रश्मिभिर् नभ आभृतं महेन्द्र एत्य् आवृतः ॥२॥
raśmibhir nabha ābhṛtaṃ mahendra ety āvṛtaḥ ||2||
Sanskrit only: no published translation is held for this verse.
Library·Atharvaveda Saṃhitā (Śaunaka)·13·13.4
Atharvaveda Saṃhitā (Śaunaka) 13.4
स धाता स विधर्ता स वायुर् नभ उच्छ्रितम् ॥३॥
sa dhātā sa vidhartā sa vāyur nabha ucchritam ||3||
Sanskrit only: no published translation is held for this verse.
सो ऽर्यमा स वरुणः स रुद्रः स महादेवः ॥४॥
so 'ryamā sa varuṇaḥ sa rudraḥ sa mahādevaḥ ||4||
Sanskrit only: no published translation is held for this verse.
सो अग्निः स उ सूर्यः स उ एव महायमः ॥५॥
so agniḥ sa u sūryaḥ sa u eva mahāyamaḥ ||5||
Sanskrit only: no published translation is held for this verse.
तं वत्सा उप तिष्ठन्त्य् एकशीर्षाणो युता दश ॥६॥
taṃ vatsā upa tiṣṭhanty ekaśīrṣāṇo yutā daśa ||6||
Sanskrit only: no published translation is held for this verse.
पश्चात् प्राञ्च आ तन्वन्ति यद् उदेति वि भासति ॥७॥
paścāt prāñca ā tanvanti yad udeti vi bhāsati ||7||
Sanskrit only: no published translation is held for this verse.
तस्यैष मारुतो गणः स एति शिक्याकृतः ॥८॥
tasyaiṣa māruto gaṇaḥ sa eti śikyākṛtaḥ ||8||
Sanskrit only: no published translation is held for this verse.
रश्मिभिर् नभ आभृतं महेन्द्र एत्य् आवृतः ॥९॥
raśmibhir nabha ābhṛtaṃ mahendra ety āvṛtaḥ ||9||
Sanskrit only: no published translation is held for this verse.
तस्येमे नव कोशा विष्टम्भा नवधा हिताः ॥१०॥
tasyeme nava kośā viṣṭambhā navadhā hitāḥ ||10||
Sanskrit only: no published translation is held for this verse.
स प्रजाभ्यो वि पश्यति यच् च प्राणति यच् च न ॥११॥
sa prajābhyo vi paśyati yac ca prāṇati yac ca na ||11||
Sanskrit only: no published translation is held for this verse.
तम् इदं निगतं सहः स एष एक एकवृद् एक एव ॥१२॥
tam idaṃ nigataṃ sahaḥ sa eṣa eka ekavṛd eka eva ||12||
Sanskrit only: no published translation is held for this verse.
एते अस्मिन् देवा एकवृतो भवन्ति ॥१३॥ १५
ete asmin devā ekavṛto bhavanti ||13|| 15
Sanskrit only: no published translation is held for this verse.
कीर्तिश् च यशश् चाम्भश् च नभश् च ब्राह्मणवर्चसं चान्नं चान्नाद्यं च ॥१४॥
kīrtiś ca yaśaś cāmbhaś ca nabhaś ca brāhmaṇavarcasaṃ cānnaṃ cānnādyaṃ ca ||14||
Sanskrit only: no published translation is held for this verse.
य एतं देवम् एकवृतं वेद ॥१५॥
ya etaṃ devam ekavṛtaṃ veda ||15||
Sanskrit only: no published translation is held for this verse.
न द्वितीयो न तृतीयश् चतुर्थो नाप्य् उच्यते ॥१६॥
na dvitīyo na tṛtīyaś caturtho nāpy ucyate ||16||
Sanskrit only: no published translation is held for this verse.
न पञ्चमो न षष्ठः सप्तमो नाप्य् उच्यते ॥१७॥
na pañcamo na ṣaṣṭhaḥ saptamo nāpy ucyate ||17||
Sanskrit only: no published translation is held for this verse.
नाष्टमो न नवमो दशमो नाप्य् उच्यते ॥१८॥
nāṣṭamo na navamo daśamo nāpy ucyate ||18||
Sanskrit only: no published translation is held for this verse.
स सर्वस्मै वि पश्यति यच् च प्राणति यच् च न ॥१९॥
sa sarvasmai vi paśyati yac ca prāṇati yac ca na ||19||
Sanskrit only: no published translation is held for this verse.
तम् इदं निगतं सहः स एष एक एकवृद् एक एव ॥२०॥
tam idaṃ nigataṃ sahaḥ sa eṣa eka ekavṛd eka eva ||20||
Sanskrit only: no published translation is held for this verse.
सर्वे अस्मिन् देवा एकवृतो भवन्ति ॥२१॥ १६
sarve asmin devā ekavṛto bhavanti ||21|| 16
Sanskrit only: no published translation is held for this verse.
ब्रह्म च तपश् च कीर्तिश् च यशश् चाम्भश् च नभश् च ब्राह्मणवर्चसं चान्नं चान्नाद्यं च ॥२॥
brahma ca tapaś ca kīrtiś ca yaśaś cāmbhaś ca nabhaś ca brāhmaṇavarcasaṃ cānnaṃ cānnādyaṃ ca ||2||
Sanskrit only: no published translation is held for this verse.
भूतं च भव्यं च श्रद्धा च रुचिश् च स्वर्गश् च स्वधा च ॥२३॥
bhūtaṃ ca bhavyaṃ ca śraddhā ca ruciś ca svargaś ca svadhā ca ||23||
Sanskrit only: no published translation is held for this verse.
य एतं देवम् एकवृतं वेद ॥२४॥
ya etaṃ devam ekavṛtaṃ veda ||24||
Sanskrit only: no published translation is held for this verse.
स एव मृत्युः सो ऽमृतं सो ऽभ्वं स रक्षः ॥२५॥
sa eva mṛtyuḥ so 'mṛtaṃ so 'bhvaṃ sa rakṣaḥ ||25||
Sanskrit only: no published translation is held for this verse.
स एति सविता स्वर् दिवस् पृष्ठे ऽवचाकशत् ॥१॥
sa eti savitā svar divas pṛṣṭhe 'vacākaśat ||1||
Sanskrit only: no published translation is held for this verse.
तस्येमे सर्वे यातव उप प्रशिषम् आसते ॥२७॥
tasyeme sarve yātava upa praśiṣam āsate ||27||
Sanskrit only: no published translation is held for this verse.
तस्यामू सर्वा नक्षत्रा वशे चन्द्रमसा सह ॥२८॥ १७
tasyāmū sarvā nakṣatrā vaśe candramasā saha ||28|| 17
Sanskrit only: no published translation is held for this verse.
स वा अह्नो ऽजायत तस्माद् अहर् अजायत ॥२९॥
sa vā ahno 'jāyata tasmād ahar ajāyata ||29||
Sanskrit only: no published translation is held for this verse.
स वै रात्र्या अजायत तस्माद् रात्रिर् अजायत ॥३०॥
sa vai rātryā ajāyata tasmād rātrir ajāyata ||30||
Sanskrit only: no published translation is held for this verse.
स वा अन्तरिक्षाद् अजायत तस्माद् अन्तरिक्षम् अजायत ॥३१॥
sa vā antarikṣād ajāyata tasmād antarikṣam ajāyata ||31||
Sanskrit only: no published translation is held for this verse.
स वै वायोर् अजायत तस्माद् वायुर् अजायत ॥३२॥
sa vai vāyor ajāyata tasmād vāyur ajāyata ||32||
Sanskrit only: no published translation is held for this verse.
स वै दिवो ऽजायत तस्माद् द्यौर् अधि अजायत ॥३३॥
sa vai divo 'jāyata tasmād dyaur adhi ajāyata ||33||
Sanskrit only: no published translation is held for this verse.
स वै दिग्भ्यो ऽजायत तस्माद् दिशो ऽजायन्त ॥३४॥
sa vai digbhyo 'jāyata tasmād diśo 'jāyanta ||34||
Sanskrit only: no published translation is held for this verse.
स वै भूमेर् अजायत तस्माद् भूमिर् अजायत ॥३५॥
sa vai bhūmer ajāyata tasmād bhūmir ajāyata ||35||
Sanskrit only: no published translation is held for this verse.
स वा अग्नेर् अजायत तस्माद् अग्निर् अजायत ॥३६॥
sa vā agner ajāyata tasmād agnir ajāyata ||36||
Sanskrit only: no published translation is held for this verse.
स वा अद्भ्यो ऽजायत तस्माद् आपो ऽजायन्त ॥३७॥
sa vā adbhyo 'jāyata tasmād āpo 'jāyanta ||37||
Sanskrit only: no published translation is held for this verse.
स वा ऋग्भ्यो ऽजायत तस्माद् ऋचो ऽजायन्त ॥३८॥
sa vā ṛgbhyo 'jāyata tasmād ṛco 'jāyanta ||38||
Sanskrit only: no published translation is held for this verse.
स वै यज्ञाद् अजायत तस्माद् यज्ञो ऽजायत ॥३९॥
sa vai yajñād ajāyata tasmād yajño 'jāyata ||39||
Sanskrit only: no published translation is held for this verse.
स यज्ञस् तस्य यज्ञः स यज्ञस्य शिरस् कृतम् ॥४०॥
sa yajñas tasya yajñaḥ sa yajñasya śiras kṛtam ||40||
Sanskrit only: no published translation is held for this verse.
स स्तनयति स वि द्योतते स उ अश्मानम् अस्यति ॥४१॥
sa stanayati sa vi dyotate sa u aśmānam asyati ||41||
Sanskrit only: no published translation is held for this verse.
पापाय वा भद्राय वा पुरुषायासुराय वा ॥४२॥
pāpāya vā bhadrāya vā puruṣāyāsurāya vā ||42||
Sanskrit only: no published translation is held for this verse.
यद् वा कृणोष्य् ओषधीर् यद् वा वर्षसि भद्रया यद् वा जन्यम् अवीवृधः ॥४३॥
yad vā kṛṇoṣy oṣadhīr yad vā varṣasi bhadrayā yad vā janyam avīvṛdhaḥ ||43||
Sanskrit only: no published translation is held for this verse.
तावांस् ते मघवन् महिमोपो ते तन्वः शतम् ॥४४॥
tāvāṃs te maghavan mahimopo te tanvaḥ śatam ||44||
Sanskrit only: no published translation is held for this verse.
उपो ते बध्वे बद्धानि यदि वासि न्यर्बुदम् ॥४५॥ १८
upo te badhve baddhāni yadi vāsi nyarbudam ||45|| 18
Sanskrit only: no published translation is held for this verse.
भूयान् इन्द्रो नमुराद् भूयान् इन्द्रासि मृत्युभ्यः ॥४६॥
bhūyān indro namurād bhūyān indrāsi mṛtyubhyaḥ ||46||
Sanskrit only: no published translation is held for this verse.
भूयान् अरात्याः शच्याः पतिस् त्वम् इन्द्रासि विभूः प्रभूर् इति त्वोपास्महे वयम् ॥४७॥
bhūyān arātyāḥ śacyāḥ patis tvam indrāsi vibhūḥ prabhūr iti tvopāsmahe vayam ||47||
Sanskrit only: no published translation is held for this verse.
नमस् ते अस्तु पश्यत पश्य मा पश्यत ॥४८॥
namas te astu paśyata paśya mā paśyata ||48||
Sanskrit only: no published translation is held for this verse.
अन्नाद्येन यशसा तेजसा ब्राह्मणवर्चसेन ॥४९॥
annādyena yaśasā tejasā brāhmaṇavarcasena ||49||
Sanskrit only: no published translation is held for this verse.
अम्भो अमो महः सह इति त्वोपास्महे वयम् ॥५०॥
ambho amo mahaḥ saha iti tvopāsmahe vayam ||50||
Sanskrit only: no published translation is held for this verse.
अम्भो अरुणं रजतं रजः सह इति त्वोपास्महे वयम् ॥५१॥ १९
ambho aruṇaṃ rajataṃ rajaḥ saha iti tvopāsmahe vayam ||51|| 19
Sanskrit only: no published translation is held for this verse.
उरुः पृथुः सुभूर् भुव इति त्वोपास्महे वयम् ॥५२॥
uruḥ pṛthuḥ subhūr bhuva iti tvopāsmahe vayam ||52||
Sanskrit only: no published translation is held for this verse.
प्रथो वरो व्यचो लोक इति त्वोपास्महे वयम् ॥५३॥
pratho varo vyaco loka iti tvopāsmahe vayam ||53||
Sanskrit only: no published translation is held for this verse.
भवद्वसुर् इदद्वसुः संयद्वसुर् आयद्वसुर् इति त्वोपास्महे वयम् ॥५४॥
bhavadvasur idadvasuḥ saṃyadvasur āyadvasur iti tvopāsmahe vayam ||54||
Sanskrit only: no published translation is held for this verse.
नमस् ते अस्तु पश्यत पश्य मा पश्यत ॥५५॥
namas te astu paśyata paśya mā paśyata ||55||
Sanskrit only: no published translation is held for this verse.
अन्नाद्येन यशसा तेजसा ब्राह्मणवर्चसेन ॥५६॥ २०
annādyena yaśasā tejasā brāhmaṇavarcasena ||56|| 20
Sanskrit only: no published translation is held for this verse.