Library·Atharvaveda Saṃhitā (Śaunaka)·8·8.2
आ रभस्वेमाम् अमृतस्य श्नुष्टिम् अछिद्यमाना जरदष्टिर् अस्तु ते । असुं त आयुः पुनर् आ भरामि रजस् तमो मोप गा मा प्र मेष्ठाः ॥१॥
ā rabhasvemām amṛtasya śnuṣṭim achidyamānā jaradaṣṭir astu te | asuṃ ta āyuḥ punar ā bharāmi rajas tamo mopa gā mā pra meṣṭhāḥ ||1||
Take thou hold. on this bundle (?) of immortality; unsevered length of life be thine; I bring back thy life, [thy] life-time; go not to the welkin (rájas), to darkness; do not perish.
Translated by William Dwight Whitney (1905)
जीवतां ज्योतिर् अभ्येह्य् अर्वाङ् आ त्वा हरामि शतशारदाय । अवमुञ्चन् मृत्युपाशान् अशस्तिं द्राघीय आयुः प्रतरं ते दधामि ॥२॥
jīvatāṃ jyotir abhyehy arvāṅ ā tvā harāmi śataśāradāya | avamuñcan mṛtyupāśān aśastiṃ drāghīya āyuḥ prataraṃ te dadhāmi ||2||
Come thou hitherward unto the light of the living; I take thee in order to life for a hundred autumns; loosening down the fetters of death, imprecation, I set for thee further a longer life-time.
Translated by William Dwight Whitney (1905)
वातात् ते प्रानम् अविदं सूर्याच् चक्षुर् अहं तव । यत् ते मनस् त्वयि तद् धारयामि सं वित्स्वाङ्गैर् वद जिह्वयालपन् ॥३॥
vātāt te prānam avidaṃ sūryāc cakṣur ahaṃ tava | yat te manas tvayi tad dhārayāmi saṃ vitsvāṅgair vada jihvayālapan ||3||
From the wind have I found thy breath, from the sun I thy sight; what is thy mind, that I maintain in thee; be in concord with thy limbs; speak with thy tongue, not babbling.
Translated by William Dwight Whitney (1905)
प्राणेन त्वा द्विपदां चतुष्पदाम् अग्निम् इव जातम् अभि सं धमामि । नमस् ते मृत्यो चक्षुषे नमः प्राणाय ते ऽकरम् ॥४॥
prāṇena tvā dvipadāṃ catuṣpadām agnim iva jātam abhi saṃ dhamāmi | namas te mṛtyo cakṣuṣe namaḥ prāṇāya te 'karam ||4||
I blow together upon thee with the breath of bipeds [and] quadrupeds as upon [new-] born fire; homage, O death, to thy sight, homage to thy breath have I made.
Translated by William Dwight Whitney (1905)
अयं जीवतु मा मृतेमं सम् ईरयामसि । कृणोम्य् अस्मै भेषजं मृत्यो मा पुरुषं वधीः ॥५॥
ayaṃ jīvatu mā mṛtemaṃ sam īrayāmasi | kṛṇomy asmai bheṣajaṃ mṛtyo mā puruṣaṃ vadhīḥ ||5||
Let this man live; let him not die; him we send together; I make a remedy for him; death, do not slay the man.
Translated by William Dwight Whitney (1905)
जीवलां नघारिषां जीवन्तीम् ओषधीम् अहम् । त्रायमाणां सहमानां सहस्वतीम् इह हुवे ऽस्मा अरिष्टतातये ॥६॥
jīvalāṃ naghāriṣāṃ jīvantīm oṣadhīm aham | trāyamāṇāṃ sahamānāṃ sahasvatīm iha huve 'smā ariṣṭatātaye ||6||
The lively, by-no-means-harming, living herb, the preserving, overpowering, powerful, do I call hither, for this man's freedom from harm.
Translated by William Dwight Whitney (1905)
अधि ब्रूहि मा रभथाः सृजेमं तवैव सन्त् सर्वहायाः इहास्तु । भवाशर्वौ मृडतं शर्म यछतम् अपसिध्य दुरितं धत्तम् आयुः ॥७॥
adhi brūhi mā rabhathāḥ sṛjemaṃ tavaiva sant sarvahāyāḥ ihāstu | bhavāśarvau mṛḍataṃ śarma yachatam apasidhya duritaṃ dhattam āyuḥ ||7||
Bless thou [him]; do not take hold; let him loose; even being thine, let him be one of completed years (?) here; O Bhava-and-Çarva, be ye gracious; yield protection; driving away difficulty, bestow ye life-time.
Translated by William Dwight Whitney (1905)
अस्मै मृत्यो अधि ब्रूहीमं दयस्वोद् इतो ऽयम् एतु । अरिष्टः सर्वाङ्गः सुश्रुज् जरसा शतहायन आत्मना भुजम् अश्नुताम् ॥८॥
asmai mṛtyo adhi brūhīmaṃ dayasvod ito 'yam etu | ariṣṭaḥ sarvāṅgaḥ suśruj jarasā śatahāyana ātmanā bhujam aśnutām ||8||
Bless thou this man, O death; pity him; let him go up from here; unharmed, whole-limbed, well-hearing, hundred-yeared by old age, let him attain enjoyment with himself.
Translated by William Dwight Whitney (1905)
देवानां हेतिः परि त्वा वृणक्तु पारयामि त्वा रजस उत् त्वा मृत्योर् अपीपरम् । आराद् अग्निं क्रव्यादं निरूहं जीवातवे ते परिधिं दधामि ॥९॥
devānāṃ hetiḥ pari tvā vṛṇaktu pārayāmi tvā rajasa ut tvā mṛtyor apīparam | ārād agniṃ kravyādaṃ nirūhaṃ jīvātave te paridhiṃ dadhāmi ||9||
Let the missile of the gods avoid thee; I make thee pass from the welkin (rájas); I have made thee pass up out of death; removing afar the flesh-eating Agni, I set for thee an enclosure in order to living.
Translated by William Dwight Whitney (1905)
यत् ते नियानं रजसं मृत्यो अनवधर्ष्यम् । पथ इमं तस्माद् रक्षन्तो ब्रह्मास्मै वर्म कृण्मसि ॥१०॥ ३
yat te niyānaṃ rajasaṃ mṛtyo anavadharṣyam | patha imaṃ tasmād rakṣanto brahmāsmai varma kṛṇmasi ||10|| 3
The down-going in the welkin, not to be ventured down upon, which is thine, O death—from that road defending this man, we make bráhman a covering (varman) for him.
Translated by William Dwight Whitney (1905)
कृणोमि ते प्राणापानौ जरां मृत्युं दीर्घम् आयुः स्वस्ति । वैवस्वतेन प्रहितान् यमदूतांश् चरतो ऽप सेधामि सर्वान् ॥११॥
kṛṇomi te prāṇāpānau jarāṃ mṛtyuṃ dīrgham āyuḥ svasti | vaivasvatena prahitān yamadūtāṃś carato 'pa sedhāmi sarvān ||11||
I make for thee breath-and-expiration, old age as [mode of] death, long life-time, welfare; all the messengers of Yama, sent forth by Vivasvant's son, moving about, I drive away.
Translated by William Dwight Whitney (1905)
आराद् अरातिं निरृतिं परो ग्राहिं क्रव्यादः पिशाचान् । रक्षो यत् सर्वं दुर्भूतं तत् तम इवाप हन्मसि ॥१२॥
ārād arātiṃ nirṛtiṃ paro grāhiṃ kravyādaḥ piśācān | rakṣo yat sarvaṃ durbhūtaṃ tat tama ivāpa hanmasi ||12||
Afar niggardliness, perdition, away seizure (grā́hi), the flesh-eating piçācás, every demon that is of evil nature—that we smite away, as it were into darkness.
Translated by William Dwight Whitney (1905)
अग्नेष् ट प्रानम् अमृताद् आयुष्मतो वन्वे जातवेदसः । यथा न रिष्या अमृतः सजूर् असस् तत् ते कृणोमि तद् उ ते सम् ऋध्यताम् ॥१३॥
agneṣ ṭa prānam amṛtād āyuṣmato vanve jātavedasaḥ | yathā na riṣyā amṛtaḥ sajūr asas tat te kṛṇomi tad u te sam ṛdhyatām ||13||
Thy breath I win from immortal Agni, from long-lived Jātavedas, that thou mayest take no harm, mayest be immortal in alliance [with him]: that I make for thee; let that prove successful for thee.
Translated by William Dwight Whitney (1905)
शिवे ते स्तां द्यावापृथिवी असंतापे अभिश्रियौ । शं ते सूर्य आ तपतु शं वातो वातु ते हृदे । शिवा अभि क्षरन्तु त्वापो दिव्याः पयस्वतीः ॥१४॥
śive te stāṃ dyāvāpṛthivī asaṃtāpe abhiśriyau | śaṃ te sūrya ā tapatu śaṃ vāto vātu te hṛde | śivā abhi kṣarantu tvāpo divyāḥ payasvatīḥ ||14||
Let heaven-and-earth be propitious to thee, not distressing, conferring fortune (? abhiçrī́); let the sun burn weal unto thee; let the wind blow weal to thy heart; let the heavenly waters, rich in fatness (páyas), flow propitious upon thee.
Translated by William Dwight Whitney (1905)
शिवास् ते सन्त्व् ओषधय उत् त्वाहार्षम् अधरस्या उत्तरां पृथिवीम् अभि । तत्र त्वादित्यौ रक्षतां सूर्याचन्द्रमसाव् उभा ॥१५॥
śivās te santv oṣadhaya ut tvāhārṣam adharasyā uttarāṃ pṛthivīm abhi | tatra tvādityau rakṣatāṃ sūryācandramasāv ubhā ||15||
Propitious to thee be the herbs; I have caught thee up from the lower unto the upper earth; there let both the Ādityas, sun and moon, defend thee.
Translated by William Dwight Whitney (1905)
यत् ते वासः परिधानं यां नीविं कृणुषे त्वम् । शिवं ते तन्वे तत् कृण्मः संस्पर्शे ऽद्रूक्ष्णम् अस्तु ते ॥१६॥
yat te vāsaḥ paridhānaṃ yāṃ nīviṃ kṛṇuṣe tvam | śivaṃ te tanve tat kṛṇmaḥ saṃsparśe 'drūkṣṇam astu te ||16||
What enveloping (paridhā́na) garment thou hast, what inner wrap (nīví) thou makest for thyself, that we make propitious unto thy body; be it not harsh to thy touch.
Translated by William Dwight Whitney (1905)
यत् क्षुरेण मर्चयता सुतेजसा वप्ता वपसि केशश्मश्रु । शुभं मुखं मा न आयुः प्र मोषीः ॥१७॥
yat kṣureṇa marcayatā sutejasā vaptā vapasi keśaśmaśru | śubhaṃ mukhaṃ mā na āyuḥ pra moṣīḥ ||17||
In that with a dangerous (? marcáyant) very sharp (sutejás) razor thou, a hair-dresser, shearest hair and beard, adorning the face, do not thou steal away our life-time.
Translated by William Dwight Whitney (1905)
शिवौ ते स्तां व्रीहियवाव् अबलासाव् अदोमधौ । एतौ यक्ष्मं वि बाधेते एतौ मुञ्चतो अंहसः ॥१८॥
śivau te stāṃ vrīhiyavāv abalāsāv adomadhau | etau yakṣmaṃ vi bādhete etau muñcato aṃhasaḥ ||18||
Propitious to thee be rice and barley, free from balā́sa, causing no burning (?); these drive off the yákṣma; these free from distress.
Translated by William Dwight Whitney (1905)
यद् अश्नासि यत् पिबसि धान्यं कृष्याः पयः । यद् आद्यं यद् अनाद्यं सर्वं ते अन्नम् अविषं कृणोमि ॥१९॥
yad aśnāsi yat pibasi dhānyaṃ kṛṣyāḥ payaḥ | yad ādyaṃ yad anādyaṃ sarvaṃ te annam aviṣaṃ kṛṇomi ||19||
What thou eatest (aç), what thou drinkest, of grain, milk of the plowing—what should be eaten, what should not be eaten—all food I make for thee poisonless.
Translated by William Dwight Whitney (1905)
अह्ने च त्वा रात्रये चोभाभ्यां परि दद्मसि । अरायेभ्यो जिघत्सुभ्य इमं मे परि रक्षत ॥२०॥ ४
ahne ca tvā rātraye cobhābhyāṃ pari dadmasi | arāyebhyo jighatsubhya imaṃ me pari rakṣata ||20|| 4
Both to day and to night, to them both we commit thee. Defend ye this man for me from the arā́yas that seek to devour [him].
Translated by William Dwight Whitney (1905)
शतं ते ऽयुतं हायनान् द्वे युगे त्रीणि चत्वारि कृण्मः । इन्द्राग्नी विश्वे देवास् ते ऽनु मन्यन्ताम् अहृणीयमानाः ॥२१॥
śataṃ te 'yutaṃ hāyanān dve yuge trīṇi catvāri kṛṇmaḥ | indrāgnī viśve devās te 'nu manyantām ahṛṇīyamānāḥ ||21||
A hundred, a myriad years, two periods (yugá), three, four, we make for thee; let Indra-and-Agni, let all the gods, approve thee, not showing enmity.
Translated by William Dwight Whitney (1905)
शरदे त्वा हेमन्ताय वसन्ताय ग्रीष्माय परि दद्मसि । वर्षाणि तुभ्यं स्योनानि येषु वर्धन्त ओषधीः ॥२२॥
śarade tvā hemantāya vasantāya grīṣmāya pari dadmasi | varṣāṇi tubhyaṃ syonāni yeṣu vardhanta oṣadhīḥ ||22||
Unto autumn, unto winter, unto spring, unto summer, we commit thee; [be] the rains pleasant to thee, in which the herbs grow.
Translated by William Dwight Whitney (1905)
मृत्युर् ईशे द्विपदां मृत्युर् ईशे चतुष्पदाम् । तस्मात् त्वां मृत्योर् गोपतेर् उद् भरामि स मा बिभेः ॥२३॥
mṛtyur īśe dvipadāṃ mṛtyur īśe catuṣpadām | tasmāt tvāṃ mṛtyor gopater ud bharāmi sa mā bibheḥ ||23||
Death is master of bipeds; death is master of quadrupeds; from that death, lord of kine, I bear thee up; ⌊so⌋ do thou not be afraid.
Translated by William Dwight Whitney (1905)
सो ऽरिष्ट न मरिष्यसि न मरिष्यसि मा बिभेः । न वै तत्र म्रियन्ते नो यन्ति अधमं तमः ॥२४॥
so 'riṣṭa na mariṣyasi na mariṣyasi mā bibheḥ | na vai tatra mriyante no yanti adhamaṃ tamaḥ ||24||
Thou, unharmed one, shalt not die; thou shalt not die, be not afraid; [men] die not there, nor go to lowest darkness.
Translated by William Dwight Whitney (1905)
सर्वो वै तत्र जीवति गौर् अश्वः पुरुषः पशुः । यत्रेदं ब्रह्म क्रियते परिधिर् जीवनाय कम् ॥२५॥
sarvo vai tatra jīvati gaur aśvaḥ puruṣaḥ paśuḥ | yatredaṃ brahma kriyate paridhir jīvanāya kam ||25||
Every one, verily, lives there—ox, horse, man, beast—where this charm (bráhman) is performed, a defense (paridhí) unto living.
Translated by William Dwight Whitney (1905)
परि त्वा पातु समानेभ्यो ऽभिचारात् सबन्धुभ्यः । अमम्रिर् भवामृतो ऽतिजीवो मा ते हासिषुर् असवः शरीरम् ॥२६॥
pari tvā pātu samānebhyo 'bhicārāt sabandhubhyaḥ | amamrir bhavāmṛto 'tijīvo mā te hāsiṣur asavaḥ śarīram ||26||
Let it protect thee from thy fellows, from witchcraft, from thy kinsmen; be thou undying, immortal, surviving; let not thy life-breaths (ásu) leave thy body.
Translated by William Dwight Whitney (1905)
ये मृत्यव एकशतं या नाष्ट्रा अतितार्याः । मुञ्चन्तु तस्मात् त्वां देवा अग्नेर् वैश्वानराद् अधि ॥२७॥
ye mṛtyava ekaśataṃ yā nāṣṭrā atitāryāḥ | muñcantu tasmāt tvāṃ devā agner vaiśvānarād adhi ||27||
The deaths that are a hundred and one, the perditions (nāṣṭrā́) that are to be over-passed—from that let the gods free thee, from Agni Vāiçvānara.
Translated by William Dwight Whitney (1905)
अग्नेः शरीरम् असि पारयिष्णु रक्षोहासि सपत्नहा । अथो अमीवचातनः पूतुद्रुर् नाम भेषजम् ॥२८॥ ५
agneḥ śarīram asi pārayiṣṇu rakṣohāsi sapatnahā | atho amīvacātanaḥ pūtudrur nāma bheṣajam ||28|| 5
Agni's body art thou, successful (pārayiṣṇú); demon-slayer art thou, rival-slayer, likewise expeller of disease, a remedy pūtúdru by name.
Translated by William Dwight Whitney (1905)