Atharvavedaparisistas 22.3

तस्यास् तु पिण्डः षड्भागे चतुर्भागे तु विस्तरे । चतुरश्रा च श्लक्ष्णा च छिद्रग्रन्थिविवर्जिता ॥

tasyās tu piṇḍaḥ ṣaḍbhāge caturbhāge tu vistare | caturaśrā ca ślakṣṇā ca chidragranthivivarjitā ||

Sanskrit only: no published translation is held for this verse.

क्लिन्ना भिन्नाग्निसंस्पृष्टा स्फुटिता विद्युता हता । अन्यैश् च दोषैः संयुक्ता वर्जनीया प्रयत्नतः ॥

klinnā bhinnāgnisaṃspṛṣṭā sphuṭitā vidyutā hatā | anyaiś ca doṣaiḥ saṃyuktā varjanīyā prayatnataḥ ||

Sanskrit only: no published translation is held for this verse.

शिरोग्रन्थिर् हरेच् चक्षुश् छिद्रा पत्नीविनाशिनी । क्लिन्ना विनाशयेत् पुत्रान् स्फुटिता शोकम् आवहेत् ॥

śirogranthir harec cakṣuś chidrā patnīvināśinī | klinnā vināśayet putrān sphuṭitā śokam āvahet ||

Sanskrit only: no published translation is held for this verse.

ऊर्ध्वशुष्के न कर्तव्या कृष्णे रूक्षे तथैव च । उभे अप्य् एकवृक्षे च अरणिश् चोत्तरारणिः ॥

ūrdhvaśuṣke na kartavyā kṛṣṇe rūkṣe tathaiva ca | ubhe apy ekavṛkṣe ca araṇiś cottarāraṇiḥ ||

Sanskrit only: no published translation is held for this verse.

तत्प्रमाणा तदर्धा वा भूयसी वा यथेच्छया । अनेनैव तु मन्थव्यो न कुर्याद् योनिसंकरम् ॥

tatpramāṇā tadardhā vā bhūyasī vā yathecchayā | anenaiva tu manthavyo na kuryād yonisaṃkaram ||

Sanskrit only: no published translation is held for this verse.