Srighanacarasamgraha 3.4

प्रत्येकबुद्धसंबुद्धतच्छिष्यज्ञानदर्शनं । ममास्तीति ब्रुवन् मिथ्या नाश्यो ऽन्यत्राभिमानतः

pratyekabuddhasaṃbuddhatacchiṣyajñānadarśanaṃ | mamāstīti bruvan mithyā nāśyo 'nyatrābhimānataḥ

Sanskrit only: no published translation is held for this verse.

ज्ञानं सत्याभिसंबोधिरभिज्ञाः पंच दर्शनं । धर्मान्वयादिकज्ञानांगीकरणे क्षमो न सः

jñānaṃ satyābhisaṃbodhirabhijñāḥ paṃca darśanaṃ | dharmānvayādikajñānāṃgīkaraṇe kṣamo na saḥ

Sanskrit only: no published translation is held for this verse.

आर्यम्लेच्छवचोलेखलिप्या [च] हस्तमुद्रया । ज्ञानादि प्रतिजानीते बोद्धव्यमपि तन्मृषा

āryamlecchavacolekhalipyā [ca] hastamudrayā | jñānādi pratijānīte boddhavyamapi tanmṛṣā

Sanskrit only: no published translation is held for this verse.

वृक्षमूले ऽहमेकाकी विहरामि रमे [गृहे] । समाहितं च मे चित्तं न च वाच्यमतीन्द्रियं

vṛkṣamūle 'hamekākī viharāmi rame [gṛhe] | samāhitaṃ ca me cittaṃ na ca vācyamatīndriyaṃ

Sanskrit only: no published translation is held for this verse.

बुद्धादीनां वदेद् वर्णमात्मनो न कथंचन । परकीयं गुणं पृष्टो ब्रूयात्तत्संमुखं न तु

buddhādīnāṃ vaded varṇamātmano na kathaṃcana | parakīyaṃ guṇaṃ pṛṣṭo brūyāttatsaṃmukhaṃ na tu

Sanskrit only: no published translation is held for this verse.

दृष्टं श्रुतं मतं यद्यद् विज्ञातं चैव तद् वदेत् । [श्रीघनो] वैपरीत्येन गदन्मिथ्याभिधायकः

dṛṣṭaṃ śrutaṃ mataṃ yadyad vijñātaṃ caiva tad vadet | [śrīghano] vaiparītyena gadanmithyābhidhāyakaḥ

Sanskrit only: no published translation is held for this verse.

वस्तु चालीकसंज्ञी च चित्तं विनिहितं [तथा] । मृषासंज्ञी वदेद्वाचं पंचांगो ऽनृतवादिकः

vastu cālīkasaṃjñī ca cittaṃ vinihitaṃ [tathā] | mṛṣāsaṃjñī vadedvācaṃ paṃcāṃgo 'nṛtavādikaḥ

Sanskrit only: no published translation is held for this verse.

चतुस्त्रिद्वयेक[कै] रंगैर्युक्तो यो ऽत्र मृषां वदेत । अन्यैः स यतिभिर्ज्ञेयो मृषावादीति [श्रीघनः]

catustridvayeka[kai] raṃgairyukto yo 'tra mṛṣāṃ vadeta | anyaiḥ sa yatibhirjñeyo mṛṣāvādīti [śrīghanaḥ]

Sanskrit only: no published translation is held for this verse.

अभूतेनानिदानेन यतिः [प्राणिवधादिना] । ध्वंसनच्यावनाकूतः संमुखं न च चोदयेत्

abhūtenānidānena yatiḥ [prāṇivadhādinā] | dhvaṃsanacyāvanākūtaḥ saṃmukhaṃ na ca codayet

Sanskrit only: no published translation is held for this verse.

क्षुद्रापत्तिनिमित्तेन लेशमात्रेण तेन वा । श्रामणेरो[हि] प्रत्यक्षं [श्रीघनान्] न क्षिपेत् परान्

kṣudrāpattinimittena leśamātreṇa tena vā | śrāmaṇero[hi] pratyakṣaṃ [śrīghanān] na kṣipet parān

Sanskrit only: no published translation is held for this verse.

जातिलिंगक्रियावादैर् हीनमध्योत्तमैर्व्रती । जिह्मनिष्प्रतिभानार्थं न प्राणान् जातु चोदयेत्

jātiliṃgakriyāvādair hīnamadhyottamairvratī | jihmaniṣpratibhānārthaṃ na prāṇān jātu codayet

Sanskrit only: no published translation is held for this verse.

उपक्लेशगदाक्रोशापत्त्याद्यैर्हि यतिं व्रती । आशयेन पुरोक्तेन ब्रूयान्नैव कदाचन

upakleśagadākrośāpattyādyairhi yatiṃ vratī | āśayena puroktena brūyānnaiva kadācana

Sanskrit only: no published translation is held for this verse.

भेदं यास्यति सो ऽन्येन संधास्यति मया सह । यतिर जात्यादिवादेन पैशुन्यं न समाचरेत्

bhedaṃ yāsyati so 'nyena saṃdhāsyati mayā saha | yatira jātyādivādena paiśunyaṃ na samācaret

Sanskrit only: no published translation is held for this verse.