Library·Atharvaveda Saṃhitā (Śaunaka)·1·1.7
स्तुवानम् अग्न आ वह यातुधानं किमीदिनम् । त्वं हि देव वन्दितो हन्ता दस्योर् बभूविथ ॥१॥
stuvānam agna ā vaha yātudhānaṃ kimīdinam | tvaṃ hi deva vandito hantā dasyor babhūvitha ||1||
Bring hither, O Agni, the sorcerer (yātudhā́па), the kimīdín, speaking out (stu); for thou, O god, being revered, hast become slayer of the barbarian (dásyu).
Translated by William Dwight Whitney (1905)
आज्यस्य परमेष्ठिन् जातवेदस् तनूवशिन् । अग्ने तौलस्य प्राशान यातुधानान् वि लापय ॥२॥
ājyasya parameṣṭhin jātavedas tanūvaśin | agne taulasya prāśāna yātudhānān vi lāpaya ||2||
O most exalted one (parameṣṭhín), Jātavedas, self-controller, Agni, partake of (prа-аç) the sacrificial butter, of the sesame oil (?); make the sorcerers cry out.
Translated by William Dwight Whitney (1905)
वि लपन्तु यातुधाना अत्त्रिणो ये किमीदिनः । अथेदम् अग्ने नो हविर् इन्द्रश् च प्रति हर्यतम् ॥३॥
vi lapantu yātudhānā attriṇo ye kimīdinaḥ | athedam agne no havir indraś ca prati haryatam ||3||
Let the sorcerers cry out (ví-lap), let the devouring kimīdíns; then do you, O Agni together with Indra, welcome this our oblation.
Translated by William Dwight Whitney (1905)
अग्निः पूर्व आ रभतां प्रेन्द्रो नुदतु बाहुमान् । ब्रवीतु सर्वो यातुमान् अयम् अस्मीत्य् एत्य ॥४॥
agniḥ pūrva ā rabhatāṃ prendro nudatu bāhumān | bravītu sarvo yātumān ayam asmīty etya ||4||
Let Agni first take hold; let Indra, having arms, push forth; let everyone that has a demon, coming, say "here am I."
Translated by William Dwight Whitney (1905)
पश्याम ते वीर्यं जातवेदः प्र णो ब्रूहि यातुधानान् नृचक्षः । त्वया सर्वे परितप्ताः पुरस्तात् त आ यन्तु प्रब्रुवाणा उपेदम् ॥५॥
paśyāma te vīryaṃ jātavedaḥ pra ṇo brūhi yātudhānān nṛcakṣaḥ | tvayā sarve paritaptāḥ purastāt ta ā yantu prabruvāṇā upedam ||5||
We would fain see thy heroism (vīryà), O Jātavedas; proclaim to us the sorcerers, O men-watcher; let them all, burnt about by thee in front, come to this place, proclaiming themselves.
Translated by William Dwight Whitney (1905)
आ रभस्व जातवेदो ऽस्माकार्थाय जज्ञिषे । दूतो नो अग्ने भूत्वा यातुधानान् वि लापय ॥६॥
ā rabhasva jātavedo 'smākārthāya jajñiṣe | dūto no agne bhūtvā yātudhānān vi lāpaya ||6||
Take hold, O Jātavedas; thou wast born for our purpose; becoming our messenger, O Agni, make the sorcerers cry out.
Translated by William Dwight Whitney (1905)
त्वम् अग्ने यातुधानान् उपबद्धां इहा वह । अथैषाम् इन्द्रो वज्रेणापि शीर्षाणि वृश्चतु ॥७॥
tvam agne yātudhānān upabaddhāṃ ihā vaha | athaiṣām indro vajreṇāpi śīrṣāṇi vṛścatu ||7||
Do thou, O Agni, bring hither the sorcerers bound; then let Indra with his thunderbolt crush in (api-vraçc) their heads.
Translated by William Dwight Whitney (1905)