AJm 9.27
अपि च । शिबयस् त्वयैवं वाच्या मद्वचनेन । नैवाहम् एतद् यशसे ददामि न भूतिम् इच्छञ् छिबयो न लोभात् । नीचैर् अनासेवित एष पन्था दातव्यम् इत्य् एव ततो ददामि ॥ २६ऽ ॥ कामं मां शिबयः सर्वे घ्नन्तु प्रव्राजयन्तु वा । न त्व् एवाहं न दास्यामि गच्छाम्य् एष तपोवनम्
api ca / śibayas tvayaivaṃ vācyā madvacanena / naivāham etad yaśase dadāmi na bhūtim icchañ chibayo na lobhāt / nīcair anāsevita eṣa panthā dātavyam ity eva tato dadāmi // 26' // kāmaṃ māṃ śibayaḥ sarve ghnantu pravrājayantu vā / na tv evāhaṃ na dāsyāmi gacchāmy eṣa tapovanam
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.