स बोधिसत्वस् तत्वार्थनये चाभिप्रायार्थनये च सुविनिश्चितया प्रज्ञया परिपाचयति । (म्स ३३) कथं परिपाचयति सत्वानां संशयविनयनात् । ततश् च शासनबहुमानात् तेषाम् आत्मपरगुणसंवर्धकत्वेन । नियमनश्लोकः । इति सुगतिगतौ शुभत्रये वा जगद् अखिलं कृपया स बोधिसत्वः । तनुपरमविमध्यमप्रकारैर् विनयति लोकसमानभावगत्या
sa bodhisatvas tatvārthanaye cābhiprāyārthanaye ca suviniścitayā prajñayā paripācayati | (Msa 33) kathaṃ paripācayati satvānāṃ saṃśayavinayanāt | tataś ca śāsanabahumānāt teṣām ātmaparaguṇasaṃvardhakatvena | niyamanaślokaḥ | iti sugatigatau śubhatraye vā jagad akhilaṃ kṛpayā sa bodhisatvaḥ | tanuparamavimadhyamaprakārair vinayati lokasamānabhāvagatyā
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.