Library·Atharvaveda Saṃhitā (Śaunaka)·3·3.6
पुमान् पुंसः परिजातो ऽश्वत्थः खदिराद् अधि । स हन्तु शत्रून् मामकान् यान् अहं द्वेष्मि ये च माम् ॥१॥
pumān puṃsaḥ parijāto 'śvatthaḥ khadirād adhi | sa hantu śatrūn māmakān yān ahaṃ dveṣmi ye ca mām ||1||
Sanskrit only: no published translation is held for this verse.
तान् अश्वत्थ निः शृणीहि शत्रून् वैबाधदोधतः । इन्द्रेण वृत्रघ्ना मेदी मित्रेण वरुणेन च ॥२॥
tān aśvattha niḥ śṛṇīhi śatrūn vaibādhadodhataḥ | indreṇa vṛtraghnā medī mitreṇa varuṇena ca ||2||
Sanskrit only: no published translation is held for this verse.
यथाश्वत्थ निरभनो ऽन्तर् महत्य् अर्णवे । एवा तान्त् सर्वान् निर् भङ्ग्धि यान् अहं द्वेष्मि ये च माम् ॥३॥
yathāśvattha nirabhano 'ntar mahaty arṇave | evā tānt sarvān nir bhaṅgdhi yān ahaṃ dveṣmi ye ca mām ||3||
Sanskrit only: no published translation is held for this verse.
यः सहमानश् चरसि सासहान इव ऋषभः । तेनाश्वत्थ त्वया वयं सपत्नान्त् सहिषीमहि ॥४॥
yaḥ sahamānaś carasi sāsahāna iva ṛṣabhaḥ | tenāśvattha tvayā vayaṃ sapatnānt sahiṣīmahi ||4||
Sanskrit only: no published translation is held for this verse.
सिनात्व् एनान् निरृतिर् मृत्योः पाशैर् अमोक्यैः । अश्वत्थ शत्रून् मामकान् यान् अहं द्वेष्मि ये च माम् ॥५॥
sinātv enān nirṛtir mṛtyoḥ pāśair amokyaiḥ | aśvattha śatrūn māmakān yān ahaṃ dveṣmi ye ca mām ||5||
Sanskrit only: no published translation is held for this verse.
यथाश्वत्थ वानस्पत्यान् आरोहन् कृणुषे ऽधरान् । एवा मे शत्रोर् मूर्धानं विष्वग् भिन्द्धि सहस्व च ॥६॥
yathāśvattha vānaspatyān ārohan kṛṇuṣe 'dharān | evā me śatror mūrdhānaṃ viṣvag bhinddhi sahasva ca ||6||
Sanskrit only: no published translation is held for this verse.
ते ऽधराञ्चः प्र प्लवन्तां छिन्ना नौर् इव बन्धनात् । न वैबाधप्रणुत्तानां पुनर् अस्ति निवर्तनम् ॥७॥
te 'dharāñcaḥ pra plavantāṃ chinnā naur iva bandhanāt | na vaibādhapraṇuttānāṃ punar asti nivartanam ||7||
Sanskrit only: no published translation is held for this verse.
प्रैणान् नुदे मनसा प्र चित्तेनोत ब्रह्मणा । प्रैणान् वृक्षस्य शाखयाश्वत्थस्य नुदामहे ॥८॥
praiṇān nude manasā pra cittenota brahmaṇā | praiṇān vṛkṣasya śākhayāśvatthasya nudāmahe ||8||
Sanskrit only: no published translation is held for this verse.