Srighanacarasamgraha 3.8

चन्दनादिक[गन्धं हि धारयेद्] व्याधितो यतिः । दत्त्वा [च] मुनये पूर्वं भिषगादेर्वचनेन [सः]

candanādika[gandhaṃ hi dhārayed] vyādhito yatiḥ | dattvā [ca] munaye pūrvaṃ bhiṣagādervacanena [saḥ]

Sanskrit only: no published translation is held for this verse.

न तिष्ठेत् प्रकटे देशे क्षालयित्वा बहिर्व्रजेत् । अनेनैव विधानेन धारयेत् कुसुमस्रजं

na tiṣṭhet prakaṭe deśe kṣālayitvā bahirvrajet | anenaiva vidhānena dhārayet kusumasrajaṃ

Sanskrit only: no published translation is held for this verse.

नेत्रदुःखशिरःशूलपूतनाग्रहरुग्वतः । मालया वेष्टयेत् शीर्षं मेखलां न च लंबयेत्

netraduḥkhaśiraḥśūlapūtanāgraharugvataḥ | mālayā veṣṭayet śīrṣaṃ mekhalāṃ na ca laṃbayet

Sanskrit only: no published translation is held for this verse.

हरितालादिचूर्णेन तैलेन वा सुगन्धिना । न वदनादिकं गात्रं वर्णार्थं मर्षयेद् यतिः

haritālādicūrṇena tailena vā sugandhinā | na vadanādikaṃ gātraṃ varṇārthaṃ marṣayed yatiḥ

Sanskrit only: no published translation is held for this verse.

यतेरप्रतिरूपत्वाद् गन्धमाल्य[विलेपनं] । रागौद्धत्यकरं यस्मात् तस्मात्तद् गर्हितं जिनैः

yaterapratirūpatvād gandhamālya[vilepanaṃ] | rāgauddhatyakaraṃ yasmāt tasmāttad garhitaṃ jinaiḥ

Sanskrit only: no published translation is held for this verse.

न दर्पणे निरीक्षेत मुखं वा तैलभाजने । मुक्त्वान्येनेक्षणीयं[हि] शिरोव्यथागदातुरं

na darpaṇe nirīkṣeta mukhaṃ vā tailabhājane | muktvānyenekṣaṇīyaṃ[hi] śirovyathāgadāturaṃ

Sanskrit only: no published translation is held for this verse.

विभूषणाय तैलेनात्मनो नाभ्यंजयेद् मुखं । स्फुटितास्यशिरोरोगादन्येनाभ्यंजनं न च

vibhūṣaṇāya tailenātmano nābhyaṃjayed mukhaṃ | sphuṭitāsyaśirorogādanyenābhyaṃjanaṃ na ca

Sanskrit only: no published translation is held for this verse.

न कुंकुमादिचूर्णेन मण्डयेद् वदनं यतिः । पिटकशमनार्थं तु लेप इष्टस्तिला[दिभिः]

na kuṃkumādicūrṇena maṇḍayed vadanaṃ yatiḥ | piṭakaśamanārthaṃ tu lepa iṣṭastilā[dibhiḥ]

Sanskrit only: no published translation is held for this verse.