Ṣaḍviṃśa Brāhmaṇa of the Sāmaveda 4.1

स्वरान्तः प्रथमस् त्रिरात्रो गायत्री

svarāntaḥ prathamas trirātro gāyatrī

Sanskrit only: no published translation is held for this verse.

प्राणो वै गायत्री प्रजापतिः स्वरः प्रजापतिम् एवाप्नोति

prāṇo vai gāyatrī prajāpatiḥ svaraḥ prajāpatim evāpnoti

Sanskrit only: no published translation is held for this verse.

निधनान्तो द्वितीयस् त्रिष्टुप्

nidhanānto dvitīyas triṣṭup

Sanskrit only: no published translation is held for this verse.

वीर्यं वै त्रिष्टुप् त्रैष्टुभः पुरुषो निधनम् पुरुषम् एवाप्नोति

vīryaṃ vai triṣṭup traiṣṭubhaḥ puruṣo nidhanam puruṣam evāpnoti

Sanskrit only: no published translation is held for this verse.

इडान्तस् तृतीयो जगती

iḍāntas tṛtīyo jagatī

Sanskrit only: no published translation is held for this verse.

पशवो वा इडा पशवो जगती जागताः पशवः पशून् एवाप्नोति

paśavo vā iḍā paśavo jagatī jāgatāḥ paśavaḥ paśūn evāpnoti

Sanskrit only: no published translation is held for this verse.

प्रसृतच्छन्दाः प्रथमस् त्रिरात्रः तेन सो ऽयातयामा

prasṛtacchandāḥ prathamas trirātraḥ tena so 'yātayāmā

Sanskrit only: no published translation is held for this verse.

अथोत्तरस्य छन्दांसि व्यूहन्ति त्रिष्टुभः प्रतिपदो भवन्ति त्रिष्टुभां लोके जगत्यो जगतीनां गायत्र्यः तेन सो ऽयातयामा

athottarasya chandāṃsi vyūhanti triṣṭubhaḥ pratipado bhavanti triṣṭubhāṃ loke jagatyo jagatīnāṃ gāyatryaḥ tena so 'yātayāmā

Sanskrit only: no published translation is held for this verse.

अथोत्तमस्य छन्दांसि व्य् एवोहन्ति जगत्यः प्रतिपदो भवन्ति जगतीनां लोके त्रिष्टुभस् त्रिष्टुभां गायत्र्यः तेनो एव सो ऽयातयामा

athottamasya chandāṃsi vy evohanti jagatyaḥ pratipado bhavanti jagatīnāṃ loke triṣṭubhas triṣṭubhāṃ gāyatryaḥ teno eva so 'yātayāmā

Sanskrit only: no published translation is held for this verse.

अपि वा एता अन्योन्यस्यै लोकम् अभ्यध्यायन् कामम् एवैना गमयति आप्नोति तं कामं यस्मै कामायैष आह्रियते

api vā etā anyonyasyai lokam abhyadhyāyan kāmam evainā gamayati āpnoti taṃ kāmaṃ yasmai kāmāyaiṣa āhriyate

Sanskrit only: no published translation is held for this verse.

तस्माद् युजौ न सदृग् वहतस् तस्माद् विपरिणीतौ वहीयांसौ भवतस् तस्माद् उभयतोदन्तः स्यन्दन्ते

tasmād yujau na sadṛg vahatas tasmād vipariṇītau vahīyāṃsau bhavatas tasmād ubhayatodantaḥ syandante

Sanskrit only: no published translation is held for this verse.

तृचे वा अन्य ऋषयो विराजम् अपश्यन् वसिष्ठश् च चतुरृचे

tṛce vā anya ṛṣayo virājam apaśyan vasiṣṭhaś ca caturṛce

Sanskrit only: no published translation is held for this verse.

न तेन स चतुरृचः यत् तृचे ऽन्यत् साम भवति एकर्चे ऽन्यत् यद् वाव चतसृष्व् एकं साम स एव चतुरृचः

na tena sa caturṛcaḥ yat tṛce 'nyat sāma bhavati ekarce 'nyat yad vāva catasṛṣv ekaṃ sāma sa eva caturṛcaḥ

Sanskrit only: no published translation is held for this verse.

साम भूयांसं पोषं पुष्यति तम् अनु पोषं पोषुको भवति

sāma bhūyāṃsaṃ poṣaṃ puṣyati tam anu poṣaṃ poṣuko bhavati

Sanskrit only: no published translation is held for this verse.

एतद्ध स्माह मुञ्जः सामश्रवसः एतं ह वै वयं साम्नः पोषं विद्मेति तस्माद् वयम् अप्रतिगृह्णन्तो न सहस्रपोषाच् च्यवामहा इति

etaddha smāha muñjaḥ sāmaśravasaḥ etaṃ ha vai vayaṃ sāmnaḥ poṣaṃ vidmeti tasmād vayam apratigṛhṇanto na sahasrapoṣāc cyavāmahā iti

Sanskrit only: no published translation is held for this verse.

तद् उ ह स्माह वासिष्ठश् चैकितानेयः साम ह वै नूनं भूयांसं पोषं पुष्यति तम् अनु पोषं पोषुको भवति विधवाया इव त्व् एवैतज् जन्म यद् असाम्नी चतुर्थी एवं ह वा एते विदुर् इति तस्माद् एतेषां युवानः श्रोत्रियाः पुरायुषः प्रमायुका भवन्ति युवतयो जाया विधवा भवन्तीति यत् तृचे ऽन्यत् साम भवत्य् एकर्चे ऽन्यद् यद् वाव चतसृष्व् एकं साम स एव चतुरृच इति

tad u ha smāha vāsiṣṭhaś caikitāneyaḥ sāma ha vai nūnaṃ bhūyāṃsaṃ poṣaṃ puṣyati tam anu poṣaṃ poṣuko bhavati vidhavāyā iva tv evaitaj janma yad asāmnī caturthī evaṃ ha vā ete vidur iti tasmād eteṣāṃ yuvānaḥ śrotriyāḥ purāyuṣaḥ pramāyukā bhavanti yuvatayo jāyā vidhavā bhavantīti yat tṛce 'nyat sāma bhavaty ekarce 'nyad yad vāva catasṛṣv ekaṃ sāma sa eva caturṛca iti

Sanskrit only: no published translation is held for this verse.

पशुर् अतिरिच्यते स ऐन्द्राग्न आलम्भ्यः

paśur atiricyate sa aindrāgna ālambhyaḥ

Sanskrit only: no published translation is held for this verse.

इन्द्राग्नी वै देवानाम् ओजिष्ठौ ता उ अयातयामानौ ताव् एव तद् युनक्ति स्वर्गस्य लोकस्य समष्ट्यै

indrāgnī vai devānām ojiṣṭhau tā u ayātayāmānau tāv eva tad yunakti svargasya lokasya samaṣṭyai

Sanskrit only: no published translation is held for this verse.

सौर्यं ब्रह्मवर्चसकाम आलभेत

sauryaṃ brahmavarcasakāma ālabheta

Sanskrit only: no published translation is held for this verse.

एतस्यां वा एकादशिन्याम् आदित्याः सूर्यम् अजनयन् स तेजो ब्रह्मवर्चसम् अवरुन्धते ओजस्वी ब्रह्मवर्चसी भवति य एवं वेद

etasyāṃ vā ekādaśinyām ādityāḥ sūryam ajanayan sa tejo brahmavarcasam avarundhate ojasvī brahmavarcasī bhavati ya evaṃ veda

Sanskrit only: no published translation is held for this verse.

अथो खल्व् आहुर् आग्नेय एवालम्भ्य इति अग्निर् वै सर्वा देवतास् तेन न देवतानां कांचनान्तरेति

atho khalv āhur āgneya evālambhya iti agnir vai sarvā devatās tena na devatānāṃ kāṃcanāntareti

Sanskrit only: no published translation is held for this verse.