Ṣaḍviṃśa Brāhmaṇa of the Sāmaveda 1.7

घ्नन्तीव वा एतत् सोमं राजानं प्रेव मीयते यद् एनम् अभिषुण्वन्ति तस्यैताम् अनुस्तरणीं कुर्वन्ति यत् सौम्यं चरुम् तस्मात् पुरुषाय पुरुषायानुस्तरणी क्रियते

ghnantīva vā etat somaṃ rājānaṃ preva mīyate yad enam abhiṣuṇvanti tasyaitām anustaraṇīṃ kurvanti yat saumyaṃ carum tasmāt puruṣāya puruṣāyānustaraṇī kriyate

Sanskrit only: no published translation is held for this verse.

साध्यानां वै देवानां सत्त्रम् आसीनानां शर्करा अक्षसु जज्ञिरे ते हेन्द्रम् उपनिषेदुः कथं नु तेषां शर्करा अक्षसु जायेरन् यास् त्वं विद्या इति तेभ्य एतत् सौम्ये चरौ श्यावम् आज्यं प्रायच्छत् तद् अवेक्षन्त ते प्रापश्यन् प्रपश्यत्य् अनन्धो भवति य एवं विद्वान्त् सौम्यं चरुम् अवेक्षते

sādhyānāṃ vai devānāṃ sattram āsīnānāṃ śarkarā akṣasu jajñire te hendram upaniṣeduḥ kathaṃ nu teṣāṃ śarkarā akṣasu jāyeran yās tvaṃ vidyā iti tebhya etat saumye carau śyāvam ājyaṃ prāyacchat tad avekṣanta te prāpaśyan prapaśyaty anandho bhavati ya evaṃ vidvānt saumyaṃ carum avekṣate

Sanskrit only: no published translation is held for this verse.

यो ऽलम् अन्नाद्याय सन्न् अथान्नं नाद्याद् दक्षिणार्धं सदसो गत्वैतं सौम्यातिशेषं प्राश्नीयात् जनं वा एतस्माद् अन्नाद्यं क्रामति यो ऽलम् अन्नाद्याय सन्न् अथान्नं नात्ति जनो ऽस्मात् पितरो जन्येनैवान्नेनान्नम् अत्ति अन्नादो भवति

yo 'lam annādyāya sann athānnaṃ nādyād dakṣiṇārdhaṃ sadaso gatvaitaṃ saumyātiśeṣaṃ prāśnīyāt janaṃ vā etasmād annādyaṃ krāmati yo 'lam annādyāya sann athānnaṃ nātti jano 'smāt pitaro janyenaivānnenānnam atti annādo bhavati

Sanskrit only: no published translation is held for this verse.