Library·Atharvaveda Saṃhitā (Śaunaka)·3·3.2
अग्निर् नो दूतः प्रत्येतु विद्वान् प्रतिदहन्न् अभिशस्तिम् अरातिम् । स चित्तानि मोहयतु परेषां निर्हस्तांश् च कृणवज् जातवेदाः ॥१॥
agnir no dūtaḥ pratyetu vidvān pratidahann abhiśastim arātim | sa cittāni mohayatu pareṣāṃ nirhastāṃś ca kṛṇavaj jātavedāḥ ||1||
Let Agni our messenger, knowing, go against [them], burning against the imprecator, the niggard; let him confound the intents of our adversaries; and may Jātavedas make them handless.
Translated by William Dwight Whitney (1905)
अयम् अग्निर् अमूमुहद् यानि चित्तानि वो हृदि । वि वो धमत्व् ओकसः प्र वो धमतु सर्वतः ॥२॥
ayam agnir amūmuhad yāni cittāni vo hṛdi | vi vo dhamatv okasaḥ pra vo dhamatu sarvataḥ ||2||
Agni here hath confounded the intents that are in your heart; let him blow (dham) you away from [our] home; let him blow you forth in every direction.
Translated by William Dwight Whitney (1905)
इन्द्र चित्तानि मोहयन्न् अर्वाङ् आकूत्या चर । अग्नेर् वातस्य ध्राज्या तान् विषूचो वि नाशय ॥३॥
indra cittāni mohayann arvāṅ ākūtyā cara | agner vātasya dhrājyā tān viṣūco vi nāśaya ||3||
O Indra! confounding [their] intents, move hitherward with [their] design (ā́kūti); with the blast of fire, of wind, make them disappear, scattering.
Translated by William Dwight Whitney (1905)
व्य् आकूतय एषाम् इताथो चित्तानि मुह्यत । अथो यद् अद्यैषां हृदि तद् एषां परि निर् जहि ॥४॥
vy ākūtaya eṣām itātho cittāni muhyata | atho yad adyaiṣāṃ hṛdi tad eṣāṃ pari nir jahi ||4||
Go asunder, ye designs of them; also, ye intents, be confounded; also what is today in their heart, that smite thou out from them.
Translated by William Dwight Whitney (1905)
अमीषां चित्तानि प्रतिमोहयन्ती गृहाणाङ्गान्य् अप्वे परेहि । अभि प्रेहि निर् दह हृत्सु शोकैर् ग्राह्यामित्रांस् तमसा विध्य शत्रून् ॥५॥
amīṣāṃ cittāni pratimohayantī gṛhāṇāṅgāny apve parehi | abhi prehi nir daha hṛtsu śokair grāhyāmitrāṃs tamasā vidhya śatrūn ||5||
Confounding the intents of those yonder, seizing their limbs, O Apvā, go away; go forth against [them]; consume [them] in their hearts with pangs (çóka); pierce the enemies with seizure (grā́hi), the foes with darkness.
Translated by William Dwight Whitney (1905)
असौ या सेना मरुतः परेषाम् अस्मान् ऐत्य् अभ्य् ओजसा स्पर्धमाना । ताम् विध्यत तमसापव्रतेन यथैषाम् अन्यो अन्यं न जानात् ॥६॥
asau yā senā marutaḥ pareṣām asmān aity abhy ojasā spardhamānā | tām vidhyata tamasāpavratena yathaiṣām anyo anyaṃ na jānāt ||6||
Yonder army of our adversaries, O Maruts, that comes contending against us with force—pierce ye it with baffling darkness, that one of them may not know another.
Translated by William Dwight Whitney (1905)