim
Sanskrit only: no published translation is held for this verse.
एतच्चतुष्टयं चाम्लैर्मर्दयेत्तप्तखल्वके । उद्धृत्य द्वन्द्वमेलापमूषायां रोधयेद्धमेत्
etaccatuṣṭayaṃ cāmlairmardayettaptakhalvake / uddhṛtya dvandvamelāpamūṣāyāṃ rodhayeddhamet
Sanskrit only: no published translation is held for this verse.
हठात्तच्च मिलत्येव वज्रबीजम् इदं प्रिये । <द्वितीयः प्रकारः> भावयेच्छारिबाक्षीरैर् मृतं वज्रं दिनं ततः
haṭhāttacca milatyeva vajrabījam idaṃ priye / <dvitīyaḥ prakāraḥ> bhāvayecchāribākṣīrair mṛtaṃ vajraṃ dinaṃ tataḥ
Sanskrit only: no published translation is held for this verse.
मर्दयेद् गोलकं कृत्वा शोषयेच्चैकभागकम् । त्रिभागं रसराजं च चतुर्भागं सुवर्णकम्
mardayed golakaṃ kṛtvā śoṣayeccaikabhāgakam / tribhāgaṃ rasarājaṃ ca caturbhāgaṃ suvarṇakam
Sanskrit only: no published translation is held for this verse.
अम्लेन मर्दयेत् पिष्टिं कृत्वा तद्वज्रगोलकम् । तत्पिष्ट्या वेष्टयेत् तच्च भूर्जपत्रेण वेष्टयेत्
amlena mardayet piṣṭiṃ kṛtvā tadvajragolakam / tatpiṣṭyā veṣṭayet tacca bhūrjapatreṇa veṣṭayet
Sanskrit only: no published translation is held for this verse.
पक्षं न्यसेद् धान्यराशौ तद् उद्धृत्य पुनः प्रिये । धमेद्धठान्मिलत्येव वज्रबीजम् इदं भवेत्
pakṣaṃ nyased dhānyarāśau tad uddhṛtya punaḥ priye / dhameddhaṭhānmilatyeva vajrabījam idaṃ bhavet
Sanskrit only: no published translation is held for this verse.
वज्रषोडशभागेन स्वर्णपत्रेण वेष्टयेत् । तत्क्षिप्त्वा लिप्तमूषायां स्वर्णांशं श्वेतकाचजम्
vajraṣoḍaśabhāgena svarṇapatreṇa veṣṭayet / tatkṣiptvā liptamūṣāyāṃ svarṇāṃśaṃ śvetakācajam
Sanskrit only: no published translation is held for this verse.
चूर्णं वा नृकपालं वा चूर्णं कृत्वा विनिक्षिपेत् । निरुध्य च धमेत् तीव्रम् एवं कुर्यात् पुनः पुनः
cūrṇaṃ vā nṛkapālaṃ vā cūrṇaṃ kṛtvā vinikṣipet / nirudhya ca dhamet tīvram evaṃ kuryāt punaḥ punaḥ
Sanskrit only: no published translation is held for this verse.
क्षिप्त्वा क्षिप्त्वा श्वेतकाचं नृकपालमथापि वा । सप्तधैवं मिलत्येव वज्रबीजमिदं भवेत्
kṣiptvā kṣiptvā śvetakācaṃ nṛkapālamathāpi vā / saptadhaivaṃ milatyeva vajrabījamidaṃ bhavet
Sanskrit only: no published translation is held for this verse.
<सारणातैलम्> अतः परं सारणायां प्रवक्ष्ये तैलसाधनम् । ज्योतिष्मतीकरञ्जाक्षकटुतुम्बीसमुद्भवम्
<sāraṇātailam> ataḥ paraṃ sāraṇāyāṃ pravakṣye tailasādhanam / jyotiṣmatīkarañjākṣakaṭutumbīsamudbhavam
Sanskrit only: no published translation is held for this verse.