कर्शफस्य विशफस्य द्यौः पिता पृथिवी माता । यथाभिचक्र देवास् तथाप कृणुता पुनः ॥१॥
karśaphasya viśaphasya dyauḥ pitā pṛthivī mātā | yathābhicakra devās tathāpa kṛṇutā punaḥ ||1||
Sanskrit only: no published translation is held for this verse.
Library·Atharvaveda Saṃhitā (Śaunaka)·3·3.9
Atharvaveda Saṃhitā (Śaunaka) 3.9
अश्रेष्माणो अधारयन् तथा तन् मनुना कृतम् । कृणोमि वध्रि विष्कन्धं मुष्काबर्हो गवाम् इव ॥२॥
aśreṣmāṇo adhārayan tathā tan manunā kṛtam | kṛṇomi vadhri viṣkandhaṃ muṣkābarho gavām iva ||2||
Sanskrit only: no published translation is held for this verse.
पिशङ्गे सूत्रे खृगलं तद् आ बध्नन्ति वेधसः । श्रवस्युं शुष्मं काबवं वध्रिं कृण्वन्तु बन्धुरः ॥३॥
piśaṅge sūtre khṛgalaṃ tad ā badhnanti vedhasaḥ | śravasyuṃ śuṣmaṃ kābavaṃ vadhriṃ kṛṇvantu bandhuraḥ ||3||
Sanskrit only: no published translation is held for this verse.
येना श्रवस्यवश् चरथ देवा इवासुरमायया । शुनां कपिर् इव दूषणो बन्धुरा काबवस्य च ॥४॥
yenā śravasyavaś caratha devā ivāsuramāyayā | śunāṃ kapir iva dūṣaṇo bandhurā kābavasya ca ||4||
Sanskrit only: no published translation is held for this verse.
दुष्ट्यै हि त्वा भत्स्यामि दूषयिष्यामि काबवम् । उद् आशवो रथा इव शपथेभिः सरिष्यथ ॥५॥
duṣṭyai hi tvā bhatsyāmi dūṣayiṣyāmi kābavam | ud āśavo rathā iva śapathebhiḥ sariṣyatha ||5||
Sanskrit only: no published translation is held for this verse.
एकशतं विष्कन्धानि विष्ठिता पृथिवीम् अनु । तेषां त्वाम् अग्रे उज् जहरुर् मणिं विष्कन्धदूषणम् ॥६॥
ekaśataṃ viṣkandhāni viṣṭhitā pṛthivīm anu | teṣāṃ tvām agre uj jaharur maṇiṃ viṣkandhadūṣaṇam ||6||
Sanskrit only: no published translation is held for this verse.