Ṣaḍviṃśa Brāhmaṇa of the Sāmaveda 2.6

माध्यंदिने सवने सवनमुखीयेष्व् आहृतेषूपहवम् इच्छते

mādhyaṃdine savane savanamukhīyeṣv āhṛteṣūpahavam icchate

Sanskrit only: no published translation is held for this verse.

वाङ् मे होता स मोपह्वयतां होतर् उप मा ह्वयस्वेत्य् उच्चैः चक्षुर् मे ऽध्वर्युः स मोपह्वयताम् अध्वर्य उप मा ह्वयस्वेत्य् उच्चैः मनो मे ब्रह्मा स मोपह्वयतां ब्रह्मन्न् उप मा ह्वयस्वेत्य् उच्चैः श्रोत्रं म उद्गाता स मोपह्वयताम् उद्गातर् उप मा ह्वयस्वेत्य् उच्चैः

vāṅ me hotā sa mopahvayatāṃ hotar upa mā hvayasvety uccaiḥ cakṣur me 'dhvaryuḥ sa mopahvayatām adhvarya upa mā hvayasvety uccaiḥ mano me brahmā sa mopahvayatāṃ brahmann upa mā hvayasvety uccaiḥ śrotraṃ ma udgātā sa mopahvayatām udgātar upa mā hvayasvety uccaiḥ

Sanskrit only: no published translation is held for this verse.

यो ऽयम् अन्तश् चक्षुष्याकाशः स मे सदस्यः स मोपह्वयतां सदस्योप मा ह्वयस्वेत्य् उच्चैर् या इमा अन्तश् चक्षुष्य् आपस् ते मे होत्राशंसिनस् ते मोपह्वयन्तां होत्राशंसिन उप मा ह्वयध्वम् इत्य् उच्चैः अङ्गानि मे चमसाध्वर्यवस् ते मोपह्वयन्तां चमसाध्वर्यव उप मा ह्वयध्वम् इत्य् उच्चैः

yo 'yam antaś cakṣuṣyākāśaḥ sa me sadasyaḥ sa mopahvayatāṃ sadasyopa mā hvayasvety uccair yā imā antaś cakṣuṣy āpas te me hotrāśaṃsinas te mopahvayantāṃ hotrāśaṃsina upa mā hvayadhvam ity uccaiḥ aṅgāni me camasādhvaryavas te mopahvayantāṃ camasādhvaryava upa mā hvayadhvam ity uccaiḥ

Sanskrit only: no published translation is held for this verse.

ता वा एता देवता ऋत्विजाम् एव वाग्भिर् उपह्वयन्ते

tā vā etā devatā ṛtvijām eva vāgbhir upahvayante

Sanskrit only: no published translation is held for this verse.

स उपहूतो भक्षयति

sa upahūto bhakṣayati

Sanskrit only: no published translation is held for this verse.

अपानो यजमानो ऽथो यत्रैतासां देवतानां लोकस् तद् उपहूतो भवति

apāno yajamāno 'tho yatraitāsāṃ devatānāṃ lokas tad upahūto bhavati

Sanskrit only: no published translation is held for this verse.