Library·Atharvaveda Saṃhitā (Śaunaka)·3·3.16
प्रातर् अग्निं प्रातर् इन्द्रम् हवामहे प्रातर् मित्रावरुणा प्रातर् अश्विना । प्रातर् भगं पूषणं ब्रह्मणस् पतिं प्रातः सोमम् उत रुद्रं हवामहे ॥१॥
prātar agniṃ prātar indram havāmahe prātar mitrāvaruṇā prātar aśvinā | prātar bhagaṃ pūṣaṇaṃ brahmaṇas patiṃ prātaḥ somam uta rudraṃ havāmahe ||1||
Early (prātár) do we call Agni, early Indra, early Mitra-and-Varuṇa, early the (two) Açvins, early Bhaga, Pūshan, Brahmaṇaspati, early Soma and Rudra do we call.
Translated by William Dwight Whitney (1905)
प्रातर्जितं भगम् उग्रम् हवामहे वयं पुत्रम् अदितेर् यो विधर्ता । आध्रश् चिद् यं मन्यमानस् तुरश् चिद् राजा चिद् यं भगं भक्षीत्य् आह ॥२॥
prātarjitaṃ bhagam ugram havāmahe vayaṃ putram aditer yo vidhartā | ādhraś cid yaṃ manyamānas turaś cid rājā cid yaṃ bhagaṃ bhakṣīty āha ||2||
The early-conquering formidable Bhaga do we call, the son of Aditi who is disposer (vidhartár), to whom every one that thinks himself weak [or] strong, ⌊to whom even the king⌋ says: "apportion [me] a portion."
Translated by William Dwight Whitney (1905)
भग प्रणेतर् भग सत्यराधो भगेमां धियम् उद् अवा ददन् नः । भग प्र णो जनय गोभिर् अश्वैर् भग प्र नृभिर् नृवन्तः स्याम ॥३॥
bhaga praṇetar bhaga satyarādho bhagemāṃ dhiyam ud avā dadan naḥ | bhaga pra ṇo janaya gobhir aśvair bhaga pra nṛbhir nṛvantaḥ syāma ||3||
O Bhaga, conductor, Bhaga, thou of true bestowal, Bhaga, help upward this prayer (dhī́), giving to us; O Bhaga, cause us to multiply with kine, with horses, O Bhaga, with men,—rich in men may we be.
Translated by William Dwight Whitney (1905)
उतेदानीं भगवन्तः स्यामोत प्रपित्व उत मध्ये अह्नाम् । उतोदितौ मघवन्त् सूर्यस्य वयं देवानां सुमतौ स्याम ॥४॥
utedānīṃ bhagavantaḥ syāmota prapitva uta madhye ahnām | utoditau maghavant sūryasya vayaṃ devānāṃ sumatau syāma ||4||
Both now may we be fortunate (bhágavant), and in the advance (? prapitvá) and in the middle of the days; and, O bounteous one, at the up-going of the sun, may we be in the favor of the gods.
Translated by William Dwight Whitney (1905)
भग एव भगवां अस्तु देवस् तेना वयं भगवन्तः स्याम । तं त्वा भग सर्व इज् जोहवीमि स नो भग पुरएता भवेह ॥५॥
bhaga eva bhagavāṃ astu devas tenā vayaṃ bhagavantaḥ syāma | taṃ tvā bhaga sarva ij johavīmi sa no bhaga puraetā bhaveha ||5||
Let the god Bhaga himself be fortunate; through him may we be fortunate; on thee here, Bhaga, do I call entire; do thou, O Bhaga, be our forerunner here.
Translated by William Dwight Whitney (1905)
सम् अध्वरायोषसो नमन्त दधिक्रावेव शुचये पदाय । अर्वाचीनं वसुविदं भगं मे रथम् इवाश्वा वाजिन आ वहन्तु ॥६॥
sam adhvarāyoṣaso namanta dadhikrāveva śucaye padāya | arvācīnaṃ vasuvidaṃ bhagaṃ me ratham ivāśvā vājina ā vahantu ||6||
The dawns submit themselves (? sam-nam) to the sacrifice (adhvará), as Dadhikrāvan to the bright place; hitherward let them convey for me Bhaga, acquirer of good things, as vigorous (vājín) horses a chariot.
Translated by William Dwight Whitney (1905)
अश्वावतीर् गोमतीर् न उषासो वीरवतीः सदम् उछन्तु भद्राः । घृतं दुहाना विश्वतः प्रपीता यूयं पात स्वस्तिभिः सदा नः ॥७॥
aśvāvatīr gomatīr na uṣāso vīravatīḥ sadam uchantu bhadrāḥ | ghṛtaṃ duhānā viśvataḥ prapītā yūyaṃ pāta svastibhiḥ sadā naḥ ||7||
Let excellent dawns, rich in horses, rich in kine, rich in heroes, always shine for us, yielding (duh) ghee, on all sides drunk of: do ye protect us ever with well-beings.
Translated by William Dwight Whitney (1905)