Ṣaḍviṃśa Brāhmaṇa of the Sāmaveda 5

प्रजापतिस् तपो ऽतप्यत तस्य ह वै तप्यमानस्य मनः प्राजायत देवान् सृजेयम् इति त इमे देवा असृज्यन्त दिवा देवान् असृजत नक्तम् असुरान् यद् दिवा देवान् असृजत तद् देवानां देवत्वम् यद् असूर्यं तद् असुराणाम् असुरत्वम् यत् पीतत्वं तत् पितॄणां पितृत्वम्

prajāpatis tapo 'tapyata tasya ha vai tapyamānasya manaḥ prājāyata devān sṛjeyam iti ta ime devā asṛjyanta divā devān asṛjata naktam asurān yad divā devān asṛjata tad devānāṃ devatvam yad asūryaṃ tad asurāṇām asuratvam yat pītatvaṃ tat pitṝṇāṃ pitṛtvam

Sanskrit only: no published translation is held for this verse.

देवा वै स्वर्गकामास् तपो ऽतप्यन्त तेषां तप्यमानानां रसो ऽजायत पृथिव्य् अन्तरिक्षं द्यौर् इति ते ऽभ्यतपन् तेषां तप्यमानानां रसो ऽजायत ऋग्वेदः पृथिव्या यजुर्वेदो ऽन्तरिक्षात् सामवेदो ऽमुष्मात् ते ऽभ्यतपन् तेषां तप्यमानानां रसो ऽजायत ऋग्वेदाद् गार्हपत्यो यजुर्वेदाद् दक्षिणाग्निः सामवेदाद् आहवनीयः ते ऽभ्यतपन् तेषां तप्यमानानां पुरुषो ऽजायत सहस्रशीर्षः सहस्राक्षः सहस्रपात्

devā vai svargakāmās tapo 'tapyanta teṣāṃ tapyamānānāṃ raso 'jāyata pṛthivy antarikṣaṃ dyaur iti te 'bhyatapan teṣāṃ tapyamānānāṃ raso 'jāyata ṛgvedaḥ pṛthivyā yajurvedo 'ntarikṣāt sāmavedo 'muṣmāt te 'bhyatapan teṣāṃ tapyamānānāṃ raso 'jāyata ṛgvedād gārhapatyo yajurvedād dakṣiṇāgniḥ sāmavedād āhavanīyaḥ te 'bhyatapan teṣāṃ tapyamānānāṃ puruṣo 'jāyata sahasraśīrṣaḥ sahasrākṣaḥ sahasrapāt

Sanskrit only: no published translation is held for this verse.

ते देवाः प्रजापतिम् उपाधावन् वेदशरीरैर् वा इदम् अमृतशरीरं न ह वा इदं मृत्योः समाप्स्यत इति ते ऽब्रुवन् को नामासीति

te devāḥ prajāpatim upādhāvan vedaśarīrair vā idam amṛtaśarīraṃ na ha vā idaṃ mṛtyoḥ samāpsyata iti te 'bruvan ko nāmāsīti

Sanskrit only: no published translation is held for this verse.

स होवाच यज्ञो नामेति

sa hovāca yajño nāmeti

Sanskrit only: no published translation is held for this verse.

तेषां प्रजापतिः सद्योयज्ञसंस्थाम् उपैति सद्यो ह वा एष यज्ञः संस्थाम् उपैति

teṣāṃ prajāpatiḥ sadyoyajñasaṃsthām upaiti sadyo ha vā eṣa yajñaḥ saṃsthām upaiti

Sanskrit only: no published translation is held for this verse.

यद् गार्हपत्यं प्रादुष्करोति सा दीक्षणीया यद् दक्षिणाग्निं चाहवनीयं च सा प्रायणीया यत् समिधो ऽभ्यादधाति ता उपसदः

yad gārhapatyaṃ prāduṣkaroti sā dīkṣaṇīyā yad dakṣiṇāgniṃ cāhavanīyaṃ ca sā prāyaṇīyā yat samidho 'bhyādadhāti tā upasadaḥ

Sanskrit only: no published translation is held for this verse.

अथ यस्याज्यम् उत्पूतं स्कन्दति सा स्कन्ना नामाहुतिः ततो वै यजमानः प्रमायुर् भवति वरो देयः सैव तस्य प्रायश्चित्तिः

atha yasyājyam utpūtaṃ skandati sā skannā nāmāhutiḥ tato vai yajamānaḥ pramāyur bhavati varo deyaḥ saiva tasya prāyaścittiḥ

Sanskrit only: no published translation is held for this verse.

अथ यस्याज्यम् अनुत्पूतं स्कन्दत्य् असौ वा अस्कन्ना नामाहुतिः ततो वै यजमानस्य चित्तं प्रमायुर् भवति चित्रं देयं सैव तस्य प्रायश्चित्तिः

atha yasyājyam anutpūtaṃ skandaty asau vā askannā nāmāhutiḥ tato vai yajamānasya cittaṃ pramāyur bhavati citraṃ deyaṃ saiva tasya prāyaścittiḥ

Sanskrit only: no published translation is held for this verse.

यद् गार्हपत्ये जुहोति तत् प्रातःसवनम् यद् दक्षिणाग्नौ जुहोति तन् माध्यंदिनं सवनम् यद् आहवनीये जुहोति तत् तृतीयसवनम्

yad gārhapatye juhoti tat prātaḥsavanam yad dakṣiṇāgnau juhoti tan mādhyaṃdinaṃ savanam yad āhavanīye juhoti tat tṛtīyasavanam

Sanskrit only: no published translation is held for this verse.

यन् मार्जयते सो ऽस्यावभृथः

yan mārjayate so 'syāvabhṛthaḥ

Sanskrit only: no published translation is held for this verse.

यद् अन्ना ददाति तेन उदयनीयस्योदवसानीयस्य समाप्त्यै

yad annā dadāti tena udayanīyasyodavasānīyasya samāptyai

Sanskrit only: no published translation is held for this verse.

अथ यस्याग्निर् मथ्यमानो न जायेतान्यम् आहृत्यास्मिन्न् अवकाशे जुहुयाद् ब्राह्मणस्य वा हस्ते ऽजस्य वा कर्णे कुशस्तम्बे वाप्सु वा जुहुयात्

atha yasyāgnir mathyamāno na jāyetānyam āhṛtyāsminn avakāśe juhuyād brāhmaṇasya vā haste 'jasya vā karṇe kuśastambe vāpsu vā juhuyāt

Sanskrit only: no published translation is held for this verse.

अन्यैः शतहुतान् होमान् एकः शिष्यहुतो वरम् शिष्यैः शतहुतान् होमान् एकः पुत्रहुतो वरम् पुत्रैः शतहुतान् होमान् एको ह्य् आत्महुतो वरम्

anyaiḥ śatahutān homān ekaḥ śiṣyahuto varam śiṣyaiḥ śatahutān homān ekaḥ putrahuto varam putraiḥ śatahutān homān eko hy ātmahuto varam

Sanskrit only: no published translation is held for this verse.

स्वयं होता स्वयं दोही स्वयम् एवोपतिष्ठेताग्निहोत्रम्

svayaṃ hotā svayaṃ dohī svayam evopatiṣṭhetāgnihotram

Sanskrit only: no published translation is held for this verse.

हौम्यशेषं दक्षिणा

haumyaśeṣaṃ dakṣiṇā

Sanskrit only: no published translation is held for this verse.

सर्वैर् ह वा एतस्य यज्ञक्रतुभिर् इष्टं भवति य एवं विद्वान् अग्निहोत्रं जुहोति

sarvair ha vā etasya yajñakratubhir iṣṭaṃ bhavati ya evaṃ vidvān agnihotraṃ juhoti

Sanskrit only: no published translation is held for this verse.

प्रजापतिर् वा एतत् सत्त्रं सहस्रसंवत्सरम् असृजत तेषां प्रजापतिः सहस्रसंवत्सरं गवामयने ऽवारुन्धत् गवामयनं द्वादशाहे द्वादशाहम् अतिरात्रे अतिरात्रं षोडशिनि षोडशिनम् उक्थ्ये उक्थ्यम् अग्निष्टोमे ऽग्निष्टोमम् इष्टिपशुबन्धयोर् इष्टिपशुबन्धाव् अग्निहोत्रे सर्वैर् ह वा एतस्य यज्ञक्रतुभिर् इष्टं भवति य एवं विद्वान् अग्निहोत्रं जुहोति

prajāpatir vā etat sattraṃ sahasrasaṃvatsaram asṛjata teṣāṃ prajāpatiḥ sahasrasaṃvatsaraṃ gavāmayane 'vārundhat gavāmayanaṃ dvādaśāhe dvādaśāham atirātre atirātraṃ ṣoḍaśini ṣoḍaśinam ukthye ukthyam agniṣṭome 'gniṣṭomam iṣṭipaśubandhayor iṣṭipaśubandhāv agnihotre sarvair ha vā etasya yajñakratubhir iṣṭaṃ bhavati ya evaṃ vidvān agnihotraṃ juhoti

Sanskrit only: no published translation is held for this verse.

प्रजापतिर् देवेभ्य औदुम्बरीम् उच्छ्रयति असुषिरमूलाम् अग्रन्थिं पृथुबुध्नाम् एकजाम्

prajāpatir devebhya audumbarīm ucchrayati asuṣiramūlām agranthiṃ pṛthubudhnām ekajām

Sanskrit only: no published translation is held for this verse.

यजमानमात्र्य् औदुम्बरी भवति

yajamānamātry audumbarī bhavati

Sanskrit only: no published translation is held for this verse.

अथ कुब्जवामना यजमाना ह्रस्वाश् चोर्ध्वबाहवः प्रच्छेदनं कुर्युः

atha kubjavāmanā yajamānā hrasvāś cordhvabāhavaḥ pracchedanaṃ kuryuḥ

Sanskrit only: no published translation is held for this verse.

कतिच्छदनौदुम्बरी भवति नवच्छदनाग्निष्टोमसाद्यस्केषु एकादश वैश्यस्तोमातिरात्रपौण्डरीकेषु सप्तदश वाजपेयाप्तोर्याम्णोः एकविंशत्य् अश्वमेधे अष्टाचत्वारिंशतं पुरुषमेधे अपरिमितं सर्वमेधे

katicchadanaudumbarī bhavati navacchadanāgniṣṭomasādyaskeṣu ekādaśa vaiśyastomātirātrapauṇḍarīkeṣu saptadaśa vājapeyāptoryāmṇoḥ ekaviṃśaty aśvamedhe aṣṭācatvāriṃśataṃ puruṣamedhe aparimitaṃ sarvamedhe

Sanskrit only: no published translation is held for this verse.

य एवं वेद यद् औदुम्बरीम् उच्छ्रयत्य् अपचितिम् एवाप्नोति

ya evaṃ veda yad audumbarīm ucchrayaty apacitim evāpnoti

Sanskrit only: no published translation is held for this verse.

प्रजापतिर् अकामयतापचितिं प्राप्नवानीति ऊर्ग् उदुम्बरः ऊर्ग् अन्नम् अन्नं साम तस्मात् सामगेभ्यो ऽपचितिं करवाणीति य एवं वित्त्वौदुम्बरीम् उच्छ्रयत्य् अपचितिम् एवाप्नोति

prajāpatir akāmayatāpacitiṃ prāpnavānīti ūrg udumbaraḥ ūrg annam annaṃ sāma tasmāt sāmagebhyo 'pacitiṃ karavāṇīti ya evaṃ vittvaudumbarīm ucchrayaty apacitim evāpnoti

Sanskrit only: no published translation is held for this verse.

यूपं करोति सक्षीरं स्थूलं मूले बालाग्रम् अनुरूपम्

yūpaṃ karoti sakṣīraṃ sthūlaṃ mūle bālāgram anurūpam

Sanskrit only: no published translation is held for this verse.

वज्रो वै यूपो वज्रेणैवास्मै भ्रातृव्यं प्रहरति

vajro vai yūpo vajreṇaivāsmai bhrātṛvyaṃ praharati

Sanskrit only: no published translation is held for this verse.

अष्टाश्रीः करोति

aṣṭāśrīḥ karoti

Sanskrit only: no published translation is held for this verse.

दश दिशः परिगृह्णाति उभयतः पाङ्क्ते द्वे यूपे करोति

daśa diśaḥ parigṛhṇāti ubhayataḥ pāṅkte dve yūpe karoti

Sanskrit only: no published translation is held for this verse.

पञ्चदशसप्तदशैकविंशत्यरत्निं वा

pañcadaśasaptadaśaikaviṃśatyaratniṃ vā

Sanskrit only: no published translation is held for this verse.

पालाशं पुष्टिकामस्य बैल्वं ब्रह्मवर्चसकामस्य औदुम्बरम् अन्नाद्यकामस्य खादिरं बलकामस्य वैभीतकराजवृक्षौ भ्रातृव्यवतः क्रमुकाश्वत्थपाषाणाः यशस्कामस्य यत् किंच यज्ञियं पशुकामस्य

pālāśaṃ puṣṭikāmasya bailvaṃ brahmavarcasakāmasya audumbaram annādyakāmasya khādiraṃ balakāmasya vaibhītakarājavṛkṣau bhrātṛvyavataḥ kramukāśvatthapāṣāṇāḥ yaśaskāmasya yat kiṃca yajñiyaṃ paśukāmasya

Sanskrit only: no published translation is held for this verse.

तत्र वर्जनीया भवन्ति गडुलो व्रणिलो व्यावृत्तः कुठिः कुब्जः शूलो दग्धः शुष्कः सुषिरो घुणजग्ध इत्य् अप्रशस्ताः

tatra varjanīyā bhavanti gaḍulo vraṇilo vyāvṛttaḥ kuṭhiḥ kubjaḥ śūlo dagdhaḥ śuṣkaḥ suṣiro ghuṇajagdha ity apraśastāḥ

Sanskrit only: no published translation is held for this verse.

अथ प्रशस्ताः शुद्धावर्ता अनुपूर्वसमाः प्रशस्ताः

atha praśastāḥ śuddhāvartā anupūrvasamāḥ praśastāḥ

Sanskrit only: no published translation is held for this verse.

यूपस्याश्रिदैवतानि अग्निः पूर्वायाम् यमो दक्षिणायाम् वरुणः पश्चिमायाम् सोम उत्तरायाम् या विदिशस् तास्व् आदित्यरुद्रमरुद्वसवः अपराजिताः पितरश् चाधरायाम् साध्याश् चोर्ध्वायाम्

yūpasyāśridaivatāni agniḥ pūrvāyām yamo dakṣiṇāyām varuṇaḥ paścimāyām soma uttarāyām yā vidiśas tāsv ādityarudramarudvasavaḥ aparājitāḥ pitaraś cādharāyām sādhyāś cordhvāyām

Sanskrit only: no published translation is held for this verse.

सर्वदेवत्यो वै यूपः यूपो वै बहुरूपः वज्रीभूत्वा देवान् उपतिष्ठते

sarvadevatyo vai yūpaḥ yūpo vai bahurūpaḥ vajrībhūtvā devān upatiṣṭhate

Sanskrit only: no published translation is held for this verse.

ते देवाः प्रजापतिम् उपाधावन् यूपेन प्रहरन्त्य् आरोपयन्त्य् आयोधयन्ति च तद् यूपस्य यूपत्वम्

te devāḥ prajāpatim upādhāvan yūpena praharanty āropayanty āyodhayanti ca tad yūpasya yūpatvam

Sanskrit only: no published translation is held for this verse.

मूलम् अरत्निं सत्वचं निखनेत्

mūlam aratniṃ satvacaṃ nikhanet

Sanskrit only: no published translation is held for this verse.

तस्य यन् नैखान्यं तत् पितॄणाम् यद् ऊर्ध्वं तन् मनुष्याणाम् यत् तदधो रशनाया ओषधिवनस्पतीनाम् यद् ऊर्ध्वं रशनायास् तद् विश्वेषां देवानाम्

tasya yan naikhānyaṃ tat pitṝṇām yad ūrdhvaṃ tan manuṣyāṇām yat tadadho raśanāyā oṣadhivanaspatīnām yad ūrdhvaṃ raśanāyās tad viśveṣāṃ devānām

Sanskrit only: no published translation is held for this verse.

आप्लावयन्त्य् अलंकुर्वन्त्य् अहतेन वसनेनाच्छादयन्ति च

āplāvayanty alaṃkurvanty ahatena vasanenācchādayanti ca

Sanskrit only: no published translation is held for this verse.

तद् गन्धर्वाप्सरसाम्

tad gandharvāpsarasām

Sanskrit only: no published translation is held for this verse.

इन्द्रस्य चषालम् यद् ऊर्ध्वं चषालस्याङ्गुलमात्रं कार्यं तत् साध्यानां देवानाम्

indrasya caṣālam yad ūrdhvaṃ caṣālasyāṅgulamātraṃ kāryaṃ tat sādhyānāṃ devānām

Sanskrit only: no published translation is held for this verse.

प्राचीं संनमत्य् एतद् वै विष्णोः परमं पदम्

prācīṃ saṃnamaty etad vai viṣṇoḥ paramaṃ padam

Sanskrit only: no published translation is held for this verse.

तस्यर्तवः शरीरम् शिरः संवत्सरः वेदा रूपाणि संवत्सर एव प्रतितिष्ठति य एवं वेद

tasyartavaḥ śarīram śiraḥ saṃvatsaraḥ vedā rūpāṇi saṃvatsara eva pratitiṣṭhati ya evaṃ veda

Sanskrit only: no published translation is held for this verse.

ब्रह्मवादिनो वदन्ति कस्माद् ब्राह्मणः सायम् आसीनः संध्याम् उपास्ते कस्मात् प्रातस् तिष्ठन् का च संध्या कश् च संध्यायाः कालः किं च संध्यायाः संध्यात्वम्

brahmavādino vadanti kasmād brāhmaṇaḥ sāyam āsīnaḥ saṃdhyām upāste kasmāt prātas tiṣṭhan kā ca saṃdhyā kaś ca saṃdhyāyāḥ kālaḥ kiṃ ca saṃdhyāyāḥ saṃdhyātvam

Sanskrit only: no published translation is held for this verse.

देवाश् चासुराश् चास्पर्धन्त ते ऽसुरा आदित्यम् अभिद्रवन् स आदित्यो बिभेत् तस्य हृदयं कूर्मरूपेणातिष्ठत्

devāś cāsurāś cāspardhanta te 'surā ādityam abhidravan sa ādityo bibhet tasya hṛdayaṃ kūrmarūpeṇātiṣṭhat

Sanskrit only: no published translation is held for this verse.

स प्रजापतिम् उपाधावत् तस्य प्रजापतिर् एतद् भेषजम् अपश्यत् ऋतं च सत्यं च ब्रह्म च्ॐकारं च त्रिपदां च गायत्रीं ब्रह्मणो मुखम् अपश्यत्

sa prajāpatim upādhāvat tasya prajāpatir etad bheṣajam apaśyat ṛtaṃ ca satyaṃ ca brahma coṃkāraṃ ca tripadāṃ ca gāyatrīṃ brahmaṇo mukham apaśyat

Sanskrit only: no published translation is held for this verse.

तस्माद् ब्राह्मणो ऽहोरात्रस्य संयोगे संध्याम् उपास्ते सज्योतिष्य् आ ज्योतिषो दर्शनात् सो ऽस्याः कालः सा संध्या तत् संध्यायाः संध्यात्वम् यत् सायम् आसीनः संध्याम् उपास्ते तया वीरस्थानं जयति अथ यद् अपः प्रयुङ्क्ते ता विप्रुषो वज्रीभवन्ति ता विप्रुषो वज्रीभूत्वासुरान् अपाघ्नन्ति ततो देवा अभवन् परासुरा भवन्ति आत्मना परास्य भ्रातृव्यो भवति य एवं वेद यत् सायं प्रातश् च संध्याम् उपास्ते तया वीरस्थानं स्थानं च संततम् अविच्छिन्नं भवति य एवं वेद

tasmād brāhmaṇo 'horātrasya saṃyoge saṃdhyām upāste sajyotiṣy ā jyotiṣo darśanāt so 'syāḥ kālaḥ sā saṃdhyā tat saṃdhyāyāḥ saṃdhyātvam yat sāyam āsīnaḥ saṃdhyām upāste tayā vīrasthānaṃ jayati atha yad apaḥ prayuṅkte tā vipruṣo vajrībhavanti tā vipruṣo vajrībhūtvāsurān apāghnanti tato devā abhavan parāsurā bhavanti ātmanā parāsya bhrātṛvyo bhavati ya evaṃ veda yat sāyaṃ prātaś ca saṃdhyām upāste tayā vīrasthānaṃ sthānaṃ ca saṃtatam avicchinnaṃ bhavati ya evaṃ veda

Sanskrit only: no published translation is held for this verse.

अथैषा चन्द्रमसः क्षयवृद्धिर् भवति यदा वै चन्द्रमाः क्षीयते चाप्यायते च तद् अनुव्याख्यास्यामः

athaiṣā candramasaḥ kṣayavṛddhir bhavati yadā vai candramāḥ kṣīyate cāpyāyate ca tad anuvyākhyāsyāmaḥ

Sanskrit only: no published translation is held for this verse.

पूर्वपक्षे वै देवा दीक्षन्ते ते ऽपरपक्षे सोमं भक्षयन्ति तत्रेमानि त्रीणि पात्राण्य् उपधीयन्ते पृथिवी पात्रम् अन्तरिक्षं पात्रं द्यौः पात्रम् इति तं देवा दिव्येन पात्रेण आदित्याः प्रथमं पञ्चकलं पञ्चमीं भक्षयन्ति अन्तरिक्षेण पात्रेण रुद्रा द्वितीयं पञ्चकलं दशमीं भक्षयन्ति ते पृथिव्या पात्रेण वसवस् तृतीयं पञ्चकलं पञ्चदशीं भक्षयन्ति षोडशी कलावशिष्यते षोडशकलो वै चन्द्रमाः स ओषधीश् च वनस्पतींश् च गाश् च पशूंश् चादित्यं च ब्रह्म च ब्राह्मणांश् चानुप्रविशति तं देवा इन्द्रज्येष्ठाः सोमपाश् चासोमपाश् च यथा पितरं पितामहं प्रपितामहं वा वृद्धं प्रलयम् उपगच्छमानं व्याधिगतं मरिष्यतीति वा तां रात्रिं वसन्ते तद् अमावास्याया अमावास्यात्वम् तस्माद् अमावास्यायां नाध्येतव्यं भवति

pūrvapakṣe vai devā dīkṣante te 'parapakṣe somaṃ bhakṣayanti tatremāni trīṇi pātrāṇy upadhīyante pṛthivī pātram antarikṣaṃ pātraṃ dyauḥ pātram iti taṃ devā divyena pātreṇa ādityāḥ prathamaṃ pañcakalaṃ pañcamīṃ bhakṣayanti antarikṣeṇa pātreṇa rudrā dvitīyaṃ pañcakalaṃ daśamīṃ bhakṣayanti te pṛthivyā pātreṇa vasavas tṛtīyaṃ pañcakalaṃ pañcadaśīṃ bhakṣayanti ṣoḍaśī kalāvaśiṣyate ṣoḍaśakalo vai candramāḥ sa oṣadhīś ca vanaspatīṃś ca gāś ca paśūṃś cādityaṃ ca brahma ca brāhmaṇāṃś cānupraviśati taṃ devā indrajyeṣṭhāḥ somapāś cāsomapāś ca yathā pitaraṃ pitāmahaṃ prapitāmahaṃ vā vṛddhaṃ pralayam upagacchamānaṃ vyādhigataṃ mariṣyatīti vā tāṃ rātriṃ vasante tad amāvāsyāyā amāvāsyātvam tasmād amāvāsyāyāṃ nādhyetavyaṃ bhavati

Sanskrit only: no published translation is held for this verse.

अथ संभरणम् तम् ओषधीभ्यश् च वनस्पतिभ्यश् च गोभ्यश् च पशुभ्यश् चादित्याच् च ब्रह्मणश् च ब्राह्मणाः संनयन्ते तस्मात् सांनाय्यस्य सांनाय्यत्वम्

atha saṃbharaṇam tam oṣadhībhyaś ca vanaspatibhyaś ca gobhyaś ca paśubhyaś cādityāc ca brahmaṇaś ca brāhmaṇāḥ saṃnayante tasmāt sāṃnāyyasya sāṃnāyyatvam

Sanskrit only: no published translation is held for this verse.

चन्द्रमा वै धाता या पूर्वा पौर्णमासी सानुमतिः योत्तरा सा राका या पूर्वामावास्या सा सिनीवाली योत्तरा सा कुहूः यो ऽनु पश्यत्य् अन्यं न पश्यति तन् मिथुनम् एवास्य भवति

candramā vai dhātā yā pūrvā paurṇamāsī sānumatiḥ yottarā sā rākā yā pūrvāmāvāsyā sā sinīvālī yottarā sā kuhūḥ yo 'nu paśyaty anyaṃ na paśyati tan mithunam evāsya bhavati

Sanskrit only: no published translation is held for this verse.

पुष्ये चानुमतिर् ज्ञेया सिनीवाली तु द्वापरे खार्वायां तु भवेद् राका कृतपर्वे कुहूर् भवेत्

puṣye cānumatir jñeyā sinīvālī tu dvāpare khārvāyāṃ tu bhaved rākā kṛtaparve kuhūr bhavet

Sanskrit only: no published translation is held for this verse.

न्यूने चानुमतिं विद्यात् यस्मिन् दृश्येत सा सिनीवाली राका यदि सम्पूर्णः चन्द्रस् तु कुहूर् न दृश्येत

nyūne cānumatiṃ vidyāt yasmin dṛśyeta sā sinīvālī rākā yadi sampūrṇaḥ candras tu kuhūr na dṛśyeta

Sanskrit only: no published translation is held for this verse.

स्वाहा वै कुतः सम्भूता कस्य दुहिता केन प्रकृता किंगोत्रा कत्यक्षरा कतिपदा कतिमात्रा कतिवर्णा कत्युच्छ्वासा किं चास्याः शरीरम् कान्य् अङ्गानि कानि लोमानि कति शिरांसि कति वा चक्षूंषि किम् अस्या आस्यम् किंप्रावृता कौ बाहू कौ पादौ क्व च स्थिता किमधिष्ठाना कथं च स्वाहां प्रतिगृह्णासि ब्रूहि स्वाहारूपं च दैवतं च

svāhā vai kutaḥ sambhūtā kasya duhitā kena prakṛtā kiṃgotrā katyakṣarā katipadā katimātrā kativarṇā katyucchvāsā kiṃ cāsyāḥ śarīram kāny aṅgāni kāni lomāni kati śirāṃsi kati vā cakṣūṃṣi kim asyā āsyam kiṃprāvṛtā kau bāhū kau pādau kva ca sthitā kimadhiṣṭhānā kathaṃ ca svāhāṃ pratigṛhṇāsi brūhi svāhārūpaṃ ca daivataṃ ca

Sanskrit only: no published translation is held for this verse.

स्वाहा वै सत्यसम्भूता ब्रह्मणो दुहिता ब्रह्मप्रकृता लातव्यसगोत्रा त्रीण्य् अक्षराणि एकं पदम् त्रयो ऽस्यै वर्णाः शुक्लः पद्मः सुवर्ण इति चत्वारो ऽस्यै वेदाः शरीरम् षडङ्गान्यङ्गानि ओषधिवनस्पतयो लोमानि द्वे चास्याः शिरसी एकं शिरो ऽमावास्या द्वितीयं पौर्णमासी चक्षुश् चन्द्रादित्यौ आज्यभागौ हुतम् दक्षिणा प्रावृता बृहद्रथन्तरम् ऋग्यजुःसाम गतिः सा स्वाहा सा स्वधा स वषट्कारः सैषा देवेषु वषट्कारभूता प्रयुज्यते पितृयज्ञेषु स्वधाभूता शकटीमुखीं पृथिवीम् अन्तरिक्षेण विपर्येति तस्या अग्निर् दैवतम् ब्राह्मणो रूपम् यत्कामास् ते जुहुमस् तन् नो अस्तु वयं स्याम पतयो रयीणाम् स्वाहेति

svāhā vai satyasambhūtā brahmaṇo duhitā brahmaprakṛtā lātavyasagotrā trīṇy akṣarāṇi ekaṃ padam trayo 'syai varṇāḥ śuklaḥ padmaḥ suvarṇa iti catvāro 'syai vedāḥ śarīram ṣaḍaṅgānyaṅgāni oṣadhivanaspatayo lomāni dve cāsyāḥ śirasī ekaṃ śiro 'māvāsyā dvitīyaṃ paurṇamāsī cakṣuś candrādityau ājyabhāgau hutam dakṣiṇā prāvṛtā bṛhadrathantaram ṛgyajuḥsāma gatiḥ sā svāhā sā svadhā sa vaṣaṭkāraḥ saiṣā deveṣu vaṣaṭkārabhūtā prayujyate pitṛyajñeṣu svadhābhūtā śakaṭīmukhīṃ pṛthivīm antarikṣeṇa viparyeti tasyā agnir daivatam brāhmaṇo rūpam yatkāmās te juhumas tan no astu vayaṃ syāma patayo rayīṇām svāheti

Sanskrit only: no published translation is held for this verse.

तस्यानु तृप्तिं तृप्यति प्रजया पशुभिर् अन्नाद्येन तेजसा ब्रह्मवर्चसेनेति

tasyānu tṛptiṃ tṛpyati prajayā paśubhir annādyena tejasā brahmavarcaseneti

Sanskrit only: no published translation is held for this verse.