Library·Atharvaveda Saṃhitā (Śaunaka)·5·5.11

Atharvaveda Saṃhitā (Śaunaka) 5.11

कथं महे असुरायाब्रवीर् इह कथं पित्रे हरये त्वेषनृम्णः । पृश्निं वरुण दक्षिणां ददावान् पुनर्मघ त्वं मनसाचिकित्सीः ॥१॥

kathaṃ mahe asurāyābravīr iha kathaṃ pitre haraye tveṣanṛmṇaḥ | pṛśniṃ varuṇa dakṣiṇāṃ dadāvān punarmagha tvaṃ manasācikitsīḥ ||1||

How unto the great Asura didst thou speak here? how, with shining manliness, unto the yellow (hári) father? having given, O Varuṇa, a spotted [cow] as sacrificial fee, thou hast with the mind intended (? cikits) re-bestowal (?).

Translated by William Dwight Whitney (1905)

न कामेन पुनर्मघो भवामि सं चक्षे कं पृश्निम् एताम् उपाजे । केन नु त्वम् अथर्वन् काव्येन केन जातेनासि जातवेदाः ॥२॥

na kāmena punarmagho bhavāmi saṃ cakṣe kaṃ pṛśnim etām upāje | kena nu tvam atharvan kāvyena kena jātenāsi jātavedāḥ ||2||

Not at pleasure am I a re-bestower; for examination (?) do I drive home this spotted [cow]; by what poesy (kā́vya) now, O Atharvan, [art] thou [poet]? by what that is produced (jātá) art thou jātávedas?

Translated by William Dwight Whitney (1905)

सत्यम् अहं गभीरः काव्येन सत्यं जातेनास्मि जातवेदाः । न मे दासो नार्यो महित्वा व्रतं मीमाय यद् अहं धरिष्ये ॥३॥

satyam ahaṃ gabhīraḥ kāvyena satyaṃ jātenāsmi jātavedāḥ | na me dāso nāryo mahitvā vrataṃ mīmāya yad ahaṃ dhariṣye ||3||

I verily am profound by poesy; verily by what is produced I am jātávedas; not barbarian (dāsá), not Aryan, by his might, damageth (mī) the course which I shall maintain.

Translated by William Dwight Whitney (1905)

न त्वद् अन्यः कवितरो न मेधया धीरतरो वरुण स्वधावन् । त्वं ता विश्वा भुवनानि वेत्थ स चिन् नु त्वज् जनो मायी बिभाय ॥४॥

na tvad anyaḥ kavitaro na medhayā dhīrataro varuṇa svadhāvan | tvaṃ tā viśvā bhuvanāni vettha sa cin nu tvaj jano māyī bibhāya ||4||

None else than thou is more poet, nor by wisdom (medhá) more wise (dhī́ra), O Varuṇa, self-ruling one (svadhā́vant); thou knowest all these beings; even that wily man (jána) now is afraid of thee.

Translated by William Dwight Whitney (1905)

त्वं ह्य् अङ्ग वरुण स्वधावन् विश्वा वेत्थ जनिम सुप्रणीते । किं रजस एना परो अन्यद् अस्त्य् एना किं परेणावरम् अमुर ॥५॥

tvaṃ hy aṅga varuṇa svadhāvan viśvā vettha janima supraṇīte | kiṃ rajasa enā paro anyad asty enā kiṃ pareṇāvaram amura ||5||

Since thou verily, O self-ruling Varuṇa, knowest all births, O well-conducting one—is there anything else beyond the welkin (rájas)? is there anything below what is beyond, O unerring one (? amura)?

Translated by William Dwight Whitney (1905)

एकं रजस एना परो अन्यद् अस्त्य् एना पर एकेन दुर्णशं चिद् अर्वाक् । तत् ते विद्वान् वरुण प्र ब्रवीम्य् अधोवचसः पणयो भवन्तु नीचैर् दासा उप सर्पन्तु भूमिम् ॥६॥

ekaṃ rajasa enā paro anyad asty enā para ekena durṇaśaṃ cid arvāk | tat te vidvān varuṇa pra bravīmy adhovacasaḥ paṇayo bhavantu nīcair dāsā upa sarpantu bhūmim ||6||

There is one other thing beyond the welkin; there is something, hard to attain, hitherward from what is beyond: this I Varuṇa, knowing it, proclaim to thee. Be the paṇi 's of degraded speech; let the barbarians creep (sṛp) downward to the earth.

Translated by William Dwight Whitney (1905)

त्वं ह्य् अङ्ग वरुण ब्रवीषि पुनर्मघेष्व् अवद्यानि भूरि । मो षु पणींर् अभ्य् एतावतो भून् मा त्वा वोचन्न् अराधसं जनासः ॥७॥

tvaṃ hy aṅga varuṇa bravīṣi punarmagheṣv avadyāni bhūri | mo ṣu paṇīṃr abhy etāvato bhūn mā tvā vocann arādhasaṃ janāsaḥ ||7||

Since thou verily, O Varuṇa, speakest many reproachful things among (as to ?) re-bestowers, do not thou, I pray, belong to (abhi-bhū) such paṇís; let not people call thee ungenerous (arādhás).

Translated by William Dwight Whitney (1905)

मा मा वोचन्न् अराधसं जनासः पुनस् ते पृश्निं जरितर् ददामि । स्तोत्रं मे विश्वम् आ याहि शचीभिर् अन्तर् विश्वासु मानुषीषु दिक्षु ॥८॥

mā mā vocann arādhasaṃ janāsaḥ punas te pṛśniṃ jaritar dadāmi | stotraṃ me viśvam ā yāhi śacībhir antar viśvāsu mānuṣīṣu dikṣu ||8||

Let not people call me ungenerous; I give thee back the spotted [cow], O singer; come thou mightily (çácībhis) to every song of praise (stotrá) of mine, among all human regions (díç).

Translated by William Dwight Whitney (1905)

आ ते स्तोत्राण्य् उद्यतानि यन्त्व् अन्तर् विश्वासु मानुषीषु दिक्षु । देहि नु मे यन् मे अदत्तो असि युज्यो मे सप्तपदः सखासि ॥९॥

ā te stotrāṇy udyatāni yantv antar viśvāsu mānuṣīṣu dikṣu | dehi nu me yan me adatto asi yujyo me saptapadaḥ sakhāsi ||9||

Let uplifted (ud-yam) songs of praise of thee come, among all human regions. Give now to me what thou hast not given me; thou art my suitable comrade of seven steps;—

Translated by William Dwight Whitney (1905)

समा नौ बन्धुर् वरुण समा जा वेदाहं तद् यन् नाव् एषा समा जा । ददामि तद् यत् ते अदत्तो अस्मि युज्यस् ते सप्तपदः सखास्मि ॥१०॥

samā nau bandhur varuṇa samā jā vedāhaṃ tad yan nāv eṣā samā jā | dadāmi tad yat te adatto asmi yujyas te saptapadaḥ sakhāsmi ||10||

Of us two, O Varuṇa, [there is] the same connection, the same birth (jā́).

Translated by William Dwight Whitney (1905)

देवो देवाय गृणते वयोधा विप्रो विप्राय स्तुवते सुमेधाः । अजीजनो हि वरुण स्वधावन्न् अथर्वाणं पितरं देवबन्धुम् । तस्मा उ राधः कृणुहि सुप्रशस्तं सखा नो असि परमं च बन्धुः ॥११॥

devo devāya gṛṇate vayodhā vipro viprāya stuvate sumedhāḥ | ajījano hi varuṇa svadhāvann atharvāṇaṃ pitaraṃ devabandhum | tasmā u rādhaḥ kṛṇuhi supraśastaṃ sakhā no asi paramaṃ ca bandhuḥ ||11||

A god, bestower of vigor on a singing god; a sage (vípra), of good wisdom for a praising sage.

Translated by William Dwight Whitney (1905)