Library·Atharvaveda Saṃhitā (Śaunaka)·6·6.133
य इमां देवो मेखलाम् आबबन्ध यः संननाह य उ नो युयोज । यस्य देवस्य प्रशिषा चरामः स पारम् इछात् स उ नो वि मुञ्चात् ॥१॥
ya imāṃ devo mekhalām ābabandha yaḥ saṃnanāha ya u no yuyoja | yasya devasya praśiṣā carāmaḥ sa pāram ichāt sa u no vi muñcāt ||1||
The god that bound on this girdle, that fastened [it] together (sam-nah), and that joined (yuj) [it] for us, the god by whose instruction we move—may he seek the further shore, and may he release us.
Translated by William Dwight Whitney (1905)
आहुतास्य् अभिहुत ऋषीणाम् अस्य् आयुधम् । पूर्वा व्रतस्य प्राश्नती वीरघ्नी भव मेखले ॥२॥
āhutāsy abhihuta ṛṣīṇām asy āyudham | pūrvā vratasya prāśnatī vīraghnī bhava mekhale ||2||
Offered to art thou, offered unto; thou art the weapon of the seers (ṛṣi); partaking (pra-aç) first of the vow (vratá), be thou a hero-slayer, O girdle.
Translated by William Dwight Whitney (1905)
मृत्योर् अहं ब्रह्मचारी यद् अस्मि निर्याचन् भूतात् पुरुषं यमाय । तम् अहं ब्रह्मणा तपसा श्रमेणानयैनं मेखलया सिनामि ॥३॥
mṛtyor ahaṃ brahmacārī yad asmi niryācan bhūtāt puruṣaṃ yamāya | tam ahaṃ brahmaṇā tapasā śrameṇānayainaṃ mekhalayā sināmi ||3||
Since I am death's student (brahmacārín), soliciting from existence (? bhūtá) a man (púruṣa) for Yama, him do I, by incantation (bráhman), by fervor, by toil, tie with this girdle.
Translated by William Dwight Whitney (1905)
श्रद्धाया दुहिता तपसो ऽधि जाता स्वसा ऋषीणां भूतकृतां बभूव । सा नो मेखले मतिम् आ धेहि मेधाम् अथो नो धेहि तप इन्द्रियं च ॥४॥
śraddhāyā duhitā tapaso 'dhi jātā svasā ṛṣīṇāṃ bhūtakṛtāṃ babhūva | sā no mekhale matim ā dhehi medhām atho no dhehi tapa indriyaṃ ca ||4||
Daughter of faith, born out of fervor, sister of the being-making seers was she; do thou, O girdle, assign to us thought (matí), wisdom; also assign to us fervor and Indra's power.
Translated by William Dwight Whitney (1905)
यां त्वा पूर्वे भूतकृत ऋषयः परिबेधिरे । सा त्वं परि ष्वजस्व मां दीर्घायुत्वाय मेखले ॥५॥
yāṃ tvā pūrve bhūtakṛta ṛṣayaḥ paribedhire | sā tvaṃ pari ṣvajasva māṃ dīrghāyutvāya mekhale ||5||
Thou whom the ancient being-making seers bound about, do thou embrace me, in order to length of life, O girdle.
Translated by William Dwight Whitney (1905)