ओम् अथातः संप्रवक्ष्यामि अरण्योश् चैव लक्षणम् । रूपम् अथा प्रमाणं च गुणदोषान् तथैव च ॥
om athātaḥ saṃpravakṣyāmi araṇyoś caiva lakṣaṇam | rūpam athā pramāṇaṃ ca guṇadoṣān tathaiva ca ||
Sanskrit only: no published translation is held for this verse.
Library·Atharvavedaparisistas·22·22.1
Atharvavedaparisistas 22.1
चोदितान् शब्दशास्त्रेण आचार्येण तु धीमता । पुरा कल्पे च यद् दृष्टम् ऋषिभिश् चैव लक्षणम् ॥
coditān śabdaśāstreṇa ācāryeṇa tu dhīmatā | purā kalpe ca yad dṛṣṭam ṛṣibhiś caiva lakṣaṇam ||
Sanskrit only: no published translation is held for this verse.
गृह्याग्निं परिसंगृह्य धर्मपत्न्या सहैव तु । वैतानिकास् ततः कुर्याद् आधानाद्या यथोदिताः ॥
gṛhyāgniṃ parisaṃgṛhya dharmapatnyā sahaiva tu | vaitānikās tataḥ kuryād ādhānādyā yathoditāḥ ||
Sanskrit only: no published translation is held for this verse.
तिथौ शुभायां नक्षत्रे दिशं गत्वा त्व् अनिन्दिताम् । अश्वत्थात् तु शमीगर्भाद् उक्तम् आहरणं श्रुतेः ॥
tithau śubhāyāṃ nakṣatre diśaṃ gatvā tv aninditām | aśvatthāt tu śamīgarbhād uktam āharaṇaṃ śruteḥ ||
Sanskrit only: no published translation is held for this verse.
शमीवृक्षे तु यो ऽश्वत्थो नान्यवृक्षेण संयुतः । मध्ये मूलं न बाह्ये तु स गर्भः परिकीर्तितः ॥
śamīvṛkṣe tu yo 'śvattho nānyavṛkṣeṇa saṃyutaḥ | madhye mūlaṃ na bāhye tu sa garbhaḥ parikīrtitaḥ ||
Sanskrit only: no published translation is held for this verse.