स महिमा सद्रुर् भूत्वान्तं पृथिव्या अगछत् समुद्रो ऽभवत् ॥१॥
sa mahimā sadrur bhūtvāntaṃ pṛthivyā agachat samudro 'bhavat ||1||
Sanskrit only: no published translation is held for this verse.
Library·Atharvaveda Saṃhitā (Śaunaka)·15·15.7
Atharvaveda Saṃhitā (Śaunaka) 15.7
तं प्रजापतिश् च परमेष्ठी च पिता च पितामहश् चापश् च श्रद्धा च वर्षं भूत्वानुव्यवर्तयन्त ॥२॥
taṃ prajāpatiś ca parameṣṭhī ca pitā ca pitāmahaś cāpaś ca śraddhā ca varṣaṃ bhūtvānuvyavartayanta ||2||
Sanskrit only: no published translation is held for this verse.
ऐनम् आपो गछन्त्य् ऐनं श्रद्धा गछत्य् ऐनं वर्षं गछति य एवं वेद ॥३॥
ainam āpo gachanty ainaṃ śraddhā gachaty ainaṃ varṣaṃ gachati ya evaṃ veda ||3||
Sanskrit only: no published translation is held for this verse.
तं श्रद्धा च यज्ञश् च लोकश् चान्नं चान्नाद्यं च भूत्वाभिपर्यावर्तन्त ॥४॥
taṃ śraddhā ca yajñaś ca lokaś cānnaṃ cānnādyaṃ ca bhūtvābhiparyāvartanta ||4||
Sanskrit only: no published translation is held for this verse.
ऐनं श्रद्धा गछत्य् ऐनं यज्ञो गछत्य् ऐनं लोको गछत्य् ऐनम् अन्नं गछत्य् ऐनम् अन्नाद्यं गछति य एवं वेद ॥५॥
ainaṃ śraddhā gachaty ainaṃ yajño gachaty ainaṃ loko gachaty ainam annaṃ gachaty ainam annādyaṃ gachati ya evaṃ veda ||5||
Sanskrit only: no published translation is held for this verse.