Library·Atharvaveda Saṃhitā (Śaunaka)·3·3.29
यद् राजानो विभजन्त इष्टापूर्तस्य षोडशम् यमस्यामी सभासदः । अविस् तस्मात् प्र मुञ्चति दत्तः शितिपात् स्वधा ॥१॥
yad rājāno vibhajanta iṣṭāpūrtasya ṣoḍaśam yamasyāmī sabhāsadaḥ | avis tasmāt pra muñcati dattaḥ śitipāt svadhā ||1||
Sanskrit only: no published translation is held for this verse.
सर्वान् कामान् पूरयत्य् आभवन् प्रभवन् भवन् । आकूतिप्रो ऽविर् दत्तः शितिपान्न् नोप दस्यति ॥२॥
sarvān kāmān pūrayaty ābhavan prabhavan bhavan | ākūtipro 'vir dattaḥ śitipānn nopa dasyati ||2||
Sanskrit only: no published translation is held for this verse.
यो ददाति शितिपादम् अविं लोकेन संमितम् । स नाकम् अभ्यारोहति यत्र शुल्को न क्रियते अबलेन बलीयसे ॥३॥
yo dadāti śitipādam aviṃ lokena saṃmitam | sa nākam abhyārohati yatra śulko na kriyate abalena balīyase ||3||
Sanskrit only: no published translation is held for this verse.
पञ्चापूपं शितिपादम् अविं लोकेन संमितम् । प्रदातोप जीवति पितॄणां लोके ऽक्षितम् ॥४॥
pañcāpūpaṃ śitipādam aviṃ lokena saṃmitam | pradātopa jīvati pitṝṇāṃ loke 'kṣitam ||4||
Sanskrit only: no published translation is held for this verse.
पञ्चापूपं शितिपादम् अविं लोकेन संमितम् । प्रदातोप जीवति सूर्यामासयोर् अक्षितम् ॥५॥
pañcāpūpaṃ śitipādam aviṃ lokena saṃmitam | pradātopa jīvati sūryāmāsayor akṣitam ||5||
Sanskrit only: no published translation is held for this verse.
इरेव नोप दस्यति समुद्र इव पयो महत् । देवौ सवासिनाव् इव शितिपान् नोप दस्यति ॥६॥
ireva nopa dasyati samudra iva payo mahat | devau savāsināv iva śitipān nopa dasyati ||6||
Sanskrit only: no published translation is held for this verse.
क इदं कस्मा अदात् कामः कामायादात् । कामो दाता कामः प्रतिग्रहीता कामः समुद्रम् आ विवेश । कामेन त्वा प्रति गृह्नामि कामैतत् ते ॥७॥
ka idaṃ kasmā adāt kāmaḥ kāmāyādāt | kāmo dātā kāmaḥ pratigrahītā kāmaḥ samudram ā viveśa | kāmena tvā prati gṛhnāmi kāmaitat te ||7||
Sanskrit only: no published translation is held for this verse.
भूमिष् ट्वा प्रति गृह्णात्व् अन्तरिक्षम् इदं महत् । माहं प्राणेन मात्मना मा प्रजया प्रतिगृह्य वि राधिषि ॥८॥
bhūmiṣ ṭvā prati gṛhṇātv antarikṣam idaṃ mahat | māhaṃ prāṇena mātmanā mā prajayā pratigṛhya vi rādhiṣi ||8||
Sanskrit only: no published translation is held for this verse.