Library·Atharvaveda Saṃhitā (Śaunaka)·7·7.81
पूर्वापरं चरतो मययैतौ शिशू क्रीडन्तौ परि यातो ऽर्णवम् । विश्वान्यो भुवना विचष्ट ऋतूंर् अन्यो विदधज् जायसे नवः ॥१॥
pūrvāparaṃ carato mayayaitau śiśū krīḍantau pari yāto 'rṇavam | viśvānyo bhuvanā vicaṣṭa ṛtūṃr anyo vidadhaj jāyase navaḥ ||1||
Sanskrit only: no published translation is held for this verse.
नवोनवो भवसि जायमानो ऽह्नां केतुर् उषसाम् एष्य् अग्रम् । भागं देवेभ्यो वि दधास्य् आयन् प्र चन्द्रमस् तिरसे धीर्घम् आयुः ॥२॥
navonavo bhavasi jāyamāno 'hnāṃ ketur uṣasām eṣy agram | bhāgaṃ devebhyo vi dadhāsy āyan pra candramas tirase dhīrgham āyuḥ ||2||
He, born afresh, is new and new for ever ensign of days he goes before the Mornings Coming, he orders f6r the Gods their portion. The Moon prolongs the days of our existence.
Translated by Ralph T. H. Griffith (1896)This is the translator's rendering of the same verse where it occurs at RV 10.85.19; the wording of this text may differ in places.
सोमस्याम्शो युधां पते ऽनूनो नाम वा असि । अनूनम् दर्श मा कृधि प्रजया च धनेन च ॥३॥
somasyāmśo yudhāṃ pate 'nūno nāma vā asi | anūnam darśa mā kṛdhi prajayā ca dhanena ca ||3||
Sanskrit only: no published translation is held for this verse.
दर्शो ऽसि दर्शतो ऽसि समग्रो ऽसि समन्तः । समग्रः समन्तो भूयासं गोभिर् अश्वैः प्रजया पशुभिर् गृहैर् धनेन ॥४॥
darśo 'si darśato 'si samagro 'si samantaḥ | samagraḥ samanto bhūyāsaṃ gobhir aśvaiḥ prajayā paśubhir gṛhair dhanena ||4||
Sanskrit only: no published translation is held for this verse.
यो ऽस्मान् द्वेष्टि यं वयं द्विष्मस् तस्य त्वं प्राणेना प्यायस्व । आ वयं प्यासिषीमहि गोभिर् अश्वैः प्रजया पशुभिर् गृहैर् धनेन ॥५॥
yo 'smān dveṣṭi yaṃ vayaṃ dviṣmas tasya tvaṃ prāṇenā pyāyasva | ā vayaṃ pyāsiṣīmahi gobhir aśvaiḥ prajayā paśubhir gṛhair dhanena ||5||
Sanskrit only: no published translation is held for this verse.
यं देवा अंशुम् आप्याययन्ति यम् अक्षितम् अक्षिता भक्षयन्ति । तेनास्मान् इन्द्रो वरुणो बृहस्पतिर् आ प्याययन्तु भुवनस्य गोपाः ॥६॥
yaṃ devā aṃśum āpyāyayanti yam akṣitam akṣitā bhakṣayanti | tenāsmān indro varuṇo bṛhaspatir ā pyāyayantu bhuvanasya gopāḥ ||6||
Sanskrit only: no published translation is held for this verse.