Atharvaveda Saṃhitā (Śaunaka) 1.9

अस्मिन् वसु वसवो धारयन्त्व् इन्द्रः पूषा वरुणो मित्रो अग्निः । इमम् आदित्या उत विश्वे च देवा उत्तरस्मिन् ज्योतिषि धारयन्तु ॥१॥

asmin vasu vasavo dhārayantv indraḥ pūṣā varuṇo mitro agniḥ | imam ādityā uta viśve ca devā uttarasmin jyotiṣi dhārayantu ||1||

Sanskrit only: no published translation is held for this verse.

अस्य देवाः प्रदिशि ज्योतिर् अस्तु सूर्यो अग्निर् उत वा हिरण्यम् । सपत्ना अस्मद् अधरे भवन्तूत्तमं नाकम् अधि रोहयेमम् ॥२॥

asya devāḥ pradiśi jyotir astu sūryo agnir uta vā hiraṇyam | sapatnā asmad adhare bhavantūttamaṃ nākam adhi rohayemam ||2||

Sanskrit only: no published translation is held for this verse.

येनेन्द्राय समभरः पयांस्य् उत्तमेन ब्रह्मणा जातवेदः । तेन त्वम् अग्न इह वर्धयेमं सजातानां श्रैष्ठ्य आ धेह्य् एनम् ॥३॥

yenendrāya samabharaḥ payāṃsy uttamena brahmaṇā jātavedaḥ | tena tvam agna iha vardhayemaṃ sajātānāṃ śraiṣṭhya ā dhehy enam ||3||

Sanskrit only: no published translation is held for this verse.

ऐषां यज्ञम् उत वर्चो ददे ऽहं रायस् पोषम् उत चित्तान्य् अग्ने । सपत्ना अस्मद् अधरे भवन्तूत्तमं नाकम् अधि रोहयेमम् ॥४॥

aiṣāṃ yajñam uta varco dade 'haṃ rāyas poṣam uta cittāny agne | sapatnā asmad adhare bhavantūttamaṃ nākam adhi rohayemam ||4||

Sanskrit only: no published translation is held for this verse.