Ṣaḍviṃśa Brāhmaṇa of the Sāmaveda 2.1

प्रजापतिर् अकामयत बहुः स्यां प्रजायेयेति स एतां रेतस्याम् ऋचं साम्ना प्रच्छन्नाम् अगायत् यद् ऋचम् असाम्नीम् अगास्यद् अस्थ्य् अमांसम् अजनिष्यत यत् सामानृचं मांसम् अनस्थिकम् अजनिष्यत ऋचं साम्ना प्रच्छन्नां गायति तस्मात् पुरुषः प्रच्छन्नो मांसेन त्वचा लोम्ना जायते

prajāpatir akāmayata bahuḥ syāṃ prajāyeyeti sa etāṃ retasyām ṛcaṃ sāmnā pracchannām agāyat yad ṛcam asāmnīm agāsyad asthy amāṃsam ajaniṣyata yat sāmānṛcaṃ māṃsam anasthikam ajaniṣyata ṛcaṃ sāmnā pracchannāṃ gāyati tasmāt puruṣaḥ pracchanno māṃsena tvacā lomnā jāyate

Sanskrit only: no published translation is held for this verse.

त्रिर् उद्गृह्णाति

trir udgṛhṇāti

Sanskrit only: no published translation is held for this verse.

त्रय इमे लोका एषां लोकानाम् अवरुद्ध्यै त्रिभ्यश् च रेतः सिच्यते

traya ime lokā eṣāṃ lokānām avaruddhyai tribhyaś ca retaḥ sicyate

Sanskrit only: no published translation is held for this verse.

न हिंकुर्यात्

na hiṃkuryāt

Sanskrit only: no published translation is held for this verse.

वज्रो वै हिंकारो बलम् इव रेतो यद्धिंकुर्याद् वज्रेण हिंकारेण रेतः सिक्तं विच्छिन्द्यात्

vajro vai hiṃkāro balam iva reto yaddhiṃkuryād vajreṇa hiṃkāreṇa retaḥ siktaṃ vicchindyāt

Sanskrit only: no published translation is held for this verse.

रेतस्या छन्दसा प्राजापत्या देवतया सर्वम् एतया ध्यायन् गायेत् सर्वं हीदं रेतः

retasyā chandasā prājāpatyā devatayā sarvam etayā dhyāyan gāyet sarvaṃ hīdaṃ retaḥ

Sanskrit only: no published translation is held for this verse.

द्वितीयां गायति

dvitīyāṃ gāyati

Sanskrit only: no published translation is held for this verse.

तस्या द्वे अक्षरे सशयनी व्यतिषजति मध्यमस्य च पादस्योत्तमम् उत्तमस्य च प्रथमम्

tasyā dve akṣare saśayanī vyatiṣajati madhyamasya ca pādasyottamam uttamasya ca prathamam

Sanskrit only: no published translation is held for this verse.

व्यतिषक्तौ प्राणापानौ प्रजा दधतः

vyatiṣaktau prāṇāpānau prajā dadhataḥ

Sanskrit only: no published translation is held for this verse.

गायत्री छन्दसा आग्नेयी देवतया पृथिवीम् एतया ध्यायन् गायेत्

gāyatrī chandasā āgneyī devatayā pṛthivīm etayā dhyāyan gāyet

Sanskrit only: no published translation is held for this verse.

तृतीयां गायति

tṛtīyāṃ gāyati

Sanskrit only: no published translation is held for this verse.

तां बलवद् इवोरसेव गायति

tāṃ balavad ivoraseva gāyati

Sanskrit only: no published translation is held for this verse.

तस्या द्वे उत्तमार्धे ऽक्षरे द्योतयति

tasyā dve uttamārdhe 'kṣare dyotayati

Sanskrit only: no published translation is held for this verse.

चक्षुर् एव तद् युनक्ति तस्माद् युक्तं चक्षुः

cakṣur eva tad yunakti tasmād yuktaṃ cakṣuḥ

Sanskrit only: no published translation is held for this verse.

त्रिष्टुप् छन्दसा ऐन्द्री देवतया अन्तरिक्षम् एतया ध्यायन् गायेत्

triṣṭup chandasā aindrī devatayā antarikṣam etayā dhyāyan gāyet

Sanskrit only: no published translation is held for this verse.

चतुर्थीं गायति

caturthīṃ gāyati

Sanskrit only: no published translation is held for this verse.

तस्याश् चत्वारि चत्वार्य् अक्षराणि निक्रीडयन्न् इव गायत्य् आ द्वादशेभ्यो ऽक्षरेभ्यः

tasyāś catvāri catvāry akṣarāṇi nikrīḍayann iva gāyaty ā dvādaśebhyo 'kṣarebhyaḥ

Sanskrit only: no published translation is held for this verse.

द्वादशाक्षरपदा जगती पशवो वै जगती पशुष्व् एव प्रतितिष्ठति

dvādaśākṣarapadā jagatī paśavo vai jagatī paśuṣv eva pratitiṣṭhati

Sanskrit only: no published translation is held for this verse.

तस्याश् चत्वार्य् उत्तमार्धे ऽक्षराणि द्योतयति

tasyāś catvāry uttamārdhe 'kṣarāṇi dyotayati

Sanskrit only: no published translation is held for this verse.

श्रोत्रम् एव तद् युनक्ति तस्माद् युक्तं श्रोत्रम् श्रोत्रे द्वे प्रतिश्रवणे द्वे तस्मात् पुरुषः सर्वा दिशः शृणोति अपि पराङ् यन् प्रत्यङ् शृणोति

śrotram eva tad yunakti tasmād yuktaṃ śrotram śrotre dve pratiśravaṇe dve tasmāt puruṣaḥ sarvā diśaḥ śṛṇoti api parāṅ yan pratyaṅ śṛṇoti

Sanskrit only: no published translation is held for this verse.

जगती छन्दसा सौरी देवतया दिवम् एतया ध्यायन् गायेत्

jagatī chandasā saurī devatayā divam etayā dhyāyan gāyet

Sanskrit only: no published translation is held for this verse.

पञ्चमीं गायति

pañcamīṃ gāyati

Sanskrit only: no published translation is held for this verse.

तां निनर्दन्न् इव गायति

tāṃ ninardann iva gāyati

Sanskrit only: no published translation is held for this verse.

आह बहुतमात् पुरुषाद् अन्नम् अत्ति अन्नादो भवति य एवं वेद

āha bahutamāt puruṣād annam atti annādo bhavati ya evaṃ veda

Sanskrit only: no published translation is held for this verse.

निरुक्तां चानिरुक्तां गायति

niruktāṃ cāniruktāṃ gāyati

Sanskrit only: no published translation is held for this verse.

निरुक्तेन वै वाचो भुञ्जते ऽनिरुक्तम् अस्या उपजीवन्ति भुङ्क्ते वाचम् उपैनां जीवति य एवं वेद

niruktena vai vāco bhuñjate 'niruktam asyā upajīvanti bhuṅkte vācam upaināṃ jīvati ya evaṃ veda

Sanskrit only: no published translation is held for this verse.

अनुष्टुप् छन्दसा प्राजापत्या देवतया सर्वम् एतया ध्यायन् गायेत् सर्वं हीदं प्राजापत्यम्

anuṣṭup chandasā prājāpatyā devatayā sarvam etayā dhyāyan gāyet sarvaṃ hīdaṃ prājāpatyam

Sanskrit only: no published translation is held for this verse.

षष्ठीं गायति

ṣaṣṭhīṃ gāyati

Sanskrit only: no published translation is held for this verse.

तस्या द्वे द्वे अक्षरे उदासं गायत्य् आ षड्भ्यो ऽक्षरेभ्यः

tasyā dve dve akṣare udāsaṃ gāyaty ā ṣaḍbhyo 'kṣarebhyaḥ

Sanskrit only: no published translation is held for this verse.

षड् ऋतव ऋतुष्व् एव प्रतितिष्ठति

ṣaḍ ṛtava ṛtuṣv eva pratitiṣṭhati

Sanskrit only: no published translation is held for this verse.

पङ्क्तिश् छन्दसा सौमी देवतया दिश एतया ध्यायन् गायेत्

paṅktiś chandasā saumī devatayā diśa etayā dhyāyan gāyet

Sanskrit only: no published translation is held for this verse.

इहेव च वा एष इहेव च मनसा गच्छति यो गायत्रे प्रातःसवने त्रिष्टुभं गायति जगतीं गायत्य् अनुष्टुभं गायति पङ्क्तिं गायति आस्ते

iheva ca vā eṣa iheva ca manasā gacchati yo gāyatre prātaḥsavane triṣṭubhaṃ gāyati jagatīṃ gāyaty anuṣṭubhaṃ gāyati paṅktiṃ gāyati āste

Sanskrit only: no published translation is held for this verse.

गायत्रे द्वे गायति

gāyatre dve gāyati

Sanskrit only: no published translation is held for this verse.

प्राणम् एव तद् अभ्येति प्राणो हि गायत्रम् पन्थानम् एव तद् अभ्येति पन्था हि गायत्रम्

prāṇam eva tad abhyeti prāṇo hi gāyatram panthānam eva tad abhyeti panthā hi gāyatram

Sanskrit only: no published translation is held for this verse.

रथन्तरवर्णाम् उत्तमां गायति

rathantaravarṇām uttamāṃ gāyati

Sanskrit only: no published translation is held for this verse.

इयं वै रथन्तरम् अस्याम् एव प्रतितिष्ठति

iyaṃ vai rathantaram asyām eva pratitiṣṭhati

Sanskrit only: no published translation is held for this verse.