Atharvaveda Saṃhitā (Śaunaka) 1.12

जरायुजः प्रथम उस्रियो वृषा वाताभ्रजा स्तनयन्न् एति वृष्ट्या । स नो मृडाति तन्व ऋजुगो रुजन् य एकम् ओजस् त्रेधा विचक्रमे ॥१॥

jarāyujaḥ prathama usriyo vṛṣā vātābhrajā stanayann eti vṛṣṭyā | sa no mṛḍāti tanva ṛjugo rujan ya ekam ojas tredhā vicakrame ||1||

Sanskrit only: no published translation is held for this verse.

अङ्गेअङ्गे शोचिषा शिश्रियाणं नमस्यन्तस् त्वा हविषा विधेम । अङ्कान्त् समङ्कान् हविषा विधेम यो अग्रभीत् पर्वास्या ग्रभीता ॥२॥

aṅgeaṅge śociṣā śiśriyāṇaṃ namasyantas tvā haviṣā vidhema | aṅkānt samaṅkān haviṣā vidhema yo agrabhīt parvāsyā grabhītā ||2||

Sanskrit only: no published translation is held for this verse.

मुञ्च शीर्षक्त्या उत कास एनं परुष्परुर् आविवेशा यो अस्य । यो अभ्रजा वातजा यश् च शुष्मो वनस्पतीन्त् सचतां पर्वतांश् च ॥३॥

muñca śīrṣaktyā uta kāsa enaṃ paruṣparur āviveśā yo asya | yo abhrajā vātajā yaś ca śuṣmo vanaspatīnt sacatāṃ parvatāṃś ca ||3||

Sanskrit only: no published translation is held for this verse.

शं मे परस्मै गात्राय शम् अस्त्व् अवराय मे । शं मे चतुर्भ्यो अङ्गेभ्यः शम् अस्तु तन्वे मम ॥४॥

śaṃ me parasmai gātrāya śam astv avarāya me | śaṃ me caturbhyo aṅgebhyaḥ śam astu tanve mama ||4||

Sanskrit only: no published translation is held for this verse.