Śatapatha Brāhmaṇa (Mādhyandina) 10.6.2

द्वयं वा इदमत्ता चैवाद्यं च तद्यदोभयं समागचत्यत्तैवाख्यायते नाद्यम्

dvayaṃ vā idamattā caivādyaṃ ca tadyadobhayaṃ samāgacatyattaivākhyāyate nādyam

Sanskrit only: no published translation is held for this verse.

स वै यः सोऽत्ताग्निरेव सः तस्मिन्यत्किं चाभ्यादधत्याहितय एवास्य ता आहितयो ह वै ता आहुतय इत्याचक्षते परोऽक्षम् परोऽक्षकामा हि देवाः

sa vai yaḥ so'ttāgnireva saḥ tasminyatkiṃ cābhyādadhatyāhitaya evāsya tā āhitayo ha vai tā āhutaya ityācakṣate paro'kṣam paro'kṣakāmā hi devāḥ

Sanskrit only: no published translation is held for this verse.

आदित्यो वा अत्ता तस्य चन्द्रमा एवाहितयश्चन्द्रमसं ह्यादित्य आदधतीत्यधिदेवतम्

ādityo vā attā tasya candramā evāhitayaścandramasaṃ hyāditya ādadhatītyadhidevatam

Sanskrit only: no published translation is held for this verse.

अथाध्यात्मम् प्राणो वा अत्ता तस्यान्नमेवाहितयोऽन्नं हि प्राण आदधतीति न्वग्नेः

athādhyātmam prāṇo vā attā tasyānnamevāhitayo'nnaṃ hi prāṇa ādadhatīti nvagneḥ

Sanskrit only: no published translation is held for this verse.

अथार्कस्य अग्निर्वा अर्कस्तस्याहुतय एव कमाहुतयो ह्यग्नये कम्

athārkasya agnirvā arkastasyāhutaya eva kamāhutayo hyagnaye kam

Sanskrit only: no published translation is held for this verse.

आदित्यो वा अर्कः तस्य चन्द्रमा एव कं चन्द्रमा ह्यादित्याय कमित्यधिदेवतम्

ādityo vā arkaḥ tasya candramā eva kaṃ candramā hyādityāya kamityadhidevatam

Sanskrit only: no published translation is held for this verse.

अथाध्यात्मम् प्राणो वा अर्कस्तस्यान्नमेव कमन्नं हि प्राणाय कमिति न्वेवार्कस्य

athādhyātmam prāṇo vā arkastasyānnameva kamannaṃ hi prāṇāya kamiti nvevārkasya

Sanskrit only: no published translation is held for this verse.

अथोक्थस्य अग्निर्वा उक्तस्याहुतय एव थमाहुतिभिर्ह्यग्निरुत्तिष्ठति

athokthasya agnirvā uktasyāhutaya eva thamāhutibhirhyagniruttiṣṭhati

Sanskrit only: no published translation is held for this verse.

आदित्यो वा उक् तस्य चन्द्रमा एव थं चन्द्रमसा ह्यादित्य उत्तिष्ठतीत्यधिदेवतम्

ādityo vā uk tasya candramā eva thaṃ candramasā hyāditya uttiṣṭhatītyadhidevatam

Sanskrit only: no published translation is held for this verse.

अथाध्यात्मम् प्राणो वा उक्तस्यान्नमेव थमन्नेन हि प्राण उत्तिष्ठतीति न्वेवोक्थस्य स एषोऽग्निविधोऽर्कविध उक्थविधो यत्पुरुषः स यो हैतमेवमग्निविधमर्कविधमुक्थविधम् पुरुषमुपास्ते विदुषो हैवास्यैवम् भ्रातृव्यो म्लायति

athādhyātmam prāṇo vā uktasyānnameva thamannena hi prāṇa uttiṣṭhatīti nvevokthasya sa eṣo'gnividho'rkavidha ukthavidho yatpuruṣaḥ sa yo haitamevamagnividhamarkavidhamukthavidham puruṣamupāste viduṣo haivāsyaivam bhrātṛvyo mlāyati

Sanskrit only: no published translation is held for this verse.

प्राणेन वा अग्निर्दीप्यते अग्निना वायुर्वायुनादित्य आदित्येन चन्द्रमाश्चन्द्रमसा नक्षत्राणि नक्षत्रैर्विद्युदेतावती वै दीप्तिरस्मिंश्च लोकेऽमुष्मिंश्च सर्वा हैतां दीप्तिं दीप्यतेऽस्मिंश्च लोकेऽमुष्मिंश्च य एवं वेद

prāṇena vā agnirdīpyate agninā vāyurvāyunāditya ādityena candramāścandramasā nakṣatrāṇi nakṣatrairvidyudetāvatī vai dīptirasmiṃśca loke'muṣmiṃśca sarvā haitāṃ dīptiṃ dīpyate'smiṃśca loke'muṣmiṃśca ya evaṃ veda

Sanskrit only: no published translation is held for this verse.