Library·Atharvaveda Saṃhitā (Śaunaka)·1·1.28
उप प्रागाद् देवो अग्नी रक्षोहामीवचातनः । दहन्न् अप द्वयाविनो यातुधानान् किमीदिनः ॥१॥
upa prāgād devo agnī rakṣohāmīvacātanaḥ | dahann apa dvayāvino yātudhānān kimīdinaḥ ||1||
Hither hath come forth god Agni, demon-slayer, disease-expeller, burning away deceivers, sorcerers, kimīdíns.
Translated by William Dwight Whitney (1905)
प्रति दह यातुधानान् प्रति देव किमीदिनः । प्रतीचीः कृष्णवर्तने सं दह यातुधान्यः ॥२॥
prati daha yātudhānān prati deva kimīdinaḥ | pratīcīḥ kṛṣṇavartane saṃ daha yātudhānyaḥ ||2||
Burn against the sorcerers, against the kimīdíns, O god; burn up the sorceresses that meet thee, O black-tracked one.
Translated by William Dwight Whitney (1905)
या शशाप शपनेन याघं मूरम् आदधे । या रसस्य हरणाय जातम् आरेभे तोकम् अत्तु सा ॥३॥
yā śaśāpa śapanena yāghaṃ mūram ādadhe | yā rasasya haraṇāya jātam ārebhe tokam attu sā ||3||
She that hath cursed with cursing, that hath taken malignity as her root (? mū́ra), that hath seized on [our] young to take its sap—let her eat [her own] offspring.
Translated by William Dwight Whitney (1905)
पुत्रम् अत्तु यातुधानीः स्वसारम् उत नप्त्यम् । अधा मिथो विकेश्यो वि घ्नतां यातुधान्यो वि तृह्यन्ताम् अराय्यः ॥४॥
putram attu yātudhānīḥ svasāram uta naptyam | adhā mitho vikeśyo vi ghnatāṃ yātudhānyo vi tṛhyantām arāyyaḥ ||4||
Let the sorceress eat [her own] son, sister, and daughter (? naptī́); then let the horrid-haired sorceresses mutually destroy (vi-han) one another; let the hags (arāyī́) be shattered asunder.
Translated by William Dwight Whitney (1905)