Library·Atharvaveda Saṃhitā (Śaunaka)·3·3.8
आ यातु मित्र ऋतुभिः कल्पमानः संवेशयन् पृथिवीम् उस्रियाभिः । अथास्मभ्यम् वरुणो वायुर् अग्निर् बृहद् राष्ट्रं संवेश्यम् दधातु ॥१॥
ā yātu mitra ṛtubhiḥ kalpamānaḥ saṃveśayan pṛthivīm usriyābhiḥ | athāsmabhyam varuṇo vāyur agnir bṛhad rāṣṭraṃ saṃveśyam dadhātu ||1||
Let Mitra come, arranging with the seasons, uniting (? sam-veçaya-) the earth with the ruddy ones (usríyā); then to us let Varuṇa, Vāyu, Agni, assign great royalty of union (? saṁveçyà).
Translated by William Dwight Whitney (1905)
धाता रातिः सवितेदं जुशन्ताम् इन्द्रस् त्वष्टा प्रति हर्यन्तु मे वचः । हुवे देवीम् अदितिं शूरपुत्रां सजातानां मध्यमेष्ठा यथासानि ॥२॥
dhātā rātiḥ savitedaṃ juśantām indras tvaṣṭā prati haryantu me vacaḥ | huve devīm aditiṃ śūraputrāṃ sajātānāṃ madhyameṣṭhā yathāsāni ||2||
Let Dhātar, Rāti, Savitar enjoy here (idám); let Indra, Tvashṭar, welcome my words (vácas); I call the divine Aditi, mother of heroes (çū́ra-), that I may be midmost man of my fellows.
Translated by William Dwight Whitney (1905)
हुवे सोमं सवितारं नमोभिर् विश्वान् आदित्यां अहम् उत्तरत्वे । अयम् अग्निर् दीदायद् दीर्घम् एव सजातैर् इद्धो ऽप्रतिब्रुवद्भिः ॥३॥
huve somaṃ savitāraṃ namobhir viśvān ādityāṃ aham uttaratve | ayam agnir dīdāyad dīrgham eva sajātair iddho 'pratibruvadbhiḥ ||3||
I call, with acts of homage. Soma, Savitar, all the Ādityas, in the contest for preëminence; may this fire shine for very long, kindled by [my] fellows who gainsay not.
Translated by William Dwight Whitney (1905)
इहेद् असाथ न परो गमाथेर्यो गोपाः पुष्टपतिर् व आजत् । अस्मै कामायोप कामिनीर् विश्वे वो देवा उपसंयन्तु ॥४॥
ihed asātha na paro gamātheryo gopāḥ puṣṭapatir va ājat | asmai kāmāyopa kāminīr viśve vo devā upasaṃyantu ||4||
May ye be just here; may ye not go away (parás); may an active herdsman (gopā́), lord of prosperity, drive you hither; do ye, with [your] desires, [attend] upon (?) his desire; let all the gods conduct you together hither.
Translated by William Dwight Whitney (1905)
सं वो मनांसि सं व्रता सम् आकूतीर् नमामसि । अमी ये विव्रता स्थन तान् वः सं नमयामसि ॥५॥
saṃ vo manāṃsi saṃ vratā sam ākūtīr namāmasi | amī ye vivratā sthana tān vaḥ saṃ namayāmasi ||5||
We bend together your minds, together your courses (vratá), together your designs; ye yonder who are of discordant courses, we make you bend [them] together here.
Translated by William Dwight Whitney (1905)
अहं गृभ्णामि मनसा मनांसि मम चित्तम् अनु चित्तेभिर् एत । मम वशेषु हृदयानि वः कृणोमि मम यातम् अनुवर्त्मान एत ॥६॥
ahaṃ gṛbhṇāmi manasā manāṃsi mama cittam anu cittebhir eta | mama vaśeṣu hṛdayāni vaḥ kṛṇomi mama yātam anuvartmāna eta ||6||
I seize [your] minds with [my] mind; come ye after my intent with [your] intents; I put your hearts in my control; come with [your] tracks following my motion (yātá).
Translated by William Dwight Whitney (1905)