Ṣaḍviṃśa Brāhmaṇa of the Sāmaveda 2.3

देवाश् च वा असुराश् चैषु लोकेष्व् अस्पर्धन्त ते देवाः प्रजापतिम् उपाधावन्

devāś ca vā asurāś caiṣu lokeṣv aspardhanta te devāḥ prajāpatim upādhāvan

Sanskrit only: no published translation is held for this verse.

तेभ्य एतान् धुरः प्राणान् प्रायच्छत् मनः प्रथमम् अथ प्राणम् अथ चक्षुर् अथ श्रोत्रम् अथ वाचम्

tebhya etān dhuraḥ prāṇān prāyacchat manaḥ prathamam atha prāṇam atha cakṣur atha śrotram atha vācam

Sanskrit only: no published translation is held for this verse.

ताभ्यः पञ्चभ्यो धूर्भ्यः पुरुषं च पशूंश् च निरमिमीत

tābhyaḥ pañcabhyo dhūrbhyaḥ puruṣaṃ ca paśūṃś ca niramimīta

Sanskrit only: no published translation is held for this verse.

तेन पुरुषेणासुरान् अधूर्वन् यद् अधूर्वंस् तद् धुरां धूस्त्वम् धूर्वति पाप्मानं भ्रातृव्यं य एवं वेद

tena puruṣeṇāsurān adhūrvan yad adhūrvaṃs tad dhurāṃ dhūstvam dhūrvati pāpmānaṃ bhrātṛvyaṃ ya evaṃ veda

Sanskrit only: no published translation is held for this verse.

यो वै धुरां धूस्त्वं वेद धुरा धुरा भ्रातृव्याद् वसीयान् भवति एतद् वै धुरां धूस्त्वं यन् नानावीर्या नानारूपा नानाछन्दस्या नानादेवत्याः समानं हिंकारम् अभिसंपद्यन्ते एतद् वै धुरां धूस्त्वम् धुरा धुरा भ्रातृव्याद् वसीयान् भवति य एवं वेद

yo vai dhurāṃ dhūstvaṃ veda dhurā dhurā bhrātṛvyād vasīyān bhavati etad vai dhurāṃ dhūstvaṃ yan nānāvīryā nānārūpā nānāchandasyā nānādevatyāḥ samānaṃ hiṃkāram abhisaṃpadyante etad vai dhurāṃ dhūstvam dhurā dhurā bhrātṛvyād vasīyān bhavati ya evaṃ veda

Sanskrit only: no published translation is held for this verse.

यो वै धूर्षु महाव्रतं वेद सर्वा अस्मिन् पुण्या वाचो वदन्ति

yo vai dhūrṣu mahāvrataṃ veda sarvā asmin puṇyā vāco vadanti

Sanskrit only: no published translation is held for this verse.

शिरो गायत्र्य् उरस् त्रिष्टुप् मध्यं जगती पादाव् अनुष्टुप् सर्वा अस्मिन् पुण्या वाचो वदन्ति य एवं वेद

śiro gāyatry uras triṣṭup madhyaṃ jagatī pādāv anuṣṭup sarvā asmin puṇyā vāco vadanti ya evaṃ veda

Sanskrit only: no published translation is held for this verse.

यो वा एवं धुरो विद्वान् अथासां व्रतं चरत्य् आगमिष्यतो ऽस्य पूर्वेद्युः पुण्या कीर्तिर् आगच्छति

yo vā evaṃ dhuro vidvān athāsāṃ vrataṃ caraty āgamiṣyato 'sya pūrvedyuḥ puṇyā kīrtir āgacchati

Sanskrit only: no published translation is held for this verse.

सुरभिर् एव गन्धो गायत्र्या व्रतम् दर्शनीयं त्रिष्टुभः श्रवणीयं जगत्याः यद् एव वाचा पुण्यं वदति तद् अनुष्टुभः तद् उ सर्वासां व्रतम्

surabhir eva gandho gāyatryā vratam darśanīyaṃ triṣṭubhaḥ śravaṇīyaṃ jagatyāḥ yad eva vācā puṇyaṃ vadati tad anuṣṭubhaḥ tad u sarvāsāṃ vratam

Sanskrit only: no published translation is held for this verse.

तद् उ विद्वांसम् आहुर् अति नो ऽवादीर् इति तद् अनादृत्यम्

tad u vidvāṃsam āhur ati no 'vādīr iti tad anādṛtyam

Sanskrit only: no published translation is held for this verse.

यस्य वै धुरो विगीतास् तस्य संगीताः

yasya vai dhuro vigītās tasya saṃgītāḥ

Sanskrit only: no published translation is held for this verse.

यस्य वा एता बहिष्पवमाने विगीयान्तराज्येषु संगायन्ति तस्य वै धुरो विगीतास् तस्य संगीताः

yasya vā etā bahiṣpavamāne vigīyāntarājyeṣu saṃgāyanti tasya vai dhuro vigītās tasya saṃgītāḥ

Sanskrit only: no published translation is held for this verse.

यः कामयेतैकधा यजमानं यश ऋच्छेद् यथादिष्टं प्रजाः स्युर् इति होतुर् आज्ये गायेत् एकधा यजमानं यश ऋच्छति यथादिष्टं प्रजा भवन्ति

yaḥ kāmayetaikadhā yajamānaṃ yaśa ṛcched yathādiṣṭaṃ prajāḥ syur iti hotur ājye gāyet ekadhā yajamānaṃ yaśa ṛcchati yathādiṣṭaṃ prajā bhavanti

Sanskrit only: no published translation is held for this verse.

यः कामयेत कल्पेरन् प्रजा यथादिष्टं यजमानः स्याद् इति यथाज्यं गायेत् कल्पन्ते प्रजा यथादिष्टं यजमानो भवति

yaḥ kāmayeta kalperan prajā yathādiṣṭaṃ yajamānaḥ syād iti yathājyaṃ gāyet kalpante prajā yathādiṣṭaṃ yajamāno bhavati

Sanskrit only: no published translation is held for this verse.

यो वा एवं धुरो वेदानपजय्यम् आत्मने च यजमानाय च लोकं जयत्य् अति यजमानम् आत्मानं मृत्युं परं स्वर्गं लोकं हरति

yo vā evaṃ dhuro vedānapajayyam ātmane ca yajamānāya ca lokaṃ jayaty ati yajamānam ātmānaṃ mṛtyuṃ paraṃ svargaṃ lokaṃ harati

Sanskrit only: no published translation is held for this verse.