ŚB 9.2.2.1
प्रत्येत्याग्निम् प्रहरिष्यन् । आहुतीश्च जुहोति समिधश्चादधात्येतद्वा एनं देवा एष्यन्तम् पुरस्तादन्नेनाप्रीणन्नाहुतिभिश्च समिद्भिश्च तथैवैनमयमेतदेष्यन्तम् पुरस्तादन्नेन प्रीणात्याहुतिभिश्च समिद्भिश्च स वै पञ्चगृहीतं गृह्णीते तस्योक्तो बन्धुः
pratyetyāgnim prahariṣyan | āhutīśca juhoti samidhaścādadhātyetadvā enaṃ devā eṣyantam purastādannenāprīṇannāhutibhiśca samidbhiśca tathaivainamayametadeṣyantam purastādannena prīṇātyāhutibhiśca samidbhiśca sa vai pañcagṛhītaṃ gṛhṇīte tasyokto bandhuḥ
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.