Ṣaḍviṃśa Brāhmaṇa of the Sāmaveda 2.7

स तृतीयसवने सवनमुखीयेष्व् आहृतेषूपहवम् इच्छते

sa tṛtīyasavane savanamukhīyeṣv āhṛteṣūpahavam icchate

Sanskrit only: no published translation is held for this verse.

प्राणो मे होता स मोपह्वयतां होतर् उप मा ह्वयस्वेत्य् उच्चैः अपानो मे ऽध्वर्युः स मोपह्वयताम् अध्वर्य उप मा ह्वयस्वेत्य् उच्चैः व्यानो मे ब्रह्मा स मोपह्वयतां ब्रह्मन्न् उप मा ह्वयस्वेत्य् उच्चैः समानो म उद्गाता स मोपह्वयताम् उद्गातर् उप मा ह्वयस्वेत्य् उच्चैः

prāṇo me hotā sa mopahvayatāṃ hotar upa mā hvayasvety uccaiḥ apāno me 'dhvaryuḥ sa mopahvayatām adhvarya upa mā hvayasvety uccaiḥ vyāno me brahmā sa mopahvayatāṃ brahmann upa mā hvayasvety uccaiḥ samāno ma udgātā sa mopahvayatām udgātar upa mā hvayasvety uccaiḥ

Sanskrit only: no published translation is held for this verse.

यो ऽयम् अन्तःपुरुष आकाशः स मे सदस्यः स मोपह्वयतां सदस्योप मा ह्वयस्वेत्य् उच्चैः या इमा अन्तःपुरुष आपस् ते मे होत्राशंसिनस् ते मोपह्वयन्तां होत्राशंसिन उप मा ह्वयध्वम् इत्य् उच्चैः लोमानि मे चमसाध्वर्यवस् ते मोपह्वयन्तां चमसाध्वर्यव उप मा ह्वयध्वम् इत्य् उच्चैः

yo 'yam antaḥpuruṣa ākāśaḥ sa me sadasyaḥ sa mopahvayatāṃ sadasyopa mā hvayasvety uccaiḥ yā imā antaḥpuruṣa āpas te me hotrāśaṃsinas te mopahvayantāṃ hotrāśaṃsina upa mā hvayadhvam ity uccaiḥ lomāni me camasādhvaryavas te mopahvayantāṃ camasādhvaryava upa mā hvayadhvam ity uccaiḥ

Sanskrit only: no published translation is held for this verse.

ता वा एता देवता ऋत्विजाम् एव वाग्भिर् उपह्वयन्ते

tā vā etā devatā ṛtvijām eva vāgbhir upahvayante

Sanskrit only: no published translation is held for this verse.

स उपहूतो भक्षयति

sa upahūto bhakṣayati

Sanskrit only: no published translation is held for this verse.

स उदानो यजमानो ऽथो यत्रैतासां देवतानां लोकस् तद् उपहूतो भवति

sa udāno yajamāno 'tho yatraitāsāṃ devatānāṃ lokas tad upahūto bhavati

Sanskrit only: no published translation is held for this verse.

सर्वेषां वै वषट्कर्ता चमसं भक्षयेत्

sarveṣāṃ vai vaṣaṭkartā camasaṃ bhakṣayet

Sanskrit only: no published translation is held for this verse.

देवानां वा एतद् यज्ञस्य मुखं यद् उद्गातृचमसम् तस्माद् उद्गातृचमसं नान्यो भक्षयेत्

devānāṃ vā etad yajñasya mukhaṃ yad udgātṛcamasam tasmād udgātṛcamasaṃ nānyo bhakṣayet

Sanskrit only: no published translation is held for this verse.

एवं विदुषो ह वै यज्ञो न व्यथते एवं विदुषो ह वै यजमानस्य स्वर्ग्यं पुत्र्यं पशव्यम् इष्टं भवति एवं विद्वान् ह वै यजमानो द्विषन्तं भ्रातृव्यम् अभिभवति अथ वा अतो यज्ञे हीनं कुर्यात्

evaṃ viduṣo ha vai yajño na vyathate evaṃ viduṣo ha vai yajamānasya svargyaṃ putryaṃ paśavyam iṣṭaṃ bhavati evaṃ vidvān ha vai yajamāno dviṣantaṃ bhrātṛvyam abhibhavati atha vā ato yajñe hīnaṃ kuryāt

Sanskrit only: no published translation is held for this verse.