Library·Atharvaveda Saṃhitā (Śaunaka)·3·3.1
अग्निर् नः शत्रून् प्रत्य् एतु विद्वान् प्रतिदहन्न् अभिशस्तिम् अरातिम् । स सेनां मोहयतु परेषां निर्हस्तांश् च कृणवज् जातवेदाः ॥१॥
agnir naḥ śatrūn praty etu vidvān pratidahann abhiśastim arātim | sa senāṃ mohayatu pareṣāṃ nirhastāṃś ca kṛṇavaj jātavedāḥ ||1||
Let Agni, knowing, go against our foes, burning against the imprecator, the niggard; let him confound (mohaya-) the army of our adversaries (pára); and may Jātavedas make them handless.
Translated by William Dwight Whitney (1905)
यूयम् उग्रा मरुत ईदृशे स्थाभि प्रेत मृणत सहध्वम् । अमीमृणन् वसवो नाथिता इमे अग्निर् ह्य् एषां दूतः प्रत्येतु विद्वान् ॥२॥
yūyam ugrā maruta īdṛśe sthābhi preta mṛṇata sahadhvam | amīmṛṇan vasavo nāthitā ime agnir hy eṣāṃ dūtaḥ pratyetu vidvān ||2||
Ye, O Maruts, are formidable for such a plight; go forward upon [them], kill, overcome! The Vasus have killed [them]; suppliant [are] these; for let Agni, their messenger, go against [their foes], knowing.
Translated by William Dwight Whitney (1905)
अमित्रसेनां मघवन्न् अस्मान् छत्रूयतीम् अभि । युवं ताम् इन्द्र वृत्रहन्न् अग्निश् च दहतं प्रति ॥३॥
amitrasenāṃ maghavann asmān chatrūyatīm abhi | yuvaṃ tām indra vṛtrahann agniś ca dahataṃ prati ||3||
The army of enemies, O bounteous one, playing the foe against us—do ye (two), O Vṛtra-slaying Indra, Agni also, burn against them.
Translated by William Dwight Whitney (1905)
प्रसूत इन्द्र प्रवता हरिभ्यां प्र ते वज्रः प्रमृणन्न् एतु शत्रून् । जहि प्रतीचो अनूचः पराचो विष्वक् सत्यं कृणुहि चित्तम् एषाम् ॥४॥
prasūta indra pravatā haribhyāṃ pra te vajraḥ pramṛṇann etu śatrūn | jahi pratīco anūcaḥ parāco viṣvak satyaṃ kṛṇuhi cittam eṣām ||4||
Impelled, O Indra, forwards (? pravátā) by thy (two) bays—let thy thunderbolt go forth, slaughtering (pra-mṛ) the foes; smite the on-coming, the following, the fleeing (párāñc); scatter their actual intent.
Translated by William Dwight Whitney (1905)
इन्द्र सेनां मोहयामित्राणाम् । अग्नेर् वातस्य ध्राज्या तान् विषूचो वि नाशय ॥५॥
indra senāṃ mohayāmitrāṇām | agner vātasya dhrājyā tān viṣūco vi nāśaya ||5||
O Indra, confound the army of our enemies; with the blast of fire, of wind, make them disappear, scattering.
Translated by William Dwight Whitney (1905)
इन्द्रः सेनां मोहयतु मरुतो घ्नन्त्व् ओजसा । चक्षूंस्य् अग्निर् आ दत्तां पुनर् एतु पराजिता ॥६॥
indraḥ senāṃ mohayatu maruto ghnantv ojasā | cakṣūṃsy agnir ā dattāṃ punar etu parājitā ||6||
Let Indra confound the army; let the Maruts slay with force; let Agni take away its eyes; let it go back conquered.
Translated by William Dwight Whitney (1905)