Library·Atharvaveda Saṃhitā (Śaunaka)·5·5.30
आवतस् त आवतः परावतस् त आवतः । इहैव भव मा नु गा मा पूर्वान् अनु गाः पितॄन् असुं बध्नामि ते दृढम् ॥१॥
āvatas ta āvataḥ parāvatas ta āvataḥ | ihaiva bhava mā nu gā mā pūrvān anu gāḥ pitṝn asuṃ badhnāmi te dṛḍham ||1||
Thy nearnesses [are] nearnesses, thy distances nearnesses; be just here; go not now; go not after the former Fathers; thy life (ásu) I bind fast.
Translated by William Dwight Whitney (1905)
यत् त्वाभिचेरुः पुरुषः स्वो यद् अरणो जनः । उन्मोचनप्रमोचने उभे वाचा वदामि ते ॥२॥
yat tvābhiceruḥ puruṣaḥ svo yad araṇo janaḥ | unmocanapramocane ubhe vācā vadāmi te ||2||
In that men have bewitched thee, one of thine own people [or] a strange person—deliverance and release, both I speak for thee with my voice.
Translated by William Dwight Whitney (1905)
यद् दुद्रोहिथ शेपिषे स्त्रियै पुंसे अचित्त्या । उन्मोचनप्रमोचने उभे वाचा वदामि ते ॥३॥
yad dudrohitha śepiṣe striyai puṃse acittyā | unmocanapramocane ubhe vācā vadāmi te ||3||
In that thou hast shown malice (druh), hast cursed at woman [or] at man through thoughtlessness, deliverance and etc. etc.
Translated by William Dwight Whitney (1905)
यत् एनसो मातृकृताच् छेषे पितृकृताच् च यत् । उन्मोचनप्रमोचने उभे वाचा वदामि ते ॥४॥
yat enaso mātṛkṛtāc cheṣe pitṛkṛtāc ca yat | unmocanapramocane ubhe vācā vadāmi te ||4||
In that thou art prostrate (çī) from sin that is mother-committed and that is father-committed, deliverance and etc. etc.
Translated by William Dwight Whitney (1905)
यत् ते माता यत् ते पिता जमिर् भ्राता च सर्जतः । प्रत्यक् सेवस्व भेषजं जरदष्टिं कृणोमि त्वा ॥५॥
yat te mātā yat te pitā jamir bhrātā ca sarjataḥ | pratyak sevasva bheṣajaṃ jaradaṣṭiṃ kṛṇomi tvā ||5||
What thy mother, what thy father, sister (jāmí), and brother shall infuse (? sárjatas)—heed (sev) thou the opposing remedy; I make thee one who reaches old age.
Translated by William Dwight Whitney (1905)
इहैधि पुरुष सर्वेण मनसा सह । दूतौ यमस्य मानु गा अधि जीवपुरा इहि ॥६॥
ihaidhi puruṣa sarveṇa manasā saha | dūtau yamasya mānu gā adhi jīvapurā ihi ||6||
Be thou here, O man, together with thy whole mind; go not after Yama's (two) messengers; go unto the strongholds of the living.
Translated by William Dwight Whitney (1905)
अनुहूतः पुनर् एहि विद्वान् उदयनं पथः । आरोहणम् आक्रमणं जीवतोजीवतो ऽयनम् ॥७॥
anuhūtaḥ punar ehi vidvān udayanaṃ pathaḥ | ārohaṇam ākramaṇaṃ jīvatojīvato 'yanam ||7||
Being called after, come thou again, knowing the up-going of the road, the ascent, the climb (ākrámaṇa), the course (áyana) of every living man.
Translated by William Dwight Whitney (1905)
मा बिभेर् न मरिष्यसि जरदष्टिं कृणोमि त्वा । निर् अवोचम् अहं यक्ष्मम् अङ्गेभ्यो अङ्गज्वरं तव ॥८॥
mā bibher na mariṣyasi jaradaṣṭiṃ kṛṇomi tvā | nir avocam ahaṃ yakṣmam aṅgebhyo aṅgajvaraṃ tava ||8||
Be not afraid; thou shalt not die; I make thee one who reaches old age; I have exorcised (nir-vac) the yákṣma, the waster of limbs, from thy limbs.
Translated by William Dwight Whitney (1905)
अङ्गभेदो अङ्गज्वरो यश् च ते हृदयामयः । यक्ष्मः श्येन इव प्रापप्तद् वचा साढः परस्तराम् ॥९॥
aṅgabhedo aṅgajvaro yaś ca te hṛdayāmayaḥ | yakṣmaḥ śyena iva prāpaptad vacā sāḍhaḥ parastarām ||9||
The splitter of limbs, the waster of limbs, and the heart-ache that is thine, the yákṣma hath flown forth like a falcon, forced (sah) very far away by [my] voice.
Translated by William Dwight Whitney (1905)
ऋषी बोधप्रतीबोधाव् अस्वप्नो यश् च जागृविः । तौ ते प्राणस्य गोप्तारौ दिवा नक्तं च जागृताम् ॥१०॥
ṛṣī bodhapratībodhāv asvapno yaś ca jāgṛviḥ | tau te prāṇasya goptārau divā naktaṃ ca jāgṛtām ||10||
The two seers, Wakeful-and- Vigilant, sleepless and he that is watchful—let them, the guardians of thy breath, watch by day and by night.
Translated by William Dwight Whitney (1905)
अयम् अग्निर् उपसद्य इह सूर्य उद् एतु ते । उदेहि मृत्योर् गम्भीरात् कृष्णाच् चित् तमसस् परि ॥११॥
ayam agnir upasadya iha sūrya ud etu te | udehi mṛtyor gambhīrāt kṛṣṇāc cit tamasas pari ||11||
This Agni [is] to be waited on; here let the sun arise for thee; come up out of death's profound black darkness.
Translated by William Dwight Whitney (1905)
नमो यमाय नमो अस्तु मृत्यवे नमः पितृभ्य उत ये नयन्ति । उत्पारणस्य यो वेद तम् अग्निं पुरो दधे ऽस्मा अरिष्टतातये ॥१२॥
namo yamāya namo astu mṛtyave namaḥ pitṛbhya uta ye nayanti | utpāraṇasya yo veda tam agniṃ puro dadhe 'smā ariṣṭatātaye ||12||
Homage to Yama, homage be to Death; homage to the Fathers, and [to them] who conduct [away]; that Agni who understands (vid) deliverance (utpáraṇa) do I put forward (puro-dhā), in order to this man's being unharmed.
Translated by William Dwight Whitney (1905)
ऐतु प्राण ऐतु मन ऐतु चक्षुर् अथो बलम् । शरीरम् अस्य सम् विदां तत् पद्भ्यां प्रति तिष्ठतु ॥१३॥
aitu prāṇa aitu mana aitu cakṣur atho balam | śarīram asya sam vidāṃ tat padbhyāṃ prati tiṣṭhatu ||13||
Let breath come, let mind come, let sight come, then strength; let his body assemble (? sam-vid); let that stand firm with its (two) feet.
Translated by William Dwight Whitney (1905)
प्राणेनाग्ने चक्षुषा सं सृजेमं सम् ईरय तन्वा सं बलेन । वेत्थामृतस्य मा नु गान् मा नु भूमिगृहो भुवत् ॥१४॥
prāṇenāgne cakṣuṣā saṃ sṛjemaṃ sam īraya tanvā saṃ balena | vetthāmṛtasya mā nu gān mā nu bhūmigṛho bhuvat ||14||
With breath, O Agni, with sight unite him; associate (sam-īray) him with body, with strength; thou understandest immortality (amṛ́ta): let him not now go; let him not now become one housing in the earth.
Translated by William Dwight Whitney (1905)
मा ते प्राण उप दसन् मो अपानो ऽपि धायि ते । सूर्यस् त्वाधिपतिर् मृत्योर् उदायछतु रश्मिभिः ॥१५॥
mā te prāṇa upa dasan mo apāno 'pi dhāyi te | sūryas tvādhipatir mṛtyor udāyachatu raśmibhiḥ ||15||
Let not thy breath give out, nor let thine expiration be shut up; let the sun, the over-lord, hold thee up out of death by his rays.
Translated by William Dwight Whitney (1905)
इयम् अन्तर् वदति जिह्वा बद्धा पनिष्पदा । त्वया यक्ष्मम् निर् अवोचं शतं रोपीश् च तक्मनः ॥१६॥
iyam antar vadati jihvā baddhā paniṣpadā | tvayā yakṣmam nir avocaṃ śataṃ ropīś ca takmanaḥ ||16||
This much-quivering tongue, bound, speaks within; by it I have exorcised the yákṣma and the hundred pangs of the fever.
Translated by William Dwight Whitney (1905)
अयं लोकः प्रियतमो देवानाम् अपराजितः । यस्मै त्वम् इह मृत्यवे दिष्टः पुरुष जज्ञिषे । स च त्वानु ह्वयामसि मा पुरा जरसो मृथाः ॥१७॥
ayaṃ lokaḥ priyatamo devānām aparājitaḥ | yasmai tvam iha mṛtyave diṣṭaḥ puruṣa jajñiṣe | sa ca tvānu hvayāmasi mā purā jaraso mṛthāḥ ||17||
This [is] the dearest world of the gods, unconquered. Unto what death appointed, O man, thou wast born here, we and it call after thee: do not die before old age.
Translated by William Dwight Whitney (1905)