Ṣaḍviṃśa Brāhmaṇa of the Sāmaveda 1.6

ये विराजम् अतियजन्ते विराजम् एव त ईप्सन्तो ऽमुष्मिन् लोके श्राम्यन्ति अथ य एनाम् अर्वाग् दभ्नुवन्ति विराजम् एव त ईप्सन्तो ऽमुष्मिन् लोके श्राम्यन्ति तेषां तथा श्राम्यतां सुकृतं क्षीयते न हि तद् अमुष्मिन् लोके शक्नुवन्ति यद् अस्माल् लोकाद् अकृत्वा प्रयन्ति

ye virājam atiyajante virājam eva ta īpsanto 'muṣmin loke śrāmyanti atha ya enām arvāg dabhnuvanti virājam eva ta īpsanto 'muṣmin loke śrāmyanti teṣāṃ tathā śrāmyatāṃ sukṛtaṃ kṣīyate na hi tad amuṣmin loke śaknuvanti yad asmāl lokād akṛtvā prayanti

Sanskrit only: no published translation is held for this verse.

एतद्ध स्माहोद्दालक आरुणिः कथं ते यजेरन् कथं वा याजयेयुर् ये यज्ञस्य व्यृद्धेन न नन्दन्ति नन्दन्ति यत् समृद्धेनेति

etaddha smāhoddālaka āruṇiḥ kathaṃ te yajeran kathaṃ vā yājayeyur ye yajñasya vyṛddhena na nandanti nandanti yat samṛddheneti

Sanskrit only: no published translation is held for this verse.

अहं वाव काले यजेय अहं काले याजयेयम् यो ऽहं यज्ञस्य व्यृद्धेन न नन्दामि नन्दामि यत् समृद्धेनेति

ahaṃ vāva kāle yajeya ahaṃ kāle yājayeyam yo 'haṃ yajñasya vyṛddhena na nandāmi nandāmi yat samṛddheneti

Sanskrit only: no published translation is held for this verse.

अपि ह स्वाद् एव कामाद् यज्ञस्य व्यर्धयति भूयसीर् उपाप्सीर् उपाप्स्यामि भिषक्कृत्वा

api ha svād eva kāmād yajñasya vyardhayati bhūyasīr upāpsīr upāpsyāmi bhiṣakkṛtvā

Sanskrit only: no published translation is held for this verse.

एतद्ध स्म वै तद् विद्वान् आह यावद् वा ऋचा होता करोति होतृष्व् एव तावद् यज्ञः यावद् यजुषाध्वर्युर् अध्वर्युष्व् एव तावत् यावत् साम्नोद्गातोद्गातृष्व् एव तावत् ब्रह्मण्य् एव तावद् यज्ञो यत्रोपरताः

etaddha sma vai tad vidvān āha yāvad vā ṛcā hotā karoti hotṛṣv eva tāvad yajñaḥ yāvad yajuṣādhvaryur adhvaryuṣv eva tāvat yāvat sāmnodgātodgātṛṣv eva tāvat brahmaṇy eva tāvad yajño yatroparatāḥ

Sanskrit only: no published translation is held for this verse.

तस्मात् तस्मिन्न् अन्तर्धौ ब्रह्मा वाचंयमो बुभूषेत्

tasmāt tasminn antardhau brahmā vācaṃyamo bubhūṣet

Sanskrit only: no published translation is held for this verse.

स यदि प्रमत्तो व्याहरेद् एता वा व्याहृतीर् मनसानुद्रवेत् भूर् भुवः स्वर् इति

sa yadi pramatto vyāhared etā vā vyāhṛtīr manasānudravet bhūr bhuvaḥ svar iti

Sanskrit only: no published translation is held for this verse.

वैष्णवीं वर्चम् इदं विष्णुर् विचक्रमे

vaiṣṇavīṃ varcam idaṃ viṣṇur vicakrame

Sanskrit only: no published translation is held for this verse.

राज्ञो ह मितस्य मर्कटो ऽंशून् आदाय वृक्षम् आपुप्रुवे

rājño ha mitasya markaṭo 'ṃśūn ādāya vṛkṣam āpupruve

Sanskrit only: no published translation is held for this verse.

स हारुणिर् आहुतिम् उद्यत्योवाच पुनः वैनान् निवप्स्यस्य् अतो वाव मृतो ऽवपप्स्यस इति

sa hāruṇir āhutim udyatyovāca punaḥ vainān nivapsyasy ato vāva mṛto 'vapapsyasa iti

Sanskrit only: no published translation is held for this verse.

स होवाच किं होष्यसीति

sa hovāca kiṃ hoṣyasīti

Sanskrit only: no published translation is held for this verse.

प्रायश्चित्तम् इति

prāyaścittam iti

Sanskrit only: no published translation is held for this verse.

किं प्रायश्चित्तम् इति

kiṃ prāyaścittam iti

Sanskrit only: no published translation is held for this verse.

सर्वप्रायश्चित्तम् इति

sarvaprāyaścittam iti

Sanskrit only: no published translation is held for this verse.

किं सर्वप्रायश्चित्तम् इति

kiṃ sarvaprāyaścittam iti

Sanskrit only: no published translation is held for this verse.

महाव्याहृतीर् एव मघवन्न् इति

mahāvyāhṛtīr eva maghavann iti

Sanskrit only: no published translation is held for this verse.

स होवाचोम् आरुणे यद् आहुतिम् अनूचिषे कथं नु विदांचकर्थ मर्कटो ऽंशून् आदत्तेति

sa hovācom āruṇe yad āhutim anūciṣe kathaṃ nu vidāṃcakartha markaṭo 'ṃśūn ādatteti

Sanskrit only: no published translation is held for this verse.

स होवाच यच् चावगतं यच् चानवगतं सर्वस्यैषैव प्रायश्चित्तिर् इति

sa hovāca yac cāvagataṃ yac cānavagataṃ sarvasyaiṣaiva prāyaścittir iti

Sanskrit only: no published translation is held for this verse.

तस्माद् एताम् एव जुहुयात्

tasmād etām eva juhuyāt

Sanskrit only: no published translation is held for this verse.

अपि वाज्ञातं यद् अनाज्ञातं यज्ञस्य क्रियते मिथ्व् अग्ने कल्पय त्वम् हि वेत्थ यथायथं स्वाहेति अपि वा प्राजापत्यां प्रजापते न त्वद् एतान्य् अन्यो विश्वा जातानि परि ता बभूव यत्कामास् ते जुहुमस् तन् नो अस्तु वयं स्याम पतयो रयीणां स्वाहेति तद् वा आत्मानं च यजमानं च स्वेन रसेन समर्धयति

api vājñātaṃ yad anājñātaṃ yajñasya kriyate mithv agne kalpaya tvam hi vettha yathāyathaṃ svāheti api vā prājāpatyāṃ prajāpate na tvad etāny anyo viśvā jātāni pari tā babhūva yatkāmās te juhumas tan no astu vayaṃ syāma patayo rayīṇāṃ svāheti tad vā ātmānaṃ ca yajamānaṃ ca svena rasena samardhayati

Sanskrit only: no published translation is held for this verse.

अथ यद् वै किंच यज्ञे मृन्मयं भिद्येत तद् अभिमृशेद् भूमिर् भूमिम् अगान् माता मातरम् अप्यगात् भूयाम पुत्रैः पशुभिर् यो ऽस्मान् द्वेष्टि स भिद्यताम् इति तद् वा आत्मानं च यजमानं च स्वेन रसेन समर्धयति

atha yad vai kiṃca yajñe mṛnmayaṃ bhidyeta tad abhimṛśed bhūmir bhūmim agān mātā mātaram apyagāt bhūyāma putraiḥ paśubhir yo 'smān dveṣṭi sa bhidyatām iti tad vā ātmānaṃ ca yajamānaṃ ca svena rasena samardhayati

Sanskrit only: no published translation is held for this verse.